肯德基家鄉雞 (KFC)

Open Now

Now Closed

早一兩年鹹蛋味野簡直瘋魔一時，任何食材只要加左鹹蛋味一定大買，KFC今次係第二次推出鹹蛋味雞，真心要大讚呢次鹹蛋味雞唔同之前其他特別限定版，其他限定版只係件原味炸雞🍗上灑堆限定味粉或放’劈’限定味醬上去就當做限定咩咩雞咁！哼！我同🤴🏻統稱叫‘hea’雞🐥今次叫左‘黃金脆雞套餐‘$155，用App可以減$20，另+$12黃金之翼/2隻及$12流沙黃金新地🍦一於Order 曬佢嘅黃金鹹蛋款式啦🥰🥰從外表睇到金黃色嘅雞皮已經好吸引，呢款雞真係能夠張鹹蛋味溶入塊雞皮雞肉裡面，又香又脆又夠重鹹蛋味！一d都冇hea你👍🏻👍🏻‘流沙黃金新地’食落就好起沙，係鹹蛋獨有嘅流沙感，單睇佢外表已經贏曬啦，睇住鹹蛋醬跟住個雪糕🍦紋流落黎又幾有美感🤣🤣，一鹹一甜撞出舌頭上的味蕾嘅反差😁😁另鹹蛋王又多一個更高層次嘅合作夥伴啦😂😂

因為 Alipayhk 有得用$1 換葡撻，加上 kfc 會員又有 coupon,可以$20買5隻巴辣香雞翼，所以就黎重拾下久違的味道，實在太耐無幫襯 kfc 了。葡撻仍然係好香蛋味，甜甜地，撻底脆酥。巴辣雞翼就太油，但味道好惹味，微辣，雞翼好嫩滑，唔腥，幾好味！黃金色既脆脆外表已經夠殺食~店員服務態度都 ok,雖然一開始佢唔多識點禁$1換既葡撻，但後來格離同事教左佢，都算好順利咁完成左落單。真心好抵食，$21 就有一隻葡撻 + 五隻雞翼

哩間KFC位於悅來坊，舖面面積都幾大，坐位多，但點餐處員工，早上大多數只兩人，一人負責飲品沖調，一個負責落單收錢，同派餐，所以人多時，排隊情況都幾嚴重，所以有一段時冇嚟哩度食早餐了。今日經過這店，見唔需要排隊，所以叫咗個早餐，家鄉雞扒，腸仔，鬆餅加咖啡好多食肆現在都有環保觀念，所以KFC都改用紙嚟載食物家鄉雞扒，個脆粉冇味，兼炸得唔脆，入口淡淡冇味，雞有點淋淋的，好在個燒汁仲保持水準，蘸咗，好味好多鬆餅，入口有點硬，唔鬆軟，冇香味

噚日(12-10-2019 Sat)朝,同老公剪髮前食早餐,嚟到悅來坊,見到幾乎唔記得嘅KFC,就諗起有鬆餅食,於是食呢間.排隊買嘢食時都幾多人,買完,等成13分鐘個餐至齊,餓死人啦.我買咗$31.00嘅家鄉雞餐,有家鄉雞,香腸同鬆餅,要可樂,老公買咗$28.50嘅厚切餐蛋番茄濃湯通粉,都係要可樂.先食家鄉雞,有少少辣,雞肉一邊嫩,一邊嚡,攪咩?香腸味道偏甜,麻麻.我最期待嘅鬆餅呢?硬嘅?冇以前咁好食.老公嘅厚切餐蛋番茄濃湯通粉呢,炒蛋竟然係最好食,嫩滑;厚切餐肉正常啦;通粉口感OK正常;番茄濃湯味道都唔係太濃.味道係2.64分服務:男經理負責收錢,佢收前面啲客錢時,已經好忟憎,咁前面啲客又係嘅,講極都唔明,攪到佢好煩,終於到我喇,我個餐$31.00,我俾$51.00佢,佢俾咗張單我就算,我就同佢講我俾咗$51.00佢,佢話$50.00.我話$51.00,你未找錢俾我.佢至知道自己未找同找返.而我等餐時,見到已顯示我嘅No.,就行埋去睇,問亞姐係咪齊喇?佢望望就語氣唔係咁好話餐具未齊,咁佢就即放去個盤喥,咁我就攞得.環境:一啲位冇乜冷氣,一啲位就好凍.上次食評: https://www

流沙黃金新地🍦.鹹蛋黃金系列既熱潮吹到去KFC🤣是晚試左流沙黃金新地🍦而話說KFC買餐拎餐都要排好耐，而家用QR code點餐就可以完全地“插隊”！初時都怯怯地鹹加甜變成點，但出奇地好喎😲本身KFC既紐西蘭牛乳雪糕都已經不錯，店員好慷慨咁落左超多流沙鹹蛋黃醬🥚鹹味適中之餘，滲出淡淡既鹹蛋香，流沙係真·流沙😍，真心食到鞋鞋地有沙既質感！(幻想下平日食鹹蛋係點你會get到lol)大家都食到讚不絕口🥳係貴左少少既但好食就值回票價啦👍🏻.

前日（18-3-2018 Sun）朝，同老公食早餐，又嚟呢喥食，因為有優惠券。我哋揀3個餐share食，要$12.50嘅香脆鬆餅+牛油厚多士；$15.50嘅至慳精選B餐，芝士火腿卷，番茄湯通粉；減$3.00嘅H2珍寶熱香餅全餐，呢個餐原價$32.50，三杯餐飲要熱即磨咖啡，奶茶同蜜糖綠茶。啲ｏ野齊晒就開動，香脆鬆餅外層真係脆，內裡鬆，唔太甜，OK.味道：4.8分牛油厚多士，烘得ｏ岩ｏ岩好又夠脆。味道：5分芝士火腿卷，外層都有少少脆，芝士同火腿呢兩ｏ野都係鹹，已食慣冇咁鹹ｏ既我，覺得好鹹，呢個都係少食為妙。味道：3.3分番茄湯通普通冇問題.味道：3分H2珍寶熱香餅全餐呢,炒蛋同熱香餅正常冇問題,雞扒好味,但珍寶腸味道好怪,唔好食.味道:3.3分三杯o野飲呢,我冇飲熱咖啡;奶茶就滑,茶味一般;蜜糖綠茶只有蜜糖o既甜味.味道:2.3分服務:人手唔夠，排隊買飛同等攞嘢食都等得幾耐，執食品嗰個妹妹仔態度唔錯，收銀嗰個亞姐麻麻。話係牛油厚多士，但唔會主動俾牛油，要問至俾；而熱香餅亦都唔會主動俾糖漿，要乾哽，問佢ｏ地攞話要俾錢，最後我都冇攞到。

次次黎到kfc我都必食呢個白汁雞皇飯今次仲難得地多汁喎個汁好夠味將雞肉配以蘑菇、蔬菜和白汁，雞肉唔算太多但有汁送飯都都可以雞肉都唔“唉”口仲有蘿蔔同薯仔，有蔬菜都幾好

尋日(3-2-2018 Sat)晏晝,等老公放工後一齊o係大窩口搬o野,先食個晏,由於KFC $50.00o既現金劵將於今年6月到期,所以o拿o拿林o黎呢o度用o左先,由老公決定買咩o野食,只要我o個份唔辣就得,不過蘑菇飯係辣o既.最後佢買o左$40.00o既M1家郷雞餐同$40.50o既A1韓脆雞薯蓉餐,兩杯百事走冰.等o左一陣就齊,老公將韓脆雞薯蓉餐配o左o既芝士醬唧晒o係四件雞o度食.我就當然食原味o既家鄉雞,外脆內裡仍多汁嫩滑,鹹淡適中 芝士醬味道濃郁.而韓脆雞呢?老公話一啲都唔辣,只係微微o既酸甜,我試吓,係酸甜,不過我食到啲辣,所以食一啖就唔食,俾返老公食.然後食蓉菇飯, 蓉菇飯o既辣味千年不變,飯就冇問題,不過老公話硬.最後到薯蓉,OK正常冇問題.味道係3.67分題外話: 其實我老公想食佢o地o既牛肉飯,但佢o地話冇晒.其實我o地去到時都唔係好晏,咁早就賣晒,呢樣佢o地要改善吓.

Kfc個蘑菇飯一直都聽聞非常之大個,經過決定試下。 ＄25其實真係唔係好貴，仲有汽水，食物真係好大碗講梗係一隻手掌咁大，成個筒有三份二係白飯嘅份量，你唔需要擔心因為飯太多汁唔夠，一位店員真係好樂意加汁俾你。因為佢個蘑菇汁本身就有好多蘑菇肉喺裏面，加左汁之後，成個出來超多蘑菇肉，果汁非常之香濃真係濃度係杰撻撻嗰隻，就算你撈勻晒成個飯，果汁都唔會變淡左，我覺得＄25嘅價錢可以食到咁樣質素嘅飯，仲要係個份量可以一個大胃口既大男人都食得飽，係今時今日嘅香港來講，我覺得已經係冇嘢可以投訴，經過荃灣又諗唔到食咩嘅朋友可以一試！

29-10-2017 (Sun)朝同老公買餸前食早餐,好耐冇食鬆餅,於是走o黎呢o度,老公負責買,點知冇買鬆餅,算啦,下次至食.老公買o左$32.00o既H2同$34.00o既10,兩個都加$6.00要鮮奶.買完要等佢o地執齊同叫我o地攞,等o左5分鐘終於有,影好相準備開動時,老公至發現其中一份佢係升級要脆薯餅,但都係俾o左麥當勞豬柳漢堡o個隻包,於是即刻拎埋張單去講(好彩有keep單),個亞姐問我o地有冇士多啤梨醬?我答冇.(原來俾錯之餘重要俾漏,攪咩?)咁佢就換返俾我o地.換好食得, 脆薯餅有啲過火,兩件醬燒雞扒,一件過火一件o岩o岩好.先食脆薯餅,帶啲辣味,連同口感,比麥當勞差啲.味道:1分醬燒雞扒外皮香脆,味道係少少甜,都算厚身亦唔乾,OK o既.味道:5分滑蛋夠滑;香腸都OK正常冇問題.味道:5分同3分熱香餅加o左牛油同糖漿都幾甜,但呢隻糖漿係茶餐廳食西多士o個隻,比麥當勞o既好.味道:3分最後番茄湯通粉,名副其實係番茄湯,除o左番茄就只有番茄,別無其他,通粉就唔過腍.味道:2分抵食係2.5分上次o黎食已經係兩年前o既事,o個個食評: https://www.openrice

新出品黑椒雞今日同同事中午出左去食KFC, 不如食黑椒雞啦試新野，就叫左兩個餐一齊食，不過中伏，咦，雖然個皮好脆，但係好鹹，入邊啲雞又唔夠滑同Juice冇味道,早知食原味好過

好耐都冇去過肯德基食嘢 ， 今日一早諗唔到食乜早餐， 路過肯德基睇下有咩早餐食 ，二十幾蚊有一個早餐 ，好多茶餐廳都做唔到啦！ 當然就唔可以要求咁高。叫咗一份28個半嘅早餐，有醬燒雞扒 ，半份牛油多士 ，腸仔， 炒滑蛋，仲有一杯熱嘅蜜糖綠茶。 雞扒係幾好食嘅 ，都算好滑 ，入邊都有肉汁 ， 始終都係肯德基，所以啲雞都唔會差得去邊 ，不過呢炒滑蛋就唔算好滑， 比較炒得老咗少少， 腸仔就唔知係唔係雞肉腸， 不過就比較普通 ， 塊多士都係新鮮整出嚟嘅仲熱熱地都算唔錯， 我鐘意杯綠茶，好香蜜糖味再加濃嘅綠茶味，其實三十蚊有找，我覺得真心係好嘅！

追趕著飲食潮流的尾巴，KFC也推出芝士撻。下午茶餐$22有一個撻+一隻雞翼+細飯+汽水，其實都幾抵，無可以其他賣芝士撻嘅店鋪咁開天殺價。不過宣傳不足，餐廳內任何關於芝士撻的宣傳品和餐牌都沒有，要詢問店員先知有冇。撻皮係曲奇皮，超厚，個底成1cm厚，同蛋漿比例差不多1:1，帶少少乳酪酸味，比葡撻清爽。

自從出現左垃圾雞事件都已經少左去kfc食野，不過呢排聽朋友講話kfc新出果隻牛油雞幾好食就走左去試下，原來真係相當之唔錯。首先隻雞既外皮係炸得香脆既，可能係我叫果份咁岩係岩岩炸好出黎啦，個脆皮係好食過平時果d好多。另外平時kfc d雞係經常性會炸到入面d肉乾哽哽咁既，不過呢件牛油雞就因為佢係d肉上面塗左一層牛油上去，所以令到舊肉唔會好乾之餘仲可以令到d牛油味成功融入哂落舊肉度，每一啖食落口都會有牛油既香味，而且有時仲可以feel到d牛油係口入面融化，個滿足感係真係冇得彈！

尋日(3-9-2015 Thur)抗戰勝利70週年紀念日,特別公眾假期,同男友落荃灣攞聖安娜月餅前食嘢,因為有KFC優惠劵,於是食呢間.嚟到,係有位,但都冇人執嘢,於是男友動手.我哋要以$70.00買原價$136.10嘅二人餐,有兩件家鄉雞,兩件狂惹香燒雞,一個大辣汁蘑菇香飯,一個大家鄉雞皇飯,兩件瑪嘉烈葡撻同兩杯中汽水.吸收o左上次o係荃新天地用劵,俾少兩件家鄉雞o既經驗(o個個食評: http://www.openrice.com/zh/hongkong/review/%E8%8D%83%E7%81%A3-%E8%82%AF%E5%BE%B7%E5%9F%BA%E5%AE%B6%E9%84%89%E9%9B%9E/2465726?tc=sr2&con=rvw),今次死都要記住有咩o野,咁就唔怕男友又被呃啦.男友好快買o左返o黎,今次冇漏.我先食熱騰騰o既瑪嘉烈葡撻,酥皮仍脆,蛋漿微甜又滑,好味,不過面上o既無糖唔夠. 味道: 4.9分男友先食家鄉雞下髀,我先食’立立令’o既狂惹香燒雞下髀,話明狂惹,即係辣,係有啲辣o架,蜜糖o既甜味唔算好夠,慶幸雞肉唔o鞋,仍有肉汁.而家鄉雞上髀