JD Euro (Jade) Cafe & Bar (Closed)

告別晚餐我們三人分別點了一個SetB omakase和一份SetA二人餐另外加點個巴基斯坦焗薯和一杯熱的蘋果茶想說不用自己想吃什麼好廚房發辦可能有新驚喜始終自己跟西餐不熟哈哈很濃郁的蘋果香呃。。是一小杯試試看哇超香濃勁香濃好香濃二人餐來一碗例湯搾幾滴青檸汁更加清香然後是沙拉味道不重很清澈碟子撤滿香草吃完後更是開胃omakase的pizza🍕天啊超邪惡的芝士把薄餅片拿起連著一絲絲的起司入口啖啖濃郁綿綿地溶在口裡二人餐和omakase各有一飯我們分別有兩雞一牛地方食物都是偏熟的習慣5成的朋友可能會不習慣omakase裡的羊架配薄餅每道菜都搭著青菜健康有益同時幫助清洗味蕾這隻羊架羊腸小道味很重愛羊穌味的人必選就連底下的兩塊薄餅也吸滿了重重的羊味難得的聚餐我們隨便點了一支白酒清清的很易入口不知不覺就喝完了為友情乾杯

今次的餐廳是朋友介紹的，因為香港真的好少食到土耳其的食物，哩間餐廳在酒店的樓上，可以見到景色，上到去，聽到D好輕快的音樂，真的有種去左土耳其的感覺~~叫左個JD EURO沙律，羊架飯同埋雞卷，同埋叫埋最受歡迎的土耳其咖啡~JD EURO沙律JD EURO沙律酸酸甜甜，好開胃，雞卷雞卷上有埋菜同埋炸薯條，味道都好惹味，羊架飯羊架飯真的好有心思，羊架燒得好JULCY，無咩SO味，土耳其咖啡土耳其咖啡見到有職員在沙淮中整，咖啡好香，加埋伴碟上的糖，真的完美的一餐，米布甸，味道真的香滑，飯後甜品一流。哩間餐廳真的會再去食~!!!

朋友好中意食d特色野，經過一朝research，決定帶佢試試土耳其野🤗老闆話尼間係一間Turkish European restaurant，係咁同我地傾計，印象不錯！見到有個chef design menu($249)，一於試下！唔洗自己諗！特色沙律，份量十足，新鮮爽脆！落左啲黑醋去調味，酸酸地十分開胃！同埋之後一食個pizza 就即刻balance 左！當日餐湯係蕃茄湯，味道幾湯，酸酸既蕃茄味，湯面仲撒左d cheese😻yummy主菜好特別，有羊架配飯同薯條😂羊架煎得好香，又嫩滑！飯有少少椰汁味幾特別～係薯條有少少油🙈最後甜品係rice pudding🤗🤗好少係香港食過！奶味夠亦都唔會太甜👍👍

今晚因為屋企人都去了旅行的緣故, 自己一個人在旺角 shopping 完後便來到油麻地尋找美食. 朋友說之前去過附近有間樓上土耳其餐廳, 覺得食物美味, 可以推薦去品嘗. 由於是已是八點多的時間, 剛好餐廳有位子不用等候. 坐下後侍應都很用心介紹餐廳的食物, 原來這裡的職員都是土耳其人, 因為個人頗為喜歡喝咖啡的關係, 我聽取了店主的提議試試這裡的熱沙土耳其咖啡. 隔了一會兒, 店主居然示意請我在旁觀看他是怎樣的煮土耳其咖啡, 我看見他的拿著器具在熱沙上面煮, 我估計熱沙大概都超過八九十度吧, 煮制了大約4-5分鐘, 煮到咖啡油開始出黎, 就好似差唔多得. 整個過程店主都很友善, 感覺好似是在指導我, 好細心. 他也有介紹說在土耳其當地, 透過煮咖啡時觀察咖啡粉的形狀也是可以用黎占卜用呢~ 當店主煮好咖啡後, 我拿上手, 那個份量似飲espresso, 未飲先聞下佢嘅香味, 唔太濃味, 飲到甘中帶甜味, 嗒落有細滑感, 細意慢慢品嚐都帶來新鮮感, 頗易入口.除了濃香的咖啡外, 我也點了扁豆湯和茄子薯仔小食來開一下胃. 我個人會覺得個湯口感幾豐富,

油尖旺真係多餐廳到自己都唔試揀, 晚飯時間又到, 今晚OT完都唔知食甚麼, 想起之前同同事提過的土耳其餐廳, 就走了上去看看. JD Euro (Jade) Cafe & Bar 嚮海景絲麗酒店19樓, 算係幾方便, 我果日去到剛好不用等太久, 老闆很親切地讓我坐在靠窗邊的卡位.一坐低我地就叫了熱蘋果茶, 還有JD Euro Salad, 因為成日坐在冷氣房, 所以個人比較鍾意熱飲多啲. 老闆說在當地茶是人民最廣泛飲用的飲料. 離遠聞落已經很香. 配合蘋果的成份茶已經是相當甜, 不過老闆說如果需要的話, 也是可以加白糖的. 至於個 salad, 我覺得賣相十分不錯, 有沙律菜, , 粟米, 蕃茄仔, 青瓜等, 食落口都非常新鮮也很開胃. 主菜我 order 了香草蕃茄雞肉配飯, 一上檯發覺實物係9成9跟足menu張相咁, 雞肉的分量足夠我吃飽, 氣味都很濃很香, 我輕輕食左兩啖, 我自己就喜歡佢D 配菜十分鮮味, 飯粒也非常彈牙.最後老闆推薦了我試試米飯布丁, 那個質感很特別, 一試難忘. 而且小小杯的.....令人吃過番尋味.

今日我同女朋友又去搵好西食女朋友介紹呢間酒店入面既餐廳。可能因為酒店樓上鋪關係，人流唔多，環境好舒服。野食方面，因為我地好少食呢d 中東菜，主要都係叫員工介紹有咩好食呢碟香草牛肉配薄餅，好有中東風味比較重口味，我鍾意另外主菜係香草雞飯，都係偏重口味，雞滑，配埋飯一齊食好野味呢個係特色咖啡，飲完之後倒轉個杯，隔一陣就會出到個圖案，店員話可以用黎占卜不過果陣比較忙，要wtsapp sd 圖比佢事後幫我地占。上面係餐湯同前菜，好濃厚既南瓜湯，菜都好新鮮呢個係我最鍾意同覺得最有特色既咖啡，雖然味道比較特別，唔一定岩香港人口味，不過都極力推介試一試上面2碟係d 特色小食前菜，酸酸的，未食過咁特別我地2個主要叫左個dinner set a, 酒店黎講唔算貴個人認值得一試佢d 特色菜式同咖啡

呢度圍去油麻地一間酒店的頂樓, 上、到去冇乜人坐得幾舒服的。店主係土耳其人誠意推介土耳其沙煮咖啡咖啡 返在沙丘中 慢慢用砂丘的熱力滾下滾下 幾有特色的但飲落就較為苦澀， 不喜歡飲咖啡的我就唔算太喜歡呢杯飲品之後個tea set 主要都係甜品， 土耳其的甜品真係好甜。如果當糖果色還可以， 但下午茶通機就最好唔好食咁多甜品無花果餅一樣係好鬼甜， 乾到一個地步要用清水沖淡。你到最 享受 都係個海景， 能夠直望之高海城的避風塘 港口。夜晚海景應該好靚， 座位都好舒適性在人流少。傾下偈就啱曬

幾年前去過土耳其旅行，好喜歡土耳其菜，但好可惜返咗嚟香港一直都搵唔返道地嘅味道。今次係朋友推介之下，嚟JD試下搵唔搵得返當年土耳其菜嘅味道，皇天不負有心人，真係好正呀！餐廳環境闊落，坐得好舒服，音樂又唔會好大聲，適合同朋友傾吓計。餐廳老闆係土耳其人，所以我哋主要都係用英文同佢溝通，幸好餐牌都有中文翻譯，大家唔洗驚睇唔明!!佢推介我哋一定要食pizza同埋bread，所以我地都有按照佢嘅推介去叫嘢食！第一道上嘅菜係沙律，個味道酸酸地咁，幾開胃不過越食越辣，可能因為佢加咗啲辣粉。不過以頭盤來講，真係幾吸引，因為呢隻味道未試過！之後嘅菜式就係pizza，呢個Pizza係呢間餐廳嘅主打！如果你係芝士愛好者，一定會好喜歡，因為佢餅底比較薄，上邊口口一層芝士，食落去只會咬到好重又溶咗嘅芝士！食肉獸嚟到呢度都唔使擔心架，因為佢嘅牛肉都考得好好食。就好似呢個牛肉包咁，啲肉熱辣辣，一咬落去勁juicy!!最後，就黎到呢餐飯嘅重頭戲：土耳其咖啡！！個老闆倒咗啲咖啡粉落個壺到，係啲沙到磨吓磨吓，就有咖啡！！聽落去好無稽，但在場真係覺得好神奇！！呢個土耳其咖啡喺土耳其當地都係好出名，真係估唔到喺香港有機會試到

今日同朋友黎到油麻地呢間充滿本土特色既土耳菜餐廳。餐牌上除左有充滿本土特色既土耳菜外，仲有西餐可以選擇，例如意粉、Pizza、牛扒、海鮮等，選擇甚多，包保每位客人都揀到心儀既野食。仲會有廚師每日精選既set dinner，保證有驚喜！我同朋友分別嗌左一份香燒雞肉串配飯，同埋一份燒羊架配飯。可能係中東菜既關係，佢地既飯多數都會溝埋油黎煮，並非一般既白飯，令到味道唔太寡之餘，又唔使另外加 sauce 調味。而肉方面，不論雞肉定羊肉都十分出色。雞肉清爽而且唔油膩，睇得出煮師用心去燒。而羊架方面，我既朋友就話係水準之作，羊肉十分美味，未食都流哂口水。呢間餐廳仲有土耳其咖啡提供，中意飲唔同地方既咖啡既朋友可以一試。

又到咗星期四上堂既日子今次我地試新野好耐未試過新菜式就係土耳其菜🇹🇷餐廳係酒店最頂層 可以遠望夜景之餘仲可以嘆下地道土耳其人煮既菜式前菜係沙律🥗之後就扁豆湯 湯入面有好多豆蓉食落有啲似豆沙湯咸咸地幾好味呢個薯仔小食好特別 入面加咗茄子🍆食落口感好豐富主菜我叫咗個羊肉卷 羊肉蘇我好鍾意汁好juicy 真係要小心啲食 食到同圍都係🤤我朋友就叫咗個雞肉飯 絕對唔係冰鮮雪藏味 土耳其煮法 別有一翻風味不得不提個砂咖啡。首先，用個特殊既杯裝住咖啡粉同水，再將個杯放入一個裝滿砂既機器一直兜圈。等佢滾到有泡時再分兩三次倒落個勺子到。咖啡香味好濃，飲落有少少苦。飲完時初初心諗點解有咁多咖啡粉係底，原來啲咖啡粉係用黎占卜用。將個杯倒轉一陣，睇下啲咖啡粉留係杯既圖案。老闆仲我地占卜 佢話平時要打電話俾佢約時間 最後送咗個甜品 味道好似芒果糯米飯咁甜 今晚真係超飽飽到唔洗訓啦

香港一向好少有土耳其菜，喺旺角女人街有幾間🤔但我都冇乜點去過 而呢間土耳其菜嘅環境唔錯 坐得舒服 而且景色都唔錯 不過環境就比較隔涉 未必人人都會行過或者見到而今次係我嘅朋友介紹我過嚟 所以我就專登過嚟試試首先嚟咗個沙律先，味道好特別，酸酸美味咁，非常開胃，不過未必個個食得慣，我自己就越食越鍾意。然後就到招牌菜 JD Euro pizza 🍕 芝士落得好重手，有拉絲嘅效果而佢呢隻Pizza係薄餅底，唔會話好飽肚然後就到呢個牛肉嘅特色土耳其薄餅 味道非常清新 用薄餅夾著啲牛肉嚟食係廚師推介嘅食法，咁樣食口感果然好豐富之後就到佢最出名嘅無咖啡因咖啡，飲落咖啡味非常之濃 完全估唔到佢係冇咖啡因 而最特別嘅係老闆出嚟同我地講其實佢哋有咖啡占卜嘅服務，不過要預先預約，所以今次老闆都淨係略略講咗兩句，為我地略略做一做占卜感覺上都幾準㗎整體而言，環境舒適，食物質素唔錯，而且有咖啡占卜作為招徠，確實值得一試。尤其是香港好少有土耳其菜

朋友介紹話油麻地某酒店有間好好食嘅餐廳，咁就去試下啦。點知一試就覺得中伏！係伏到爆嗰隻！初頭嘅嘢都正正常常，冇乜特別！係有個奇怪嘅地方，就係除咗沙律同湯之外，所以食物都係配麻醬撈茄汁，搞咩呀🤧🤮🤯我都食過土耳其嘢嘅，但尼間嘢完全唔係路囉！食完小食，前菜，重點尼喇！我地叫左一份牛扒，一份羊架，但店員係冇問過我地食幾生嘅......羊架尼到，都算正常，味道都ok。牛扒尼到，好嘢，正宗well done！全熟嘅牛扒，肉汁欠奉，口感極差！向店員反映，得到嘅答覆係: 歐洲人中意食全熟嘅牛扒。我真係俾佢吹脹，咁都答得出...然後牛扒同羊架都係跟嗰個麻醬撈茄汁😓😓😓食完，諗住飲埋杯嘢就走。我地叫左兩杯土耳其特式茶，有個懷疑係老闆嘅人尼為我地”炮製”。佢夠膽死話我地飲同樣嘅嘢，就用我朋友嗰杯整埋俾我飲...心諗:你冇病呀🙄😵🤮尼間嘢又唔係平，食物質素好差，服務求其，千祈唔好去！

原來呢間土耳其餐廳好近百老匯電影中心,我以前一直都唔覺有呢間餐廳。間餐廳係19樓,又有好大既玻璃窗,可以見到出面既高樓大廈。坐左一陣,叫左杯土耳其咖啡,佢既presentation非常之有特色,飲落去甜甜地,同平時既咖啡感覺好唔同。個沙律sauce好特別,一食就食唔停,用料好新鮮,同埋切到好細,用fork就食到,唔洗knife.之後就有牛肉串加飯,d肉加左好多香料,又係會食上癮既味道,d飯唔似平時既質感,牛肉串撈飯又係一流。lentil soup我又係第一次飲,食到d豆,感覺加左好多料。最後就係個rice pudding,份量剛剛好,凍食,味道唔錯!最後就係杯grapefuit 加橙汁,望住個景飲果汁,一樂也! 個成間鋪既裝修加擺設都好有土耳其色彩。以前去過平民d既土耳其餐廳,唔覺原來咁有特色。係度食完飯令我想多了解呢個國家。呢個地方好寧靜,一路聽土耳其音樂一路睇景,一路食既,唔會好趕,係享受黎既。店員好nice,有笑容,間中會同你講少少野。

尋日睇完一個旅遊節目介紹土耳其，心血來潮想食一餐土耳其菜，最後喺稀少嘅選擇揀咗呢間，位於酒店頂樓嘅餐廳，因為俾佢個土式沙煮咖啡吸引咗Turkish coffee on the sand ($50)有幸得到土耳其藉老闆親自出黎招呼我地，佢介紹呢個咖啡係佢地國家嘅特色方法煮出黎，老闆將一個鐵造嘅壺仔放上一堆沙裡面慢慢打圈加熱直至起泡，之後再一層一層咁倒落杯，飲落非常有層次，而且有別於一般港式咖啡有一股淡淡香氣，配上一粒粒有點像紅棗合桃糕的Turkish delight，非常有異國風情！老闆仲話佢呢度可以做咖啡占卜，但要預先預約，所以下次先有得試！講返正餐先，同朋友選了chef design（$249），唔洗自己諗，廚師安排可能會有驚喜呢😇特色沙律 二人份量有沙律菜、蕃茄仔、青瓜、粟米等等，非常新鮮！與別不同既係，會食到有薄荷葉既味道～友人覺得沙律偏酸，我就幾中意，夠開胃嘛😆蕃茄湯 濃濃嘅蕃茄味加上土耳其式香料，飲落比一般嘅稠且有少少辣，但依然十分美味JD euro pizzaToppings 有腸仔、菇、芝士等等，焗得好香好好味，係薄皮既餅底，焗得好脆！超多芝士，但又唔會太漏🤘🏻米布甸好好

今日同朋友慶早，預早Book左呢間土耳其餐廳食飯。之前食過旺角女人街兩間土耳其菜都有相當好既印象，令我對土耳其菜更添好感。不過同女人街兩間土耳其餐廳相比之下，呢間就比較遜色，價錢亦都偏貴。湯充滿豆香，香草為呢碗湯增加唔少分數，香口又惹味。沙律🥗冇乜特別之處，平凡既味道，但勝在份量多。同樣味道平凡既小食，薯條香脆，茄子都不錯。主食可選兩款，雞肉偏油。羊加偏羶，烤餅比較好食。整體黎講，$5XX既價錢，有其他更好又更平既選擇。而店員態度非常友善，值得一讚既。