嘉嘉餅店 (Closed)

看到食評推介香蕉蛋糕..昨日經過順便買一個試下...每個有獨立膠袋包裝算是衛生 (相比店內環境)雖說迷你size @$3, 但唔算少, 相等於一個嘉x雪芳蛋糕..一吃...香蕉味是有, 亦見到黑色的香蕉絲, 但不多...最最最敗筆是質感一點也不鬆軟, 似中式發糕, 實實的..吃了半個已經有點滯..唯一優點是不油膩, 真係一點油都沒有...香蕉蛋糕還是奇華的好吃, 雖然油膩點...

黃昏要到北角上課，路經此地，買了一件豆沙酥和一件椰撻。豆沙酥($3)：比一般的豆沙酥大得多，出爐不久，很新鮮。酥皮鬆脆，不油膩，也不太厚；豆沙是傳統的那種比較實淨的，甜度剛剛好，而餡是非常的多。椰撻($2.5)：雖說是大椰撻，但比一般常見的椰撻較小，椰香味不夠，但甜度適中，不會太膩。店內的食品全部都十分平價，無餡包(如提子包、菠蘿包、雞尾包) $5.5/3個，瑞士卷 $8/1條，雞批 $3/1件，還有一些少見的傳統蛋糕 $3/1件 如蛋糕筒和三角形朱古力蛋糕，真是非常抵食。　不太好的是地方狹窄，店員態度一般。

在北角碼頭附近，每次見這所麵包店都人頭湧湧，因為價錢實惠，出品美而廉。麵包蛋撻雞批等都是幾塊錢有交易，我買了一個菜肉包，一個剛出爐的花生卷，每個都是三元，花生卷頗大件，有手掌般大，熱得熨手，回家後水蒸氣把膠袋也弄濕了，切開後，看見中心是一圈一圈的，夾雜有花生醬，很香口，麵包軟熟好味又夠大。菜肉包原來是西式的，包面有幾粒蔥，內裏的餡料是煙肉，火腿，紅蘿蔔，薯蓉等，切得很精細，味道幾好，三元一個超抵。麵包是人民日常的食糧，這店能夠提供美而廉的產品，是街坊之福，與現時最廉宜的交通工具------電車一樣，我愛您！

第一個評分者也有推薦的「彩虹卷蛋」 ($2)，算是這家店的鎮店之寶吧。雪白的忌廉很豐厚，吃上去比原味和咖啡味的卷蛋好吃，價錢也一樣，而且一般餅店都沒有這東西，所以我每次去嘉嘉都只會點這個呢。芒果布丁 ($5) 是不過不失，略甜，芒果不多，勝在夠平，嘗嘗不壞。巧克力三角蛋糕 ($3) 嘛，有一層巧克力包住個蛋糕，吃上去是硬的，不是很吸引，試試吃一次無妨，我叫了兩次就沒再叫了。拿破崙蛋糕 ($2) 一拿起容易散，吃上去和連鎖店的差不了多少。一般連鎖店的卷蛋一塊要 $4，而這裡只用 $2 喔。其他飽點也是超級便宜的，基本上大家都是因為便宜才來買。P.S. 千萬不要叫雞批，即使多便宜都不要叫！與其說是不好吃，倒不如說那是雞批以外的產物！

新鮮出爐買返個$3.5有兩個, 好抵, 就買4個試下不過蛋撻唔係好大個, 個皮又唔係好厚, 鐘意食皮的我就覺得唔夠好啦個皮太薄好易爛呀個蛋唔係好想蛋味, 但食落都好滑, ok的個皮都唔算脆, 好就好在唔油, 唔太溜店鋪其他的包餅都唔係好靚, 好求其咁...蛋撻係較好架啦

每天早上都見到人龍排到出門口正因為前舖後工場所以早上的麵包不停出爐，好新鮮令到細小的舖頭擠滿上班一族雞尾包，提子包，菠蘿包，每個都係兩蚊，買3個$5.5小妹每樣買左一個提子包係新鮮出爐既，超軟熟，仲見到個包出熱，一陣又無左半盤不過提子就唔係好多，得5, 6 粒菠蘿包既皮都幾好，唔會同個包分離而雞尾包下午先食都唔會變硬左，還可以啦沒什麼服務可言，勝在手快腳快亦不要期望麵包會給您什麼驚喜

11月19號 - 早上8點半今日不知道食什麼做早餐好。 所以決定了食一個簡單的早餐。 就是兩個蛋撻la。 個蛋撻不是好大。 但是食果時都覺得好好味。 個皮不是好厚, 但好脆。個蛋食落好滑。 同埋不算好肥膩。 但是服務方面就可以改善。 可能個店鋪太細, 所以D客逼爆在店裡。 而有些客人又爭先恐後。 所以覺得不開心。 又比人打尖。 我也要等好耐先可以買到個蛋撻。 感覺不好。不過。 食左個蛋撻就忘記了之前的苦。

樓下開過好多間麵包舖,得呢間仲生存緊,佢可以對抗到美心,大班,山崎,pie&tart0既勢力,係有佢0既生存之道---夠平!即使加價,都係$2一個豬仔包,又大個,可謂非常抵食但係味道真係好唔得囉...無論你買邊款麵包:菠蘿包,雞尾包,豬仔包,麥包......個包都係一樣味......有餡包D餡少到無咁滯......真係好難食仲有,因為人多,顧客對D包好粗魯,成日整到D包扁晒......好醜樣......蛋糕......無蛋味,尤其係瑞士卷,同山崎無得比!唯一比較好係蛋撻同椰撻,因為新鮮出爐,熱辣辣唔差得去邊,椰撻椰絲夠多,好味奉勸唔好食非蛋撻/椰撻的東西!

看到飯友的靚相，又走來插嘴。雲雲稱呼這卷蛋叫雲石蛋糕，每次經過都買來吃。貪佢忌廉多，花式又多。價錢實惠，惜又忘記了。

每一次經過，都見到裏面人頭湧湧。好奇地入去八卦一下，發覺麵包及蛋糕種類多之餘，價錢還極之便宜。出面一個义燒包閒閒哋賣你五六大洋，呢度就只賣三元五角，又難怪咁多人嘅...先後來過兩次，不約而同都係試不同款嘅糕點。見到有久違嘅花卷，立刻買。香精味比較重，又沒有合桃在內，cream又不太夠多，食味點都冇龍城豪華咁出色...反而清蛋卷就真的出色，吃落真的很清，質地軟熟，蛋味亦足。只係二元五角一件，抵食之餘亦好食...太座買個蛋撻試試。牛油皮不夠鬆化，不香，蛋漿又不夠滑溜。不過勝在夠熱辣辣，而且只是兩大洋一個，夫復何求 ?見到有大合桃蛋糕及嚤囉酥，睇怕都要嚟都幾次先得...