湘聚小廚

Open Now

Now Closed

位於香港大學港鐵站附近的一條橫街中，未到晚上6時，已有一半人在這裡晚飯。我們走進去，看到其他食客枱上的小菜也很吸引。為免太刺激，點了小辣麻辣小龍蝦、干鍋田雞（另一半至愛）及芫荽蘿蔔蜆湯。小辣麻辣小龍蝦對我來說像中辣，對另一半來說像大辣，很刺激。小龍蝦沒有膏，帶辣的蝦肉拌飯吃也不錯。是日晚餐較喜愛干鍋田雞，又辣又香口，也多田雞肉。點芫荽蘿蔔蜆湯是想中和一下辣，不想每一道菜式也太濃味。涼拌炸花生及海帶絲👍🏻

湘菜，亦稱湖南菜，以辣味豐富，菜餚本味突出而著名。位於西環的湘聚小廚正正反映出湖南菜的特色。今天和朋友一行二人相約收工之後一齊食辣，大飽口福😋😋侍應先遞上前菜，可以選擇要定唔要，$8一碟雖然只係前菜但係都已經好好食 花生香口 海帶微辣 之後就到正題了！酸菜魚！本來以為二百幾蚊嘅酸菜魚 只會係得一小碗 但係原來有足足一大窩！酸菜配起骨切片的草魚，再配花椒、辣椒乾、泡椒等等煮熟，也有放入大豆芽、薯粉等墊底增加口感👍🏻👍🏻少辣啱啱好 襯托出魚嘅鮮甜🥴🥴兩個人都食唔晒，相比起在川菜館吃到的酸菜魚，每每動輒幾百蚊，超抵食！枝竹雞煲因為酸菜魚已經係辣，所以就叫咗個相對溫和嘅枝竹雞煲同一般香港嘅雞煲唔同 呢個雞煲係用雞肉粒 配上枝竹 另外仲有甜甜地嘅醬 幾特別！雞煲下邊有個火一路燒住 所以一路食到熱辣辣 好有風味🤗蒜蓉炒通菜就不過不失啦～另外仲叫左平時喺大陸先會飲到嘅飲品真係好似平衡時空返咗大陸咁呀！兩個人食咗咁多嘢滿足滿足🥰🥰

石塘咀一帶其實都好多好野食， 有好多中菜店，其實時常都滿座。 今日即使係星期2都唔例外，7:00鐘已坐滿了人。 朋友都係無辣不歡的人，今日既味道正岩曬。 餐廳環境都好唔錯既。 皇朝粉絲煲, 可以揀小辣中辣大辣 這個菜色，係會令人食上癮，食唔停口的。 佢辣得來唔會食到成口油，第一下食落唔係好辣， 但之後既感覺好強，成個口都好香辣味， 超開胃。而且真係唔太油。 招牌雞煲 都一樣可揀辣度，配合著辣椒、洋蔥等等，相當香。 來一碗白飯，配飯食，香口又惹味。 而且上菜個陣仲出緊煙架， 聞落已經好香。 鐵板土豆片 其實土豆片好吸味，把濃濃的辣味吸係裡面， 又配合洋蔥等配料。今日3款既菜色都好惹味， 湘聚人家，好有湖南辣野既味道。 其實有兩款前菜， 海帶及花生 係上菜之前食，可以降一降溫。

午餐時間次次經過都坐滿人今日去試試先見到佢d飯用木桶裝住幾特別但食時有d唔方便🤪叫左香辣牛肉桶仔飯 唔知係埋我叫小辣關係我覺得無咩辣味同好普通但好多住香港大學附近的內地大學生食囉係埋正宗🧐🧐我唔知啦我只知普通無驚喜可取就係佢個木桶作形幾特別

熱辣好吃，每個菜都很有特色。愛吃辣這家是很好的選擇。可以選辣度，孩子和老人來可以免辣，朋友愛吃辣叫了大辣吃的爽。環境特色，服務很熱情，最主要是好吃不貴，以後可以做食堂經常來。這家近香港大學，很多學生來吃，經常很多人，最好早點來。這餐老人、孩子、還有我們這些能吃辣的個個都吃的好滿足。

涼水都不能給一杯水煮魚的魚也不是很新鮮說了不辣的拌豬肚還是會辣孩子什麼也吃不到服務態度也很差 叫4杯水只給一杯 叫涼水說要收錢6人桌不讓坐4人，卻讓坐兩人！鄰里生意這樣就不會光顧了差評差評差評

今晚自來海鮮🦞，食得是福難得大家可以聚首一堂，下次再食都不知道何時何地，難得可以係湘菜館辣得過癮，今晚一於啤啤它，訂左3箱啤酒，一於杯底談心事，我有酒今晚聴古仔😉先食為敬

間中會好想好想食辣，今次食湖南菜，剌激下味覺星期五晚怕人多，6:15就坐低，免等位 兩個人叫左三個餸。因為個魚份量都幾大，所以飯都無叫。坐低有碟前菜，麻油加少少辣。跟住叫左孜然寸骨。街市見過，好似叫豬脾骨。望落去好似好辣，其實只是辣椒多啫，唔辣嘅，不過味道就幾濃吓。香口又唔算乾身，ok 喎。原本想食水煮魚，怕太辣頂唔順，所以改咗食酸菜魚。份量好大，好似酒席一窩湯嗰隻 size。魚片好多，都算新鮮，鯇魚片有少少細骨，食嗰時要小心啲。味道呢，有酸菜，但係個汁好似無酸菜魚嗰種風味。由於兩個菜都係重口味，所以叫左個清炒鍋筍絲，清清地幾好，唔會好熟仲爽爽地。兩個人埋單$400+，都好飽下。店舖有兩層，由於近 HKU，都幾多國內學生來吃。地方唔係好大，樓下六，七張枱左右，有二樓的，唔知樓上有幾大。要七點後晚飯，要訂位啊！因為離開時都唔少人在等位。

週末去打卡的這家店，位於香港大學，價格不貴，味道不錯，點了手抓骨和辣子雞丁都覺得非常好吃，雞很嫩，手抓骨不乾柴，鐵板孜然土豆也很夠味，砂鍋千頁豆腐也好吃，唯一覺得串串蝦不算正宗

係附近，想食下辣野，就諗住試下呢間水煮魚喇一入到去，外面就好多人等外賣，堂食反而有位6:30 入去，叫左個水煮魚，蒸水蛋，炒萵筍絲坐左好耐，望住個門口，發現不停噤出外賣，但我地d 野仲未黎。不過諗住呢個晚市時間，噤多外賣應該做唔切嘅，就耐心等喇，第1樣就黎左蒸水蛋，蒸嘅仲快過炒嘅等左成個鐘，我地覺得唔對路，忍唔住問侍應，係咪漏左單？！佢地先幫我地吹下，都係仲要等第二樣終於出左水煮魚，嗯 ... d 魚好多骨，食得出唔係噤新鮮，有啲腥，份量多，但我地都食唔到一半，因為真係唔好食炒萵筍絲 ... 都仲未黎，我地問如果未炒就除消佢喇，佢地話炒緊，1分鐘出得！總括黎講，蒸水蛋都幾滑嘅，其他就 .....晚市如果要食，我諗叫外賣應該快過堂食

話說為左食土豆絲，考慮左陣食呢間好，定隔離舖好（都係同一類）。不過而家肺炎咁勁嘅時候，最後就入左呢間食，因為隔離舖有人打邊爐，驚驚。入到去，成間舖得一枱人食緊野，果時係晚上7點幾，好驚訝，明明隔離舖坐滿人。講返正題先，入左去，侍應姐姐好熱情招待我地，叫我地坐邊都得，不過要我地將茶水搗落碗度，先有意識比個兜我地搗水，而咁岩又有人入嚟坐低，侍應姐姐竟然好主動比個兜佢地洗碗，嗯..有d扣分，係懶？定係唔記得呢？叫完野食，喺度等，不過可能計埋我地，得3枱人，侍應姐姐們3-4個企埋一齊喺度吹水，吹水唔緊要，佢地把聲又響又尖，好後悔坐角落頭嘅枱，d聲應到我耳仔超級痛！野食我地叫左少辣，叫左3味餸，叫左個炒豬肚、土豆絲、茄子條。個炒豬肚愈食愈辣，要係咁送飯；土豆絲就另一翻風味，唔似我以前食過嘅味道，最初頭係冇乜味，食食下就酸酸地，冇乜辣味。茄子條就有d驚喜，佢辣得嚟口感同味道都好好，佢唔會太生、唔會太林，個樣靚過餐牌幅圖，係辣，但係味道夠濃，值得推介！食食下，成間舖坐剩2枱吉枱，班職員坐喺其中一枱開飯，開飯都唔緊要，知佢地返工可能要咁晏放飯，都登佢地辛苦。點知，佢地傾計聲嘈、好興奮大叫都算，仲要用電

好中意食湘菜，於是就同朋友一起去左湘聚小廚度食正野，裝修好有風味，有種溫馨噶感覺，很舒適。上主食前會送一個前菜，系涼拌海帶，同埋豆豆，好貼心，我比較中意食噶就系距地噶孜然牛肉，超惹味，牛肉好嫩滑，仲有滴洋蔥點綴，送飯一流！其他都好好味啊，仲可以選擇辣度，真的唔錯噶一間店。

有一個女服務員，態度極差，仿佛自己是女王一樣，語氣不善，回答問題也很不耐煩，埋單時從未有一次說過 多謝 之類的話。單子都直接扔過來。去過相聚多次，每次這個服務員都令人心情不爽。

注意要好嗜辣既人先岩，因為都偏辣！我見身邊人都食到飲哂水，又流哂汗！我超鍾意食辣，覺得幾正。都無覺得辣到要飲水...琴晚係網上外賣平台外賣先試呢間。叫左個絕色雙魚同農家小炒肉。最衰無留意到個雙魚係魚頭，如果唔係唔會叫，因為唔太識食。不過佢個味係好正，啲魚都好滑口。如果係平時既烤魚就一流了！農家小炒肉個人大推，特別係食到椒既人士，因為佢俾好多椒。如果你只食肉就得番好少野食喇。佢辣辣地，送飯絕對係一流！！！好懷念呀！一晚半晚辣辣湘菜夜好正！

今日突然好想食酸菜魚，所以喺男朋友屋企附近揾左最近嘅湘菜。去到餐廳人流都幾多，不過好彩唔洗等位。我地叫左兩個餸加兩個飯，冇諗過份量超級多，兩個餸都好大份，應該4個人都夠食。蟲草花蒸雞好多雞，都食到有蟲草，不過整體偏咸，似豉油雞多啲，送飯好啲。椒香酸菜魚本身期待已久，不過食落覺得好失望。魚嘅份量係好多，我地兩個人食左一大半，又裝走左滿滿兩大盒。不過魚真心多骨，食到冇心機食。可能餐廳正宗酸菜魚，所以酸菜好多，蓋哂魚味，好酸而辣味唔多，啲辣椒似裝飾多啲。最後兩個人食左300幾蚊，以食物份量嚟講唔算貴，不過酸菜魚真心有啲失望，應該唔會再去食。