角川

Open Now

Now Closed

有次行過無意中發現呢間餐廳，第一次試咗午餐定食，小食係高野豆腐，主食唔記得咗係咩餸，但記得連汁都好好味。老闆介紹我地下次可以夜晚黎食串燒，果然好高質！今次散叫，我比較鐘意煮高根、高野豆腐同雞皮，口感同味道都好正！粟米好正🤤海鮮、蔬菜都唔錯，因為食材同煮法都好好，唯一叉燒有少少太咸🙈btw我地兩個人都比較大食，所以人均價錢未必準確😂總結：無論午餐定食定晚餐串燒都好有誠意每一樣食物都係精心製作，每次上一至兩樣，可以慢慢食，唔怕凍咗唔好食，仲有老闆好熱情友善

係香港其實我好少食日式串燒，可能食慣地痞一滴香果嘀，日式份量唔夠多，食得唔太盡興，但呢間連居酒屋又可以一戰喎！最緊要個老闆西聞口心多過浪花，係食得開心嘅～ 講返野食先！厚燒牛脷一定要試！又爽又多汁，重有高野豆腐，我唔好豆腐都覺得正！個湯汁係好飲嘅～清酒蜆大隻又甜，呢嘀居酒屋必嗌啦！燒野嘀食材係新鮮嘅，咁收得咁上下價唔會行野嘅都。 總之想吹下水，唔想諗食乜都可以叫佢推介下，由初夜食唔食到深宵就睇你功力同老闆心情啦！

去過2次，第一次諗住見收12am去食個宵夜，點知10:30去到已經收咗😑，明明係open rice同google都係寫營業時間係6:00-00:00，簡直離哂大譜。跟住第二次同女朋友去食晏，諗住晏晝去實冇死啦，點知成間鋪得2個人，出菜極慢，見到出面樓面同入面廚房做到成隻狗咁。我女朋友點左個汁燒雞扒飯，點知塊皮完全唔脆一睇就知雪過幾日再翻煮，跟住喺個飯上面隻煎蛋完全唔夠熱。最離譜係我叫嗰個黑毛豬叉燒煎蛋飯，同樣隻煎蛋又係凍曬，啲叉燒又完全冇味，塊叉燒餐牌寫就話係黑毛豬叉燒，但係食落去同我阿媽喺街市買嗰啲巴西梅頭一模一樣，根本呃人。嗰咁嘅叉燒飯仲要賣成68蚊🤬我去隔離食個車仔麵唔好？走黎比你呃＄，睇見隔離抬啲學生哥就慘，日日比成$60$70就去食埋呢啲飯，真係嘥鬼曬啲錢喇😖。下次？冇喇

走進大坑嘅夜晚，好想好想去食一餐大滿足，見到一間比較人氣嘅居酒屋🏮，有串燒同煮物，座位不多但見到服務親切招待，好👌🏿！就係呢度！😳.坐下來，點咗杯係推介自家浸咗3年嘅梅酒🥃，坦白講，真係好好飲🤭，平時嘅有係藥水同太甜要靠冰溝淡，但呢一杯絕對唔需要！正呢！🥃.🥢高野豆腐🔥。非一般嘅豆腐，好索汁，同平時嘅唔一樣，難怪係人氣推介食品😳.🥢厚切牛舌🐮👅🔥。坦白講，堅好食🤣完全係燒到好啱火喉，仲好Juicy😳.🥢清酒🍶煮蜆。一大碗，都好多隻，夠熱同鮮味😌.🥢烤雞翅🐔。好大隻，脆皮嫩肉，加上檸檬🍋汁，很好食🤭.🥢燒油甘魚鮫🐠🔥。魚鮫確實比較大，燒得好有水準，好乾身，魚皮又香，又唔油膩，係咪咁堅先🤣.🥢免治雞肉串🐔🍢伴蛋黃🍳。見到枱枱都有叫，仲有一款係免治羊肉串，，兩款眾食客都大讚，下次要試試😏.🥢燒飯團🍙。無燶嘅苦澀，燒得好透，醬油飯團🍙係滿足嘅完結😌

一間價錢合理嘅串燒小店，用心將食物調味，再去燒，唔同平時啲串燒店咁燒緊時凈落「支然」粉。食材新鮮，食物上枱時熱辣辣，好香燒肉味。直得介紹個心食homemade 豆腐同厚燒牛脷。大坑都有好多好多串燒店，我都試過所有，佢呢間真係very very outstanding。幾個朋友嚟隊啤丶食串燒同吹水就啱晒。呢間小店老闆好好人，佢會同客人打成一片。有心小店加上美味有quality嘅食物，價格又非常合理，一定支持。

印象中大坑的日本餐廳都是高檔次，難得今晚找到價錢較能應付的小型居酒屋，便去試試。最難忘是高野豆腐及關東煮，湯底鮮甜，豆腐、蛋、蘿蔔及魚糕等都好入味。燒白鱔及秋葵一般，凡粒貝雖然不算大隻，但以這價錢來說算抵食，燒得剛剛好，鮮味又不會太硬。燒玉子加了酒，味道偏甜但特別。茄子則充滿蒜香。老板會主動和客人傾偈及加茶。上菜慢一點，但看得出是逐串燒，值回時間。

一間在大坑的日式串燒小店，店舖小小的，最多只可坐20人左右；裝潢也十分簡約，絕不豪華花巧，但是食物質素非常好，很有日本居酒屋的味道。所有的串燒食物即叫即燒（煮物則是事先煮好，所以可一邊吃煮物一邊等），無可否認是要等久一點點，但是就是因為這樣才能保持質素。加上價錢不算貴，以串燒來說是物有所值的。店長的服務也十分殷勤，推薦的食物質素也很好，值得一讚！當日我是在平日晚上吃晚餐，也坐滿 了客人，建議先訂位子才過來會比較好！

原諒我聖誕節嘅食評宜家先有時間寫，因為實在太忙，但忙到訓都無時間嘅情況下，都要話反比大家聽大坑哩間新店-角川。角川係日式串燒為主，所以有大量日本清酒係好合理嘅。(其實咩酒都有咁滯)就選唔識揀都唔使驚，兩位親切嘅老闆都會續一介紹反。串燒店有豬手？放心，唔係南乳豬手。哩個豬手軟淋非常輕輕一咬即化開，但皮仲保持有啲Q彈嘅口咸。味道係日式醬油，加....咩咁香呢？一問下，係泡菜！汁都飲埋咁滯。燒豬豚肉腩片，外面燒得焦香不在話下，每一口油脂與肉香同時溢出，食腩就係要哩種感覺咋嘛。外面比較多見嘅係雞肉棒，角川竟然有羊肉！實在係一大喜訊，但因本人都好喜歡食羊。羊肉無羶味，淡淡羊肉香不斷飄向鼻腔。另外要講下隻蛋，蛋黃非常香濃卻保持清新口感，肯定唔係普通貨！串燒界嚟講，燒鱔係一門我最緊張嘅一道，因為好睇師傅心機。刀工唔好，就皮肉分離，大家睇到呢張相首先係冇發生呢樣野。燒功唔好就魚肉乾柴，我食完就話俾大家聽非常多汁嫩滑。心機唔好就調味單調，角川有就著甜咸香方面著手。以下呢一款真係不得不寫，大家估唔估到係咩？係雞尾，太驚喜了！佢哋用咗日本嘅雞，所以油脂上比例只小少一大半，反而仲食多份清香雞味，但再燒香口啲仲

喜歡大坑旺中帶静，食肆出品各有特色!最近喜歡约埋三五知己到大坑京街一間叫角川串燒店開餐，京街入口很易找。老闆兼大廚串燒好兄弟有心闖一番事業，食物質素好，一些清酒新品介紹價錢合理，一試難忘，值得推薦比朋友。當晚四個人吃了很多串燒，重点推介燒雞亦，黑毛豬，牛串，羊肉棒; 飯桶朋友喜歡燒飯團，入味又熱棘棘即燒即上，關東煮種類不多，但好味。不耍錯過牛筋煮，喬麥麵各樣都好好味，當晚靚仔老闆介绍3支清酒各有特色，愉快的週末! 秀色可餐! 遲D生日约埋拾幾廾人包場刚刚好，哈哈哈哈!

幾個月前, 同女朋友們去咗呢間位於大坑嘅日式串燒小店食晚飯 。小店由兩位猛男老闆主理。地方雖然不算寬敞, 但勝在地方乾淨企理, 食材用料新鮮, 菜式有水準。老闆話海鮮食材每日新鮮送到。必試蘿蔔煮, 豬手, 汁煮豆腐... 十分之入味, 仲有燒五花肉, 等等..（ 流口水中...）！簡簡單單嘅菜式, 足以令你回味無窮, 可見老闆主厨真係落咗一番心機！ 另外位老闆就熱情款客, 招乎周到 ,十分落力, 有heart!想同三兩知己傾吓計, 同情人談談心, 食吓串燒, 呢間誠意小店會係一個好去處！

大坑這個小小區，每條小街也有好幾家餐廳，有些看似相近的類型，但細嚐後便知各有特色。有些坐陣了好些年，亦有些後起之秀，今天就來到了新登場的”角川”。此行之目的本來只為與友人聚聚，約我來主打串燒的地方，應該都是想喝喝清酒，把酒談心，對酒當歌。地方雖小，五臟俱全，除了能描述角川這舒適富人情味的小店，也能應用在其存酒量，清酒、威士忌、香檳、白蘭地也有，少不了冰凍的黑白生啤！當然光是舒適裝潢和供應的酒，絕不能惹起我的興趣寫一篇食評。這晚我只吃了兩款小食以送酒，辣酒煮東風螺和高野豆腐。角川的東風螺肉厚而嫩且彈牙，沒有因滷煮而變得厚實難噍。日本醬油帶甜與微辣和酒香已達到一個比平衡更和諧的境界，彷彿這味道已不能再被超越。高野豆腐，比嫩豆腐多一份硬朗，比豆卜多一份溫柔，豆腐和中空的內心吸盡湯汁，湯汁與豆香在口腔內爆發，豆腐竟能如此，又再一次擴闊味蕾的經歷。

食物美味，老闆招呼一流，燒雞皮香脆不乾身，飯團即搓即燒，前菜豆腐超級美味又開胃，燒麻糬簡直一絕，老闆推薦嘅清酒跟食物非常合襯，一間小有用心經營串燒店。唯一不完美就係當晚沒有zero可樂不過以一間初開的串燒店來講，我會比90分。舖面不算大，不過可能係酒精影響下，環境有點大阪橫巷舖感覺，再加上老闆熱情招呼之下，感覺非常親切，有一點似在朋友家中作客，可以好隨便嘅感覺，非常非常舒服。希望老闆會繼續keep好食物水準同呢種感覺，期待下次再幫襯