唐揚日式炸物小食店 (Closed)

早前在網上買的優惠卷，為了用掉它，便來旺角走一趟，順手掃街叫了六件的得意雞和一客芝士釀雞翼得意雞：味道頗佳，而且不太油膩，啖啖雞肉啊芝士釀雞翼：一口咬落，味道有點怪，還有點半生熟的感覺，即時放下，拿回家翻熱才吃，但感覺已差了有好有不好，唯有給OK的評分另外，藉得一提的是服務不錯

喺團購網度買咗唐揚嘅套餐，$19有2件軟殼蟹、3舊得意雞同一杯飲品。由於就黎到期，於是趁新年時去食。年初5去到，有開門，但就話團購coupon未用得...即刻 O mouth...第一，張coupon 上面完全無mention 過CNY 期間唔用得；第二，你都開得門，就應該用得。問佢幾時用得，佢話初6先用得，真係唔明初5 & 初6有乜分別。初6放工後去買，都有少少人喺度等緊。個女服務員好有禮貌，即刻對code再問我飲乜。我要mango soda。無乜人會喺度買野飲，所以mango soda較快到手。由於係即叫即炸，所以都要等一般時間，大概等咗10-15mins。等等等，終於輪到我。好香啊，仲feel 到好熱。嗱嗱聲行番屋企，番到家時還熱。Mango soda好好飲，有芒果味之餘又唔會太甜，仲有三色椰果，好好咬口。得意雞，3舊都幾大舊，附有沙律醬。雞外層嘅粉好薄，只係剛包住雞球。雞球嫩滑，多肉，認真不錯。軟殼蟹都ok喎，原本對這些小店嘅軟殼蟹都唔會有太大期望，但出奇地ok喎。炸得好香脆，唔會吸晒油，食落都唔會覺成口油。滿意，會再次幫襯！

今次用了圑購優惠~就可以以$17 就食到2隻軟殻蟹，雞粒同巨峰提子梳打~去到見到好多人等緊~都呆一呆~因為已經係晚上9:00 了=O="去到就同個哥哥講~佢好有禮貌~讚~因為係即叫即炸的關係~所以要等~周圍睇下, 發現好多其他炸物~個樣仲好靚(E.G 金菇~)下次一定要試！再睇下D報紙雜誌報導~好欣賞個2個老闆~加油！之後就有得食啦！先食個炸雞一粒粒, 好易入口, 點埋佢俾GE 醬~正~不過因為一粒太易入口...所以又唔係好食度雞味....不過一定唔係粉~放心~~再食軟殻蟹推推推~一食~蟹味出哂黎呀！超正~好食過D 壽司舖~推推推！之後飲杯巨峰提子梳打...都OK..正常味~不過太多冰了=O=""難忘軟殻蟹

美食從沒分貴賤之外,亦沒有存在年齡限制,年青人可以吃古法重口味,我們中年人,一樣可以光顧Applegreen之類的年青人餐廳.正如掃街吃小食一樣,幾時都無大無細,大家去到台灣,新加坡等東南亞地方,還不是一樣在夜市,熟食中心掃個夠?隔離飯香的心理固然有,但我們身在自己地方,同樣可以掃得痛快.旺角金魚街,已經有好幾檔小食店,街頭掃到街尾,如果你怕有金魚佬,帶你上天台睇金魚的話,還是不要來.當然這是過時的爛笑話,在金魚街天橋底下,有一間"唐揚日式炸物",不止受到年青人,學生哥熱愛,連無線飲食台"覓食四方",盧覓雪也曾在節目中,推介此小店.剛好身在天橋底下,店內正好是一班叔伯,正在聚精會神下棋,旁邊企滿一大班中港老中青,咬著魚蛋,豬大腸,兩者形成強烈對比,同一天橋下,你有你捉棋,我有我吃小食,互不相干.唐揚是日式炸物,但又不是天婦羅,此店以得意雞為主打,入場費最少$8三粒,其他選擇還有炸虎蝦,帶子,金菇,軟殼蟹,近期更推出優惠,凡光顧滿$15,加$1可換一串三粒的得意雞串.小弟選了炸金菇,炸軟殼蟹,$1得意雞串.所有炸物即叫即炸,絕不整定.須時大約十五分鐘.醬汁有好幾種,有日式芥辣,燒餅醬,蛋

唔知點解心血來潮，好想番去呢度食炸物。因為上次個雞翼實在太好食，不過又真係幾貴。但點都好，今次試下另一招牌菜---得意雞。等左一陣，得意雞終於炸好啦。仲可以要辣粉，我反而覺得加辣粉會再加惹味。會更加好食，而醬汁方面。就揀左蛋黃醬。因為呢隻醬同炸雞最夾，而呢個決定真係無錯。食落隻醬，有小小似丘比牌既BB沙律醬。講番正題，炸雞有九件咁多。件件都咁多汁，而且炸粉唔太厚。真係絕不欺場架。整體上，得意雞真係夠哂得意。喺味道同質量方面，都無乜可挑剔既地方。總結來說，呢度既炸雞真係幾有水準。喺價錢同份量都好有競爭力。希望可以喺新界開番幾間，等我唔使刻意過黎旺角朝聖。

第一次打食評....亦是第一次去試下呢一間唐揚日式炸物店...見到呢到咁多人讚賞呢間嘢...令到我都心唷唷去試一試...今次食左三樣野.....炸金菇....炸蝦...同芝士雞翼....雖然同其他小食店比係真係耐左少少...不過真係保証新鮮即炸..即叫即做...味道當然好好多喇...等左十分鐘左右...有喇...嘩嘩嘩...味道一流...個金菇雖然12蚊...但一的都唔求其喎...炸到成把扇咁..手勢真係有返咁上下...炸蝦都好爽...用料應該唔差噃...女朋話最好食都係芝士雞翼喎...因為多芝士...一咬就流哂出嚟...雖然係旺角小食相比係貴過其他...但真係足料而且貨真價實...為追求味覺上享受既我...一定要返去食呀

係我食完上海生煎皇之後,我就行去金魚街個度試埋早期好多雜誌介紹既唐揚日式炸物小食店啦~~呢間店係openrice既食評都唔錯,再加上本人極愛食炸野所以點都要黎試下!!去到既時候都唔係好多人,所以我好快就可以落order!!佢地出名係得意雞,我就叫左$15(6件)黎試下,有3隻味揀....原味,辣味,紫菜味!!店員問我之前有無試過,如果無試過既話,可以先試原味!!所以我就揀左原味店員重同我講得意雞有4種醬揀,有蛋黃醬,燒餅醬,韓風醬同日本芥辣醬~~~因為我都幾鐘意食日本芥辣(即係wasabi)所以我就揀左呢個店員亦都同我講係即叫即炸既,要等4-5分鐘過左一陣,我個炸雞到手啦個得意雞果然唔錯,一咬落去有肉汁,個外皮都幾脆下,good再加上日本芥辣醬,正!!!個日本芥辣醬好攻鼻,好刺激!!下次一定再黎試埋其他食品!!!

由於一直身在外地, 所以只係得個知字, 一直都無機會試今日經過唐揚先驚覺間鋪原來係通菜街, 而唔係我一直誤以為既登打士街因為登打士街依家畀人既感覺同小食街無咩分別講番正題,今日食左細既得意雞, 原味儘管雞味唔太出 (hk難有新鮮雞), 但充足既肉汁補救一切$15/6件, 而有咁樣既質素, 我覺得係值!不過好似真係熱潮過後少左人食今日我食既時候, 都見到d人係望一望, 就走左去可能同隔離既 $2魚旦比感覺上貴啦, 加上地理位置又唔太 "方便/就腳"希望可以支持得住啦, 因為我真係鍾意食佢地既炸物!

經過旺角街頭，眼見一街都賣炸野…都唔知食咩好 !花多眼亂，突然間比大大隻字（$1）吸引左我既目光最緊要成間鋪都係黃色，好鬼搶眼睇真啲，原來係呢間唐揚專門店做緊promote，買滿$15再加$1，就有一串雞串（姐係平時既得意雞有三件。）由於$1既雞串因為係優惠，所以冇得揀味同揀醬。除左有多款炸物揀之外，仲有幾款沙律的。不過覺得而家冬天凍冰冰，都係食熱野暖下身子好左揀右揀，最後揀左魷魚圈（$15），芝士餃子饟雞翼（$20），當然唔少得（加$1）既得意雞串所有炸物都係即叫即炸的，等左大約五分鐘就有野食了在旁觀察左一陣，每次有野食黎既時候，店員都會有溫馨小提示「小心睇熱」得意雞，食落口感覺唔太油膩而且一啲都唔鞋，肉質仲好滑好嫩然後到魷魚圈，魷魚圈都有7-8圈，幾抵食 !都幾好香口，唔錯的。最後，到芝士餃子饟雞翼啦佢面頭果層炸粉好薄，唔會好似其他地方食炸野啲炸粉厚到癲雞翼啖啖肉，好滋味，中間夾住部份芝士食果陣仲可以拉到絲tim ! 好正鋪頭隔離又有麥當勞，又有$2 / $3 魚蛋燒賣…搵食真係艱難，唐揚加油阿

大家會否覺得掃街是少年或者旅客的專利? 其實這問題沒有任何歧視或分化的用意，只是人大了真的少了掃街，這晚與中同破天荒的相約旺中等，站時之時總有點不太自然!　人齊後第一站去了唐揚日式炸物小食店，旺角的潮流真是轉得飛快，已過最鼎盛時期的炸物店已經失去了人龍，我們一去到即可落單了! 當晚主要由三女生話事，在多款炸物中，大家選了其中三款來試，一共$50，可收八達通幾方便。而因所有食物都是是即叫即炸，落單後也要取票再等。等候之時，由布廉偷窺廚房風光，感覺還算整潔企理，令人吃得較安心。　5分鐘左右，三款炸物全裝在大盒中上檯，每人拿支膠叉，站在店外就吃起來了! 首先試招牌炸物得意雞，$8迷你裝有3件，$15小有6件，是晚我們點了最大的$18/9件，不知是無意還是有心，結果共來10件之多；炸雞可選原味／辣味及紫菜味，友善的店員介紹幾款口味各有擁躉，受歡迎程度相若，同時建議首次幫襯的可先試原味，也照跟了。成品的確香脆不油，肉質又柔嫩帶汁，再點上特配的蛋黃醬（即mayo）十分滋味，所以也能順利清光。　　 之後再試炸芝士餃子釀雞翼，$20有一客兩件，不連槌的大細適中炸翼中，釀的豬肉夾心含有豐富肉汁，一咬下去

我叫左個芝士雞翼試下,等左大約4~5分鐘拎到出黎賣相真係好靚,重有少少芝士流緊出黎本以為果到係用d急凍雞翼會變得好"鞋"點知咬左落去重有好多肉汁(當然有芝士d雞肉好嫩口,d芝士都好濃20蚊2隻芝士雞翼對於我呢d芝士愛好者黎講呢間野的確唔錯.

果然無估錯..我食個陣都幾滿意算係..返黎先知係好多過劣多多聲..當然我都一樣la..試左 尤魚圈...等左5mins度..有8舊左右..件件都好好咬下..炸得真係好過一直以黎街邊檔既炸法..好恰到好處..溫度都係...係味道未夠出..可能咁先顯得唔落得鹽多..態度都幾好下..會再試..如果經個頭..佢係起係登打個邊一定生意大好...有得諗!!

被它鮮色的招牌吸引店員都穿著黃色T shirt 很醒目也很有禮貌食物即叫即炸外賣盒很可愛 而且是紙制的 也很環保熱烘烘的 看到熔化的芝士了沒讓人流口水可是吃起來沒什麼驚喜而且$12就這麼一小塊不太值.....這試過了就好

近期街頭又興起了一股炸物的風氣, 其中尤其是炸雞類最受歡迎. 原本打算一試旺角的人氣店子豪大大雞扒的, 但人龍之長令我卻步了, 於是改為去了另一間好似都有不俗好評的唐揚炸物店, 叫了一客芝士釀雞翼.去到時只有一個人在等待, 沒有長長的人龍, 當時已經心想唔通有問題, 但既然來到, 點都要一試. 等了大慨十分鐘, 雞翼到手了, 熱呼呼的, 絕對是剛剛炸起. 一盒有2隻, 雞翼都算大隻, 內面的肉頗多, 足料! 芝士份量亦下得很重手, 不過唔夠我的另一心手店子嵐山的芝士咁濃咁香, 外面的炸皮脆就脆了,但亦不及嵐山那種近吉列的炸物好吃. 整體味道其實絕對合格有餘, 但卻沒有想像中咁好食, 可能期望過高吧. 試過一次便夠, 下次再食炸物, 我寧可回到嵐山的懷抱了.

已經係第二次去食, 次次都係行完花園街去搭車就會經過,今次同女朋友一齊, 所以嗌左d未食過既試下,首先炸金菇: 好正!!! 脆口, 唔會太鹹, 但係略嫌一住過, 食個時有少少麻煩。第二炸帶子: 開頭會驚佢得個粉熱晒, 入面唔夠熱, 但係完全冇呢個問題, 一啖一粒, 好正!第三得意雞: d雞滑, 唔會一陣雪藏味, 都係一啖一粒。不過貪心得滯, 就辣親, 其實服務員拎比我個時都有講會好熱, 小心辣口, 但就又太貪心overall 我覺得呢間炸物好好食, 雖然偏貴, 但我又覺得值bo>v<下次去行街都會買黎食!