Jacomax (Closed)

開學日接咗肥髀放學，去灣仔呢間幾出名嘅薄餅店食午餐，去到唔使等位，店內地方唔大，裝修型格，水泥加水晶燈、攪鬼油畫，仲有隻塗鴉模型馬！玩味感強！二人枱幾迫！午餐選擇唔多！叫一個薄餅套餐兩份分，2人餐（$198）餐湯蕃茄湯：非常蕃茄，好似飲緊茄膏湯，偏酸！好開胃！跟餐沙律：轉了飲品！無跟13吋薄餅/Jacomax:賣相幾特別，有隻蛋在中間，材料好多，即焗熱辣辣，芝士可以拉絲出來！薄批底有啲脆口！好味！特飲：Shirley tempo(跟餐加$15）有汽莓味汽水，味道唔會藥水唔會假，幾清爽嘅味道！Jacomax sunshine(跟餐加$15)肥髀飲，賣相靚味道唔錯，店員係後生女，招呼我哋落單嗰位比較掘！收銀嗰位就nice啲！叫包起食剩嘅薄餅都笑笑口做！睇彩數！即叫即焗薄餅唔錯！

Nice food, interesting place, worth a visit, a tad expensive.Loved the beef lasagne, interesting collection of beer, nice salmon salad. Good ambience

早放工經過見到無咩人，見到裝修都幾靚，就入去試試啦。因為時間尚早所以有Happy Hour Drink 優惠。 Mojito 買一送一，但味道偏淡。小食叫左雞翼，味道普通，但個皮幾脆。蒜蓉包不太脆，無咩特別。見openrice 幾多人推薦蘋果芝士PIZZA, 所以叫黎試試。第一次食甜甜地既Pizza, 估唔到味道真係好好，入面有Gorgonzola 芝士，味道有D似藍芝士，同蘋果味道好夾！另外仲叫多左個Pizza..E 個就普通無咩特別。4個人食甘多野真係好飽....總括一定要試Gorgonzola & Apple Pizza

正所謂：「水魚做一次就夠。」正因如此，美食固然值得推介比大家，但味道不好的，亦要寫出來，令更多人得知，亦希望餐廳從善如流，有所改善。那天同事帶我到這間餐廳食中午，想不到是一間有伏的餐廳，相信這次之後我以後都不會再來。我打開餐牌的一刻已深知不妙，因為價錢頗貴，而且還設加一，一個餐最平都一百蚊，以中午餐而言已屬頗貴，但本著同事推介，可能味道超凡，所以一試，誰知味道強差人意，令人失望。先說前菜，沙律的味道一般，而且感覺蔬菜不太新鮮，個人比較不喜黑醋汁，相對於沙律醬，感覺黑醋汁令口感更差。其次是甘荀湯，甘荀湯基本上飲不出甘荀味，而且味道有點微酸，口感不太好， 而且蒜蓉包是凍得來，沒有蒜蓉香，而且蒜蓉包被甘荀湯浸淋了，味道有點難入口。最後是主菜意大利薄餅，薄餅的配料是火腿，蕃茄醬和香菇，這些配搭照理應不會難食，只是這個薄餅我完全食不出其味來，即使薄餅外脆內軟，但香味完全食不出來，只吃到少量芝士味，而蕃茄醬的味道也不太濃，這是我食過最不合格的薄餅。以此價錢配上這等粗食，不用說抵不抵食，相信明智的食客都知道。希望餐廳將來有所改善，如果不改善的話，食過不回頭的不只一個食客。

灣仔pizzeria Jacomax - Gorgonzola & Apple Pizza 20' （hk$318+10%)-20吋真係好大塊啊....我地得5個人，好明顯就係叫錯左［大］啦😂材料簡單，就係芝士同蘋果，但係我真係好愛呢個配搭，蘋果清甜、芝士咸香，加上Jacomax既pizza 底，薄得黎又有咬口！yum!建議人唔多叫細pizza 12' 就夠，可以叫兩款！當晚仲點左兩個意粉，不過份量都唔多，呢度都係pizza做得最出色👍🏻Btw，唔知點解我覺得上環店好食d 🤔但係呢間室內裝修就靚d，坐得舒服d~

同男朋友係灣仔睇完波諗住搵下野食，上 OpenRice 搵下搵下就搵到jacomax 食西餐上網見好多人都推蘋果pizza 好食我地就叫左個Gorgonzola & Apple pizza 同the creamy crab meat penne ，mussels 同雞翼個pizza好好食wor，blue cheese 同蘋果個味道好爽，甜甜地有d清新又有d blue cheese ge 味道，pizza 底好薄好脆，吾係厚批，食兩三塊都okay 個長通粉都好creamy好入味，d蟹肉都幾多，佢地個白汁係冇得頂，真係好濃郁個mussels比我想像中個portion大，都有好多隻，佢個味有酒味，都幾鮮我地都叫左幾枝果酒，蘋果，lambic beer,berries味，其他都頗酸，蘋果就正常

Jacomax 既Apple Pizze 永遠係我最鍾意食既Pizza!今日癮起又搵朋友陪我食! 平時去開上環個間, 今日試灣仔分店!約6點半黎到, 都仲有好多位~梗係點左 Gorgonzola and apple pizza~ 今次仍然無令我失望! Pizza 皮仍然係焗到脆卜卜~蘋果片仍然好正, 面頭乾, 食落仲有少少Juice, 好正~~我真係覺得蘋果+芝士呢個配搭好屈機~~~~~~~食左半個超級滿足!!我地仲有叫左雞翼, 幾香口, 外皮微脆~  仲有蟹肉通粉, 今次個sauce 比平時無咁濃, 個人覺得濃D 好味D!蟹肉份量作然唔少.Homemade Tiramisu 係朋友話想食既, 我今次都係第一次食~都幾好味啊, 上面有D綿花糖, 咖啡味都幾出, 個mousse 做得好滑~ 唔錯~

Pizza食得多，咁特別既pizza真係第一次食，琴晚去左食Jacomax，一間裝修幾特別既pizza店，見到好多款未見過啤酒叩左個蘋果芝士Pizza，味道好獨特，成個pizza佈滿左蘋果片，蘋果片上有藍芝士，佢係薄皮底個款pizza黎，好正宗既意大利pizza，一口咬落去，啖啖蘋果清香，個感覺好清新，配有藍芝士，芝士味好濃，夾雜住甜甜地既蘋果，咸甜口味岩岩好係個中間點到，第一次食甜pizza, 估唔到蘋果同芝士味甘夾，食一次真係上晒癮仲叫左個蟹肉長通粉，好cream，每條長通粉充滿醬汁，同埋蟹肉都幾多下，整體無得頂酒煮青口，個湯汁偏咸，都有少少酒香，so far都OK雞翼都唔錯，雖然得5隻就唔係好夠食仲叫左3款果酒，蘋果最好飲，其他好鬼酸Pizza真係整得好好，同埋佢有得叫個超大size既pizza，絕對足夠8，9個人食!下次集齊飯腳一定要叫超大pizza😎😎😎😎😎

叫左lunch 2 人set. 計起80 蚊1個人到。有個個jacomax pizza. 雖然我鐘意食綠色招牌個間多d, 但係li到既pizza又係另1種風味。 佢打係pizza中間個隻蛋真係幾過癮。 食落有d蛋汁係香d. 有意粉食，下次試下個卡笨啦啦先。個洋葱湯好攪笑，有d芝士絲絲係入面。 鐘意佢沙律， 整得幾令個樣。 太5覺眼，行過都5覺。

以前在上環上班的時候，跟同事對這間餐廳的 pizza 非常回味無窮，以前跟同事一個月總會光顧一次。以前最愛 parma ham pizza。知道他們搬來了灣仔，特登帶家人來回味一下，怎料，非常失望而回！主要原因只有一個：所有的食物都鹹到爆！同埋放了勁多人造調味料（味精）。因為本人一家平日食物口味極度清淡，同埋我們對味精非常敏感。食完一定勁口渴！所以食完一定知有無落囉 今日食了一個六人餐：1: 洋蔥湯 - 鹹指數 9/10 - 老公勁飲水2: 番茄脆法包 - ok 嘅3: Four Cheese Pizza - 食嘅時候覺得好香口的！4: Jacomax 牛肉 pizza - 又係，入口的時候覺得好食。但老公中途已經唔妥。飲 4-5 杯水5/6: Cheesy 蟹肉 spaghetti / carbonara 長通粉 - to be fair，佢地無偷工減料。個 sauce 好 cheesy，好 creamy 的。but again，對我來說係現在風流快活，事後飲水飲到暈 6: 三文魚沙律：我媽話三文魚唔新鮮，我覺得普通。不過酸醋唔係人人喜歡。我就ok。覺得好開胃。服務很好的。有求必應。

夜晚去灣仔睇歌劇「綠野仙蹤」有人話要食意大利野就即刻上openrice睇下灣仔有咩意大利野食見到呢間睇落唔貴又有個特色蘋果pizza就試下吧⋯⋯叫左個三文魚意粉同一個蘋果藍芝士pizza兩樣都好好食三文魚意粉味道剛剛好又唔膩而個pizza雖然個人有點怕藍芝士而今次聞落真係有點芝士既臭味但好彩食落去又唔覺得臭加埋蘋果絕對係其他地方未見過而又好味的pizza另外又叫左一個mocktail同一個cocktail個mocktail都唔錯個cocktail飲完好dry

CHRISTMAS HOLIDAY 既最後一日!! 我決定要玩盡佢最後一日就同左朋友去呢間JACOMAX都CHILL下呢間JACOMAX 其實都開左一段時間成日去上環個時都會見到 因為佢上環個間分店好近地鐵站不過通常都係經過 好少會入去食始終覺得呢D PIZZA 好DRUNK FOOD!! 同埋只有PIZZA食點知個日我個FRIEND話呢間係好好味所以就去試試先來一個BEER! 蘋果汽酒，味道清新，帶有天然嘅蘋果果香味。另外 因為我地只有兩個人食 所以我地除左叫左BEER之外就只係叫左PIZZA我相信一個REGULAR PIZZA 已經可以食飽到我地HAHAA(雖然見到D外國人 好鐘意一人一底PIZZA LOL)煙肉芝士pizza，烤焗得香氣十足，pizza邊金黃香脆、厚度適中。而且餡料十足，煙肉香腸份量都唔細，夠我地兩個食得飽飽。

今日好想食pizza 就黎左Jacomax 食，好多人都有推介佢，今日就諗住一試叫左個三文魚沙律，都係酸酸甜甜嘅汁，有沙律菜同多塊三文魚👍🏻好開胃啊黎左個Gorgonzola & Apple pizza佢個味道真係超正，夾到呢無諗過蘋果同cheese 甘樣併埋會甘正我朋友平時吾好pizza 都食左四五塊，因為佢個餅底好薄身，所以食落唔會話好漏好飽，所以食多幾塊都ok跟著就食左個忌廉汁蟹肉長通粉，堅係好creamy 同好多蟹肉

屋企人推介話好好食所以就黎左試喇一入到去所有裝潢佈置都好外國化，門口就係整pizza 嘅地方，一入到去已經有人係到拉緊我地就叫左兩款pizza 一個係蘋果一個係流心蛋兩款pizza 都係即叫即整，好快就已經有得食蘋果個款，第一次食甜嘅pizza, 估唔到蘋果同芝士味甘夾，食一次就會上癮，佢地兩個味道加埋係好fresh所以好好味跟住個個流心蛋，佢係有蕃茄，cheese，三色椒，佢係平常ge pizza加左個蛋係中間，味道可以🙈都係蘋果吸引od😍我地都叫個小食同千層面個雞翼好重黑胡椒味好香口千層面就好重蕃茄味,麵質有d硬So far 都好食嘅Pizza 無得頂👏🏻👏🏻👏🏻

一進來，馬上被店內的陳設，畫作和裝潢而掩沒。店內的燈光不是很猛，地板和牆都呈現一種灰的色調，而擺設，例如動物的頭像，都是以一種極斑爛的彩色，而畫作則是灰冷和彩色交織，特別具有一種文藝與科幻交織的意境，其中一幅風景畫，卻是有著太空船和機械人。總之，風格十分之特別，但坐的地方又不具有這種鋒冷的觸感，而是很舒服的梳化，怪中見舒服，可能就是我對這個店內的第一印象。我們兩個人坐下，各自點了一份主食，再加一份甜品來share ，就是我們今晚的晚餐。我點的是蟹肉長通粉，他點了一份芝士千層麵，最後點的是一份tiramisu。可能是千層麵需要焗的關係，所以我的蟹肉長通粉先到，我也不客氣地先吃了。一吃一口，真的好吃！外表上是很難看得出來的，但吃的時候就能感受到那每口q 軟通粉都是滿滿的蟹肉的鮮味。而且甚至比直接吃蟹肉更鮮，也不知道餐廳是怎樣做出來的。很是不錯的一份主食。他的那份也不錯，一看已覺得那芝士極厚，拉絲效果做到有餘。我偷了一口來食，滿口都是芝香和美味牛肉，很有滿足感，不過看起來也很易飽。最後的tiramisu 濃滑帶酒香，輕輕一呷便融化在舌底。我總覺得，一份美好的甜品就是一個晚餐最為美好的終曲