Video
Payment Methods
Above information is for reference only. Please check details with the restaurant.
早排食完飯走去周圍行，入咗無限極廣場上咗2樓，發現呢間外賣便當，營養好似好好好均衡，好夠蛋白質咁，就走去試佢有好多個選擇揀，又有雞、有魚、有牛、有豬，有成10幾款選擇，我最終揀咗食牛，因叫完外賣，等咗幾分鐘，就有得拎。揀好多餐都係七十零蚊，加兩蚊又有嘢飲。第一次叫呢個外賣，返到公司一打開，有驚喜！ ！ ！蔬菜顏色好新鮮，肉嘅份量好夠，下邊亦都係一個紅米飯，好健康，最重要係有我最愛嘅辣椒。呢個價錢係屬於健康兩餸飯之選，即刻將佢放入名單，可以經常去幫襯
continue reading
其實呢間已經食過好多次，今日心血來潮寫下食評。自從第一次朋友介紹照燒雞扒配野菜便當($78)，我就每一次都係食呢一個，今日先試另一款泰式咖喱雞配野菜便當($78)。便當整體嚟講份量都好足夠，基本上係唔會食得晒啲飯，建議女仔可以叫少飯。首先，啲飯加咗紅米，感覺好健康，雞扒唔會太肥，而且味道夠足，真心好食。野菜份量基本上係便當嘅一半，有不同種類的菜。但今日食嘅泰式咖喱雞就一般，雞肉夠淋，但味道較淡，而且今日嘅飯比較濕。下次都係繼續食返雞扒飯
continue reading
如果要買外賣，但又唔想食肥膩兩餸飯，我會推介依間日式便當外賣專門店🍱有豬肉、牛肉、雞肉，魚同素食選擇，大路個個都啱食✨✴️燒牛柳便當✴️牛柳夠瘦，但食落唔會乾柴難咬，仲係好軟熟👍🏻調味上係簡單鹽燒，唔會有重口味燒汁～菜量同飯量各佔一半，佢啲菜係用水煮係落油，加咗少少鹽調味，食落唔會好寡🥦加上佢啲菜無奇怪味，依然青翠爽脆，十分啱健康人士💪🏻✴️靖魚便當✴️靖魚都算厚肉，帶有微微魚油，入口甘香，配飯食一流⭐️
continue reading
我係第二次食，今次就叫左個燒汁雞扒便當。 基於上一次既經驗，我今次叫左少飯同埋走菇，因為我對菇類過敏，食唔到又係要dum。店員姐姐都好配合我既要求，雖然佢聽到我走菇既要求之後有d兀突，不過我都好感激佢。（有位sister係食評提過女仔叫少飯都食唔哂，但係我唔信🙄，結果自己攞黎受）當我攞個便當返公司之後，先見到有咁多塊雞扒！ 嘩，好在我叫少飯都咋，如果唔係真係食唔哂。我先食蔬菜，有幾片蘿蔔同好多椰菜。口感好爽脆，水份唔多，仲可以食得到蔬菜本身既味道。跟住就係雞扒啦，同我之前食既豚肉便當一樣，都係撒上左芝麻粒。不過我一放入口，先至發覺d雞扒落左黑椒......我本身唔食得辣，連黑椒都頂唔到，佢menu冇寫到。但係我買左返黎，就唯有硬着頭皮食左佢。呢個位我扣左分，因為黑椒影響左我品嘗雞扒既心情。雞扒好嫩口，完全唔乾身👍🏻。溏心蛋白比較稔，依稀見到小小蛋白槳？醃得唔太咸，我ok。白飯好有咬口，唔會太濕。整體黎講，成個便當既食材比例配合得好均衡，而第一日食既豚肉便當令我回味左成個下晝。係雞扒上面有黑椒令我失望，希望貴店可以係menu上提及埋。
continue reading
減肥有時間準備lunch box🫠外賣食得健康啲就得啦！最近經過呢間 「Kauri Bento」佢地既便當以「健康輕盈」為主，使用少鹽、少油、少糖😎烹飪方式站，為客人提供家庭料理的餐食~~便當有齊牛、雞、豬、魚同素菜等選擇，實有款啱心水啱啱月頭出糧，咁當然要對自己好啲啦，我就揀咗呢一個燒三文魚扒便當🍱裏面有蘿蔔，西蘭花，椰菜花等等，仲有糖心蛋半隻有豐富嘅營養。魚都幾滑，如果再帶晒啲我仲開心🤣澱粉質方面係糙米飯🙏🏻店員講薯仔牛柳便當都係熱賣之一，所以同事就試咗呢一款🤭果然牛柳粒薯仔都好入味😘#上環美食#中環美食 #便當
continue reading