翠園 (銅鑼灣廣場) (Closed)

這酒樓人手嚴重不足，想找待應開茶、落單、結帳，揮手起碼五分鐘才有人睬你。點心水準一般。流沙包不流沙，推介的懷舊灌湯餃內竟然沒有湯，真離譜。真不明白為何門口還有一大班人在等位。

今日去左翠園吃lunch, 因為早上吃了早餐才外出, 所以我們的lunch time已是2點以為會有優惠, 點知特價優惠只限星期一至五不過都沒所謂, 反正就來一試它的真假雖然很多客人, 但是都不用等位, 很快便安排了位子, good!一入座便放上美麗的花邊餐具, 放了一碟份量很多的茶介, 到吃飽仍未吃得晒呢! 另外這裡很優閒, 另付上的一壺銀色熱滾水, 最令茶客自得其樂, 就是不用等侍應們招侍加水, 侍應們也不用時時刻刻在每枱邊走來走去, 的確是不錯的安排呢!我們要了以下的點心, 點了的荷葉飯沒有了 蒸飯只到12點, 另外點了一個咸水角, 一碟有四粒的, 很快吃掉, 忘記影相..haha總括而言價格有點價, 但用料看得出是用心的!環境不錯, 如果可以更悠閒全是四方桌子會更舒服!

之前同家人朋友來試過...有懷舊點心食，好似鵪鶉蛋燒賣、干蒸燒賣，勁正~但今次再去就已經無咗推車仔同懷舊點心，要tick order紙，雖然點心仍然好好食，但無咗喺點心車叫點心嘅風味。

再食一次恒生特價套餐，水準比之前吃過的九龍灣分店好得多。下次就算無特價也會再幫趁，因為大廚真的技高一籌！

今晚公司部門晚宴，於銅鑼灣翠園包起大半個場，筵開廿多席。翠園座落商場內三樓全層，位置寬敞闊大，裝修貴氣優雅。翠園主理各式粵菜，早午茶市則以精美點心為主打。今晚我們二百多人到來享用豐富的全包宴，連飯麵甜品一共十二道菜，而且汽水橙汁任添任飲（但不設酒精類飲品 ）。 海蜇冷鮑魚：全包宴以鮑魚打頭陣，但不是平日司空見慣的蠔汁鮑魚，而是配以海蜇頭的冷盤。鮑魚不算太大隻，但味道鮮甜，爽口彈牙，冷吃起來感覺也較清新，比平常吃的鮑魚更顯高貴特別；而海蜇頭亦同樣可口，不用調味料也很美味，值得一讚。 翡翠蝦球玉帶：即西蘭花帶子蝦球。帶子及蝦球均比坊間來得大，而且帶子不會散成粒狀，味道鮮甜；而蝦球也很大很爽口，鮮味十足，一流！ 翠環瑤柱脯：節瓜脯釀上原粒瑤柱，味道本不錯，但相對來說較為普通，不算突出。 花姿炸釀蟹拑：蝦膠混入蟹肉壓成球狀，再釀在蟹拑上，然後炸成金黃色。蟹拑外層炸得香脆，內裡又不會太乾，而且也不太油膩，蘸以少量醋來吃味道更佳，做得不錯哩。 紅燒蟹肉生翅：翅及蟹肉均份量不多，而且上湯弄得比較稠，感覺如像吃街頭碗仔翅吧，對比起之前幾道菜，似乎較為遜色了。 金錢玉掌翡翠：即生菜北菇炆鵝掌。味

看了食評...很不錯的樣子...特意抽空嚐嚐...大約12時...人不太多...環境不俗...特別在此酒家仍保留傳統的' 推車仔 '...但來來去去...看到的只有粥車...詢問下...只是職員沒有推到後段...車子多了...不過找不到最想吃的灌湯餃...最後要勞煩職員替我們拿來...但只是魚翅灌湯餃...用鐵片乘著的那種懷舊灌湯餃已停售了...實在失望透...但最失望的是那魚翅灌湯餃...簡直要給10個喊= =皮溶了...灌湯餃穿了...餡漏了...而其他點心只屬一般...不過不失...服務就...有待改善...話說有些點心需要落單...問推車嬸嬸有沒有蝦餃和鳳爪...嬸嬸說鳳爪在其他車子有...蝦餃則要落單...她還好好...叫了個男侍應替我們把蝦餃落單...但可能男侍應聽見我問鳳爪...便替我們落了鳳爪...可惜我們不知他落了單...當看見鳳爪車車來了...當然滿心歡喜的拿...後來才發現侍應原來已落單...為免重複...當然是叫他取消...但那男侍應頓時黑面...一臉不耐煩的樣子...他的上司取消後把推車嬸嬸罵了一頓...很明顯他把責任推到嬸嬸身上...明明是他自作聰明入單..

不是說金融風暴, 大把人抓工嗎?美心集團旗下中菜酒樓, 一直被讚賞服務好, 快, 但這間翠園裝潢不錯, 開業時都好好服務, 因為人手足但今時則是cut人, 一個服務生, 幾乎要走10桌, 每檯都要舉手幾次才有人看到, 落單時, 還要顧其他檯的客人要求, 所以漏單非常嚴重加上近母親節, 每檯的客人都多, 由6 至 18 人都有好多檯. 但不是爆滿, 都可以忙死服務生一行七人, 只叫了簡單菜餚,因為看到隔檯的人, 都不時要追菜餚, 但是巳經是預訂套餐, 因為某銀行信用卡有優惠, 但要先一天落訂給訂上套餐是A 或 B, 當晚用餐時不能更改, 這樣也要追, 真的到了母親節當天, 還是這幾位服務生不人手, 一定『亂過亂世佳人』1. 例湯, 鯪魚粉葛一煲 (六位) 湯非常濃味, 但少少過鹹2. 香蒜雞一只 看起來像炸子雞, 皮非常脆, 肉好入味, 但肉質有少少「鞋」, 還有就只是暖, 不是熱3. 香菇柚皮(例牌) 醬汁非常「傑」, 菇是切薄片, 因為真的好薄, 無咬口, 柚皮非常淋, 無法用快筷夾, 無柚皮味可能是凍, 所以看到好似一碟舖了厚獻汁的菜, 4. 咕嚕肉(例牌) 這個

12-4-2009好耐無幫襯美心酒樓, 呢日都係 lunch 又「黐餐」, 一行 6 人0黎到「主人家」的「指定動作」, 先有機會再飲美心集團的茶. 從未幫襯銅記呢間翠園, 而家先知呢度有點心車仔, 好耐無見過了. 叫了最 standard 的幾款點心, 亦係 standard 的美心質素, 算不錯吧:鹹食中最好係蟹籽燒賣, 賣相靚, 食落彈口鮮甜多汁, 正!金錢肚都唔錯, 爽口入味, 幾惹味; 鳳爪夠腍身, 都入味, 醬汁就同牛肚的一樣味...鮮蝦韭菜餃就令人最印象深刻, 唔係因為韭菜味夠香 (或「臭」, 視乎你口味 ) 或 d 蝦夠鮮爽, 而係透明澄皮極黏又太厚了, 黐完筷子又黐住個羹,「擺脫」後黐住個口, 真係 咖喱魷魚就幾難食, 鹼水味好重, 咖喱汁唔香又稀稀的, 棄之不可惜.甜的只食了流沙奶黃包 -- 奶蛋餡夠晒流沙, 味道香甜, 個包亦新鮮軟熟, 絕對比「新」字頭酒樓的招牌好! 另外仲有北菇雞盅頭飯, 金錢雞 (!!), 麻蓉包及楊枝甘露, 唔知金錢雞好唔好食?食物 ok, 環境就一貫翠園的靚裝; 招呼叫 ok, 係女部長跣腳倒瀉水, 搞到 R 及 C 先生件衫濕晒0個

正式上班前最後一個平日,和媽媽逛銅鑼灣,飲下午茶~上開飯網望望,心嗯一係去小肥羊任食下午茶,一係試試銅鑼灣間翠園,結果在大家都唔肚餓的情況下去左比較精緻的翠園~2點30左右去到,原來下午茶2點開始,而且大中小點一律$14.8,抵!(平時正價是小點$17,中點$26,大點$30) 不過要留意的是蝦餃,腸粉,特點等是沒有下午茶特價的~坐了在有手推車那邊,人不太多,只是剛好卡座都滿了,只好坐圓桌~點了龍井,看到桌上的茶具不禁心花怒放,因為真的美美的,看起來又新又高貴,一點不像土土的中式飲茶,反而好有HIGH-TEA feel~~精明的媽媽點了2道大點:四寶滑雞朼: 很大路的點心,味道卻精緻,用有咬口又入味的雞脾菇代替豬肚,那"棉花"又雪白又爽口,火腿有肉味唔會似刷子膠,雞肉亦是軟滑,令本身對此點心興趣不大的我都要比個好!豆苗餃:一字記之曰,鮮,甜,清,讚! (好似唔止1字wor)楊枝甘露:小妹點的中點,看起來金黃可口,可是吃起來怎麼西米口感怪怪的...吃了一半給媽咪ko,她卻說很好味呀~3道點心加上香茶,結脹才$72,比去CAFE飲杯咖啡還要平,重點是有質素,下次平日放假一定要再去試多d點心

12月13日(六) 市場差?不是太差吧!中午1時到達翠園，升降機門一開，不得了，多人得不得了。拿了2人票，美少女支客告知很快有位，因為很多人也走了，就這樣輕易地上了她的當。先下樓買汽水再轉場到小肥羊卻只能安排細檯唯有吃回頭草打道回府翠園還要多等十多分鐘……終於……被安排坐四人正方檯兼「點心車」翼，正合本人心意，左顧右盼點心車的心水點心，先來山竹牛肉，一上檯，不是漲卜卜的牛肉球，變相細粒了，偷工減料!算數，貴精不貴多，配以喼汁，好一個山竹牛肉味，牛肉馬碲芫茜樣樣齊，好味好味!再來鵪鶉燒賣，十多廿年無吃，久別重逢的感覺。真的是好久不見了，很是興奮，嚷著要吃。一上桌，能辨其貌，忘了其味。原來底部是豬肉餡燒賣呢，鵪鶉蛋好好味呀!食物能令人回憶從前，千真萬確。一口氣品嚐了兩件，很是滿足。跟著出場的是雞包仔，一籠3隻，充斥著整個籠，好飽滿呀!包的甜度適中，稍嫌材料較少，包同料既比例不佳，雖則名叫雞包仔，但不覺有雞肉的存在。再來蛋tart仔，飲茶前點名想食的點心。入座後居然被其他點心弄得我心亂如麻，差點兒忘記了它。就在一瞬間，眼尾看見點心車內的蛋tart仔，還要是最後一碟，即叫。是暖的，原來是有保溫

一路以為翠園有點心車…特登黎飲茶架…仲book埋枱添!!點知去到佢話點心車果邊full晒…安排左我地去另一邊, (哈哈其實呢邊係靚d既講真, 平時食晚飯都鐘意坐呢邊多d)不過下次如果要坐點心車果邊呢,,睇黎要book果陣講埋呀*翠園食晚飯就食得多, 飲茶真係第一次幾個月無黎, 轉左花花杯碟wo, 幾靚=]鮑魚撻: 鮑魚腍度剛好,不過個撻皮好甜=.=帶子芋蓉酥: 帶子好薄, 味道普通, 可以不叫蒜香鮮蝦春卷: 好脆幾好味, 整到咁幼係咪抄小肥羊架haha海皇卷: 原來係腸粉包蝦春卷…好味,不過好似重複左…但呢個蝦蝦當然大隻d啦蝦餃: 好味!! 皮薄, 蝦蝦好爽燒賣: 唔錯, 蝦蝦爽, 豬肉滑懷舊灌湯餃: 平時食果d都係浸湯餃…連利苑都係浸湯餃…今次係期待已久既真正灌湯餃!!!叫左4隻…點知黎到已經穿左3隻…好失望…得返一隻係漲卜卜哇哈哈哈哈我食左漲卜卜果隻!!!好味!!!皮好薄, 湯好清=]菜膽鮮竹卷: 好好味!!!個湯好清甜, 卷入面好多冬菇粒好香上湯煎粉果: 一放落黎已經係凍既-.-皮唔夠脆同埋好油, 入面得好少harm, 湯好淡千祈唔好叫呀大家!!!古法金錢雞: 退步左好多好多!!

近排吃了太多西式食物,難免想換換口味,於是這周六pumpkin提議一齊去飲茶,因為想順便行埋時代廣場,便撿了翠園十二點九到達,沒有訂位,在出面等了大約半個鐘先入得,甫入去就見亞姐推著推車仔從面前經過,大為心水,是餐叫了如下幾樣點心:流沙飽:心水大推薦!同現下大多數流沙飽不同,嚐得出很濃的鹹蛋黃味,而不是custard的味道,一口咬下去,非常oozy,實在是幸福異常!叉燒飽:叉燒肥瘦搭配得不錯,食得過咖啡糕:好香濃的咖啡味!不過食了兩啖好似覺得甜味把一部分咖啡本身的味道蓋過了,就好像是在飲一杯加多了糖的咖啡,可能是因為我本身飲咖啡不好多糖的緣故灌湯餃:又是心水推薦!不過真是太易夾破了...齋腸粉:腸粉算得上滑,但入面的野菌好似有點苦苦地...春卷:皮炸得好似有點過,芋香不算濃,點醋食味道還算ok,不過我始終還是愛上海式的春卷蟹肉菜苗餃:蟹肉味道沒有嚐出來,好在菜苗味道幾重,仍對我的胃口潮州蒸粉果:本身不太中意打碎的堅果類,所以對蒸粉果始終麻麻地豉汁蒸鳳爪:這個蒸得也極入味,連我這個平時鮮少吃鳳爪的人都忍不住吃完又吃呢欖仁馬拉糕:甜了小小,不過夠鬆軟,同樣食得過每次遇到推車仔總會不小心拿太

星期日,同家人行完時代廣場兩點鐘開始肚餓.大家又唔知食咩.二嫂就提議去翠園飲茶.兩點八去到.都幾多人.等左一陣就有位.我地坐低左.正呀.......我最鍾意既推車點心.我地6個人.叫左:點心..蝦餃.燒賣.豬潤燒賣.豬手.油菜.灌湯餃鐵板叉燒同埋古法炒牛河食物ok啦,始終美心woo一定好食過樓上德興到最後.以芝麻卷.松子仁南瓜果.星巴克咖啡糕.流沙飽作甜品.此刻無價,多謝二哥二嫂

上次去左美心試佢嘅大閘蟹餐, 見到翠園都有, 咁就梗係約埋朋友黎試下啦. 翠園個餐308, 基本都有一隻大閘蟹同蟹粉小籠包, 其餘嘅餸就同美心有d出入. 先黎左個前菜, 蜜汁叉燒伴火箭菜. 叉燒每人兩小件, 幾滋味. 火箭菜好新鮮, 加左少少sauce, 好開胃. 之後黎左個蟹粉翅, 呢個份量好足, 蟹粉好香之餘, 翅又好多, 呢個翅令我覺得個餐好抵食. 蟹粉小籠包原個小蒸籠上, 好別緻. 今次湯汁多左好多, 100分. 果隻五兩半嘅蟹, 雖然都好好, 不過可能係上次係美心食嘅太出色啦, 所以點都係覺得今次唔夠上次好. 隻蟹都幾多羔, 肉就一貫嘅鮮甜. 之後再黎個蒜香蒸銀鱈魚, 呢個又係原個小蒸籠上, 魚蒸得好滑, 不過個人覺得蒜香太勁, 蓋過左d銀鱈魚嘅魚鮮味. 食完大閘蟹, 驅寒嘅薑茶當然唔少得. 而個八寶湯圓更為呢個美好嘅飯局作結.

平時慳埋慳埋為咩唧?咪係為左食囉~阿媽知道我鍾意食麻蓉飽, 今日突然走黎接我收工同飲tea, 真係要啜佢一啖至得!!蟹肉菜苗餃$17.8大點 (一d鮮味都冇, 個皮係淋既, 真係唔好食囉, 唉~叫錯左~)麻蓉飽$15.8中點 (等咁耐先有, 幾驚佢tea唔出呀, 好彩皇天不負有心人, 終於比我地等到!!哇....好食到難以形容!!!依家出面好難食得到呢種麻蓉飽喇, 都轉哂做流沙麻蓉飽, 而呢度個隻食落去同以前細細個時食既係一樣味道架, 一種食物竟然真係可以令你憶起兒時既回憶, 好開心呀...)鴛鴦咖啡糕$15.8中點 (有3舊, 每層整得幾靚好平均, 食落好似新年街市賣個隻咖啡糖既味道, 都幾香濃咖啡糖味, 不過略嫌甜左d, 而且咁既價錢, 好似貴左d播~)P.S. 茶位$12@, 泡菜$10, 不過好彩tea冇泡菜跟, 呢餐食3樣野再加一埋單$80.7.....雖然終於食到個麻蓉飽喇, 不過加埋過海車費成百蚊先食到, 呢個麻蓉飽都真係貴落, 有機會等我自己學下整先~阿媽你好豪呀!!多謝阿媽~