金子半之助 (利東街)

Open Now

Now Closed

平日lunch time 利東街呢間天婦羅專門店好爆，今次特登晏啲出去lunch 唔使排隊。姐好少食油炸的食物但同事話呢間食完冇油膩感，真的！唔會油淋淋，炸衣好薄。牡蠣車海老天丼-吉烈蠔就食得多但天婦羅蠔就第一次，蠔肉好大隻好肥美，入面仲好juicy，師傅火喉拿捏得好好！-牡蠣X2, 車海老X2, 小柱魷魚天婦羅餅等等-重點係有埋天婦羅溫泉蛋。仲有指示教點樣食可以最好，就係先咬一半隻溫泉蛋，將淨返的蛋黃mix 飯，非常惹味！迷你天丼 + 稻庭烏冬(冷)-迷你天丼都唔少野食，海老，菇，南瓜，溫泉蛋等等，姐食其實已經好足夠。-海老一啲都唔細隻，蝦肉十分鮮嫩。-烏冬估唔到都好出色，叫左冷烏冬，Q彈口感，餸天丼食好夾。穴子-特長！差不多有兩隻手掌咁長。-入面啖啖肉，有驚喜！

呢度店內嘅裝修望落去充滿日本嘅感覺 入到去更加見到櫻花🌸手繪壁畫 望到每台客人落單之後師傅都會即刻炸天婦羅但係全間店舖一啲油煙味都冇 呢度特別嘅係天婦羅係特別設接近 江戶時代風味 採用日本特製高級胡麻油胡麻油製成的天婦羅芳香撲鼻 色澤會較深而我第一次天婦羅唔係脆口的 因為呢一間係用咗古早秘傳醬汁用上傳統嘅做法每一件食材從下鍋起鍋時間點 > 拉花 > 熟成 > 溫度 >油鍋管理每個細節環節與天丼的美味息息相關將新鮮炸起嘅天婦羅放上飯面再均勻淋上醬汁 令到每件天婦羅都能適量沾有醬汁 再加埋啲飯真係好滋味 感覺唔太熱氣 但係又有香口嘅感覺 ♥︎江戶前天丼 $138 招牌穴子天婦羅 即係鰻魚超厚肉身 肥美軟滑 好大塊足足30cm 大過我隻手掌✋ 仲有其他炸天婦羅同埋炸雞蛋♥︎迷你天丼 + 稻庭烏冬 $118雖然話迷你 但係都有好多唔同款嘅天婦羅其實我最鍾意係個炸雞蛋 睇食晒上面嘅天婦羅之後就篤穿呢一隻流心雞蛋等啲汁沾滿全個飯 而烏冬佢特別有一盒巨大木盒裝住嘅配料俾你自己加 加上清香嘅木魚湯底 完全係大滿足♥︎赤金鯛 $28呢個係期間限定 白色魚柳 質感嫩滑♥︎檸檬味果

這間天丼餐廳由他們開業已經很想來試，今晚終於可以跟朋友來！餐廳有bar枱亦有普通座位，坐低後，店員為我地送上黑豆茶，茶味甘香，聽講仲有除濕熱的功效呢！天丼的款式有幾款，亦有期間限定的款式，而天丼的天婦羅是跟平時吃的天婦羅有些不同，天丼是把炸好的天婦羅放在飯面再均勻淋上天丼醬汁，而這裡便用上古早秘傳醬汁，重現江戶時代的風味！他們的天婦羅亦用上日本特製的高級胡麻油，所以天婦羅會較香和色澤會更美！牡蠣車海老天丼，這款丼飯感覺滿滿的，包括有牡蠣、車海老、小柱魷魚天婦羅餅、海苔和溫泉蛋！牡蠣外層脆身，內裡香軟juicy，而且一點都不油！車海老肉質爽身鮮甜，小柱魷魚天婦羅餅入面有小柱肉，亦有魷魚肉，食落味道鮮甜又惹味！迷你天丼及稻庭烏冬，迷你天丼的份量個人覺得剛剛好，天婦羅包括有菇菌、海老、南瓜、海苔、莢豌豆和溫泉蛋！食的時候先將溫泉蛋拌入飯中，蛋汁加上天婦羅的醬汁，令飯粒更滑，一不小心就會將飯吃光光！而菇菌好大塊，食落一點都不膩，可以食到菇的鮮甜味！海老肉質爽甜，而海苔口感脆卜卜！稻庭烏冬，烏冬幼身而且口感煙韌，另外亦有蔥花、海帶、天婦羅碎、鰹魚花可以俾你根據自己喜好加入烏冬中，另外還附有溫泉蛋

之前經過囍帖街，見到呢間店舖新開張，金子半之助，嗰名好特別，望落好吸引。番去搜尋過，原來呢間餐廳大有來頭，曾連續七屆獲「日本全國金賞」被譽為日本天下等一丼！這裏的丼飯其中一個特別之處是用了由日本特製的高級胡麻油，所以用此油炸出來的天婦羅顏色會相對深一些，但是同時亦會更有胡麻的香味。店舖門口有日本風格，走無印風路線，燈光明亮！我地每人叫了一個天丼，再加小食！車海老軟殼蟹天丼$168我地係一心想試這個天丼，因為這就是連續七屆獲獎的丼飯！呢個天丼除咗有車海老同軟殼蟹之外，仲有小柱魷魚天婦羅餅、夾豌豆、海苔以及溫泉蛋天婦羅。天婦羅的款式和份量都非常之多，急不及待想試一試!天丼嘅天婦羅都係即叫即做，全部都新鮮熱辣辣，要小心慢慢食，唔好燙親個嘴！先講講車海老天婦羅，車海老又叫日本對蝦，竹節蝦，車海老嘅size非常大，天婦羅粉嘅厚度剛剛好，而且沒有鬆散。車海老肉質爽口新鮮！配合埋天婦羅醬汁，更加好食！軟殻蟹天婦羅，天婦羅粉嘅水準同車海老一樣良好，軟殼蟹好鮮味，肉質厚實，咬落外脆內軟，非常有蟹味!之後係小柱魷魚天婦羅餅，魷魚份量多，咬落啖啖魷魚，又脆又煙韌。可以享受到唔同口感嘅天婦羅。夾豌豆的味道可以

今晚同朋友係灣仔逛街，係利東街附近見到呢間天婦羅丼飯店，叫左江戸前天丼，同上天丼，江戶前天丼有招牌穴子天婦羅，長達30cm超大件！而且肥美肉厚，口感軟滑，必食之選。同碗仲有炸蝦2隻，小柱魷魚天婦餅，溫泉蛋，海苔，菀豆，炸溫泉蛋係可以流心個種，夾埋佢地古祖秘製醬汁，餸飯真係無得頂，而且做法跟足傳統，將新鮮炸起的食材放上飯面，然後再均勻淋上天丼醬汁，令每件天婦羅都能沾上適量醬汁。所以天丼的天婦羅並不像一般天婦羅脆口，重現江戶時代風味，令食感更加溫和，唔似吉列咁會食到個口都損埋。上天丼就配有天婦羅赤甘鯛，大蝦2隻，溫泉蛋，小柱魷魚餅，海苔等，赤甘鯛口感柔軟，魚味鮮甜。食到半路，會發現丼碗是空心設計，以為係想比少d 飯，原來運用了源自江戶時代的陶瓷工藝，佐賀有田燒來製作，碗底部份特意做成空心，不只是外觀賣相，而是有實用性的，以保持食物嘅溫度，所以食到最尾d 飯都唔會變凍。整體黎講座位闊落，價錢合理，想食炸物嘅話一定要黎飽肚一番。

好耐冇食過天丼啦，突然間好想食，同女女一齊去左🌟⭐金子半之助灣仔利東街分店🥰 好中意呢度既古早秘傳醬汁，重現江戶時代風味。❤️😋傳統做法既天丼，會將新鮮炸起既食材放上飯面，然後再均勻淋上天丼醬汁，所以天丼既天婦羅唔係脆口。🦪🍤牡蠣車海老天丼 本身好鍾意食蠔同埋蝦見到呢個天丼，即刻要試下😍天婦羅採用日本特製高級胡麻油製成，芳香撲鼻及色澤會較深。最鍾意食天婦羅牡蠣， 鮮味濃郁。 天婦羅溫泉蛋同啲飯撈埋一齊食好香口。🥢迷你天丼配稻庭烏冬 囡囡食凍烏冬，加迷你天丼，一次滿足兩個願望👏稻庭烏冬好彈牙， 凍食口感清爽❄️食炸嘢配冰凍嘅suntory啤酒，爽呀🍺🍻 食飽飽仲食多個🍋檸檬果凍夠清新😍

今晚和友人係灣仔行利東街見到間日本餐廳，見到係天丼專門店，都係第一次食日本嘢淨係食天丼，感覺超級新奇有趣，連平日去食晚飯都有排短短嘅隊，都幾熱鬧。餐廳整體裝修都非常日式，而且落單都電子化非常方便，直接scan QR code 就可以落到單，整個過程都非常有效率。食物方面，我和友人揀了車海老軟殼蟹天丼和上天丼，另加兩個食日本菜必備嘅味增湯，鍾意食海苔嘅友人另外都點了一份海苔天婦羅。整個天丼的天婦羅滿到遮蓋了整個飯底。而且天婦羅附上的種類都十分多，啱曬有選擇困難症的我。車海老，咬上去酥酥脆脆，但係內層肉質爽口彈牙，係新鮮的海老。軟殼蟹炸出來的味道鮮甜，加上食材的新鮮配合煮法得非常好，而且誠意十足，份量超級足。 其餘的小柱魷魚天婦羅餅，海苔，夾豌豆的配搭都好新鮮！ 小柱魷魚天婦羅有驚喜！ 爽口之餘，仲十分彈牙。簡直物超所值。兩個天丼的分別是 上天丼 是配自身魚，而其餘的配搭都一樣。 自身魚咬上去啖啖肉，而且大大的鮮味加上爆多的肉汁，驚喜在於炸得外層香脆，內部肉質可以軟滑多汁。至於必備味增湯方面，簡直是標準日式味增湯味道，好似係正宗到日本飲得到嘅味道。而且食完天丼之後飲上味增湯，滋味加倍。

還記得當日於東京outlet吃過一個美味的天丼，一條長過碗而非常美味的穴子，正是金子半之助。今夜雖未能飛到日本，但相約了友人一同到來，再次享受正宗日本天丼之味。餐廳位於灣仔利東街，店舖門口已相當有日本風情。餐廳座位不多，內裡有一條小樓梯分了2層，上層只設有吧台，下層除吧台外亦有數張普通枱。我倆都愛吃魚，決定點一個江户前天丼及一個迷你天丼配溫稻庭烏冬，另加點一人一件赤甘鯛。江户前天丼: 上菜時非常吸晴! 招牌穴子天婦羅長達30cm，丼碗已經放不下了! 吃下穴子肉厚肥美，魚味濃且滑。加上天丼本身跟隨傳統做法，於丼上每件天婦羅上都均勻淋上特製的醬汁，一口魚後吃一口飯，非常美味。看介紹得知醬汁是用了純天然大豆及秘方原材料製成的傳統江户時代風味，顏色較深而不咸，帶有陣陣香味，更提升了天婦羅的美味。另特別欣賞魚上加了一點柚子皮，為天婦羅帶來一點清爽，平衡了口味。除了長長穴子，還有兩隻肉質不錯的蝦，外脆內軟鮮的魷魚餅，一條豆，一塊很香的海苔，及一隻岀色的炸蛋。炸蛋的流心濃香蛋黃與珍珠米及天丼汁加在一起，是此丼飯中我的第二最愛。迷你天丼配稻庭烏冬(溫): 到來時見到附近的客人有個非常吸引的盒子，決定點

早已聽聞「金子半之助」在日本相當有人氣，被譽為日本第一天丼在香港開店，一直想試試，今天終於有機會來了。此店主打天丼，即天婦羅丼飯。菜牌上還介紹了此店的歷史、獨門秘傳製作、嚴選食材、享用天丼時的小秘訣、秘方研製而成的醬汁等，是為了重現江戶時代的風味。🍵 黑豆茶店員送上茶杯，細心告知杯內是黑豆，加熱水泡一會就成黑豆茶。黑豆茶味甘温平，甚有益處。❣️ 牡蠣車海老天丼 $158限量新登場的牡蠣車海老天丼，我怎會錯過 食材豐富，有牡蠣(兩件)、車海老(兩件)、小柱魷魚天婦羅餅、莢碗豆、海苔和温泉蛋。還有麵豉湯和前菜。此店的天婦羅採用日本特製高級胡麻油油炸而成。胡麻油製成的天婦羅特點在於色澤會較深，帶來芳香撲鼻的風味，而口感特別酥香和味道餘韻更長。一嚐之下，日本廣島直送來的牡蠣非常鮮美，表面脆醬不厚，酥脆不硬。內裡牡蠣肉則在嘴內化開，嚐到甘甜海洋味道 車海老的蝦身十分長，蝦肉爽彈。小柱魷魚天婦羅餅也彈牙可口。每件天婦羅都均勻的沾上古早秘傳醬汁，醬汁味道醇厚偏甜，有提鮮作用。果然，天婦羅入口更鮮甜，使我可一嚐江戶時代風味。天婦羅下還有温泉蛋，把温泉蛋蛋汁跟米飯一起吃，濃郁蛋味混和醬汁，多種味道，味美。

朋友話金子半之助嘅日式天婦羅非常出名，所以晚上我哋行完街就揀呢間食晚餐！ 店舖日系風格坐得非常舒適，員工亦非常有禮👍🏻 迷你天丼及稻庭烏冬(冷)天丼係迷你天婦羅蓋飯, 蘑菇, 蝦, 南瓜, 紫菜, 豌豆, 姑菌, 全部都炸到金黃香噴噴，外皮鬆脆🥰，溫泉蛋流心，稻庭烏冬夠晒煙韌，舔醬汁加wasabi  同洋蔥一流👍🏻 牡蠣車海老天丼呢款係限定期間嘅， 賣相非常吸引，炸物嘅份量非常多！ 天丼牡蠣有兩大隻，食得出有鮮甜! 廚師好細心將魷魚天婦羅餅嘅魷魚切到細細粒夠爽口👍🏻蝦天婦羅好似手板咁大隻，啖啖肉，彈牙！ 每份餐都配有薑同醃蘿蔔， 好正宗！ 天婦羅之中特別係海老好高質，所以同朋友追加了小食，大蝦兩隻😋 很滿足

香港食日本嘢有好多選擇，平視我就鍾意去食刺身，今次轉轉新意思，去食日本傳統料理界泰斗級人物金子半之助先生開嘅天丼飯。入到餐廳之後，覺得感覺好日本，除了裝修環境外，仲有佢嘅音樂，係配日本鼓聲。鍾意佢唔係淨係比普通熱茶，係比黑豆茶，感覺健康啲。黑豆味甘溫平，具有神益止汗、滋補腎臟、保肝明目、抗衰老，仲可以除濕熱解痰、提神化痰及消水腫🤣🤣🤣未食飯都覺得要飲多幾杯😋😋江户前天丼材料好豐富！有穴子，海老、小柱魷魚天婦羅餅、溫泉蛋、海苔等天婦羅好脆，唔多面粉😀😀😀迷你天丼＆稻庭烏冬（温）天丼配料都好多，貪心如我嘅朋友可試埋稻庭烏冬，好滑口😍😍😍自己可以任意加葱花，海藻，天婦羅碎，令稻庭烏冬更加吸引🥰🥰檸檬果凍風味清爽、酸甜適中。自然甜的果凍具有幼滑的口感，酸甜滋味怡到好處！

日本過江龍喺香港已經有4間分店，主打江戶天丼，仲連續五屆榮獲日本全國天丼金賞🤩 真係要試吓😋江戶前天丼當然要先試主打嘅江戶前天丼，用上江戶時代醬汁秘方，配穴子、海老、小柱魷魚天婦羅餅、溫泉蛋、海苔、莢豌豆。 穴子即係星鰻， 而呢個招牌穴子天婦羅足足長達30cm，外脆內軟，肉質纖細軟滑呢度嘅天婦羅採用日本特製高級胡麻油, 所以天婦羅特別芳香撲鼻，及色澤亦較深。秘製醬汁已經放上，所以唔駛再外加，味道香濃入味食到一半，仲記住要將半熟嘅炸溫泉蛋戳破，蛋汁包住飯一齊食，濕潤香口迷你天丼& 稻庭烏冬（温）菇菌、海老、南瓜、海苔、莢豌豆、溫泉蛋另外仲點咗特色嘅稻庭烏冬，配料如海藻、蔥花、鰹魚花等，可自由配搭，再加上順滑鮮香嘅溫泉蛋♨️，味道更佳😋😋檸檬果凍清涼感覺，Q彈口感，加上酸酸地，可以減膩

工作關係今天來到了灣仔，辦完事後差不多六點半，看見差不多晚飯時間，便相約在附近工作的朋友一起吃晚餐，順便聚一聚舊！朋友推介吃日本天婦羅，於是我們便來到囍帖街這間餐廳。金子半之助位於灣仔喜帖街，地鐵站出發不用三分鐘便到，地點方便就腳。疫情關係，入座時候我們也有量度體溫，餐廳也有提供酒精消毒，務求令客人吃得安心。我們一向二人叫了兩款不同晚餐。車海老軟殼蟹天丼  (⭐⭐⭐⭐⭐)一場嚟到就試一試這個期間限定。這個天丼十分豐富，有車海老、軟殼蟹、小柱魷魚餅、莢豌豆、海苔，以及一隻溫泉蛋。亮點當然為這個車海老，大隻得誇張，打卡一流。味道吃起來新鮮，肉質結實。 軟殼蟹厚身，炸得金香可口，但不會掩蓋本身鮮味。另外要一讚店員細心的提醒我們，吃到一半才用溫泉蛋拌飯，令我們品嚐均兩種口味。上天丼 (⭐⭐⭐⭐⭐)另外朋友叫的這個也十分不錯，包括了車海老，白新魚，小柱魷魚天婦羅餅，海苔，莢豌豆同溫泉蛋。白飯魚烹調時間剛剛好，能夠保持魚肉鮮嫩​​，外表則炸得香脆。另外小柱魷魚天婦羅餅味道特別，魷魚彈牙可口，感覺新鮮。除了食材以外，餐廳其他細節也是一絲不苟，能看得出日本人的執著。麻油是選用日本特製高級麻油，吃起來香

放工後約咗朋友睇燈籠裝飾，順便在灣仔利東街搵嘢食。揀咗間日本天婦羅專門店，午市常常排長龍，今晚第一次幫襯。無論門口同店內裝修都好有日式風格，大大幅櫻花壁畫在門口迎接客人，而廚房就在近門口位置，企理衛生，見着丼飯即叫即整往往來來，未食先興奮。在Menu上簡介了店舖的歷史和用料，原來十分講究，唔怪得成日排長龍。我留意到丼碗花紋好靚兼且做工精緻，原來運用了源自江戶時代的陶瓷工藝佐賀有田燒來製作，碗底部份特意做成空心設計，為更能保持碗中食物的溫度，由外觀到實用性，好有江戶前風味。車海老軟殼蟹天丼除咗主要的車海老、軟殼蟹外，還有小柱魷魚天婦羅餅、莢豌豆、海苔同溫泉蛋半隻，跟噌湯和漬物。軟殼蟹係期間限定，不得不試，果然十分肥美，啖啖肉，醃得好入味。車海老有兩條，好鮮味同好厚身，每件天婦羅都能沾上醬汁。所以不像一般天婦羅脆口，而追求的是每件天婦羅都能適量沾有醬汁。古早秘傳醬汁果然名不虛傳，好有風味。上天丼有白新魚、海老、還有小柱魷魚天婦羅餅、莢豌豆、海苔同溫泉蛋半隻。比起軟殼蟹冇咁重味，感覺清淡一點，不過同樣大大滿足。不得不提杯黑豆茶，我第一次飲，有少少解油膩的感覺。