金沙角美食小厨

Open Now

Now Closed

今日心血來潮想午飯食小菜，諗起博康村個邊有冬菇亭，就專程搭左2個站既馬鐵去啦！今次黎左D間叫做金沙角美食小廚！平時夜晚黎冇點心的，今日中午黎到原來有點心的，又多一個選擇👏👏講返正題先，今次我地兩個人叫左四個小菜，叫既都係D大路野黎！金銀蛋煮時蔬（白菜仔黎）椒鹽鮮魷 芥末牛柳粒椒鹽海中蝦首先四碟餸既份量真係好足，絕對夠食有突。但真心要讚一讚個椒鹽海中蝦，真係超惹味，D蝦脆脆脆，可以連殼都食埋！！個牛柳粒有D合桃係度，又係好香口的，配埋個芥末真心正！椒鹽魷魚都好夠味，金銀蛋煮時蔬正常發揮。其實仲有好多餸想叫，但兩個人真係食唔晒，多人黎食就一流！！值得推介既大排檔！！！！！！！！！！！！！！！！！

同屋企人嚟食，見到新開張環境：2.5/10餐廳成地都係黑蚊蚊嘅積，冷氣機滴水，而且最不能接受係啲碗碟好油，洗咗三次都係整油身，同埋要搭枱(我理解但唔習慣）食物：4.5/10雞係抵食，孖寶餐嚟計翻開都係$8x有半隻通菜同椒鹽鮮魷好咸好咸，咸到要用清水沖開先入到口最kick係椒鹽鮮魷，咸而且唔抵食，圖中係一件都未食過$108定$118😂另外嗰個西蘭花都係一舊都未食過~~總結：地方唔乾淨，上菜慢，餸菜質素唔穩定唔難食但唔好食~有得揀唔會做first priority~~~最後埋單$500左右 正正常常 唔洗+1但茶位$8/1

第一次去，覺得佢ge 小炒都唔錯😋😁😁👍🏻.紅燒乳鴿 $70好味度：⭐️⭐️⭐️⭐️新鮮炸，肉嫩多汁，好好味😋😋.薑蔥炒蟹 時價 ($250)好味度：⭐️⭐️⭐️⭐️通常見佢時價，問左大概幾多錢，ok 就去食，避免好多最後先知收幾多錢的問題出現～呢到一隻兩個人食，都好夠，好夠味加上肉都好鮮味，推介😁😁👍🏻⚠️另外溫馨提示，可以食完蟹再叫其他，因為食蟹需時，避免其他餸凍左😁.啫啫通菜煲 $90好味度：⭐️⭐️⭐️食呢d 通常配白飯一流。。呢個味道都幾咸.

新加坡的朋友來了香港😃住在沙田附近的酒店🏨所以就帶佢嚟試試香港嘅特色大排檔😋星期日嘅晚上9:30pm 都全塲滿座🙆🏽‍♀️美食天堂嘅香港真係好多選擇🤣🙆🏽‍♀️薑蔥桶蠔煲🦪$200桶蠔大隻厚身 好乾身 脆口😋配合堆薑蔥仲有五隻咁多，真係食唔停口💜🙆🏽‍♀️小炒王$120🥘配料有蝦乾，魷魚仔蝦仁韭菜花 菜脯🥬沒有我至愛腰果🥲夠獲氣 但有點油膩🙆🏽‍♀️乳鴿$70🦢皮脆肉嫩有肉汁💜😋食物都可以，如果順路嘅話都會再嚟🤭

個個去搵食，如果唔去，其實都仲有其他好西！呢間銀河美食屋算區內幾出名的～大份夾抵食👍🏻👍🏻😍 吉列石斑👀面頭有6大件魚柳，係就係熱氣啲！但間中一次可接受🤣魚柳炸到勁酥脆，咔咔聲，加埋佢啲沙律醬，好難唔好味😂😂啲人通常都係食吉列豬扒多～如果唔想食豬扒不妨試吓呢個魚柳😋😋

難得終於可以淨係一家三口食飯，梗係唔想再喺屋企煮啦，但落街食飯又有咩好食呢? 諗諗下不如食金沙角啦，已經就黎隔左4,5年冇黎食過晚飯黎得大排檔，老規矩當然係一人揀一個餸古法焗魚腸、腰果西芹雞丁、金銀蛋莧菜古法焗魚腸係即焗，上枱嘅時候係咁嘅樣，D邊位仲係冒緊泡，熱辣辣到一個點。依個餸已經冇乜地方可以食到，黎到金沙角當然要叫，而識叫嘅亦唔止我一家人，仲有勁多人叫，我地咁岩坐喺出菜廚房位，見到侍應出嘅餸應該有3份1都係焗魚腸同埋D椒鹽乜乜。至於焗魚腸有幾好食我就真係唔多識形容喇，自己黎試下就知。另外2個小菜都係我鍾意食嘅，發揮正常，好夠鑊氣，雖然油可能係多左少少，但唔係成日黎食都ok ge，最緊要係夠鑊氣，附近都冇咩地方有咁高質素嘅小菜是晚全場近乎滿座，我仲見到附近有枱老人家比較多嘅，叫左2,3碟煎炸野，心諗，老人家唔係通常少食熱氣野嫁咩......果然係老當益壯，我怕肥怕熱氣都係少食為妙，都係下次黎先叫啦雖然比起幾年前黎食好似加晒價，不過份量都好似又大份左，定係我細食左呢? 最後3個人叫3個小菜同2個白飯，都食唔晒，打包埋當第日返工lunch，都叫慳返餐，正。

🕖時段-星期一夜晚差不多9:30pm先食飯 好彩去到仲有得坐底食😄_▫️黑椒薯仔牛柳粒 $120 每次去親大排檔必食既餸!! 份量偏大碟 夠鑊氣👍🏻牛柳粒幾淋 薯仔就普通🥔整體味道偏鹹 如果有埋蜜糖味中和下就正😌_▫️金銀蛋浸時蔬 $80 第二個大排檔成日會嗌既菜😙正常水準 菜唔會煮得太老 略嫌咸蛋黃太少😂😂 _▫️豆腐枝竹火腩煲 $100肉超香又炆得淋 個煲無想像中咁肥膩 但豆腐味道唔夠濃 同埋火腩唔夠多🤭_🍽環境其實都係普通大排檔 只不過細個來食過 順便回味一下😌

我叫左一個免治牛肉飯想喺屋企加隻蛋黎食，但佢竟然比左一個牛肉肉片飯我…如果我要食肉片飯我洗鬼去你嗰度咩…去其他地方買喇…吾識煮嘅你咪吾好攞上menus..頌要聞都聞到好咸嘅調味料味…食完要飲1L水

去完街，因爲夜晚8點左右又下雨，諗住試下。點知就中左伏。已經餐具好唔乾淨，洗左幾次都係咁油。咁我4個人就點4個菜啦。泰式炒菜，超油又硬，阿媽食唔到。避風塘4寶算是可以，不過一樣好油。猪肝滑雞煲，冰鮮味好重，尖椒回鍋肉，冰鮮味一樣重，而且回鍋肉好硬。唔會有下次啦

今晚我們共五人在金沙閣晚飯，結果上當受騙，這樣經營手法太過份，絕對不會再光顧。點菜的建議清蒸蒜蓉蒸蝦一斤，我們點了四餸一湯，包括清蒸蒜蓉蝦。結果上菜的蒜蓉蝦比基圍蝦更小，既不新鮮，也不好吃👎每隻小得可憐的蝦分半卻只有若十件，估計粉絲加蒜蓉蝦加碟才總共有一斤吧，即是蝦連半斤也不足。埋單清蒸蒜蓉蝦竟然收$400，絕對斯騙手法，太過分了！這個在大排檔吃的晚飯實在氣人，點菜的這樣推銷，收這種價錢絕對不合理😡惡劣評價

又一日，屋企人提議食大排檔，就落咗去食呢間。是日有帶住隻小狗所以坐咗喺出面既枱，熱屎辣辣，風扇都冇係幾影響食慾。大排檔黎講，個人覺得餐牌上既選擇係比較少，都可能比較少食唔知隱藏美食😅太熱胃口一般唔知食咩叫咗蝦仁炒蛋，份量算多，蝦仁大隻爽口，叫埋飯食比較好，偏咸。阿叔聲稱經典菜既牛肉炒菜芯，味道唔錯，主菜加埋少少蔥頭草姑薑清炒，個人幾推薦呢味菜，惟一美中不足既係，菜芯太粗，大部分既菜葉位被切走。現場環境尚可，雖然係疫症期間，不過食客依家都多，除堂食外都不少人外賣自取。至於防疫措施方面則有待加強。

同朋友們踩完單車，做完劇烈運動後的晚餐，諗住食小菜輕食，點知4個女人叫左6個菜加飯，椒鹽九肚魚(我係唔食的)魚香茄子煲係必叫，黑椒牛仔骨，金銀蛋豆苗，同羊腩煲！因為我唔食九肚魚而佢地食得津津有味嘅時候，叫左個椒鹽鮮魷俾我😂今次好似換左新師傅，啲小菜都好夠鍋氣！大排檔風味！

原來上星期接載我的的士佬講嗰間喺博康邨好出名嘅中式點心冬菇亭係呢間，阿爸不嬲淨係鍾意幫襯酒樓，趁阿爸未出院，今朝我喺呢度買咗三個點心都超好食👇1. 鮮蝦粉果$19，正！食之前將對筷子濕少少水咁就唔會黐住雙筷子，餡料是傳統鮮蝦粉果的餡料，果皮做得剛好 2. 牛柏葉$19，其實係買點心的那個姐姐問我食唔食牛柏葉的，原來每碟牛柏葉有很多配料，有白蘿蔔紅蘿蔔絲和蔥，色香味俱全，好正！3. 炒米粉$19，有西芹椰菜等等的蔬菜切絲一齊炒，好好味！不過呢個有少少味精。呢三樣嘢好食過我尋日早上食嘅雞絲粉卷，粉卷的皮很好吃，粉卷的餡料唔夠實肉，都是少點$19。雖然疫情緩和，我還是買外賣穩陣啲！而且呢度嘅座位唔太多，想人與人坐得開啲未必會咁容易。

因為阿爸入咗醫院，早餐求其食，早排聽到的士佬話博康邨啲冬菇亭最出名係點心，今朝去7–11便利店行過，買咗雞絲粉卷做今朝的早餐，覺得都OK，啲餡係鬆嗰隻，$19。原來佢哋落嗰啲豉油係有熟油的。不過返到屋企啲豉油倒瀉咗，可能包裝的時候打側左。