Video
Opening Hours
Today
10:30 - 19:15
Mon
10:30 - 19:15
Tue
Closed
Wed - Sat
10:30 - 19:15
Sun
Closed
Above information is for reference only. Please check details with the restaurant.
最近去咗佐敦嘅「沾仔記麵食」食麵，餐廳環境裝修簡約，餐牌簡單，主食上嘅選擇精而簡，小食款式亦只係出售兩款招牌產品，但已足以品嚐到香港風味的美食。單拼轉蝦籽撈麵（單點$47），鮮鯪魚球，好大粒，口感彈牙，內有香蔥，毫無細骨，食落有鮮味，配以蜆蚧；高湯採用豬骨、蝦籽、大地魚乾製作，湯底顏色清澈，味道清甜，內有韮黃；蝦籽撈麵，麵條口感幼身，掛滿蝦籽，味道鹹鮮，配菜包括有唐生菜。雙拼幼麵（單點$41），新鮮牛肉鮮蝦雲吞幼麵，新鮮牛肉，採用鮮騸牯牛肉製作，牛肉色澤粉嫩，肉質厚嫩，略嫌口感食落類似滑牛肉，牛味濃厚；鮮蝦雲吞，好足料，皮薄餡多，鮮蝦、豬肉比例適中，內有3隻鮮蝦，肉質爽口，味道鮮甜；幼麵採用全蛋竹昇麵製作，口感條條分明，食落帶有蛋香味道，鹼水味道微弱。大份五粒甜酸炸雲吞（單點$45），即叫即炸，雲吞皮炸得金黃酥脆，食落並不油膩，配以甜酸醬食用，味道酸甜，略嫌餡料份量比較少。小份三粒蜆蚧鯪魚球（單點$30），鯪魚球內有陳皮、香蔥，蜆蚧醬汁內有泥蜆，泥蜆肉質飽滿，口感滑溜，略嫌蜆蚧酒香味道過於濃郁、發酵味道偏重。郊外油菜（單點$18），腐乳通菜，通菜口感爽脆，腐乳口感濃稠，味道鹹香。低糖豆漿（單點$8），飲落無渣，豆香味濃，甜度適中。津路烏龍茶（單點$8），茶味濃香。
continue reading
【油尖旺區】【沾仔記麵食】同田慈仁喺佐敦，行行吓肚餓就搵吓嘢食，一時三刻都唔知食乜好。見到呢間沾仔記，知道佢哋都係老字號嘅麵檔，就入去試一試佢。行近先發覺原來都幾多人，張張枱都好似坐滿晒人咁，點都一定要搭枱。搵到兩個相連位置就坐低咗，就開始睇有乜嘢食。麵食嘅餸其實得三款，雲吞、牛肉、鯪魚球，田慈仁試 $41 嘅「牛肉雲吞河粉」，再飲 $8 嘅「津路烏龍茶」。佢都有夾啲料畀我一齊食，所以我都知道啲嘢唔錯。尤其係佢哋最出名嘅雲吞，真係皮薄餡靚，蝦味濃郁得嚟仲要勁大粒，一啖係食唔到一粒嘅。我就試 $41 嘅「鯪魚球撈粗麵」配 $8 嘅「低糖豆漿」，撈麵本身要加 $6 所以單餸都係呢個價。而佢哋嘅鯪魚球都好高質素，同埋都係好大粒，豆漿亦都好飲。我哋都試咗 $45 五粒嘅小食「甜酸炸雲吞」，係好足料嘅炸雲吞嚟。夾埋 $143，係可以嘅。。。（地址：佐敦廟街300號地舖）#1amfoodie #foodie #hkfoodie #thatfoodiething #hkfood #food #instafood #yummy #foodlover #delicious #foodies #tasty #globaleats #tastyfood #dessert #foodpics #followforfollowback #love #eat #1am油尖旺區 #佐敦 #柯士甸 #沾仔記麵食 #牛肉雲吞河粉 #津路烏龍茶 #鯪魚球撈粗麵 #低糖豆漿 #甜酸炸雲吞 #1am1523 #1ambackup
continue reading
呢間位於廟街嘅沾仔記麵食一直都久仰大名咗好耐，今次終於都有機會來到呢間懷舊老店食返碗平靚正嘅經典雲吞麵，可以品嚐到傳統嘅港式風味，順便感受下附近嘅熱鬧氣氛～雲吞河💰HK$36雲吞大大粒，外皮薄而柔軟，內餡亦非常之足料，內裡充滿大蝦肉同埋豬肉餡！食落口既有海鮮嘅鮮甜味，又有豬肉嘅香味，味道十分誘人！河粉口感亦非常嫩滑～雙拼麵💰HK$42雙拼叫咗雲吞同埋鮮牛肉，雲吞皮薄餡靚，牛肉鮮嫩得來又帶有自然嘅肉香！湯底清甜，麵質爽口彈牙～蠔油豆苗💰HK$26豆苗脆嫩清甜，表面嘅蠔油亦為豆苗增添咗濃郁嘅鮮味～✨秘製辣椒油香辣惹味，推薦食麵一定要落～低糖豆漿💰HK$8甜度適中，豆味香濃～可樂💰HK$8
continue reading
今日黎左佐敦開會，經過嗰陣見到有沾仔記😍呢度出名嘅就係乒乓波咁大嘅雲吞😍除咗雲吞好似乒乓波咁大之外，其實蝦肉仲係好彈牙又有鮮味😋 最鍾意佢夠大粒，因為口感係超級充實🤪😝 除咗雲吞係signature，鮮鯪魚球都一定要食架😎唔炸嘅話其實一定會食到最新鮮嘅味道，加上無味精既上湯更可以品嘗出鮮彈口感😚我哋再嗌多一份蜆蚧鯪魚球，係順德嘅傳統小食，將鯪魚球炸得香脆再蘸蜆蚧醬一齊食，味道好惹味🫶沾仔記麵食Jim Chai Kee Noodle📍佐敦廟街300號
continue reading
沾仔記麵食佐敦廟街300號地舖經開佐敦，老友推介地道蝦子撈麵，食材新鮮高質，果然冇介紹錯。😸蝦子撈麵三拼配料有鮮蝦雲吞、鮮鯪魚球和新鮮牛肉。蝦肉新鮮爽口彈牙，鮮味十足，皮薄餡靚。鯪魚球份量十足，口感鬆軟，調味處理得恰到處，牛肉肉汁豐富，口感嫩滑。湯底清甜冇味精，加了韭黃提升層次，好味道！😻蝦子撈麵，加底，加蝦子，拼山菜，香氣四溢，面層佈滿了香濃的蝦子，粗麵口感煙韌，大滿足！🤤菜心新鮮爽口，加蠔油開胃惹味，趁熱食好正！😸支裝可口可樂真係好飲啲，夠氣夠凍，飲完好舒暢。😁沾仔記麵食 食材新鮮夠地道，侍應服務態度好，還會再來。🤘🏻😎
continue reading