紀文 (Closed)

唔駛日日都食好野，有時都想hea食。Food court都有好野食嘅，紀文的魚餅product 係最出名的，就食呢個先。自選炸魚餅蕎麥麵($34)，我揀左明太子魚餅，但係冇咩明太子味，只有魚味，但係真係幾好食，有嚼勁。醬油湯不錯，唔會太濃或太清，麵質爽滑。Soba 和海帶份量也不少，十分抵食。阿姐推介關東煮($30)仲話必食添，呢個中伏了。由於本人平時去日本旅遊，最喜歡去各大便利店都食關東煮，所以略有心得。海帶、蘿蔔和三角形糕都可以過關，但係獅子狗、蛋、魚片和魚串係冇味道，淡mul mul的，肉質已經稔到……，只有麵粉吧，同日本食開的質素有好大距離！

係沙田諗住平平地食個晚飯。咁都不外乎個d架喇，譚仔、M記就食得多，今日去food court食下。平時多數食章魚燒個間，但都食到厭，而隔離個幾間餐廳又偏貴，所以就揀呢間黎食下。叫左個滑蛋豬排飯$40，連飲品總共$48。價錢以日本野黎講算平。整體味道一般，飯有點太濕而豬排又有d乾，不過勝在幾抵食。以food court黎講呢間算不過不失，平平地去食下都無壞既。

在附近逛著,,見到這店有關東煮就決定光顧這店了！我點了關東煮蕎麥麵老公則點了炸魚餅烏冬湯底是一樣的！湯底味道帶甜,,味精味不太濃,,可接受！關東煮蕎麥麵,,關東煮有8件有竹輪(獅子狗),,魚蛋,,魚餅,,魚糕,,福袋,,蘿蔔等配料份量足夠！關東煮的味道基本OK～喜歡吃魚糕及福袋,,質感帶煙韌！有透明窗見到廚房內部煮食蕎麥麵是即食的,,所以對此要求不多～麵質不會煮得過軟～炸魚餅烏冬,,味道都是不過不失烏冬選用滑身的一種～所以都不錯啊！作為快餐來說性價比尚可接受呢！埋單每人都不用$40～

沙田一田百貨來的美食廣場今天晚上人流不算太多，比較多人光顧的是吃燒墨魚丸和炒麵的餐廳及一家叫紀文吃日式麵食和大碗飯的店。來到紀文，本想點那款新推出的「0g」糖份烏冬，此麵食聲稱不含糖份，卡路里亦低至22。可惜，我來到的時候此款麵食已一早售罄，只好退而求其次點其他的食物款式。今次我點的是叉燒湯烏冬，只售＄40。配菜有六片叉燒、鳴戶卷和昆布，叉燒軟硬適中，味道不淡也不濃，合格有餘。烏冬質感煙韌，入口爽滑彈牙，非常不錯。醬油味湯底味道穩健，沒有可挑剔的餘地。

去親新城市food court都係食呢間同埋八爪魚波波嗰間@@其實好抵食, 咁大塊既鰻魚飯都只係$48, 出面起碼過百! 而咁平既價錢我當然唔會期待佢好好食啦, 但鰻魚甜甜地都幾好味, 魚肉亦唔會太淋而且配埋個鰻魚汁送飯都唔錯, 加埋啲蛋絲亦加強左口感。可惜每次食個飯都太爛, 唔似日本啲珍珠米咁好食。$48已經配埋面豉湯, 湯無我想像中咁咸, 而且仲有幾多海帶同豆腐, 都幾足料啊! 另外加$6可配罐裝飲品。每次都要加一塊墨魚餅($10)!!!因為我覺得好好食 墨魚餅煙煙韌韌唔會好油, 唔會話咬落好多粉, 個汁酸酸地唔錯~次次都係食呢兩樣野@@睇黎下次要試下其他! 見佢menu指定既飯/麵再加$15可以再加個迷你飯/麵都好抵, 不過真係要兩個人先食得哂

新城市廣場買高檔貨的店舖不少，food court的餐廳有近半都買$50以上的set lunch...作為一個學生，見到有個價格係$30左右的日式餐廳，當堂兩眼發光，可以一試！「紀文」正係這間店的名字。 我跟朋友叫了份奄列燒麵+燒餅的set lunch...其實賣相不錯，colorful 而且attractive, 但味道就唔太好。炒麵的調味比較平淡，它的味道主要由煎蛋上的番茄汁負責，依種調味方式令我懷疑係唔係日式既烹調方法。而燒餅較為濕身且厚身，或者小編我見識少，不多食日式食物，所以不太明白真正的燒餅應該是如何的，但份燒餅，其實真是好像羅白榚...所以我對依次試日式食品的經驗沒有好感...

專程到沙田購物，行街行到有點餓便在商場內食晚飯，四週都是吃日本菜的，我選擇了在這裡吃滑蛋吉列豬扒飯$38加墨魚餅小食$10，豬扒很乾，唔熱唔脆，味道還可以，墨魚餅微暖，麵豉湯很咸， 可能適逢一田購物日，非常多人，為了應付這麽多人流，質素可能會有影響，但以這個價錢在沙田這些大型商場也算便宜

沙田新城市廣場第三期有大型超市、百貨公司，食肆也雲集，客人也似雲來。今餐要試吃日式快餐。雜錦天婦羅喬麥麵雜錦天婦羅有鮮冬菇、獅子卷、蕃薯、什菜，被脆醬包裹著，一綑什菜和鮮冬菇很淡口，像沒有調味，我反而不介意！獅子卷也是加工食品，有味道！蕃薯很清甜夠諗，是雜錦中的極品！麵質軟硬適中的喬麥麵是健康之選，配埋爽口海帶，慢慢品嚐都幾愜意，但不喜歡那兩片紅白色的不知名加工配料。咖喱豬扒飯$40紅色的酸薑爽脆又醒胃，豬扒香脆又多油，哈哈！真係很難兩全其美！咖喱汁少辣偏鹹，日本珍珠米粒粒圓潤，雖然無乜飯香，但口感不錯！因為蕃薯香甜要來一客小食$13，可是,,,,,大家都睇見幾咁油膩膩！

我在下午茶時段ORDER了一個粟米叉燒拉麵($50)，另外加九蚊，有兩隻芝麻雞翼，飲品就送的，我選了熱煎茶。先講個拉麵，不夠爽滑彈牙，太腍太軟。而主角，塊叉燒很騷，肥膏也很多，攪到我要LUR了它。配菜就很足料，有芽菜，木耳，荀，同第二主角的粟米，粟米很甜，整體來說，蔬菜是新鮮的，挽回些少分數。而追加的雞翼，第一口咬下去，覺得很正很香脆，可是，仍未熟，很多血水，不敢食了。煎茶是茶包，有乜特別。最後，成碗麵食了，雞翼點算呢，我覺得冇得食好唔抵，所以拎去換。但由於我趕時間，我要求轉做外賣。但是要我加一蚊，真是有點不悅。我諗冇下次了。 

是日跟姐姐去血拼, 中午時分來到紀文. 此店行類似food court的形式. 點選了帶子味的日式魚蛋烏冬(HK$30).不消一會烏冬便送上了. 先說分量, 非常足料,有七至八塊日式魚蛋, 烏冬也滿滿的一碗.至於賣相, 則有點失色了, 真的像在家中烹調的一樣.先試一口湯, 微温的, 一點清香也沒有, 完全不合格.再來烏冬, 帶點彈牙, 但烏冬太粗了, 只適合做冷烏冬, 放湯則不太適合了.帶子味的日式魚蛋, 明顯地過甜了, 無錯, 帶子理應追求鮮甜, 但當只有甜味, 而沒有鹹味的時候, 則很奇怪了. 尤其是湯麵. 由於味道實在太奇特, 即使帶點彈牙的質感也未能挽回一點分數.失望地又再血拼去.

買左戲飛趁仲未開場, 過黎食個快飯~ 滑蛋豬扒飯 - 根本係煎蛋豬扒飯, d蛋係熟晒, 一塊塊咁, 豬扒同層炸皮係分開... 牛肉炸薯餅 - 食唔到牛肉...總括黎講, 唔係難食, 但唔係好食, 旨在飽肚。

滑蛋豬扒飯是於香港常見的料理，基本都不會難吃。點了個外賣的，豬扒沒有太乾，滑蛋汁太少不夠伴飯，說不上好吃，也説不上難吃。附有麵豉湯，淡淡的。原先也想買點炸物，不過油油的，教人提不起勁。

同想像中差晤多~~ food court都不能expect 太多…關東煮烏東有七件關東煮, 有魚蛋, 有菜魚餅, mochi福袋, 兩件獅子狗, 超軟綿綿ge白色魚餅, 中間有鮮魷魚ge 空心魚蛋條… 最好食係最平凡ge果粒魚蛋, 白色魚餅都好好食, 質感好好, 不過個心係凍的… mochi福袋都一樣, 晤夠熱, 令D mochi晤夠黏… 個烏東ok, 有小小煙韌~個湯清甜~~ 最大問題係所有野都晤夠熱...鰻魚飯正正常常, 無特別, 夠熱夠份量, 算係過得去…麵豉湯好濃味, 足料! (不過晤知係咪因為我10點幾咁夜先去食, 所以特別濃呢…)Overall, 野食就一般架喇, 始終係food court, 最大問題係湯麵晤夠熱, 仲有一樣, 係佢可以選擇ge飲品太少…

呢排工作好忙碌同女朋友都無咩時間接觸無見幾日已經覺得過左好耐今日終於可以抽到少少時間出來食餐飯不過由於時間所限都係食沙田一田既food court呢間紀文未食過同埋女朋友話個display好似幾靚所以就食呢間我地分別叫左個$38既照燒雞飯同埋$40既咖哩吉列豬扒飯首先講下個照燒雞飯我覺得d味都算唔錯不過女朋友話d雞食落唔似雞唔知係d咩肉來但我覺得都夠汁食落都算幾香不過有2舊冬菇d味就有d怪有d臭味至於個咖哩吉列豬扒飯女朋友話d豬扒唔好食應該原本都極之唔新鮮就算炸完佢都仲係唔好食所以有d失望不過d咖哩好好味!而且都幾多咖哩令呢個飯加返d分另外仲有麵豉湯我一向都唔鐘意飲不過都飲左少少但呢碗又ok喎因為唔算太鹹都算飲得落口!

去一田BUY BUY... 諗住近、快 點知... 非常失望湯淡冇味, 料少(見圖)D麵仲係一舊舊究竟有冇煮架! 地點真係好就腳希望可以改善吓啦!