肯德基家鄉雞 (KFC) (Closed)

KFC出新嘢想試，平安夜出尖咀睇燈飾，順便速食晚餐，誰不知，尖沙咀原來唔提供蜜糖脆雞，大失所望。但由於時間關係，雖然貴D又無新嘢試，都照食不誤，因為平安夜，堂食搵位有難度，再來係排隊買嘢，都花上不小時間，而且餐牌不夠清晰，原以為定死跟餐小食，其後聽人落order先知可以轉款，炸炸林同店員講轉小食。其實新開D油新，D雞同薯格炸得ok，㸃不知個包竟然超硬，D菜同蕃茄焗到黃晒，冧晒，好似放咗好耐咁，超O嘴，係食KFC以來最差一次

其實我真係好唔想去尖沙咀區嘅KFC成日都超多人🤦🏻‍♀️不過因為今日因為感恩節早收工又近近地教會，而且呢個先係重點我收到生日優惠免費餐冇理由唔食㗎🤣🤣一個人食唔晒，所以叫咗個團友仔一齊😅😅真係排隊都排左四個字不過生日優惠免費包兩隻雞，兩隻雞翼，蘑菇飯，配百事可樂同埋有脆脆片，都確係幾扺嘅其實我係鍾意食家郷雞嘅原味，佢D肉係因為烤好多肉汁😝不過自從冇咗菜絲沙律之後小食左好多，因為我覺得咁熱氣嘅雞，要襯返啲菜先至啱，可惜冇左，我都幫襯少咗

不想回去煮飯就近隨便吃個飯就算了，肯德基鴦鴛雙式雞桶飯餐牌顯示新出，就嘗試一下這個經濟實惠的桶飯吧。桶飯有甜味的雞腿，一塊不夠脆的雞塊🐔，還有黑椒蘑菇汁，最後桶飯當然有飯了，但是飯煮的太軟了，不喜歡吃軟飯，還配一杯汽水，毫無疑問價錢💰方面是非常的實惠，才港幣34塊，所以要求也不能太高。

一條友去食kfc就最不過~ 因為放工好餓，所以叫左個E4餐，2件辣雞加3個小食，葡撻，薯格，飯。呢間炸雞幾新鮮，熱辣辣冇番炸都乾晒咁。。如果啲粉薄少少會再好啲。。薯格就有啲梗，乾身左啲。。葡撻好食~ 飯就。。成日都覺得點解唔可以多啲汁。。食到一半已經喺白飯唔想再食啦。。

今天在樓上開會。貪放便在這間KFC食早餐。選擇不多來來回回得幾款。由十三元至三十多元。其實價錢不算平雙對出品來說。但工事放便也可以。見到這個幾特別又吾係貴。黑松露炒蛋配雞扒跟咖啡！ 呢間同事說開雞扒唔錯第一時間雞扒切開一看。內裡也真的是肉汁充盈。但是份量睇落真少，塊薯餅大過佢。但熱辣嫩滑的口感也可以作出彌補。蛋炒得厚而且軟。口感鬆軟又有蛋香。加入的黑松露醬不多。當然沒有什麼真正黑松露的感覺，但也算是一點新意，是不錯的點綴薯餅香味十足，吃下去相當油膩。食完見到剩下碟底全部油。還有記得問佢地囉包茄汁配以茄汁同吃，比較美味。一個迷你蕃茄湯通...味道非常之濃郁...通粉易入口，味道佳。混合了港式口感！及西式美味的好味道。咖啡感覺很幼滑！不過味不夠濃, 感覺好淡！兩個人早餐$70！在快餐店你說是貴還是便宜？我說如果吃到好像今天的高水準的食物就真的是物有所值。最遺憾的就是一塊薯餅了環境就是早上比較悠閒！坐得舒適

KFC 味道標準化，不錯的不用說，每個月總會想去一兩次這家炸雞炸得比其他分店好點炸雞E2 有墨生哥片點芝士醬幾好味，係啲醬太凍。吃炸雞，一口咬下，熱汁噴到旁邊的朋友，沒誇張是真的！ 蘑菇飯偏辣，飯偏軟，不過不失吧。但衛生情況，差已經不能形容，簡直是惡劣！晚市繁忙時間，只有一個服務員執枱，照顧大約160個座位的衛生，他已經沒停過地收拾桌面和抹台，太不人道了！ 地上極度污糟，有雞骨有客人留下的紙巾，收據，釘書釘都有，店員光是收餐盤和抹枱已經累死，我沒有怪她，但真的不能接受，加加人工請多個人都要吧，如果唔係會趕客。。。

一日之計再於晨，梗係想食番個豐富早餐先至開始工作架啦⋯⋯由於公司附近有KFC,所以就上左去睇下。。透過其官網，上面有好多張美食coupon。揀左自己想用果張coupon,係落餐既時候同服務員講就得，唔須要print出黎真係好方便。今次個餐有個細通粉，卷卷同一杯奶茶。碗通粉唔好睇佢細細碗，其實入面通粉好足。。。至於卷卷，外面係用卷皮，內裡有火腿，cheese，口感脆脆，幾香口，但又唔覺油。不錯。食完個餐會有飽肚感覺，仲要係$15.5，超抵

今日本身約左朋左一齊食午餐，點知個朋友突然間有野趕住做埋佢趕吾切黎同我食，甘唯有自己去搵野食啦，行下行下去左KFC，近排好似出左個新既焉鴦扒大碗飯，甘就上去試下， 點知多人到爆炸，前面大大話話有20人。（好多人都點呢個餐）大碗飯磨菇汁十足又熱辣辣，正呀，加上佢係一塊燒雞扒一塊炸雞扒，都幾多元化，吾會兩塊都係一樣既扒甘悶，而且KFC雞扒本身都幾嫰同埋佢地調味都好惹味，飯量又好充足，都係30蚊仲有埋杯汽水，就係無得輸，窮人恩物。簡簡單單都可以是滿足既一餐

Sakura season is coming up and there will be an onslaught of awesome sakura items. In keeping with this, KFC is bringing forth ... the sakura chicken.Um...what?Yup, you read correctly. Sakura chicken.So, what does sakura actually taste like?  It has a slight flowery taste. It's not sweet at all. But a lot of products just make it taste like sweet cherries. So, what does the chicken taste like?As boyfriend a coupon on his KFC  app that offered a two people set for $65, we cashed in on it. This ca

去開尖咀，可能新年食太多蘿白糕，個口有點寡，見到肯德基叔叔向我招手，咪去探下佢順便買盒雞返屋企食。今次買了 M2 辣雞餐+ 兩件巴辣雞翼，盛惠五十大元。辣雞餐我配格薯，不過，拎到返屋企已經淋晒，可惜、可惜 巴辣雞翼就一向高水準，早知買多幾件食 辣雞好好味，我外買多數食辣雞，因為我食辣嘢會流大汗，免得在街失禮 汽水我飲百事，其實我都唔係好識分百事定可樂，總之食雞就一定要飲百事啦 雞鎚就最尾先品嚐，都唔明點解肯德基叔叔啲雞鎚都整得甘好味，何解？

已經來過呢間肯德基幾次了，每次點的東西都不一樣；第一次是吃早餐，覺得很差；第二次吃lunch，覺得還可以；第三次（也就是今晚）終於是吃炸雞，覺得今次的最棒！早餐和午餐就不多說了，早餐真的很不怎麼樣，只是勝在便宜。最難吃的就是炒蛋，既沒味道也沒有口感。番茄通粉很細碗，也是沒什麼味道。薯餅和腸仔算是可以接受（也很難出什麼錯吧），這就是快餐店的早餐水準。綠茶鬆餅比我想像中要難吃多了，真的很失望。午餐我記得我是點的皇牌雞塊飯（不記得是不是這個名字）和加配一小盒海苔雞塊。味道都屬於不過不失，可以醫肚，吃下來也只需要$30。今晚的炸雞才是主角！我又不記得整個套餐叫什麼名了，只記得是M2香辣雞，然後套餐還包一小碗忌廉蔬菜飯，我也加配了一件「鄉脆雞塊」，一共$49，對於晚餐而言也算便宜。兩件香辣雞都超好吃，雞皮很香脆，肉也嫩滑，簡直是太享受了。鄉脆雞塊就略為普通，有點乾身。忌廉蔬菜飯沒什麼特別，不過最開始就是先將它解決掉再動手吃雞，還ok。如果不是熱量太高，我真想一個禮拜至少吃3-4次炸雞...... 實在是很美味啊

芝士迷一定要食芝趣雞不過比好評原因唔係雞 係白飯，其實食過幾間分店 好似慈雲山，啲飯好硬，仲有一次試過有燶味，真係完全唔想食！但尖沙咀尼間好軟熟啲飯，外賣擺左幾個鐘啲飯都唔硬。啲雞仲好香芝士味，夾埋白汁雞皇飯 真係好正

同朋友兩個人去尖沙咀食飯, 食完之後我同朋友就去雪糕食, 咁我哋就去左位於金馬倫道嘅KFC, 呢一間KFC有兩款雪糕賣, 一款係新地筒另一款係新地, 咁我哋就揀咗貴啲嘅新地試下, 佢既全名係”野莓牛乳新地”. 一食落口個感覺還好, 但我同我朋友食到一半就異口同聲地話依杯野太甜! 其實坦白講呢杯嘢設計得唔係太好, 佢嘅軟雪糕其實味道已經夠甜而且仲有濃牛奶味, 就會咁樣食就已經好好味, 但加咗野莓Topping反而覺得太甜,實在係甜得too much, 佢個野莓Topping甜到好似食果Jam咁! 以後我諗我會選擇新地筒唔會選擇新地!

晚上，訂了The one 看戲，滿街車水馬龍，隨意選擇快餐，見KCF 推介「大阪燒脆雞餐」$37.9，我立即急不及待上去品嚐下。 我一步入KFC 範圍，眼見只有一位職員清潔中，他已經好努力工作，邊抺邊打掃，奈何地方大且人流旺，客人數量沒有減少。 我望一望手錶已經沒有時間去別餐廳，心想快食快走，我點了大扳燒脆雞$37.9，燒汁加木魚醉帶出日風口味，外皮酥脆，但是一咬下雞肉，乏鮮味而帶一點騷味，不知是否冰鮮雞藏久了的味道，我只是食外脆沾上漿油的酥皮，偶爾有木魚香味，已感飽肚。另外，此餐也有一件葡達，這是值得讚好的；表層火燙過，有一陣焦糖味，香口鬆脆，蛋香滑滑。整體而言，雞件雖失分但葡達挽回不少分數。時間剛剛好，趕得及去欣賞一場好戲！

今晚的happy friday在尖沙咀ISQUARE那邊的eyebar有個不愉快的經歷後，我們決定把late night轉戰諾士佛臺。在轉場的途中看見KFC，那不如先吃點炸雞才到China Bar吧。在排隊的時候，前面的那位先生無故地送了我們數張coupons，我們便點了那兩個餐。店員說沒有粟米用薯蓉代替，但我卻要求轉葡撻，她也答應了，服務態度還真不錯。與數位同事一起吃這四人份量的餐。葡撻是我的最愛，那甜絲絲的葡式蛋漿加上充滿牛油香的酥皮，乃是我多年的至愛。炸雞本應很好吃，可是全都放在保溫箱內等客人點餐而不是新鮮炸起，皮是不脆亦不惹味，其實KFC是否就著這個問題改善它的招牌菜呢?