唐揚日式炸物小食店 (Closed)

以前聽過依家店好味經過左幾次終於有時間試下揀左得意雞, $15有8塊，唔算好貴=)應該係即叫即炸因為等食物時真係好奈@@選左蛋黃醬, 食時超熱，不過水準好高!外脆內又夠汁，正!下次我會再試下芝士餃子雞翼!

朋友話炸金姑好食$12都幾抵..睇落好大舊食頭幾啖好好食..配埋佢d醬但食食下..發覺捧住兜野好難食(唔係指味道)因為舊姑太大舊=.=食食下幾漏share會好d

係掃街日最後一篇。見唐揚係好評食店，又試下。得意雞，應該係呢到既名物，要等上好幾分鐘先有得食，熱辣辣，唔太油，食落雞肉夠滑，配埋個醬，好食。以這水準，係d日式連鎖店隨時收我五六十蚊，呢到$18蚊有9件，平均$2蚊件，真係抵食。炸芝士，舊野軟身，芝士幾多，不過無咩芝士味，$12蚊舊，相對得意雞，較為失色。呢到幾抵食，仲有幾款野想食，下次經過再食過。

叫左軟穀蟹但係得2舊唔係好抵冇蟹膏又等左OKAY來但係佢話D油健康喎 我唔係好識分啦不過不失啦..+1$有得意雞 呢樣抵返好想食佢D蝦呀下次仲有學生有DISCOUNT

我頭先睇完openrice推介食店第二位 - 唐揚見咁近又餓所以落去買左黎買有驚喜 ( ! )講講我食左咩先1) 得意雞 - 有六件,比起d果d喺日式餐廳既所謂炸雞啊 , 佢呢d真係有過之而無不及 , 真正外脆內軟 。2) 日式芝士餃子讓雞翼 - 都係唔錯 ，甜甜地既芝士味，不過連食兩件有d濟，同埋20蚊對我呢d學生黎講有d唔抵值得讚下既係店員，問野既態度好好，把聲好有朝氣，最後佢果句「小心熱」真係好少聽到。不過唯一有d後悔係冇叫野飲，因為咁多炸野食完真係有d濟，下次去一定要叫埋野飲

今晚約咗友人出旺角, 不過佢要7:15pm後先會到達, 而我就6:20pm已經到達。由於之前睇Openrice…見有間”唐揚”專門店…一向喜愛炸物的我就好想去試試。到達時, 有1、2個客等緊食物, 我就睇睇menu先, 個店員勁有禮貌。我買咗之後就攞飛仔等 (店舖位於天橋下, 加上附近一連幾間都係”篤魚蛋”的店舖, 人來人往, 都幾迫。), 由於係即叫即炸, 我大約都等咗5分鐘。之後店員好熱心叫我攞食物…仲好好咁用袋袋起, 又好好口咁話多謝幫襯, 歡迎下次光臨。好…講吓我食咩先：得意雞 (買over $15 + $1換購) ($1 / 3粒)：一串3粒, 原味 (不過買果陣…店員無問我要原味/辣味/紫菜味喎..唔知係唔係$1換購無得選擇?!?!), 配上蛋黃醬, 熱騰騰的, 不過又唔覺佢好熱氣喎。 外面脆, 入面d雞肉好嫩, 又好juicy, 好味, 炸粉好薄。咁當然, 其實佢都係炸雞一粒..唔知…為何叫得意雞?!?!哈哈..唔緊要..好食就得啦。日式炸魷魚圈 ($15)：都有差不多9-10件, 都ok。又係配上蛋黃醬, 好味, 炸粉好薄, 好香口。炸芝士餃子雞亦 ($20/2隻) ：

今日第1次食唐揚因之前都聽過佢大名,所以今次有時間就一試 睇下係唔係真係咁好食...叫左2樣芝士薯糕餅,魷魚圈,加$1 可以多3粒得意雞等左8分鐘左右,新鮮炸起 有+分但始料不及..竟然係得意雞最好食芝士薯糕餅就.....個味我真係覺得我唔此鍾意..又甜又咸又細到好似一個籌碼咁,已經要價$12 (唔係我誇張,真係超細粒)我一見到個size以為佢比少左2粒我咁滯...魷魚圈,好普通, 完全講唔到有咩特別或者我應該試下好多人話好食既芝士餃子雞翼不過如果2十幾蚊得2隻超迷你size雞翼我驚我真係會以後無下次總結: 即叫即炸有加分,但價錢真係偏高,食物size又要偏少/細,味道中等,所以比ok, 但其實幫襯一次就夠

嘩~~~~我嘩la~la~好耐無寫食評la~~見有好多雜志報導,hehe~捉埋我老公去試試我叫了炸虎蝦,肉質唔錯,很旦牙,好鮮.炸軟殼蟹~好熱,又炸得翠口,有汁.芝士薯糕餅~好濃芝士味,我好鐘意呀,老公都好鐘意.hehe~~~還有~~~服務很好,同我講,剛炸起小心熱

話說 與小學同學相聚在彌敦道的元氣壽司吃到很飽之後路過這家店上次錯過了沒有試今次終於捉了我的小學同學與我一起試ORDER了一份芝士餃子雞翼(2隻) 再加$1 換購一份得意雞串(3粒)下午一點多應該開門沒有多久所以等了五分鐘左右就搞定不知道是不是剛開門，所以油味很清新沒有翻炸味但卻充份提出了食物的香味咬下一小口餃子雞翼滾燙的芝士已經溢出釀入的肉很滑，再配合濃烈的芝士香味確實是令人齒甲留香更不得不讚的是雞翼的皮下脂肪被逼出讓薄薄的雞片口感更好炸漿非常薄，炸後非常香脆!! 抵讚!!至於特意雞反而沒有令我感意外值得一讚就是肉質很嫩滑炸之前有醃，非常入味惹味!!絕對推薦值得一試!!下次我會再試試軟殼蟹

昨天放工後去金魚街逛下,行行下見到間係開飯大熱的唐揚日式炸物小食。估唔到佢個位剛剛比條桂遮住，毫不起眼。既然有緣來到即買點炸物食下，問下個服務員有什麼好介紹，叫了得意雞、炸金菇以及炸蝦。佢吸引人的地方係即叫即炸,熱度保證冇問題，一定熱辣辣不會翻炸，等了幾分鐘便有得食：得意雞：炸得過了火，很深色，雞肉有點實、很乾，沒有肉汁，亦沒有肉味，另外炸粉太厚使它更失色。炸蝦：很爽口，但有點乾，吃落亦有陣soda粉的味。炸金菇：三款中叫做最令我滿意的，想到用這款菇類去炸都幾有諗法，幾好食、似扇，脆脆地、幾有趣！

買了團購coupon, $15當 $30用大家都講到得意雞甘好食, 就叫個迷你 ($8) 試下la, 再要多個炸帶子 ($22), 啱啱好 $30等左10-15分鐘先有得食, 即刻試下得意雞先, 雞肉都幾嫩滑, 要讚既係無咩油! 但個蛋黃醬就無我想像中甘好味, 似沙律醬多d….帶子有5定6隻, 一般, 但有誠意, 唔係超級市場個隻急凍貨色呢間店可以一食, 但相比之下, 隔離 “龍津” $5 兩串魚蛋/燒賣抵食好多!

見依度咁多人食話好食, 所以得登去食一次試下先。個次去邊都唔係多人等叫, 去度睇左一陣就叫左得意雞食...$18有9件, 加$1又多3件...等左5分鐘就有得食...好熱, 但係食落去好juice, 而且唔乾, 加埋d紫菜, 好好食...

旺角這個平民購物區，除了各式店舖多不勝數之外，食店也同樣多得很，最近不知怎地，更有多間各式售賣小食的店舖先後開業，為這個地區更添熱鬧。數最近在這區開業的小食店，其中一間最紅的一定是這間售賣日式炸物的「唐揚」。其實「唐揚」在日文中還不是炸物的意思，這間小食店的店名又真是幾直接呢！這晚在附近吃過晚飯，順道在附近散散步，路經此處，正好來一串唐揚作為飯後小吃。這裡最有名的炸物首推「得意雞」，因為已吃過晚飯，所以只是要了一串迷你的，一客 3件的迷你版「得意雞」，盛惠 $8，平均每件都要賣 $2.6有多，其實都不算便宜。要不是已吃過晚飯的話，要一客小的（$15 六件）或者大的（$18 九件）絕對更為划算。因為是即叫即炸的關係，所以在購買後都等了 5分鐘有多才有新鮮熱辣的「得意雞」吃。這裡的「得意雞」有原味、辣味和紫菜味三種味道，而且和店裡售賣的其他炸物一樣，都有日本芥辣醬、蛋黃醬和燒餅醬三款醬汁可供客人選擇，都算能照顧到愛吃不同口味的客人，這安排確是抵讚。我要的是原味和加了蛋黃醬的「得意雞」。從店員小姐手中接過這一客 3件剛剛炸起的「得意雞」後，第一個印象就是它的確十分新鮮，新鮮得仍在冒煙，熱燙的

今日要為家中魚缸添新成員,所以要落旺角一趟工作完落到去已5點幾,如果宜家食碗麵又不太好喎,用電話上O.R. 見lee間野d食家話ok 就走去試下....叫左一串得意雞,店員推介:首次應叫原味+蛋黃醬d雞好嫩滑,粉牆不厚~蛋黃醬略yim不夠調味重叫多一客炸軟殼蟹,足足有6吋大(連腳)d白色膏有1吋 ^^ yummy"但價錢略貴><"地理位置真的不錯,但對面望過去,天橋剛剛遮住左,可是,天橋底下食野既有風味又可擋雨喎~p.s. 店姐姐服務好好,所以比左5分

最鐘意旺角呢條天橋 -- 仲有iPhone只要搵到天橋, 就可以一直行呀行呀行呀, 你就知一定去得到旺角東站, 對於後現代路盲如我, 真係世紀最偉大建設之一時值7點, 時機有啲尷尬, 有啲餓, 但返到屋企嗰頭先食都未遲...天橋另一好處, 就係居高臨下, 旺角墟一樣o既橫街巷口有咩舖頭, 都一目了然原來係想坐低好好食個麪, 圖個既飽且暖, 但小餐廳太多, 花多眼亂間, 反而益咗大招牌, 開响熱門港式小食檔側, 佔盡地利o既唐揚最首先值得一提o既係 -- 店員真係十分極之有禮貌, 仲要係誠懇嗰隻, 同外面念口黃train出嚟皮笑肉不笑o既"服務"唔同, 唔單止响旺角呢啲偏"casual"區域成功突圍, 簡直可以話係香港地一道清流有於只有一丁友又冇位坐, 只係叫咗一份大得意雞同埋試咗一下個薯糕餅.等咗一陣, 同四圍啲明顯係地膽o既學生哥/街坊响熟食檔門前周旋一陣, 熱心o既店員就遙距搜尋到我影, 高高舉起手向我示意開頭一望, 以為薯糕餅漏咗單? 唔係, 只係冇諗過佢o既體積同價錢 ($12/pc)相去甚遠, 以至於幾近淹沒在一眾幾乎仲大件過佢o既$18/9件炸雞之間- 得意雞: 紫菜粉配蛋