Video
琴日放假，中午時份入咗去香港仔探朋友，撞正午飯時間，朋友建議一齊食lunch。佢介紹呢間位於田灣嘅餐廳，一入到去，地方尚算寬敞，客人都係以附近返工嘅人為主。疫情關係，我哋決定外賣返朋友屋企食。入到黎望一望個餐牌，都係大路嘢，一般茶餐廳會提供嘅食物。包括炒粉麵飯，常餐、蒸野等等。望咗一輪之後，決定揀餐牌上嘅印尼炒飯。食物方面，個印尼炒飯係廚房即時炒嘅，加入左咖喱粉，咖喱味濃郁。飯上面有荷包蛋一隻，同埋雞扒一塊。塊雞扒尺寸好大，基本上一定夠食。然而，美中不足的是塊雞扒雪味好重，相信係未完全融雪前已經落扒爐煎，要扣分。嘢飲方面，要咗個凍檸茶，茶香檸檬味重，非常唔錯。成個餐價錢係$49，以今時今日嘅物價來講，不過不失。
continue reading
Above information is for reference only. Please check details with the restaurant.