金東大蜑家私房菜

Open Now

Now Closed

若然想吃傳統蜑家菜，位於筲箕灣東大街的「金東大蜑家私房菜」是不二之選，揀手海鮮，正宗蜑家做法，水準穩定，無需擔心冇質素，只怕埋單方知海鮮價！我們是熟客，年廿九團年飯在此落腳，預先訂菜冇驚嚇！鹹鮮尤其出色，特別點兩條鹹魚吃，方知鹹魚有分霉香及實肉兩款；大家每次來必吃招牌膏蟹蒸肉餅，記得配煲仔白飯，沒有一次令我們失望；今晚的野生石蚌非常鮮美，京蔥豉油皇瀨尿蝦炒腸粉惹味無比；唯獨龍蝦蘿蔔紫菜湯過鹹了，不合我個人口味！魚皇糕瑤柱鹹魚蘿蔔糕，開心新口味。薑粒蒸鹹魚原來鹹魚有分霉香及實肉兩種選擇，平日少吃鹹魚唔知道！今晚一次過嚐兩種口味，油份豐富都幾香。白灼海蝦九節蝦，揀手貨，非常鮮甜。紫菜墨魚卷炸至皮脆肉滑，恰到好處，自家製手打墨魚膠，所以新鮮有彈性。豉汁鹹菜炒蜆加了鹹菜，倍添鹹香，蜆肉圓渾肥美。清蒸野生海魚 兩條石蚌，味道鮮美，蒸得出色，有水準。脆皮燒雞特別揀兩隻細細地嘅雞，絕對唔係打針肥雞，皮脆肉嫩，炸得出色！膏蟹蒸肉餅（配煲仔白飯）招牌菜式，據說是金東大首創，水準穩定，肉餅有蟹香，蟹有肉香，現在坊間也有不少抄作，始終都是金東大最好。京蔥豉油皇瀨尿蝦炒腸粉非常濃厚味香，腸粉吸盡精華，蝦鮮滿溢

私以為中菜要做得好比任何菜系都具挑戰性，香港人向來嘴刁多要求，要 Impress 日日掌管廚房之爸媽爺嫲姨媽姑姐sss 一點也不容易 🥹 早前分享過的金東大值得一推再推（家人 Approved ✅），舊時漁民世代以船為家，自然對各樣海中食材，與最合適的烹調方式手到拿來 🌊大廚擅於以魚鮮入饌，分享數款印象最深刻的菜式。肉蟹腸粉煲 ($598) 香氣四溢，薑蔥焦香、大件蟹肉味道鮮甜 🦀 腸粉煎得金黃，軟糯中滲透蟹膏精華，推薦加辣椒油同吃更惹味！品嚐過京蔥瀨尿蝦腸粉煲同樣驚艷 😍 無需拆蟹更容易進食，適合一家大細。鹹菜蒸懵仔腩 ($568) 魚腩質感厚實、油脂飽滿，客家風味加上微辣嘅豉油好好送飯，好幾位平時戒澱粉的朋友都失守，添飯唔該！🍚隠藏菜單麻辣臘腸肉餅煲仔飯 ($120)，椒麻煙燻味充斥鼻腔 🌶️ 配上彈牙手打肉餅，飯粒吸收豬油甘香，無需豉油増色已足夠美味 😋（鹹魚肉餅煲仔飯都好好食，鹹魚夠霉夠香撈到成碗飯！！！） ❤️‍🔥 酸菜魚鍋($298 up)和坊間常見的川菜 Style 不同，奶白色魚湯加入潮州鹹酸菜、番茄同滾，微酸鮮味瞬間打開味蕾。魚皇糕將蘿蔔糕炸過後加上鹹魚茸，意外地不會太

今日下晝同老細同事食晏晝，見佢鋪面有大大隻烤鴨機，一心諗住試吓開心吓啦，點知道才是惡夢的開始。去到叫餐，經理一直推介我們食小菜，我哋惟有嗌了數個小菜，豬膶煮蜆米粉底，下莊燒鵝，蒜蓉炒椰菜苗，蛋家三鮮煲仔飯。但睇單時發現叫蒜蓉炒椰菜苗卻加了吊筒，我們向經理查詢時，經理頓時面色一沉，大大聲在鋪面說「放流料呀」，但嘢食已出，埋單睇單時，終於明白了。豬膶煮蜆米粉底本身有午餐六十幾蚊，但轉小菜就收近三百幾蚊，總共埋單近千元。所以下次睇清楚至好入去。咁就環境咁做生意，啲嘢幾好食都假啦！

見到發哥都幫襯，就訂檯一班人試吓第一次試蜑家菜，十分之有驚喜😆招牌菜瀨尿蝦炒腸粉原來係店家自創菜色，非常惹味又唔辣👍👍 啲瀨尿蝦大隻到嚇親我，食到停唔到口大閘蟹好好食，自製醬料同黃酒都係絕配😻全場讚不絕口既係手打肉餅，從未食過咁香既肉餅🤤🤤🤤聽店家講，佢地有過百款菜式可選，好多都係佢地自創😁 連煮個西洋菜都唔知道點解勁好食，可能夠新鮮掛氣氛好，有人情味，全部菜式調味都一絕，不得了既味道，唔怪得見到咁多檯熟客，我地都準備好回頭再食 😋

前日去咗筲箕灣東大街掃街，食咗雞蛋仔同埋魚蛋粉，晚飯嚟咗呢一間金東大，食完真心覺得正，推介下俾大家。豬潤炒蜆：呢個餸真係比較特別，酒香豬潤香夠，反而最好食係佢地個煎米粉，最後煮落去索曬啲湯，成個港版Vongole咁😂膏蟹蒸肉餅：佢哋呢個膏蟹肉餅，肉餅食得出鮮甜同埋嫩滑，佢成隻蟹連埋個肉餅一齊蒸，剩低嗰個豉油汁有蟹嘅鮮味，撈落個煲仔飯度好正。咩都可以唔試，呢個肉餅要叫！瀨尿蝦炒腸粉：經理寫菜嘅時候話呢個係招牌之一，整體鑊氣好夠，呢道菜真係幾有特色。瀨尿蝦彈牙，配上入味嘅腸粉，炒得乾身但唔會太油膩。重口味啲，但有鑊氣，瀨尿蝦都鮮甜大件蒸紅油石蚌魚：佢地蒸魚火候時間都拿捏得好好，魚嫩滑，跟住個魚既紅魚油加上蔥味好鮮，食到大半經理再拎左個蛋麵送俾我地試，個麵撈落啲魚汁到真係正到爆，幾條友一野掃曬整體嚟講，金東大嘅菜式的確特別，海鮮好多出面都食唔到。但係坐佢地入面後廳隔離枱啲人好應聲，飲大兩杯開始大叫，所以有啲嘈😢Anyway值得一試~

最近嫲嫲生日，諗住去間好少少嘅中餐慶祝，咁啱佢見到電視台介紹呢間叫金東大嘢蜑家菜，於是就去咗試吓。之前未食過呢啲水上人家嘢食，冇得benchmark，不過overall我覺得啲嘢食都幾特別，唔係平時出面酒樓食得到嘅嘢，同埋都幾好食，不過有啲餸就可能會濃味少少同埋多啲油/碳水，未必啱所有人口味。前菜嗌咗鴛鴦墨魚餅，個墨魚餅都幾彈牙，但係又唔會韌到好似趙橡筋咁，嫲嫲都食到。我哋嗌咗菜味嗰款，有墨魚嘅鮮，亦都有啲咬口。食完之後好快嚟咗一輪主菜，嗌咗幾樣都覺得唔差。膏蟹蒸肉餅，經理話呢個係招牌菜，開頭我覺得冇乜特別，但係食落就明點解枱枱都有嗌呢碟嘢。肉餅索咗膏蟹嗰隻鮮甜，令到佢有肉餅個口感之餘又有蟹嘅umami。雖然講到尾都係嫲嫲以前整嘅愛心蓮藕肉餅好食啲，不過呢個都叫幾好食，連埋豉油汁撈飯食亦都幾夾。瀨尿蝦炒腸粉，雖然個賣相冇個肉餅咁有成隻蟹喺隻碟咁靚仔，但係反而有啲驚喜。炒完嘅瀨尿蝦夠大隻之餘仲要脆皮，唔使用手都剝到殼，不過最好食反而係個腸粉，乾身唔立但係又唔油，襯托到個瀨尿蝦，個配搭幾好。食完呢幾味之後其實已經有啲飽，所以之後上咗兩個魚都唔係食咗好多，不過都可以照講吓。蒸石蚌魚個魚肉其實

Kam Tung Kitchen holds a special place in my heart, filled with cherished childhood memories. My family used to take me there for stir-fried dishes during family gatherings and celebrations when I was young.My favorite dishes at Kam Tung Kitchen are the stir-fried clams, pork rib stew, and Tanka chicken steamed rice. Each dish is crafted with care and authenticity. The warm, welcoming atmosphere makes it perfect for gatherings or a cozy meal.

今日同老公經過東大街搵食，見到呢間蜑家菜，未試過喎又試吓先啦，入去見到天花係用花膠、魚翅，做吊飾設計好得意。1）蜑家海鮮面：有3款湯底可以揀 （蕃茄、原味、辣味）我揀咗原味，麵都有幾教可以揀，我揀咗烏冬，湯底鮮甜，味道幾好，村料都幾多，有蝦2隻，蜆4隻，墨魚滑2粒，魷魚，午餐肉粒⋯⋯  另外跟一杯熱飲品  2）鴛鸯水餃： 韮菜餡3隻，椰菜豬肉餡3隻，肉多菜少個人唔太鍾意   3）蜑家海膽煲仔飯：味道幾好，炒飯底飯好乾身唔錯，份量唔多，客餐跟熱飲品一杯算扺食  4）蝦餃皇：$38少少貴，一籠3粒，皮薄餡多，蝦都大粒爽口 

I visit this hood occasionally but have never heard of this hidden gem until my friend brought me here one day. The menu offered a wide range of classic Chinese dishes, showcasing the culinary expertise of the chefs.The food itself was exceptional, with each dish thoughtfully prepared and presented. The flavors were rich, balanced, and true to traditional Chinese cuisine.While the original price might have seemed steep, my friend got a discount that made the experience more accessible and allow

十幾年街坊，細個成日同屋企人食，大左之後都冇黎過，今日經過見到個下午茶餐，平平地諗住試吓，叫左梅菜肉餅煲仔飯同豬扒蛋煲仔麵，原來無煲仔飯，落單個阿嬸係唔會話返比你知⋯黎左個麵，第二個侍應先話比你知無煲仔飯🤷🏻‍♀️，咁叫瀨粉，又無⋯咁就算啦，唔叫啦😐（下午茶時段2:00-4:00）但果時2:30都未到就無晒煲仔飯類同瀨粉⋯食物不過不失，但服務真心差，講真唔係要五星級招呼，但最基本，無果個餐係咪都要話返比個客知？完全唔出聲，如果唔想招呼，不如好似啲連鎖餐廳咁比個code人哋落單啦，咁咪慳返人手落單囉！不過，有個小驚訝位！（豬扒蛋煲仔麵）個餐牌上面個價錢明明$43，但佢張單收$38🤔，收平左$5？但唔重要啦，反正已經無下次😐⋯

今次去試嘅食堂，真係個驚喜包裝！佢哋嘅煲仔飯，啲飯粒細細粒又香口🍚，配上啲滿滿的叉燒同腸仔，燒味嘅香濃，啲味道真係夠曬正！個香麻麻的糯米飯底部微微焦脆，就算係食完都仲有啲想再來一碗嘅感受。再嚟呢，就係佢哋招牌嘅紅燒狗仔魚，配料簡單，但呢個小魚竟然肉質咁滑，入口即化，沙嗲嘅油香同辛辣味道正到爆炸💥，完全唔覺得會膩口！鹹蛋黃豆腐，鹹蛋黃嘅香味、豆腐嘅嫩滑，係個絕妙組合。個人去到邊度都會叫個凍檸茶🍋，呢度嘅凍檸茶，夠晒酸甜解膩，每一啖嘅清涼感覺都令人眼前一亮！食左呢頓之後，覺得係咁講都講唔盡島中最有傳統風味嘅美食體驗！下次搵機會要帶埋朋友嚟試，分享下這間食堂嘅樸實同美味。

餐廳價錢貴， 員工服務態度非常差。 愛理不理。完全唔想做。1300 鐘嗌嘢食 。1403先有第一樣食，其實貴唔緊要，不過，連最基本嘅禮貌，質素都做唔到，真係俾得一啲都唔抵。 唔會再有下次，亦唔會介紹人嚟食。全程得三圍枱， 員工三個， 1403食第一味餸。叫佢幫我跟一跟。其餘嘅餸菜。 佢望都冇望我張單就直接同我講話整緊等一等。完全hea 我。最終係漏單，仲要返嚟係同佢哋嘅所謂經理講，都唔係同個客講。 我係聽到先叫佢cut 單。無一個員工講一句唔好意思。 佢哋嘅態度話俾我知，漏單咪漏單，唔係咩問題。你唔食唔係好食囉。 呢啲就叫基本服務？ 佢哋擺出嘅姿態 ， 好似我哋入去乞嘢食咁。

真係唔開post唔得！落單果陣明明同侍應講唔想食斑馬瀨尿蝦就夾硬落單迫我地食,10條油𩶘仔收千幾，個紫菜魚頭湯係我人生中飲過最貴既紫菜湯得幾舊急凍魚塊紫菜又唔夠爽，仲要每人分得細碗仔，個豬潤炒蜆啲豬潤醉到夾唔到，又要迫人叫兩個吊桶，啲吊桶仲要唔新鮮，蝦醬吊桶炒時蔬改豆苗加錢又唔講，岀到嚟標曬水鹹到要洗腎！切餅費都要收180/個，我差啲以為自己去左酒店食！所有海鮮價錢又無講，個侍應完全唔理人感受係咁自sale係咁自己落單！所有餸加大又無講，當客水魚咁劏！

一個月內可以山長水遠來兩次同樣的菜吃兩遍 說明它真的鑊氣重 口味重 鹹鮮重油賊下飯 半小時內能就著熱騰騰的煲仔白飯火速幹完全部菜手撕芝麻雞 琵琶蝦炒腸粉 和 鹹魚煲 下個月可能還會再來encore.

我哋一家人都好鍾意食海鮮，前日爸爸生日，喺朋友介紹之下帶咗全家嚟試金東大，果然無失望呢餐廳座位闊落，又唔會有電視聲嘈住，傾偈都好舒服！不過冷氣有啲大，老人家嚟到要著外套。薑蔥瀨尿蝦炒腸粉醬汁非常惹味，蝦肉好彈牙，蝦頭仲有好多膏添，爸爸都忍唔住啜晒入口腸粉同大蔥都炒得好香口，正！豬潤炒蜆聽講呢個係金東大嘅招牌菜，真係對得住個招牌啦估唔到豬潤同蜆肉可以咁夾，煲滾之後嗰陣鮮香令人流晒口水！蜆肉好肥美，加埋蔥香同酒香，食落去暖胃又滿足，媽媽都大讚，我就覺得有啲似中式版本嘅清酒煮蜆而最正係食完個煲之後加米粉入去炒，條條米粉都索晒啲精華，鮮到不得了酸菜魚呢個酸菜魚係侍應哥哥仔推介佢同我哋食開嘅酸菜魚唔同，湯底味道主要靠鹹酸菜、蕃茄同薑，比坊間無咁酸同無咁重花椒味，天然調味反而突出到魚肉鮮甜同食材原味，飲咗兩三碗都唔會口渴，做湯飯都一流條魚係盲鰽，煎香咗之後都好滑溜，完全唔腥，不過魚肉份量可以多返少少～多人可能會搶住食另外我哋都叫咗雞煲，我唔食得辣，淨係試咗一舊雞肉同腐竹，覺得雞肉炒得好嫩滑！鍾意重口味嘅爸爸同老公都食唔停口，最後仲加咗牛頸脊同公仔麵打邊爐添～唔記得咗影相，佢哋都話牛肉肥瘦適中，油脂