好一鍋海鮮火鍋專門店 (Closed)

聽朋友介紹”好一鍋”好抵食, 食物又新鮮, 又多種類, 果然無介紹錯! 真係好抵食! 2.5小時任飲任食! 地方非常寬敞, 坐得好舒服! 而且仲要係地點夠哂方便, 不同國藉既人&遊客都來吃! 人流十分多, 真係好西利!瘋狂,任飲,任食見到個餐牌種類多不勝數, 火鍋湯底總共有12款, 2-5位可以選一款湯底, 6-10人可以選兩款湯底, 而11位可以選三款湯底. 而我就選擇左花雕醉雞湯底, 湯底淆起左, 一陣陣既藥材&花雕酒味, 香味撲鼻, 好鮮甜又進補!手切肥牛&美國肥牛, 色澤好靚, 脂肪分佈平均, 熟左之後同樣有香香既牛肉味, 入口無得頂!生蝦, 好彈牙, 好新鮮, 好大隻! 送到埋黎仲係甘跳!魚類都已經分左6款這麼多! 我地食左脆鯇魚片, 好新鮮, 好爽脆! 食左好多碟!另外仲有牛骨髓, 豬膶, 墨魚滑等等, 全部都不遜色,好新鮮! 好好味!除左以上食物, 仲有20多款既蔬菜, 仲有我最喜愛既苦瓜, 新鮮甘甜, 其他蔬菜類同樣都係好新鮮! 仲未計其餘60多款既食物! 真係超多選擇!飲品方面, 可樂, 韓國檸7, 韓國烏龍茶, 仲有自製竹蔗芧根紅蘿蔔馬蹄水等等, 同樣都好多選擇,

10月份秋意漸到，適逢是朋友生日，正正就是打邊爐聚首一堂既好時機今次揀算呢間火鍋店，位於佐敦，地點都算方便，地鐵站一出，步行幾分鐘便可到達。而且還可以任飲任食2.5小時，任食打邊爐嚟講都算時間長了。一坐下，先來各自混醬一番先之後，店員便送上竹庶茅根比我地，等我地可以潤潤喉，細心，唔錯。當然，其他飲品大家可自行到飲品櫃自取。因我們人多，所以可揀選2款湯底:1. 鮮茄薯仔豬骨鍋 : 健康又清淡2. 泰國椰子雞鍋 : 湯底足料，滋潤清甜肥牛 : 薄切，只需淥一淥便可入口。滑牛肉 : 好軟滑，好淋身，有牛味其他都係一D普遍既打邊爐料.......沒太大特別芝士丸 : 一咬開，流心爆槳既芝士，非常滿足。芝士控必選總結 : 以呢個價錢同任食時間來講，算是CP值超高的，抵食既。

邊爐好地方！三五成群打邊爐，梗係去任食啦！全部食肉獸，去任食打邊爐最抵食！今次同朋友嚟咗佐敦好一鍋，環境唔錯好闊落，嘢飲又可以自己任拎（仲有好多選擇添）！同埋呢到好抵食！$158一個人！任食！平時去任食打邊爐，好怕啲肥牛唔好食！喺呢度啲肥牛都唔錯幾好食㗎！蔬菜類好新鮮！仲有鮮蝦任點，同埋鵝腸好乾淨！佢啲食物種類都好多好齊全！另外佢湯底都有好多選擇！有12款！我自己呢就叫咗淮山蘋果雪梨，因為呢就比較滋潤一點！另外佢好多湯底都好特別，下次要試下先得！唔錯唔錯！

之前有幾日凍凍地！打邊爐既意欲立刻出晒黎！所以就去左佐敦到打邊爐！平日我好少去任食火鍋！因為我食野唔多成日都覺得好唔抵咁！但朋友話真係好餓！最後都係去左任食火鍋！去左莊士倫敦廣場係方便又就腳既地方！見平平地成人$158加一一位，就試試佢！服務：一般般！無咩人會理您，任自助式咁！不過都睇到佢樓面唔係好夠人同服務員都係串串地！醬料：齊全，辣椒唔係好夠辣！湯底：我哋揀咗個淮山蘋果雪梨鍋， 見宜家轉天氣梗係要滋潤一下！佢個鍋都好足料，都夠味！唔會好濃！種類：食物種類唔算好多！但係都可以，我個人滿意嘅， 因為我主力都係食菜多！質素：食物質素唔算係好高質嘅食材， 但係百幾蚊有一個質素， 我有覺得唔錯啵！ 幾好幾好， 好似肥牛咁都唔算差！總結：服務態度一般，呢個價錢食到呢個質素唔錯！我自己就覺得去一次試下夠啦！

呢日同朋友即慶打邊爐～大家都知道大xx一年四季都好多人去食架啦～何況而家涼涼地.. 當日打電話去問佐敦大xx分店話full booking...之後同行友人話食過呢間都唔錯！但我又唔甘心喎，係7點果時上到12樓問下有冇位啦～點知都係full 左😭😭😭😭😭Ok!! 咁就落樓下8樓試試佢！價錢係$158加一 （$174） 食2個半鐘環境好大，店入面唔多人，所以我地2個人坐左張成8-10人枱，佢仲保證唔使搭枱😂😂😂end up又真係冇人搭枱😂😂😂一坐低就有侍應比左枝竹蔗茅根比待地！係咪覺得有似曾相識嘅感覺呢～🤭🤭🤭呢度既竹蔗茅根水幾好，味道唔會太甜！好清新既感覺😬😬😬連配料既盛載器都咁似，正呢？手切牛真心唔錯！唔係肥膏多過肉既😬😬但係第一輪要3碟佢地只係比一碟，第二輪要2碟又係比一碟😡😡 我覺得第一輪嘅時候就開始限制我地就有d嬲囉！呢碟牛又唔係大碟🙄🙄🙄🙄🙄次次要食都填嗰張紙好唔環保姐！😡😡😡響鈴，應該係按制你人數而比既~菜都幾新鮮的！ 今天比我感覺都真係幾好喺呢度，但係佢哋可以改善下寫單同埋實際出單嘅制度。牛嗰個位我真係嬲嬲地囉😡😡

之前都有食過黎間火煱店，但今晩真係最後一次，以後唔會再黎。一開始就見到後生兩位職員工作態度好有問題，先聽到有一個不斷爆粗，又對其他姐姐同埋經理態度悪劣；另一個，見到都危險，攞住個湯底，一路行一路瀉D湯出黎，已經驚驚地佢，又見到做野粗心大意，加湯個湯壷撞到其他人個頭。見到佢地黎放底湯料時，我地都好小心佢地,怕佢地幫我地加料，最後真係再加料俾我親戚個袋到，佢個大碟有水，淋左落個袋度，嗰一刻即着火。同時，又漏單。我地落四次order, 但黎得兩次。所以，我以後唔會再去!！

位於佐敦倫敦廣場，位置方便就腳。成座大廈有幾間火鍋店，競爭大，所以用價格突圍。成人才$158加一食材對得住價錢有餘，只是。基本食品任叫，飲品任飲。推薦手切肥牛， 滑又唔肥。黑松露墨魚滑，真的夠滑彈呀又有黑松露味。炸魚皮都食得過。最得人鐘意係冇走單，碟頭份量也足。散場waitress姐姐重提我可以食杯乳酪味軟雪糕， 解下D鹹味，正。唯一要留意是， 一張大臺放了3個爐， 人少就要搭枱，感覺比較奇怪。。。

假期前夕，工作過後另一半說非常肚餓，最好選任食店舖開餐，今天在佐敦收工，找到這間任食火鍋，第一次搭枱食火鍋，不用等位太久就無所謂吧，實行食過夠!!這晚的火鍋配料新鮮，雖有漏單情況，再落單差不多補回，而且看到越夜越多客人，以這個價錢，食物質素，食2.5小時，任飲無酒精飲料及甜品，我兩真是食到飽飽。因為客人多，聰明侍應姐姐放下一瓶上湯讓客人自行添加。胡椒豬肚湯。湯底越煲越濃，胡椒味越來越出，鹹酸菜不鹹、豬肚與粟米同樣滲出胡椒的微辣。醬料: 侍應姐姐放下讓我們選擇，盛好後向她示意便取走。牛豬魚樣樣齊手切牛肉紋理均勻，有肉味，轉顔色即食，腍呀；豬肉看上也ok, 食落也腍嫩， 脆肉鯇真是爽脆的，墨魚滑有粒粒墨魚，估唔估，豆卜釀上肉碎幾好味；豬潤新鮮，我們選了其中如手切牛肉、墨魚滑、蝦等encore 再 encore。白鱔片爽脆，牛柏葉魷魚ok。蝦同蜆都新鮮，蟹柳好味再添食，芝士腸正常，蔬菜新鮮，雲吞大大粒，口味不錯，魚皮脆口無油膉味。最後還有原味乳酪供應，自助取。各款飲品自取。

任食火鍋文化喺香港好多年, 雖然任食, 但係如果食物質素差, 係唔會去㗎, 好一鍋應該係少數價錢大眾化, 但係食物質素相當高, 啱哂我嘅要求花雕醉雞鍋湯底就已有12款揀人越多, 就更可以免費揀多二款, 今次我就揀左花雕醉雞鍋, 上枱藥材香味四溢, 唔會話因爲任食就似水咁淡, 呢度真係落足料, 忍唔住飲啖湯先肥牛呢度有手切同美國兩款, 各有千秋, 手切口感豐富, 美國鬆軟,兩款都唔錯黑松露墨魚滑墨魚滑夠鮮, 起膠又彈牙, 絶對係必食之選是日推介海鮮呢個好特別, 落單時充滿神秘感, 等待上枱一刻才揭盅係咩海鮮, 令人好期待, 今晚係蜆, 非常鮮甜

上星期約左朋友聚舊，去左好一鍋打邊爐。由於有訂位，一到就可以入坐。可能是平日，都唔算太多人，即使walk-in 都應該有位。湯底都幾多種類，我地就要左沙爹。食物方面都是有一般打邊爐的食物，美國肥牛，手切肥牛，丸之類有曬。上菜幾快。數量都同落單的要求一樣，食物都算新鮮。飲品是任飲，不過種類就不算太多了。 加錢可叫其他特別食物，例如蠔，不過我地無叫了。地方不算迫，坐得幾舒服。總括來說，呢個價錢來說，是合理質素。

踏入十月又來到慶生月份，也是火鍋季節!趁著初秋⋯一行7人馬上決定去食火鍋在網上看了很多「好一鍋」的評價⋯大多評論都是說不錯的，所以今晚就來試試吧！7個人可以選擇2個湯底～我們分別選了蕃茄湯和椰子雞湯底蕃茄湯：好開胃好正椰子雞湯：椰子味超香超濃食物選擇的也有很多～不過我喜歡就是滑牛，好'林'好好味！秋天跟一班朋友聚在一起的最好選擇非火鍋莫屬一邊說笑一邊十下十下，特別溫暖如果中意飲酒的話，這裡啤酒還很抵飲$20好像有4罐⋯價錢算是很便宜吧～但提供酒的缺點是⋯飲醉了的人還滿影響其他食客的！

聽講發哥、城城套 “無雙” 好好睇，所以，今晚搵咗個friend 陪我去睇九點半。睇戲之前，當然要食個飽先啦，朋友就介紹去莊士敦道廣場，說有一間價錢不貴任飲任食的火鍋放題。入到去環境都不錯。坐低後我們就先點湯底，這裡的火鍋放題總共有十二款湯底可選，都幾多選擇，因為我們都食得辣所以就選了四川麻辣鍋湯底。之後我們就開始混醬，醬汁方面，沒有特別一大堆頭的給你去選，但我又覺得他提供的六七款巳經足夠，免得我三心兩意左溝右溝。之後我們開始剔紙仔選料，這裡任點的種類都算多，我們剔了的之後都上得很快，餐紙上如果不夠的，還可追加安格斯肥牛、龍蝦和桶蠔等等，但我們覺得任吃的已經很足夠了，所以就沒有再追加其他了。飲品方面可供選擇的也很多，還好要加錢的只是啤酒類，因為我們都不喝洒。這裡的火鍋料我就較喜歡手切肥牛、鵝腸、黑松露墨魚滑、鯇魚及白鱔片。手切肥牛的肥牛有豐富油脂，所以淥一淥，然後食，感到好香牛油味。鵝腸焯一焯就非常爽口。墨松露墨魚滑除了本身的墨魚鮮味之餘，還多了一重黑松露味，都幾特別。至於，鯇魚和白鱔片切得夠厚身，鮮甜得嚟，啖啖肉。食埋雪糕做甜品，飲下食下，原來時間差不多，係時候去戲院捧發哥場了。埋單

個日放工後和同事黎呢到打邊爐宵夜，當日我地坐窗口位一枱，食到甘上下有位著西裝既員工黎話last order叫我地落單，填完之後想落單既時候冇人收單，最後行左出去遞單。過左一陣野食終於黎到，點知有位員工送黎既時候趺左幾碟野食，以為佢會幫我地重做返，點知最後唔見有幫我地重做...而且仲有啲野食冇送黎又比唔足份量(明明叫5個烏冬黎得3個...重點係我地有8個人)。想食多2碟水魷魚都冇得食...食食下有位西裝員工係我後面汁枱，汁到勁大力好似要打爛晒啲碟甘，個下真係嚇親人...當下我地全部人都望住佢，話左幾句，不過唔知佢聽唔聽到，仲係好大力放啲碟。好似想 趕走人甘...

今日約左個舊同事來左哩間好一鍋試距地火鍋放題，一個人連加一$174/人，汽水茅根水一般火鍋食物任食，仲有軟雪糕添，距地幾本一般熱門火鍋食物都有，最值得一讚係距每疊都細細碟，就算我地2個人過來食都可以試到好多種野食，上菜速度快，而且無點漏單，環境闊落，幾個朋友過來聚會一流。海鮮類：游水海蝦，帆立貝，甘燒貝，蜆都，脆肉脘魚，脘魚（腩骨頭都有），白線片都有汽水有熱門：可樂，雪碧，檸檬茶，蜜桃紅茶，蘋果綠茶等等，仲有茅根水丸丸方面：有手打墨魚丸，芝士丸都有好幾種，龍蝦丸，脆片腸，香芋丸，數都數唔曬，試都試唔曬湯底方面：幾本熱門都有，我地叫左簡單皮蛋洋西（入面好足料，起碼有2個皮蛋，一大塊豆腐，加洋西，唔係清水湯底，值得一讚）牛肉方面：距有雪花肥牛同手切肥牛2種，2種都好好味，新鮮，而且係真係有雪花有牛味。蔬菜方面：南瓜，娃娃菜，生菜，芋頭，金菇，品種非常多

上星期三是我和同事們聚舊既日子，同事一早推介好一鍋，然後我們就book定位，當日就去了佐敦既分店了！龍蝦海鮮麻辣鍋：由於我本人吾食得辣，同事們覺得辣度十足，他們讚這湯底好惹味啊！當中的確有不少龍蝦仔添！喜歡麻辣既朋友不妨考慮！馬來沙爹皇鍋：沙爹味十分濃郁，味道不會覺得辣而是香口。脆鯇魚腩：鯇魚腩經焯後，口感非常爽口，而且充滿了魚鮮味啊！由於是腩關係，所以魚骨只有一兩條，好適合小朋友食用！牛柏葉：切得剛好，焯後牛柏葉吾會縮到好細，口感爽口。白鱔片：白鱔片建議大人食用，畢竟鱔片帶有幼細既骨。焯後口感略爽，魚鮮味比鯇魚更突出啊！黑椒牛丸：依度既牛丸好似山竹牛肉既味道，細細粒不怕食得過飽，牛味濃郁！生猛海蝦：個人不停order食品之一，海蝦焯後口感肉質彈牙，的確不是死蝦，而且味道鮮甜。海蝦不用額外加錢的，所以大家一定要order啊！手切肥牛：依款肥牛比美國款無甘漏，肉質比較嫩口，入口滲出不少肉汁出來。同事們也比較推薦手切啊！美國肥牛：美國肥牛比較多脂肪，所以食落較油膩，口感沒有手切甘嫩口。不同款式既飲品任飲啊！另外仲可以自己支乳酪雪糕，可以自己加配料添！超愛的！