Jacomax (Closed)

減肥真的好慘、連續數天沙律餐、食到口苦苦、今日打破悶局自我放縱、一於去食我鐘意的意大利菜。公司附近有間意大利餐廳、主打Pizza。踏進餐廳己感受到意大利風、無論傢俱、牆上掛畫。。。等等、色彩鮮豔、有著意大利人浪漫與藝術的合體。雖然Pizza主打、但我一支公、無可能食完一個Pizza、唯有下次約同事一起分享吧。Norway Smoked Salmon with Asparagus Spaghetti港式意大利麵通常過於軟腍、最討厭的。意大利式就不同了、軟硬度適中。每條麵條都能沾上忌亷汁又不會過多、恰到好處、不覺飽滯。煙三文魚碎有悠悠的鮮味。但如果露筍粒多些少、口感方面會更豐富呢。最後來杯意大利Cappuccino、甘香美味。今天的飽足感又要換來之後幾日的代價了。

This restaurant is a comprehensive shop for those who love Italian cuisine. See my fantastic selection of salad and pizza here.This salmon salad is loaded with flavor and packed with nutrient-rich and protein-rich ingredients, give a healthy, light and delicious dish. It is a great way to cool off during summer, I loved it.This pizza is half jacomax half 4 cheese , Jacomax’s ingredients include tomato, mozzarella, grounded beef, bell pepper and the most eye catching toppping---egg. Cheese lover

頗具氣氛的一間意式餐廳，店內燈光柔和令人心情格外relax，設有開放式廚房，可以欣賞整個製餅過程，so funny，還不時傳來陣陣濃香，yummy！出品方面有一定水準，感覺很正宗，很有意式風味。Pineapple and crab meat salad $128  入面微酸的菠蘿配上偏甜的黑醋，酸酸甜甜甚是開胃，蟹肉份量不少，跟沙律菜一同入口好match。Porcini risotto with red wine sauce $148  係味道很豐富和有層次的一個意大利飯，口感軟綿，加入了少許忌廉及牛肝菌去煮，入口時先會嘗到陣陣猶如奶香味，接著就會有微微的紅酒香，頗有新鮮感。T rex $150 不要被看上去偏乾的批邊「誤導」，其實咬落非常juicy，主要餡料有辣肉腸、火腿、番茄醬和芝士。餡料平均分佈在pizza上，每口都覺得非常香脆和滋味，厚度適中，夠飽又不會太膩，濃濃的番茄醬令整個批更惹味。喜歡意菜的朋友應該會滿意~

雖然一家人都鐘意食pizza，不過又怕肥，唔可以成日食，估唔到原來pizza都可以走清新路線，完全O晒咀！就係呢個Gorgonzola Cheese and Apple Pizza，芝士配蘋果，聽落已覺好有新鮮感，蘋果切得非常薄，清甜、爽脆，完全溶入Mozzarella芝士同薄餅入面，加上香脆批邊，我地都叫呢個薄餅做「新派蘋果批」。經過烤焗既雞翼外皮望落金黃脆卜卜，聞到香噴噴，一啖咬落去肥美又大隻既雞翼，皮脆肉嫩，相當juicy，因為面層有黑椒同海鹽調味，所以有少少微辣。香腸拼盤由4種唔同既歐洲腸再配埋沙律菜組成，可以話係各有特色，有辣、有皮特別脆、有味道偏濃，啱晒唔同口味既人，最重要食落唔會太油膩，份量唔少，用黎佐酒最夾。呢個係一個由大蒜、辣椒同美洲南瓜炮製而成既意粉，味道比較濃烈，好香，意粉比較爽口，同美洲南瓜既口感好配合。見到父母滿意既笑容，已經值回票價啦！

其實我一向都麻麻地食太熱氣的食物, 但最近夜晚在灣仔上韓文, 落堂後已經八點幾, 所以食多左灣仔的餐廳。見間舖頭好似新開, 就同個同學試下啦。我好中意食蒜蓉包, 估唔到呢度都有得食, Bruschetta ($58)有碳烤過添架, 上面加左唔同o既toppings，好似係番茄、洋蔥、basil leaves、芝士等等，超正! 唯有食完去飲返杯野葛菜水啦~哈哈~~~~另外我地仲叫左個PIZZA 20-T rex ($328), 上面有蕃茄、芝士、火腿、香腸同辣肉腸, my favourite!餅底唔會太厚又唔會太薄, 我覺得岩岩好, 咁橋我中意厚批, 我朋友中意薄批, 真係岩晒我地!! 不過2個女仔真係食唔晒, 食剩左少少, 我朋友打包拎返去比媽咪食。

無錢去旅行唔緊要，香港都有好多世界各地既正宗餐廳，好似今晚呢餐，識食一樣可以好似飛左轉意大利咁。先黎一個Caprese，係一個非常簡單既沙律，用水牛芝士、車厘茄、羅勒葉整成，仲用黑醋調味。原來紅色、白色加綠色，正正就係意大利國旗既三種色，好有心思。另外叫左個Chef special salad，幾種新鮮爽口既蔬果係埋一齊，仲有蕃茄、蛋、芝士、三色椒等，口感勁豐富、味道多層次，食材新鮮最王道。Mortadella fantasy係一個用意式肉腸、松露油同火箭菜炮製而成既pizza，一件pizza有成隻手掌咁大，批底薄脆，芝士味好濃，肉腸好香肉味，無得輸。食完呢餐，當自己飛左轉歐洲！ 

呢幾個月keep住成日都有飯局gathering，咁開心就梗係大魚大肉架喇， 所以肥左勁多，help>>>>>‧‧‧‧‧‧今晚黎到呢度食pizza，即係又要面對增磅壓力啦！唉，唯有叫多幾個清新頭盤balance下，減輕罪疚感啦，哈哈……首先係Salmon salad，好新鮮，配埋蔬菜一齊食好清新爽口，帶甜既黑醋仲好提鮮添。之後係Tuna and bean salad，微鹹既吞拿魚加埋紅腰豆、蕃茄仔、蛋同菜，味道豐富，開胃醒神。再黎係Assorted veggie sticks，賣相好可愛， 將紅蘿蔔、西芹等，加入藍芝士、他他醬或者黑醋一齊食，好有新鮮感，勁想自私食呢！邪惡核心黎喇！！！！！！！！！ 因為大家都like芝士，所以就叫左個食材簡單既pizza Margherita ，有mozzarella芝士、蕃茄同羅勒。芝士既拉絲效果令大家都好crazy，pizza入口好香脆、好滋味，平時話細食既女仔朋友都食到兩塊~減肥，算吧啦！唔知要跑幾多個圈先可以level返個pizza呢~

呢排lunch落樓買飯行過呢度，就見到有條長龍，見佢地每日都輪流做唔同pizza優惠，終於忍唔住拉埋reception同事提早落樓lunch避開人潮！呢度既肉醬意粉味濃香口，汁又夠多，條條意粉都癡滿肉醬同埋汁，仲有D咸香芝士放埋入口，perfect！終於灣仔有個地方食到高質素肉醬意粉喇！   兩個人食唔到好多野，所以只係叫多個細批，上枱時已聞到好香，咬第一啖就聽到卜一聲，番茄、芝士同巴馬Ham都好咸香，火箭菜我就麻麻啦, 陣味有D怪, 點解有人可以食成個火箭菜pizza=.= 不過份量唔多都接受到lol, 好在巴馬Ham份量好多，每啖都食到，沖淡左火箭菜D味~ 

有一陣子經常都吃pizza，吃到我實在有點怕怕，人就是這樣，要經常換換口味才可以。 這天，又吃pizza，吃得多真的有點怕，不過幸好，每間餐廳的pizza都各有各精彩，品嚐一下還可以的。雖然是同一間店，但裝潢上的格局都不太相似，到底是故意這樣還是甚麼呢?由他來為我們做pizza，我也想向他學習怎樣做pizza呢。Rocket Salad $102Lettuce, cherry tomato, rocket, grams Padano因為將會吃大量的澱粉，所以要來一份沙律，火箭菜頗新鮮的，味道亦不會苦。Capricciosa $158Mozz/tomato/mushrooms/spicy salami/ bell peppers/ ham/ Olive這裡實在有太多款式不同的pizza，對於我這個三心兩意的人，實在有點難選呢；先選了這個Capricciosa，說實話，這裡的批底是不錯的，帶著麵粉香，而且十分香脆；雖然當中的餡料都是我喜歡的食物，不過混在一起好像沒想像中的棒，感覺上總是欠了些甚麼似的。Buffalina $168Tomato/ cherry tomato/ buffalo

於港島工作過後，跟同事到灣仔吃個晚飯再回家，不過灣仔的大街兩旁好像以酒吧佔多，跟同事逛著逛著，給我們發現了一間蠻有格調的薄餅店。薄餅店前有著一個大玻璃廚窗，透過玻璃窗可看到薄餅的製作過程，看著看著，就被這即叫即製的薄餅吸引內進了場內設計獨特，裝修上明顯花了不少心思。　走進店內先是看到一幅色彩繽紛的壁畫，再配上灰白石牆，仔細看看，牆上有著一隻隻咬著花朵的銀色大螞蟻，正向一個破爛的玻璃窗口，玻璃上竟還有血跡，營造出陰深的感覺往餐廳深處走下去，轉角位置就被一隻彩色斑馬凝望著。而餐廳的最深處就掛有一幅幅古老的人像畫，再加上一盞水晶吊燈，充滿了古堡的感覺先看看餐牌，餐牌以英文為主，而食物就主要為分為5個類別，有沙律,前菜,意粉,薄餅及甜品。每個組別內均有多個不同口味供選擇，尤其是意大利粉，亦有分為忌廉汁,素食,肉類及海鮮類Crab meat and pineapple salad $128最先來送到的，當然是沙律，沙律一共有5款，而我們就選了Crab meat and pineapple salad，份量蠻多的，內裡除了著大量的沙律菜外，還有加入了車厘茄,蟹肉及菠蘿小粒。而沙律內則早已加入了沙律

早兩日行過灣仔,朋友話新開嘅呢間Jacomax幾好食, 咁所以就捉左我陪佢食多次啦。 不過我自己唔係特別中意食Pizza, 咁所以我地就叫左個拼盤。真係俾個like自己, 揀左個咁好食嘅拼盤~LOL 又唔會話太咸~ D Parma ham簡直係我至愛。之後我地仲叫左個蟹肉菠蘿沙津, 都幾好食~ 特別啱我呢個”蟹精”~ 仲要咁食 連殼都唔洗mok LOL 同埋D菠蘿都好甜同D蟹肉好match~ 好fresh~ ;)成餐飯都唔算heavy同埋又唔係太貴~ 下次再黎試埋其他野先~

一直知道女朋友好想去歐洲旅行，我都已經好努力儲錢架喇，不過似乎仲有D距離。唔緊要啦！今晚帶佢食意菜，加上呢度個環境好似歐洲D博物館，可以一邊食意菜，一邊欣賞藝術品咁，幻想自己身在歐洲，真係諗下都開心！我同女友都係無辣不歡既人，所以特別揀左一個微辣既海鮮意粉($158)，用料都幾豐富下，食落亦覺新鮮，有蝦、魷魚同蜆肉，個香濃既汁入面食到有檸檬既微酸同點點辣，整體黎講好清新開胃。同埋點左個Siciliana Pizza($145)，我地特意加埋辣肉腸(加$20)滿足一下，西西里薄餅係好傳統既意大利薄餅，材料包括車厘茄做既甜甜蕃茄醬、香料同芝士等，批邊卜卜脆，批底夠薄，咁就唔會搶左食材既味道。

經過艱辛忙到甩轆嘅一週，嚟到快樂星期五，遇著老婆又要返學，捉埋老友聚聚舊吹吓水，大家想食得輕鬆啲，又話想食吓薄餅，講開我又好似一段時間無到訪過薄餅店，所以，晌網上摷幾間心水嘅，就番大家放工，就嚟到灣仔嘅Jacomax。一入門口位左邊喺整薄餅嘅開放式廚房，右邊喺水吧位，睇住師傅不停咁搓餅皮、放配料、入爐，見證一個又一個嘅薄餅出爐，新鮮出爐嘅薄餅自不然會香脆好食啲 。往餐廳內籠望望，水泥地、水泥牆，卻配搭唔少藝術品（搞笑版名畫）、水晶燈，有格調得嚟，又認真搞鬼 ，不過，襯上啲皮梳化椅，好坐就真喺好坐，之但喺有啲笨重感 。食物方面，大致分類為沙律、前菜、意粉、薄餅及甜品，每個類別嘅選擇都算好。前菜我哋就無叫喇，反而揀咗一客沙律作為開胃頭盤，晌5款沙律中揀嚟最貴嘅蟹肉菠蘿沙律，因為比起其他4款感覺較具特色。 Crab Meat and Pineapple Salad $128 餐牌都寫到明有沙律菜、車厘茄、蟹肉及菠蘿粒，可謂童叟無欺，嚟到都成一大碗，份量十足，不過，賣相就打咗啲折扣，因為只喺將幾樣食材放埋一齊而已，加上一眼就知菠蘿喺罐頭貨，而醬汁亦只有淋晌沙律菜中嘅油醋。幸而，沙律菜

同班fd出黎re-u 緊係去食下pizza, 有得開心share呀ma! 而且香口野幾時都係咁吸引架啦，雖然係熱氣D，但果種滋味確實係好難抗拒既，最多食完咪飲返杯鬼佬涼茶囉，哈哈！ 一見到有烤雞翼, 身為冇雞翼不歡嘅我, 馬上就order左一份! 呢度既香烤雞翼真係會令人食到啜晒手指架，點解？因為真係整得好香口囉，皮 好鬼死脆，味道又夠濃，入面既雞肉就好多汁嫩滑，最重要係D濃味唔係淨係得層皮有，係入面雞肉都係有味既，我都唔客氣用手食喇，咁先食到果種滋味呀嘛~至於招牌Pizza當然都唔會令人失望啦！好鐘意可以係透明玻璃外面睇住廚師整Pizza，感覺特別新鮮，叫左個Capricciosa，用料包括番茄、芝士、火腿、磨菇、辣肉腸、甜椒、橄欖等，相當豐富，由於餅底比較薄脆，所以唔會減低左每種食材既味道，反而每種食材好和諧咁match埋一齊，又唔會因為食個餅底已經食到飽, 所以我都忍唔到口食左兩塊! 嘻!搞到我地都忘記曬我地嘅減肥大計添~ 下次再黎真係要call齊人馬, 咁先可以試多幾款唔同味嘅pizza 嘛~ 嘻~

Actually, I don’t really care how many calories pizza has in it, because it’s just so damn good. And I got a lot of satisfaction here.Taleggio is a semisoft, washed-rind, smear-ripened Italian cheese. It has a thin crust and a strong aroma, but its flavor is comparatively mild with an unusual fruity tang. Taleggio is slightly salty and creamy, with a buttery texture, the natural rind is also edible and contributes to its distinctive flavour. As pear is sweet, 20' taleggio and pear pizza ($328) i