蘇媽.蘇媽馬來西亞茶餐室 (Closed)

疫情第五波跌都3百人染疫在出動去深水埗食馬拉餐以往要排隊等位晚上6:30無咩人就入去試試第一次食呢間食店個特製辣椒板麵將雞蛋🥚搞埋後來食係好好味串燒的醬料好香肉骨茶很濃味

終於食到呢間人氣蘇媽啦🫶🏻，唔知點解咁多間分店最出名就係深水埗呢一間，店內面積唔大所以排隊嘅時間都頗長，小編都起碼排咗4️⃣5️⃣分鐘，呢個辣死你嗎既椰汁飯，千祈唔好比佢個名嚇親其實一啲都唔辣㗎🤪，而且佢仲有3️⃣款餸可以揀，超級推介佢哋嘅咖喱雞肉，超級嫩🤩口咖喱好好撈飯，而且每舊都大大嚿，配料就同平時嘅差唔多，但係味道就同出面好唔同😍叻沙就唔係比較正宗，湯底冇乜椰奶味，平時出面食開嘅喇沙都係比較肥膩呢間就冇咁肥囉😗飲品方面梗係要叫拉茶啦，但係就比較失望啦因為味道都幾淡😕咖央簡直冇得輸，啲醬多到爆曬出嚟，而且多士焗得好脆口！

又到咗幫襯黃店系列啦今次呢到近期大熱嘅蘇媽蘇媽 係食馬來西亞嘅鋪頭叫咗個巴東牛肉椰漿飯 巴東牛肉嘅醬料非常惹味甜甜辣辣送飯一流 仲加咗蝦片 魚乾仔 花生 雞蛋等等嘅配菜 椰漿飯香氣撲鼻 點少得超邪惡嘅咖央鮮牛油多士

《椰香咖央多士》🍞🥥🧈係為食妹最鍾意嘅item！😍 多士皮烘到微燶，外脆內軟，夾住一層厚厚嘅咖央醬同牛油，口感同埋味道都100分！💯*《百吉爹肉骨茶 - 棒棒骨》🍗🍗🍗藥材味頗重，但整體嘅味道都係遍淡，唔算太特別。但值得讚嘅係個棒棒骨醃得夠哂入味，肉質亦好嫩口，仲要啖啖肉，不過不失啦！😎*《玻璃魷魚配通菜》🦑🥬🧄魷魚處理得啱啱好，啲魷魚真係好似玻璃咁有透透哋明，非常彈口。 加上新鮮嘅通菜、特製辣醬同埋海量嘅香口炸蒜，簡直係重口味人士之選！😋-溫馨小貼士💕：呢度嘅肉骨茶係免費無限添飲架！為食妹非常推薦大家叫埋個脆卜卜嘅油炸鬼一齊食，就好似打邊爐食響鈴咁正！🥰

椰香咖央多士 $32多士烘得外脆內軟😍CP高！！性價比超高~極受歡迎 👏🏻馬來西亞🇲🇾菜層層疊~鬆化椰香咖央多士烤雞髀~超足料香濃椰漿飯超惹味~檳城福建彈牙蝦麵極推薦~香口即製肥美叉燒檳城白咖哩麵(油麵)材料超豐富 包括豆角、芽菜、魚旦、蝦、蛋、豬紅、特色參巴醬🙈 而且唔建議走辣！因為個辣味同白咖哩好夾 提升咗成個層次🤤 白魚蛋食到好彈牙 蝦肉都幾新鮮同爽口 整體都算唔錯🤣

人哋黎蘇媽食辣嘢😎但一月份食緊中藥，所以要戒口。加上友人都要戒口😂 所以佢點咗一份無咁辣嘅「辣死你媽配魷魚」🦑𝐇𝐊𝐃𝟔𝟐 我只係食咗一啖飯同埋啲花生，感覺唔錯，啲飯幾乾爽，其實要煮到啲飯乾爽都要考功力。我就點咗雞絲河粉 𝐇𝐊𝐃𝟓𝟖材料好足，湯底都濃😚啲魚片無冷藏味，我食過其他餐廳有時都會有隱隱約約嘅雪藏味，好彩蘇媽呢度無😋強烈推薦椰香咖央多士𝐇𝐊𝐃𝟑𝟐，多士烘得好脆，入面咖央醬好香口，會好想encore 😋🤪 配埋蘇媽最出名嘅馬來西亞拉茶𝐇𝐊𝐃𝟏𝟕(𝐇𝐎𝐓)，甜度剛剛好，拉出嚟嘅茶飲落去好滑😍我有encore呢杯，但友人嗌咗凍飲，佢都話味道唔錯👍🏼餐廳環境：我去深水埗嘅分店，晚市期間，客人差唔多坐滿，我哋要同其他人搭枱。裝修係有特色嘅茶餐廳🍴櫈坐得唔算舒服，好易撞到後面。但好彩店員俾個籃我哋放袋🥰幾貼心😚地理位置：距離地鐵站5-8分鐘餐廳消費：𝐇𝐊𝐃𝟐𝟎𝟔（二人）

一直都知蘇媽蘇媽好受歡迎，平時好多人排，咁岩今日人唔算好多，就特登黎試下。首先叫肉骨茶，由於我同朋友食量唔大，費事叫太大份，就揀咗百吉爹肉骨茶（豬腳彎）（$48）。以前食過新加坡式嘅肉骨茶，胡椒味比較重，自己唔食得辣就麻麻地想叫，而呢款馬來西亞或就有比較濃嘅藥材味，有少少回甘。豬腳彎都算淋，幾入味。自己想食麵又怕辣，叫左怡保雞絲湯河粉（$55），味道比較清淡，但由於除左雞絲外都有幾隻蝦，所以湯頭都有少少蝦味，重口味嘅人可能就要加入醬。最後叫左椰香咖央多士（$28 ），烘得香脆，但味道偏甜，椰香味偏重，但似乎咖央味就好似偏少啦。

午餐嚟食蘇媽蘇媽，好想搵番喺馬來西亞食過嘅味，叫左兩樣野share。瓦煲老鼠粉呢個同印象中嘅完全唔同，上枱時都唔係好熱，冇香口嘅感覺，成個粉好乾但又冇乜味，都幾失望。咖哩雞麵呢個好好食，油麵爽口。咖哩好香，辣度都幾夠，第一啖冇乜野，越食越惹味，可以encore。依家限左二人一枱，餐廳喺四人枱中間隔個紙板就算，如果可以分開dd張枱就好，本身想坐另一張枱，但姐姐唔俾，其實都唔滿座，唔知點解咁唔靈活處理

香港嘅馬來西亞餐廳唔係好多，呢間蘇媽蘇媽我諗好多人都聽過而且仲成日都要等位。喺旺角嘅分店係特別有復古嘅感覺，但我今次去嘅係深水埗嘅分店一開始覺得綠色嘅飯有啲奇怪，但係佢咁特別冇理由唔試下嘅！個名都好得意叫做辣死你嗎我就揀咗配牛肉嘅，其實識落都幾好味，又有種香料嘅味道，入面都好多款唔同嘅小菜，豆卜花生個啲。同埋佢嗰張會有少少辣辣地，跟啲牛肉整體幾香口！另外仲叫咗個炸滷肉卷同埋凍嘅拉茶，鍾意試唔同地方嘅奶茶一定要試吓拉茶，同港式泰式真係有啲分別！滷肉卷外脆內軟，不過呢個價錢就有啲細份

-相信大家對蘇媽.蘇媽一啲都唔陌生🤓 我都好鐘意佢，隔一排就會好掛住佢嘅咖央多，wfh咗成個星期，忍唔住拉咗張生去食🤪-咖央多士：烘得啱啱好😋每次去一定食，脆卜卜嘅多士夾住滿滿嘅咖央醬，充滿椰香，令人食到唔停得💕-棒棒骨肉骨茶：哩度可以任添肉骨茶，天氣凍時有一碗飲立即暖笠笠✨ 棒棒骨一啲都唔肥，仲好有肉味🥰-砂煲老鼠粉：份量足夠兩個人食，味道好豐富，好鐘意果陣蝦米同豉油嘅組合，好惹味😋-而且價錢都算親民，所以食馬拉菜自然會諗起佢😘

~~~~~~~~~~~~~~~~~~~~~~🔷大雜錦肉骨茶 $148肉骨茶係佢地嘅招牌，每位客人都會有無限添飲嘅肉骨茶。湯底比較係清淡，配住其他醮料一齊食岩岩好。大雜錦有好多料仲要有油炸鬼同響鈴，要多幾個人一齊食先好叫，超飽。🔷招牌砂煲老鼠粉 $88一鍋份量好多，記得要趁熱將窩蛋，魚仔，肉碎，炸蒜頭，各種配菜同啲老鼠粉撈下，如果唔係好快就會燶底。老鼠粉煮得比較淋身，仲有鼓油好濃，建議唔好加太多，會蓋過本身嘅味道🔷椰香咖央多士 $32多士烘到脆卜卜，夾心搽左好多咖央醬同牛油真係好邪惡，味道同我係沙巴食過嘅好相似，好香椰汁味又唔會好甜但貴錢略貴，唔多抵🔷拉茶 $28同沙巴飲到嘅一樣，會撞到起晒泡，略為偏甜記得一定要先攪拌，因為煉奶喺說杯底，唔係嘅話就會越飲越甜~~~~~~~~~~~~~~~~~~~~~~~~👅味道/質素 🌕🌕🌕🌗🌑🥳環境/服務 🌕🌕🌕🌗🌑👛抵食指數 🌕🌕🌕🌑🌑🔄回頭率 65%~~~~~~~~~~~~~~~~~~~~~~~~📍 蘇媽.蘇媽馬來西亞茶餐室深水埗基隆街251號地下📞 24479188 ~~~~~~~~~~~~~~~~~~~~🔰新手廚娘👩🏻‍🍳試食員👩🏻‍🏫純分

蘇媽蘇媽，幾年間分店愈開愈多，間間都係人龍店，一啲都唔簡單。之前多數同朋友去，好多時會叫肉骨茶，今次一條友，就簡簡單單，食個湯咖哩米通粉。我鍾意食米通粉，因為口感冇咁腍，而且粉中間空心，掛湯一流。一啖入口，頗辣而充滿椰香嘅咖哩湯底充斥味蕾，好正。配料都好豐富，有白魚蛋，魚肉卷，薯仔，芽菜，豆卜，豆角，薄荷葉等，特別鍾意索滿咖哩湯嘅豆卜，同埋煮得好腍好入味嘅薯仔。加五蚊叫埋杯鎮店之寶嘅拉茶，又香又甜，確實係食辣嘢嘅最佳配搭。

每次經過蘇媽蘇媽任何一間分店門口總是長期排隊今日我決定為左避午市人潮 12:00前就嚟到網民推介「檳城福建蝦麵」「辣死你嗎配仁噹牛肉」我點哂呢2款 另外再加一碗雞絲湯河和2杯飲品與朋友分享試下。辣死你嗎配仁噹牛肉(HKD62)成個飯好似班蘭蛋糕咁綠色  賣相吸引 睇落去好豐富 個飯帶有淡淡椰香味伴碟有蝦片 魚乾 花生牛肉軟腍 配搭醬汁 少少辣但非常惹味 撈飯一流 。檳城福建蝦麵(HKD62)蝦湯足料 鮮甜濃郁 有驚喜 配料相當豐富 有魚片 通菜 蝦 腩肉 蛋麵底選用了油麵 口感一流。怡保雞絲湯河(HKD58)湯底比較清淡 配料都算豐富 有蝦 雞絲 魚蛋沒有什麼特別之處😂下次會試其他 。食物:6.5/10價錢:7/10環境:6/10。蘇媽.蘇媽馬來西亞茶餐室深水埗基隆街251號地下

講到食馬來西亞嘅菜式，朋友就介紹左我去食呢一間蘇媽蘇媽馬來西亞茶餐室！一入到去嘅時候真係充滿着馬來西亞嘅風情，推介嘅一定要試吓呢個椰香咖央多士！冇諗過原來呢度嘅多士真係咁好食，非常鬆脆嘅多士外皮，加上中間嘅餡料，真係好好食嘅甜品！另外就係呢一度嘅肉骨茶，呢度嘅肉骨茶亦都非常香濃，湯底食得出係非常足料！而且呢度肉骨茶嘅豬骨亦都係煮得好琳，非常高質！

星馬都有食過幾間發覺呢個菜系都一樣有好多黃店所以都可以講下蘇媽蘇媽係其中一間幾出名既黃店今次我地去既係深水埗舖平日十二點左右可以直入位置係基隆街格離泰基隆同蕃茄師兄一樣都係知名黃店另外蘇媽蘇媽仲有四間分店分別係旺角荃灣銅鑼灣同尖沙咀蘇媽蘇媽係由香港人同馬來西亞拍檔開既裝修其實就只有牆身綠色瓦片同埋牆上面既馬拉相座位就唔算好坐都係同格離share四人檯分隔不過檯面都算大張自助餐牌基本lunch都有齊晒所有餐揀飯麵餐都可以用優惠價加野飲另外有詳細有圖既餐牌肉骨茶直頭有教學不過我就麻麻地藥材野仲有個鴛鴦包馬來拉茶跟餐加八蚊我就覺得普普通通朋友果杯白咖啡都係差唔多share食既咖央多士簡簡單單都唔錯其實辣死你媽呢個名都幾吸引仲有叻沙都想食但最後都係揀左佢寫住必食既老鼠粉砂煲上上檯果時熱辣辣侍應仲有話要盡快撈暈隻蛋本身我就唔知咩係老鼠粉食落去先知其實即係銀針粉成個粉撈埋強幾有層次而且都幾多料份量好夠朋友個麵無試評價唔到無加一平均每人99蚊呢個價位都唔係平不過佢份量都叫做公道味道亦唔錯起碼真係有異國風味唔係九流流港式外國菜可以encore下次試下其他麵或者飯