湘聚小廚

Open Now

Now Closed

我有位朋友好鍾意食辣，佢話佢喺港大讀書時成日嚟依間餐館食，所以佢就約咗我嚟試一試，由於間嘢唔喺大街上，其實個位置有少少難搵，開住google map都摸咗一輪先搵到。餐廳有兩層，如果要上二樓就要經過一條幾斜嘅樓梯。間餐廳嘅裝修都幾有中國特色嘅，掛咗唔同嘅大燈籠，好有喜慶氣氛。佢哋嘅皇朝粉絲煲分量勁大，足以夠四五個人食，不過我就覺得幾辣。另外孜然寸骨就真係不得了，孜然味太重，食唔到肉味，我要叫多碗白飯嚟餸先得。整體嚟講碟碟餸份量都好大，不過就較為重口味。

西環的確是一個耐人尋味的地方，就在西寶城前方的日富里小路口隱藏了正宗的四川小廚。走進店內噗鼻而來的胡椒子香味以及一種辛辣味都仿似走進了四川的城裡小店，完全忘記自己是在香港的。餐廳內在數張大桌子，店員安排我們跟另一對情侶一起坐一張大圓枱，感覺十分懷舊有趣，也令我回想小時候飲茶也常常需要搭枱，當時的社會會是滿有人情味的。真令人懷念。店內的客人相信都是港大的教職員或學生吧。松茸菌燉雞湯，平日欠缺湯水的都市人最適合不過。松茸是天然的養身食材，口感軟滑且濃香，有強精補腎丶健腦益智和抗癌的作用。所以有菌中之皇的美號。配合燉雞，實在又滋補又美味，強烈推薦。麻辣口水雞，是凍盤滑滑的雞肉上放了辣椒🌶️碎及蒜頭碎，廚師特別加了一點紹興酒，增加風韻，令冷盤口水雞有了靈魂，特別的香口惹味，同時可以殺菌。雞皮上會有少少的一片片透明果凍狀的其實是膠原蛋白，對皮膚養顏有益，不要棄掉浪費哦⋯⋯紅燒黃花魚，店員特別貼心，安排了無辣的黃花魚給我們，不竟廣東人未習慣每道都是麻辣的菜式。此黃火魚上菜時店員會在盤底點小小的火，保持魚溫。黃花魚肉嫩皮脆，溫而不燥。汁料有一點點的酸甜，是比較開胃的。皇朝粉絲煲，這個粉絲煲CP值超高的

約左個好耐無見既舊同事，佢知我無辣不歡，帶左我黎試下。可能夜晚既關係，鋪頭位於既街道人流較少，但入到去卻都坐滿了食客。平日工作繁忙，無咩機會煲湯，出面有老火湯飲，當然要試試！蟲草花燉雞，慢火細燉，滋味濃都。松茸菌燉雞，松茸菌的味道比蟲草花更突出。酸辣雞腎，今晚既亮點，好惹味，酸酸辣辣，雞腎好爽口，小辣都頗辣！干鍋花菜，鍋氣好夠，配上腩肉一齊炒，點綴味覺。涼菜是雙絲拌牛肚，清新爽口既青瓜搭上牛肚絲，別有風味👍最後是豆豉炒蜆，d蜆好厚肉，炒到好入味。除左老火湯，基本上每道菜都係辣既，滿足哂中意食辣既我！有機會下次再來，會試下佢既酸菜🐟！

吃辣是一種刺激的感覺，也會令人上癮的，但霸道的辣可以令到其他味道暗然失色。所以令菜式中的辣味和其他味道平衡是上佳作品，這晚又找對地點了。這裏以湘菜為主，今晚不想吃得太飽，沒有點米飯，先來酸辣雞腎，雞腎切成粒狀爽口，伴上豆角辣椒洋蔥一齊吃，滋味得很，其實是好好下飯的菜式。麻辣口水雞份量很大，味道麻香十足，雞肉亦做得很嫩滑，最特別就是麻辣在口中揮發，過後就會湧現一陣回香，不會是純辣的感覺。豆鼓炒蜆就是下酒佳品，蜆肉脹卜卜，炒得剛剛好，絕對不會老掉，能吃到少許海水鮮味，亦感受到一些鑊氣。今次只是淺嘗，下次一定要一大班嗜辣朋友來大吃一餐。

今晚去左西寶城附近食湘菜, 呢間湘菜餐館係住喺西寶城朋友大力推介｡ 雖然湘菜係以辣味著名, 但呢間湘菜餐館好體貼咁可按客人要求煮出唔同嘅辣味程度｡餐前小食一坐低, 店員就拎左兩碟餐前小食黎, 一碟係炸黃豆 (顏色金黃, 口感酥脆), 另一碟係海帶 (味道酸酸辣辣, 非常開胃)｡ 清炒萵笋絲萵笋切成長長嘅幼絲, 以簡單清炒嘅方式, 帶出萵笋絲爽嫩嘅口感同清甜嘅味道｡椒鹽雞軟骨雞軟骨本身已經炸到外酥內脆, 口感非常豐富, 用椒鹽簡單調味, 再以湘菜方式快炒增加辣味, 食落去超級惹味, 而且一 D 都唔油膩｡ 椒香酸菜魚用左大量鯇魚切片, 仲有微辣嘅泡椒 & 醃製嘅酸菜, 呢 3 種材料絕對係呢度菜色嘅靈魂, 而且份量唔少, 完全足夠 3 -4 人食｡ 鯇魚片肉質鮮嫩, 魚肉搭配微辣酸爽嘅湯頭, 實在令人無法抗拒 !!

和男友今晚到西環探完爸媽，行去西寶城附近睇下有乜好食，行行下見到湘聚小厨，都好wo!我都幾鐘意食湘菜店子佈置富中國色彩，客人頗多，氣氛不錯首先來2碟餐前小吃~炸豌豆$8和麻辣海帶$8，豌豆食味有點像蠶豆，幾香口，麻辣海帶爽口帶麻辣味，好惹味手拍青瓜$39~青瓜清甜爽脆，加上酸醋和辣椒和生蒜粒，酸和辣的比例剛好，好啱我口味，食到停唔到口椒香酸菜魚$198~份量好大，可供4人享用，配料有湖南椒，指天椒，芽菜，咸酸菜，薯粉，海帶等，酸味特濃，用了鯇魚，雖然有骨，但肉質嫩滑，薯粉好腍，酸汁非常入味，好美味子薑子雞$118~雞肉切粒，肉質嫩滑有雞味，用子薑辣椒炒，很惹味

朋友最近搬左喺西環，今晚過去佢屋企聚聚順便食個飯，大家都幾鍾意食辣野，見附近有間又未食過，於是就入左去試~入到去竟然有d似返左深圳既小店感覺店員喺我地一坐底就放底前菜小食，真係食川菜先有呢d小食雙絲拌牛肚係好開胃既前菜涼拌小食，叫左小辣都覺得辣，哈哈！但口感好爽口，如果送啤酒係唔錯，雖然我地唔飲酒干鍋花菜炒得好有鍋氣，味道好香，我地鍾意食花菜多過椰菜花，因為口感咬起黎比較爽脆！而且配合埋豬腩肉去炒，感覺好似食緊回鍋肉最後黎到主角椒香酸菜魚，我地叫左上枱既時候我地真係呆左，好大碟之餘仲發現好足料，酸菜夠多、魚肉又夠多，而且底部仲有大量芽菜同薯粉，味道亦好濃味！我地叫左少辣都好惹味，真係值得一試！

舊同學家傭放大假，近日晚飯都外出吃，並四出找飯脚相陪，不過她是辣妹一名，邀請吃湖南菜，平日不常吃辣的我，見有人請吃飯，就即管奉陪吧!家住西環的辣美人，帶我到她家附近的湘聚小廚，點過菜後，我們開始聊天，十分開心!前菜: 炸豌豆 ~$8味道有點像蠶豆，細細粒脆卜卜，很可愛!前菜: 蔴辣海帶 ~$8 海帶爽口，蔴辣中帶點酸酸的，是很好的前菜!手拍青瓜 ~$39青瓜大塊又爽脆，醃得很入味，酸和辣的比例恰到好處，醒胃佳選!椒香酸菜魚 ~$198份量超大，酸菜和薯粉很多。鯇魚頗滑，粉絲很入味。顏色鮮艷，賣相不錯。鹹酸菜的鹹味較酸味重，如果酸味較一點更好!子薑子雞 ~$118 子薑切粒，與辣椒混入雞塊一起炒。酸味較輕，辣味較重，雞肉很嫩滑，配子薑很香!湘菜的酸香麻辣，真是"味"力四射! 無辣不歡的辣美人當晚很興奮，這個"湘聚" 的晚上很愉快! 湘聚小廚西環石塘咀日富里13號富基大廈地舖+852 39568873Yummy Kam OR00060

湖南菜又稱湘菜，是中國八大菜系之一。我第一次食湖南菜，好期待啊！😘店舖由內到外都充滿著濃厚的中國風，由牆身的圖案、木枱凳、紅燈籠吊燈⋯⋯一踏進店内已隠約聞到一陣香氣。先來兩碟餐前小吃，豆炸得很香脆，海帶絲微辣醒胃😋餐牌內有很多小菜選擇，我揀這個✨蟲草花蒸雞✨因為感覺好健康，蟲草花又有益，味道非常好，自己係屋企做唔到咁好味吖！好大碟好有雞味。✨椒香酸菜魚✨呢排成日落雨，濕氣好重，冇咩胃口，食返啲酸酸辣辣嘅嘢，可以振奮食慾，點了小辣，唔會遮蓋魚肉嘅鮮味。份量超級大，用料亦非常足，除咗好多魚肉、酸菜外，還有芽菜、青紅椒、薯粉，酸辣適中不膩。另外還點了姬松茸燉湯，香氣十足！姬松茸亦都係好有益嘅食材，擁有一種獨特嘅香味，健康又美味。

約咗好姊妹食飯傾心事👩‍❤️‍💋‍👩大家都鍾意食辣😍😍就揀咗依間湘菜館一入到去裝修已經充滿湖南風味，店員非常親切，好似街坊咁👍👍聽講係老闆主理，湖南人，所以特別地道👍一坐低已經有兩碟餐前小食特別開胃🤭食辣野一定要食干鍋花菜😋😋😋屋企真係炒唔到咁有火候，配上小腩肉增加口感，特別香，真係好大盤😌😌豆豉炒蜆，唔好以為好似廣東菜咁，原來都可以好辣好惹味😆👩‍❤️‍💋‍👩，加咗紅油去炒非常之夠辣😬😬大大隻，蜆肉飽滿👍👍最辣都紅油豬耳，配上青瓜絲更加爽口，真係唔覺唔覺會食多咗☺️☺️識飲梗係飲國家級飲料啦！椰子汁加多寶🤣🤣正呀！很正宗的一間湖南菜館一服務、嘢食、份量都很好，會再嚟👍

今日放工行行吓嚟到西環見肚餓就去咗附近度搵嘢食，下見到一間門口裝修比較特別嘅就去睇一睇究竟呢間餐廳食啲乜嘢，原來係食川菜嘅今晚就試吓你啦坐低冇耐店員已經為我地介紹佢哋餐廳主打嘅菜式，餐廳裝修得好精緻，店員服務亦都好好，亦都有同我地講必食嘅推介，最後我哋叫咗3個菜手撕包菜椰菜加豬肉炒得好香椰菜口感好爽脆唔會炒到好林，豬肉亦都好香口不會過肥麻辣雞煲雞件好滑件件到好大舊，麻辣味就唔會只係得死辣麻辣味好香最後主角衡山脆肚，豬肚好爽脆，配合其他配料一齊炒令到呢個菜好特別好香口感食落亦都好豐富總括嚟講餐廳抵食之餘味道亦很好

約了一位嗜辣的朋友晚飯，她提議去位於西環的湘聚小廚。 因為她吃過一次，覺得此店的食物做得味道很好， 很想再吃。 首先點了一盤椒香酸菜魚， 朋友就我叫了中辣， 不好辣味的我感辣度可接受， 湯裏的配菜內容豐富， 除了四川酸菜之外， 裏面還有芽菜，青紅椒和水晶粉， 魚片非常嫩滑， 而且每片也很厚身。 衡陽滷味， 裏面有鹵水豬耳和鹵水豆腐， 跟芫茜 一起炒上， 香氣十足， 而辣度與酸辣魚不遑多讓， 朋友十分滿意。 雜糧包的造型有趣， 上桌時以為是 一口饅頭和一口梅菜夾著吃， 誰知把那些饅頭反過來， 卻發覺他們竟是半圓形和中空的， 像一個個的小碗， 十分可愛，造型滿分👍 。 我們可以隨心的把梅菜慢慢的塞進饅頭，感覺有趣。 另外值得一提的是每桌都跟前菜小食 白豆和海帶， 一甜一辣， 也十分滋味， 而且每碟只售八元， 十分超值。

今日同男朋友去西環行吓跟住之後就發現有一間 湘菜我哋入到去雖然鋪仔細細但係就有好香嘅味道咁我同男朋友就叫咗三個餸再加兩碗白飯第一個我哋就叫咗衡山脆肚啲肚好爽一個好特別嘅口感真係好少地方可以食到而且都炒得好香 份量亦都好多啊之後我哋就叫咗個麻辣雞煲呢度嘅雞煲唔會好似出面咁油炒得好乾身 而且份量都好多之後我哋再叫咗個手撕包心菜諗住食下啲菜健康啲雖然佢係菜 但係佢都炒得好香所以送飯一流之後我哋仲叫咗一罐可樂 据哂

喜歡嚐辣的朋友，對於湘菜都應該不會陌生。湘菜是中國八大菜系之一，味道特顕酸辣、香鮮和鮮嫩，辣味亦有著輕重濃淡之分。這間位於西環的湘聚小廚，位於一條小巷子，店面不算大，由於在大學區附近，都吸引不少學生和附近住宅區的小家庭光顅。小吃 （@$8）小吃有兩小碟涼拌菜，分別是炸白豆和海帶絲。衡陽滷味（$68）👍👍👍👍這款滷味主要有兩款材料 - 滷水豬耳和滷水豆腐。豬耳切條，口感煙靱加爽脆，滷水豆腐切成薄片，有滷水的香氣，豆腐亦帶有豆香。清炒萵筍絲（$78）👍👍👍👍清新爽脆的萵筍絲，不但是麻辣火鍋的好拍檔，清炒就可以吃到萵筍的原汁原味。椒香酸菜魚（$198）👍👍👍👍酸菜魚是屬於四川菜系，同樣以酸香麻辣為主味。湯底配以四川泡菜，大量青紅椒泡製而成，味道酸中帶辣，客人更可因應自己口味選擇辣度。魚肉方面，因為用了鮮鯇魚，魚肉鮮嫩但比較多骨，所以要慢慢吃。酸菜鍋還有不少水晶粉在下面，所以都不需要再加白飯或麵食。收銀處還放了一盤最近人氣急升的大白兔糖，食一粒可以解解辣。門面內在環境餐牌

今天相約很久沒有見面的朋友到湘聚小廚吃晚飯，由於自己都喜歡吃辣，所以找一間湖南菜館，實行吃一餐酸香麻辣的晚餐。餐廳裝修帶有中國風，門口掛著兩個紅燈籠，舖面不算大，但也坐得很舒適。餐前小食 - @$8兩款小食，每碟$8，一碟是白豆，一碟是海帶絲。清炒萵笋絲 - $78簡簡單單的清炒萵筍絲，顏色青青綠綠，口感爽爽脆脆，味道很清新。衡陽滷味 - $68這款滷味有滷水豬耳和滷水豆腐，豆腐切成薄片，豬耳切成條狀，豆腐有豆香和滷水香氣，豬耳十分爽脆。椒香酸菜魚 -$198這窩酸菜魚份量很大，一大鍋𥚃有大量的青紅椒，魚片很多，口感很滑，酸菜湯又酸又辣，味道醒胃。下面還有很多水晶粉和大荳芽菜，所以很飽肚。