翠園 (銅鑼灣廣場) (Closed)

舊老闆建議來這間新開的翠園吃飯，說AE咭有75 折。新翠園環境寬闊，裝修是較傳统的風格，平日來人流很少，坐得算舒服。先來鐵板叉燒，肥瘦適中，肉質軟稔，熱辣辣的，十分惹味，只略嫌蜜計過甜。炒鴿鬆刀功不錯，炸子雞肉質還可以，但兩者都有點過咸。糯米蒸蟹反而有驚喜。蟹雖然細隻，但不失鮮味多膏，在底層的白糯米滲有絲絲蟹的甜味，不錯。整體上OK，是聚餐的好地方。

阿J公司有新同事返工,lunch一行4人齊齊去飲茶,點左午市套餐:點心3款:燒賣-味道唔錯春卷-炸得太燶,好多油好肥膩粉果-不錯,幾好食小食1款:燒腩仔-超迷你版燒腩仔,個碟好大,份量好少,味道其實ok小菜2款:蝦仁炒蛋-蝦仁新鮮,size又大,送飯比較好,因我無叫飯,覺得有d漏上湯浸莧菜-湯底清甜,幾好味飲品:4杯蜜瓜汁-我覺得同食物不太配合,寧願飲茶服務方面就麻麻地,舉左幾次手都無人理我,似乎人手唔係幾夠,地方好嘈吵,枱與枱之間空位較少,感覺有d迫,總括黎講都係麻麻地。最後,多謝老細請客,些些您!

我不知道翠園老還是我老，只記時小時候母親愛和我們到星光行的翠園飲茶，永遠都有她愛吃的上湯粉果，但我不記得以前的翠園有金錢雞。排骨是舊式的排骨，不是「拿」到白哂哂的排骨；牛肉，燒賣，也是舊式的。新式的有草菇牛肉腸粉，肉藻紙米卷；一般貨式的，有蛋撻，帶子腸。都是保持一向水準。想說的是三個很想吃的點心。第一個是上湯粉果，對不起，不是以前的味道，湯太濁，不夠香；第二個是灌湯餃，做法就是舊式的，湯，在餃內，好吃是好吃，但大概蒸好後攤在廚房太久，結果皮還是爛掉，好傷心；第三個是金錢雞，這個不抱任何期待，所以覺得好好味。笑話是友人吃下金錢雞問：「那個是桃嗎？」笑得我人仰馬翻。說實在價錢偏貴，食物也不是當年那個味道，只是思憶往年，已經值得，不過不能太過沉醉以前的好日子，這裡，還是久不久來一次好了。

新開的翠園,裝修不錯.門口帶位有禮, 侍應們亦服務合格來吃午飯叫了各式點心.合格有突.本來冇打算寫依間野既食評, 原因只食左蝦餃燒賣等普通野. 但見樓下個無理人士亂咁鬧,都要為依間野平反下.冇打去訂位係要等位架啦. 天經地義啦.渣張飛等40分鐘.可選擇食或唔食.翠園冇話留俾指鼻哥既熟客,而係留俾訂位客. 人地內堂侍應問你飲唔飲特飲,你就叫人俾支滅火器你.俾個垃圾埇你合適d wor,你咁答人真係冇禮貌仲以為自己好叻咁. 唔該你啦港女.

上星期五,飯友提議來這分店試試...中午12點25分,沒太多人,我的飯友到達...要等,帶位的說沒人的一邊(左邊)是訂了的,另一邊才是WALK-IN,而當時只有2張飛(已包括我們)要等位.我足等40分鐘.期間最少有3相熟的WALK-IN客(同帶位的有講有笑)入座><我的飯友去問帶位的要等到何時?但她竟說平均2張訂位入座的便有1張WALK-IN客有位(那也沒錯,只是她將位給了熟客嘛)!!!想不到2張要等40分鐘!若帶位的早點跟我們說要等30分鐘或以上,我們便不會等.又不是免費! ><有位後剛坐下...茶都未開就問...我今日有D特飲,要唔要試0下?我答:你比支滅火筒我就差不多!至於食物水準就OK啦,只是最不好的是推車仔點心(D點心車仔度蒸得太耐,會唔好食)...但訂了位的那邊是用點心紙叫點心呢!所以提提各位,要去這兒,必先訂座,要不然要好似我噤搵定滅火筒了.

大人物牛一，食飯慶祝當然唔少得。筆者就跟大隊到銅鑼灣廣場2期的翠園去了。華麗的水晶吊燈、優雅的環境，加上生日咁開心的日子，未食已經嬴晒印象分。點菜方面有專人負責，無須煩惱。涼拌象拔蚌、龍蝦刺身、原條東星斑、翅、水晶飽、雞汁蘿蔔、椰皇雪蛤等等，紅酒當然不會少。都好耐無食過咁多貴價貨，聽到已經溜晒口水。涼拌象拔蚌、龍蝦刺身鮮甜無比，大熱天時最岩口味。東星好大條，又或許是太大條蒸既火侯較難控制，略為老了一點，如果蒸少一分鐘就真係無敵。一梳梳的翅，是繼我年多前在東宮食過之後最好的。用筷子夾翅，感覺多好。雞汁蘿蔔，雖不是名貴貨色，但就勝在手工精緻，是心機錢。蘿蔔鮮甜又夠淋，清清地也是不錯。甜品有水晶飽和椰皇雪蛤，水晶飽過甜，而椰皇雪蛤好多時都會食，覺得無咩特別。埋單才發覺飲了21枝二百幾蚊既紅酒，計番條數淨係飲酒都飲左6000幾銀。其實仲有其他食物，不過記不到太多了。結賬是$17000，幾駭人。

昨晚父親生日，一家共五人一起到翠園晚饍，叫了一個980元的四人套餐\，加$160變為五人套餐\，套餐\內包原隻鮑魚扣鹅掌、花膠筒燉三寶、翠圍拚盤、鱈魚扒、甘果銀杏炒白菜仔。包裝精美的翠園拼盤，用一個大玻璃盤上放上六個小碟加上中間的凹位盛載着四種食物，包括海蜇頭，乳豬夾(內夾糯米)，叉燒及懷舊的金錢雞。食味不錯但份量很少，那盅燉湯每人只可以飲一小碗，整體來說套餐\的份量實在太少，味道只是一般水準。服務方面真的濟事，服務員人手極度不足，偌大的大堂中只見幾位侍應；套餐\有三款湯選擇但侍應没有問因有事處理便突然溜開不知所踪，餸菜上枱時又沒有程序，燉湯經多番催促在最後才上枱，原來只是没有待應負責上枱而放了在旁邊的小桌，要等再翻熱後才可享用！環境方面是最好的地方，樓底高及枱間距離較寬，不會坐得很擠廹，在酒樓方一邊大廳窗旁有幾張卡坐，小人時可坐此看下街外景色ｏ總結來說食物水準與服務水平跟價錢不相稱，實在物非所值！

5月9日,一行六人來試菜,靚裝修加大水晶吊燈,樓底又高,枱與枱之間距離不會太近,坐得舒服,環境先得分服務: 十分好,接待小姐很有禮貌; 上菜時間亦控制得好好(特在此表揚一下負責招待我們的男服務生-FUNG-的專業及細心); 惟服務員人數不足(是晚全場坐滿),席開沒有換碟食物: 餐牌實在值得一讚,看得出心思,食物買相十分精緻, 我們點了$14XX 六人餐,送法國Bordeaux紅酒一支;乳豬夾: WOW,有驚喜,乳豬片中夾一片糯米飯,很精緻特別,乳豬不油不肥又香脆,那一片糯米飯實在令平平無奇兼食到悶的乳豬潻上生氣另一味菜我記不起菜名,是一片片滑魚塊上面放上冬菇及金華火腿片,好好味原來的鮑魚沒有貨,換上鮑魚片,放於生菜上,汁濃,好好味小籠包: 皮薄有肉汁雲吞麵: 本來諗住只係普普通通的雲吞麵,卻又有驚喜,雲吞味濃，好味,很快被吃清光高力豆沙: 本身唔食高力豆沙的我,見呢道既高力豆沙買相好靚,忍唔住要試下,竟然覺得呢道既特別好食,仲攪掂左兩件!鳳梨酥: 台灣的就食得多,香港晚餐套餐有鳳梨酥都係第一次見,買相好得意好有心思,WOW, 好好味好香,一定要試菜式未能盡錄,是晚沒有一碟菜令我失望,一

上星期的下午茶..人不是太多,坐唔滿..百花釀魚肚--魚肚唔靚,淨係得舊蝦膠ok紅豆沙--個推車阿姐連喳喳同紅豆沙都未識分...唉..(我講真gah,真係俾佢嚇親)蒸排骨--排骨唔夠淋..珍珠雞--當日唯一保持水準的食物服務好

今日午飯同媽咪o黎飲茶..咪夠兩點,坐滿人..翡翠豆苗餃--我的至愛!!!豆苗唔老,有咬口,蝦又爽芋蓉飽--今日d芋蓉好紫^_^,暖暖地,唔係好甜蒜蓉鮮魷--成碟都係魷魚身,滑,爽蝦乾排骨飯--夠料,蝦乾香,個飯吸收左排骨的味道,都唔使落豉油,但d排骨感覺麻麻地,唔夠好食紅豆沙--今日好似較平日淡味(定係阿嬸冇'撈'埋個底,淨係俾面o個d我? >_< )食完先知有下午茶(2:30開始,大中小一律$12.8),蠢左><埋單$16x服務好,坐得舒服=)

星期日去飲茶. 佈局就分兩邊, 左手邊係有卡位, 同埋係要畫紙仔order 點心; 右手邊就係推車仔.點幾兩點去到, 都好多人等緊位, 最後輪到推車仔個邊. 點心選擇一般, 可能係因為推車仔既關係, 手快有手慢無. 再加上我坐既位置四周圍有檯, 車仔都唔會推埋黎, 所以好易走寶, 姐過要個人行出去追車仔先有得食.點心方面, 好老實講, 同出面10.8 個D 酒樓無乜分別. 以腸粉為例, 雖然望落好大條, 但d 料實在少得可憐.除佐點心, 仲有叫到燒腩仔. 一向係TST 個間都覺得ok, 點知呢間就不知所謂. 隻碟上面d 油多到可以倒出黎, d 燒腩仔咬落去竟然會"痴"牙...真係好失望. 試過一次都唔會再去...

銅鑼灣興利中心于上年中宣佈將會拆舍重建，這裏的北京樓及潮江春跟三越一拼結業。結業前十天去過潮江春，侍應說將會有一間新的酒樓在銅鑼灣廣場。但等了很多個月，還未見新的酒樓開業，經已逐漸淡忘。數天前經過，發現有一個新的招牌，原來這間美心集團的酒樓才於二月中過年前開張。走進銅鑼灣廣場乘電梯往三樓，經過一條長廊，才去到酒樓大廳。發覺這邊原來是酒樓的後門，前門是從洛克道進入的。這裏內部裝修很新派，在窗旁設置了卡位，大廳樓底高，很開揚，摩登簡潔，有一點感覺像中環的怡翠軒。星期四，八點鐘，人也不算多。坐下看餐牌，圖文並茂，非常多菜式，而且都是很有創意的，看得出花了不小心思腦汁。那個翠園全盒，其實就是一個乳豬拼盤，但是它使用七個小碟來盛載著四款食物，賣相極為吸引。四款食物包括了：海蜇頭，乳豬夾（內夾糯米），叉燒及已經二十多年未有吃過的金錢雞。與一般所謂新派的酒樓不同的就是，這家翠園並不是只重包裝，卻依然保留著傳統的烹調的技術。乳豬四塊，整齊放在切好長方形的軟綿綿糯米上，咬在口裏，嘗到皮脆肉香的滋味。至於金錢雞，就想起數十年前，媽媽是會間中去燒味鋪買回家來加送的。是用切成圓形的雞肝及肉片，夾著一塊肥豬肉，

星期日同屋企人飲早茶,成十點先去到,有好多位翡翠豆苗鮫--豆苗仲有咬口,唔會蒸到'淋'晒,蝦都幾爽芋蓉飽--熱辣辣,甜度適中,唔太油(稻香o個d淨係得個油字)皮蛋瘦肉粥--落得太多腐竹,好香,但反而變得沒有了米的味道...燒賣--唔會太多豬肉珍珠雞--正常水準洗手間好乾淨total 三個人..$182

見新開張冇耐,試下先兩點幾..兩個人..棉花雞..普通,'棉花'沒有名都的靚蒜蓉鮮魷..幾好食,不太咸翡翠豆苗鮫..d蝦好爽神灣菠蘿飽...外形似菠蘿奶皇飽,但個心係菠蘿蓉,好新鮮感覺,好香,好味!!食具好乾淨(相比以前美心),服務好,坐位舒服,所有staff都好有禮貌, 希望一路都係lah! 會再去 total=$128.7

呢間係代替興利中心美心，所以大部份員工都熟口熟面，環境靚左好多。第一日開張，穿dark suit的高層、高高層都係度行來行去…服務升晒班，經理四圍派卡片，飲個午茶都幫客人外套上笠上椅套。幾得意的係，三間翠園，呢間係唯一一間推車仔，點心阿姐見到咁多高層係度，遞點心都有D手震。叫左百花釀魚肚、珍珠雞、粉果、腸粉，點心都係美心的穩定高質素，仲有久違了的芝麻卷，懷舊一番！經理仲主動拎晒午市、晚市餐牌介紹俾客人，選擇唔算多，不過推介左懷舊的燒味金錢雞，一於試試。上檯的時候仲暖暖地，叉燒、雞肝同冰肉都切得好薄，但都好大塊，塊雞肝外面仲有少少脆，裏面唔會硬實實，恰到好處，比得龍、蓮香做得好睇好食！另外點左個上湯海蝦煎麵，賣相好靚，行過的點心阿姐都係第一次見呢款麵，都大讚好靚。不過份量唔多，分成六小舊，似小吃多過主食，好彩味道唔錯，係個麵齋少少。