Video
5-min walk from Exit A1, Hang Hau MTR Station
continue reading
Telephone
27013632
Opening Hours
Today
11:00 - 22:30
Mon - Sun
11:00 - 22:30
Above information is for reference only. Please check details with the restaurant.
香港 fine dining餐廳甚至酒店內的餐廳好多都係得個字, 食物和服務質素都唔值嗰個價錢. . . . . . 如果想飽肚, 茶餐廳亦都已經唔係特別平. . .今日放假, 隨便去了坑口逛逛, 首先做最開心緊要嘅事 - 找食物醫肚 =) , 放鬆下自己~~ 路過呢間餐廳, 望望餐牌時, 便有位可能係經理嘅男士斯文友善咁介紹啲套餐畀我, 我都幾有興趣試. 佢安排我坐梳化位, 環境感覺都乾淨衛生, 我點咗一個牛扒烏冬餐, 加一杯咖啡, 好放鬆咁享受呢個午餐 - 牛扒好香 =D , 配埋蛋黃味濃鬱嘅半熟蛋, 撈埋烏冬食, 已經好飽, 兼享平民價錢!! 再值得一讚嘅係, 帶我入座唔知係唔係經理嘅男士好有心照顧客人, 包括其他枱嘅客人, 亦有見另一位熟手嘅員工會帶領另一位員工合作出餐, 保持桌面乾淨等等, 呢度嘅服務員團隊唔會好似無質素嘅餐廳員工咁, hea 下 hea 下, 企埋一堆傾偈無心理啲客人, 整體嚟講, 呢間餐廳真係可以 encore 👍🏽
continue reading
星期日諗住同屋企人出街食午餐，唔好再飲茶，行過呢間見到有weekend lunch Menu，又未試過就入咗嚟試吓。老竇食咗個鯖魚炸蝦烏冬，佢話鯖魚好腥，但係炸蝦都OK。媽咪食咗個牛肉壽喜燒定食，有三片牛肉，食落嘅味道就係茶餐廳照燒汁，超級超級甜。我食咗個牛肉黑松露鐵板飯，上嚟啲牛係全生，等啲牛熟嗰陣時，洋蔥同粟米已經燶晒。個飯好油，完全冇落鹽，靠啲汁調味，但係啲汁太稀，倒咗上去蒸發晒。仲叫咗個凍滴咖啡，飲落去又係好甜，奶精味好重，同即溶咖啡冇分別，一個set $100嚟講，佢都算係我食過最難食。原來香港而家嘅物價變做咁，唔怪得知啲人去食兩餸飯就算。
continue reading
在這次食牛排的經歷裏，我終於體會到什麼是好的牛扒。 什麼是好牛扒呢？在這次吃牛扒的經歷裏，我吃到了自然草飼肉眼牛扒。裏面肉汁豐富，大小適中。 這家牛扒店的價錢也不貴， 就算一塊上好的牛扒只需要200元以內。我還加配了套餐，在這個套餐裏我渴到了一杯特飲， 一個龍蝦湯 和一個和一個泡菜豆腐。我覺得這個特飲很好飲 和龍蝦湯龍蝦味很重，還有一隻完整的蝦。經過今次食牛扒的經歷後，我終於明白到一塊好吃的牛扒是怎樣的。我還學會了一塊上成的牛排不用下汁， 只需要鹽就能調味。
continue reading
因為懶得諗食咩 見到有二人餐簡既餐廳就入😂二人餐有包前菜 主菜同埋兩杯野飲仲有送會員卡 係下次黎食時可以問職員有咩餐可以有會員優惠咁我地前菜就簡左一湯一沙律是日餐湯係甘筍湯甘筍味係濃郁同埋甜既不過佢唔似西餐個湯咁creamy沙律菜就正常 汁係酸酸地幾開胃主菜就有龍蝦，牛柳，豬肩扒有三款醬汁入面可以選擇兩款唔同既醬汁一開始已經叫左侍應唔好整咁熟牛柳因為驚鐵板上牛柳會好快老侍應都有答話一般會煮到3成就上菜建議食左龍蝦先但結果黎到見到牛都已經7-8成熟咁制🤷♀️🤷♀️雖然正常鐵板餐都係要食得好快 要與時間競賽 但都唔係一黎就7-8成熟我連同時間競賽既資格都冇😂😂一黎已經要即刻夾哂牛出黎放係另一隻碟到到食時先放一放上去 整番熱佢否則應該會變左10成熟😂雖然牛柳一上已經係7成熟 不過佢係好食既如果一開始就食佢咁就係岩岩好既牛味重 肉質係冧既豬肩扒就係牛既下面夾完牛之後就完全醒唔起要夾起埋個豬直接就食左個龍蝦先龍蝦係好食👍👍同埋膏味濃 好juicy食完龍蝦之後先食豬豬已經老哂 有d硬 不過都仲係可接受既西蘭花都煮得好好食出街食有時d餐廳既西蘭花會有陣草青味呢間就完全冇草青味菠蘿都好juicy 就算我地放到最尾先食 都唔會煮到乾哂 食落仲好多汁 不過有少少偏酸粟米都係好食最底洋蔥吸收哂牛同豬既汁 都係好正總括黎講呢個二人餐係好食既不過要一開始就夾哂牛同豬出黎先否則就會老哂 唔好食如果你食野食得好快既話 可以試下唔夾😂😂
continue reading
中午經過Just Steak by Cow Bean， 每次都想試下這裏的扒， 今日即興入去食。 點兩份Weekday Set Lunch，燒特級肉眼牛扒全日早餐$92、 日式照燒雞扒拼帆立貝丼定食$63、 熱咖啡、韓國梨汁。▫️燒特級肉眼牛扒全日早餐 ～ 有特級肉眼牛扒、豚肉腸、火腿、太陽蛋、茄汁豆及多士，賣相普通， 牛扒溫度屬於常溫， 口感偏硬， 豚肉腸完全沒有味道， 連肉味都冇😅。 ▫️日式照燒雞扒拼帆立貝丼定食 ～ 照燒雞扒的皮好硬， 幸好肉質還算正常， 帆立貝有一粒， 味道正常， 還有兩片南瓜天婦羅。 ▫️熱咖啡 ～ 熱咖啡是整頓午餐最好的😉， 入口香濃。 ▫️韓國梨汁 ～ 罐裝梨汁， 沒有特別。 整體食物質素有進步空間， 試一次就夠🙂。🏷️溫馨提示～ 整個用餐體驗均屬個人分享意見， 只作參考😊。
continue reading