好一鍋海鮮火鍋專門店 (Closed)

其實未有想過會這麼差,太多寫手去寫文章.食物基本上完全不合格,如要有少少水平相信都令你失望·而服務更差,所謂兩小時半如當天有人等位便不停叫你交枱,本人當日一小時十五分便叫交枱,最终只用了一小時三十分·不建議去·永不再去..

真的不能想像的服務態度,在門口已能深深體會到.食物質素亦處於差的水平,如果沒有要求及加上很多調味料可能會令少部份人接受.2小時30分用餐限制,但只享用了1小時15分竟叫交檯,最終用了1小呼30分便離開.不會再去亦不建議有要求的人仕前去.

今日和朋友往佐敦好一鍋食火鍋, 我們點了越式龍蝦湯底, 我們另外點了象拔蚌, 象拔蚌好新鮮爽口彈牙, 龍蝦湯底香濃, 帶出龍蝦鮮味, 食材有肥牛, 帆立貝、炙燒芝心丸、黑椒牛丸、香菇貢丸、芝士丸、午餐肉、蟹籽丸、蜂蜜豆腐、炸魚皮、炸響鈴、生菜和汽水。帆立貝好新鮮, 炙燒芝心丸好濃香芝士、肥牛好新鮮, 整體食物質素不錯, 美味。

今晚約了朋友打邊爐，很久沒有吃任飲任食的，因為年紀大左，冇後生時吃得那麼多！選了幾個湯底，我比較喜歡花雕醉雞，很濃的藥材味，很補呀！還有香茜皮旦、蕃茄薯仔豬軟骨湯底。食物幾新鮮，今時今日，物價高漲，HKD158（未加一）食2.5小時，我覺得ok 啦！今晚還飲了幾罐韓國忌廉溝鮮奶和乳酪，飽飽！

食物一般,服務差到無倫!7:30 到倫敦廣場，要排極長嘅長龍， 由 1樓排到出地下街外， 不同食肆都用同一通道所以人非常多!7:30-9:30前後個鐘頭,不斷要求你夠鐘離開!只要身體挨向椅背， 服務員竟然用身在我前面與臺之間俯身收碟!夥記放低碟好似派啤牌咁飛埋嚟， 情況非常恐怖!開始食時似打仗， 取飲品時隨時有水樽飛到埋身， 9點鐘經理即收單要求埋單!下次免費請，都千祈唔好嚟!

湯底，食物都很有水準！很新鮮，落左order15分鐘內必到，唔會漏單！快而準！Whatsapp 提早訂檯有魚生送！無論經理或侍應非常主動！6個大人2.5小時任食埋單唔使$180，非常抵食！

食物幾好，種類較多選擇，手切肥牛都幾好食，不過落單嗰度好不方便，要不停咁樣落肥油。我最鍾意就係食手切肥牛，不過質素參差，有時好靚，有時就好差，不過如果以食物質素來講，個價錢都可以接受。不過，最令人不滿嘅地方就係佢哋個接待員「啊會」女士，明明book咗枱兩個人打，係應該要有一張專屬枱，而且佢海報上面寫住任食火鍋兩個半小時，但係我7:15入去嘅時候，佢同我講「今晚多人，最多去到九點鐘」，個一下真係好激氣， book咗位食兩個半鐘，但係最尾兩個鐘都食唔到？點會咁荒謬，佢話「如果要食足兩個半鐘，就要同其他人搭台」，我即刻問返佢「咁我book位來做咩？同我walkin有咩分別」。嗰個女人態度勁差，就算啲食物同價錢點都好，俾佢激一激，真係好嬲，除非個女人俾人炒或者辭職唔做，如果唔係都唔使旨意我再去嗰間食。

Having a simple hotpot dinner with a group of friends, $158 per head with unlimited drinks and free soup base is just really economic! The hotpot restaurant serves a wide range of meat, meat balls, processed food, veggies, noodles, sausages and much more. Since the soup base is free, we have chosen salted cabbage with pork belly soup, and drunken chicken soup. The salted cabbage one has a more subtle taste surprisingly, whiel the drunken chicken soup had a very strong alcoholic taste! The drunke

秋風起 又係時間打邊爐 $158 任食兩個半鐘 湯底揀左蘋果雪耳 清潤又特別手切牛肉 火炙芝士丸 鱔片都係必食之選是日海鮮係大蜆 好鮮甜！份量就會跟據您有幾多位安排番既當然唔夠亦都可以再寫紙仔order啦整體食物質素都ok既不過略嫌食物選擇唔算多同唔夠特別

每逢過時過節我都會約屋企人出嚟食餐飯見下面~媽咪成日話食咩都無所謂，細佬想打邊爐但喺尖沙咀返工收9點，家姐又住附近，所以就約左佢哋喺倫敦廣場等啦~到左樓下，見到有人派傳單6樓好似好多嘢食就上左6樓視察環境先~上到去個地下又油又滑，我哋6大1b佢居然安排4人卡位又無比bb櫈我哋，所以我哋轉身就走搭lift上12樓啦~嘩一出lift又熱又多人，結果我哋又搭返lift落8樓視察環境出左lift見到環境ok就入左去坐啦~6大1b坐左一張大圓櫈頗為舒服，冷氣充足，不過3個爐開得1個有少少唔方便嘢食方面都嚟得足同好快，不過分量偏少要不停咁叫，清碟方面都快飲品任飲，而佢最驚喜係自助乳酪雪糕，唔會太甜，平時少比寶貝食甜嘢嘅我都比佢食左半杯今餐連平時食好少嘢嘅媽咪都由頭食到落尾吖不過美中不足嘅係無地方比bb換片囉

好一鍋位於佐敦，好近地鐵站，經過見到呢到打邊爐好平好平，都係$158/位，7點半前離座仲要減多二十蚊，錢包無咩錢，呢個價錢實在太吸引啦，poster見到有肥牛又有海鮮，仲要任飲任食，大廈望落去燈火通明，好乾淨咁，就即刻上去睇下。選擇有非常多，湯底叫了醉雞同胡椒豬肚，醉雞相當濃味，醉雞件亦醃得好入味，肉質嫩滑迷人，而胡椒豬肚也很微辣可口。是日海鮮：海蝦同花甲海鮮都相當新鮮, 花甲鮮甜，海蝦肉質彈牙，餐廳都算相當有誠意，餐廳明白一但海鮮唔新鮮，會好容易令到整盤湯底出事。肥牛平時街市一盒肥牛都要叫價三四十元，而餐廳仲可以叫手切肥牛，牛肉鮮紅，雪花均勻佈滿牛塊，牛味濃郁，係encore之選。豚肉豚肉一碟三塊，一塊既size都相當大，肉味濃郁美味，肉質嫩滑，一啲都唔鞋。蟹柳，芝心丸呢兩款係街市買都好貴呢！打邊爐就最鍾意食呢兩款，真係好好味，絕對唔係佳寶既價色！飲品，甜品飲品款類都幾多，同平時放題既差不多，但估唔到有乳酪雪糕！ 仲可以加唔同toppings, 例如提子乾，棉花糖，餅乾碎等，連食咗兩杯，乳酪雪糕平時平平地都要二三十蚊碗，而家可以任食，真係好興奮，佢同街上既分別係，呢到既乳酪雪糕比較淡

想一大班人食火鍋唔難, 但想一大班人食得舒服而又高質少少就真係難啦…但估唔到竟然比我係佐敦搵搵到喎....呢間火鍋店應該係新開, 因為晚飯時間都唔算好多人, 環境都好新, 最緊要係服務都唔錯嘛點了兩個湯底, 一個番茄薯仔, 一個沙嗲湯!呢間火鍋店最正係花膠任食, 仲要唔洗另加錢嫁, 打邊爐都可以食花膠咪高質囉而我地6條友就點了一份安格斯牛柳粒, 認真講, 呢個牛柳粒真係貴左少少, 每人隨返開咪$20幾一粒囉, 但係貴野通常都真係正野, 每粒都真係入口就融化了, 而且每粒都有精華鎖住肉汁, 絕對係正野呀！入口咬了一口, 肉質鮮嫩, 真係好想再食多粒! 另外, 響鈴都係自己炸既, 每一條響鈴都好脆口, 同埋都好大條嫁, 好值得讚呀

今日放左工朋友就帶左我去食又一鍋，入座任食2.5小時，位位$158。平日7點多到，已幾乎爆滿，幸好朋友一早訂了位，免過等位之苦。 有多種飲品選擇，可以自行到雪櫃挑選。 另外還有自家製的竹庶茅根水，很清甜呢！ 湯底種類非常多，最後選了四川麻辣湯底拼鮮茄薯仔豬軟骨湯底。 四川麻辣湯雖沒有外面吃到的麻香味重，但這個可看到和嗅到香料隱隱發出的香味，而且湯頭味道也是不錯的。 至於鮮茄薯仔豬軟骨湯，味道鮮甜，最適合放些蔬菜，海鮮，吸收湯底味道。 至於配料方面，款式很多，令我花多眼亂，每樣也很想吃呢！就連海鮮、肥牛、花膠等名貴食材也可以任點任吃！ 先額外自費選了安格斯肥牛粒（$128） 牛柳粒香嫩易入口，牛味香濃，很鮮味的！ 另外和朋友點了很多食物，吃得我們捧腹而回，其實樣樣配料也很新鮮美味，個人推介花膠；煙韌可口，白鱔片；新鮮大片，手打墨魚丸；爽口彈牙，鮮蝦雲吞；皮薄餡鮮，茶樹菇；出面較少吃到，還有不得不點嫩綠爽脆的蔬菜。 是日推介海鮮,生猛海蝦 滋補花膠 手切肥牛 脆鯇魚腩 白鱔片 手打墨魚丸 墨汁墨魚滑 鮮蝦雲吞 牛柏葉 鵝腸 雞公子 紅薯粉 稻庭烏

今晚又約了家人出外用餐，正如平日所說，兩老也偏好中菜火鍋等菜式，與他們用饍選擇向來不甚豐富。好一鍋位於佐敦D出口正對面的莊士倫敦大廈8樓，正正是性價比極高的$158元任飲任食放題火鍋 + 最重要的自助任食乳酪雪糕把我深深吸引著。清甜的竹蔗矛根是吃火鍋必備，清熱生津，但畢竟也是較甜的，所以也不要喝太多。其他任飲飲品包括可口可樂、七喜、忌廉、雪梨茶、樂天忌廉溝鮮奶、烏龍茶等等。花雕醉雞煲也是免費湯底，醉雞香濃入味，即使放在湯底灼煮二十分鐘，也不失酒香。雞件滑嫩而不失口感基本上大部份任食的火鍋配料也相當給力，但我們也另外付錢點了一碟安格斯牛柳粒。肉色紅潤，牛味特濃很有肉味，牛柳粒比起肥牛片更有口感，一口一粒，肉質既幼嫩又爽口。平時連街市也賣得相當昂貴的白鱔也可以任點，白鱔已無去骨，超級新鮮，輕灼不消一分鐘即可食用，味道鮮而到位，爽滑且彈牙，必屬追加之選。數到最吸引也是自助乳酪雪糕機，乳酪雪糕酸酸甜甜，光吃也不感單調，雖沒有幼滑的質感，但總算不錯，還有數款toppings，包括彩虹朱古力碎、提子乾、餅乾碎、棉花糖。

看完這裏的差評，我們一家四口，直接衝上12樓的大窩口，結果由於排晒長龍，討厭排隊的我二話不說直接下來8樓好一鍋～看看究竟大家都是做火鍋餐牌也一樣，到底差在哪裏？百零蚊的價錢，可以好到如何，又差到如果？ 結果是⋯⋯出乎意料地好！看來我們香港人的劣根性「愛排隊」「愛跟風」是改不了了～ 這是我第一次寫食評，為何這時才出手，純粹抱不平 ～的確非常之不公平。 肥牛新鮮海蝦是日海鮮都非常之好吃，其實打邊爐都只是講求新鮮兩個字，好一鍋做到了，至於免費湯底也有10幾款選擇～我們叫了南北杏木瓜凌魚湯，魚湯鮮甜，南北杏非常多～飲品無限添飲就當然是指定動作，不停encore也會比足食物你～ 其實經常在這裏看到好評的餐廳亦有不少中伏情況，但好好的一間餐廳給人寫差評 ，實在看不過眼，食飯食到要排個幾兩個鐘，坦白說食到都背脊骨落。還鄉篇初更一些不用排質素不錯的選擇～