鬼金棒

Open Now

Now Closed

霸氣麻辣拉麵店香港人飲食習慣愛好濃味嗜辣每個月總有一兩日想食碗熱騰騰既拉麵消消悶氣鬼金棒拉麵自由選配多種配料 辛辣麻辣 分5級不嗜辣者都可以選初級體驗下辣味帶來既興奮快感味玉辣麻味噌拉麵眾所周知成碗拉麵既主角之一就係溏心蛋流心蛋黃6分熟入口即融鹹香蛋黃汁徘徊係口腔入邊拉麵非常掛汁入味大大舊既五花肉脂肪層分明食到製作人用心炆到軟淋既每啖心機值得一讚！麻辣味噌沾麵今次叫左小麻小辣食唔到辣既朋友都推介試下有微微辛辣既香味湯底非常濃厚肉嘅油脂鋪滿湯面層一啖吸入掛上湯汁既拉麵 爽！唯獨食到最後會有啲油膩感見議沾麵配日式茶會比較解膩是香港極致拉麵麵店之一！

這間拉麵店是專吃辣的拉麵。麻和辣的程度可以分開選。店內有很多鬼面和鬼金棒👹。我們點了兩個麵。麻辣味噌沾麵配玉米筍和增量叉燒這個沾麵我選了小辣和中麻。因為我叫了小辣，所以不是很辣，是BB辣的等級。中麻就剛剛好。感覺到麻的感覺但又不會太過麻。沾麵的麵和餸是分開上的。叉燒有1.5大舊，份量非常足夠。舊肉雖然大，但很軟熟。個沾麵醬比拉麵既湯底濃很多。喜歡吃濃的朋友應該會很喜歡。另外，玉米筍是分開上的。應該有十條或以上。增量叉燒x2麻辣味噌拉麵這個我選了少辣和少麻，因為點了小辣的關係，食落個湯不算辣和麻，兩大塊叉燒真的很好大，好好味同好滿足。這個份量大食的朋友都會很飽。拉麵會比沾麵辣。所以小辣對我依啲食得唔辣嘅人，就剛剛好。

呢間位於世貿附近既拉麵店相信都唔需要介紹😎，門口就有枝鬼金棒好易認。見朋友幾推薦呢間既拉麵，今日準時放工一於去試下。去到未到7點，唔使等位，食完出黎就排晒長龍😱。位置雖然唔算大，但紙巾、水呢啲都有提供，仲有埋圍裙，好貼心😍。🔅增量叉燒x2 辣麻味噌拉麵 ($135+$15味玉)揀左中辣小麻，唔好睇個湯咁深色，其實啱啱好😝，係日式既辣度同麻度😝。叉燒肥瘦相間，比例啱啱好，比普通叉燒厚好多但好入味👍🏻。麵條偏粗硬身，份量仲好多，正常女仔食量係食唔晒🙈。🔅辣麻味噌沾麵 ($100+$15味玉)呢碗朋友叫左揀左小辣無麻，佢仲怕好辣所以無撈晒啲辣粉😝，可以自己再調較下辣度。沾麵濃而不膩，唔係得個鹹字😎。沾麵既麵最緊要夠掛湯，呢間都唔錯👍🏻，又夠爽口彈牙。味玉好香蛋味，流心好正🤤。🔅無糖可樂 ($15)💬拉麵同沾麵都幾滿意，如果有埋餃子、炸物呢啲小食就好啦🥺。

❀特製麻辣味噌拉麵（小辣小麻）$120有齊流心蛋、芽菜、粟米筍同埋2 件肥叉燒。拉麵有咬口彈牙，幾吸湯。溫泉蛋確實必食，流心呈深橙紅色，似鹹蛋黃色😝❀增量叉燒x2 辣麻味噌拉麵 $135 + 溫泉蛋 $15食肉獸最適合，有2 大件厚叉燒，肥瘦均勻。麻辣味同酸菜魚湯有區別，油份充足，keep住湯熱度。麻味唔算好出，下次可以叫中麻増量豆芽菜 $30坐係Bar檯見到師傅炒芽菜on fire ，真係好有鍋氣，加左一大碟芽菜全部清晒🤣🧡𝑳𝒊𝒌𝒆 & 𝒇𝒐𝒍𝒍𝒐𝒘 𝒎𝒚 𝑰𝑮 @annasan.cat

同朋友行完街, 天氣又勁凍～ 見到有間日式拉麵店～ 食過暖笠笠拉麵暖下個身先! 見到佢地既拉麵有分辣度同麻度～ 岩晒我呢d又要食d辣但又唔食得太辣既人❣ 莞荽辣麻味噌拉麵 $110見呢到推介莞荽辣麻味噌拉麵, 一於試下～ 我揀左小辣, 無麻～ 一大舊叉燒, 超林呀～ 內面有芽菜,玉米粟, 大量莞荽, 青蔥,花生碎等配料~湯底好濃， 加埋莞荽！ 令到個味道更惹味❣ 增量叉燒辣麻味噌拉麵 $115個增量叉燒辣麻味噌拉麵揀左小辣，小麻加埋小麻 令到味道好出～ 同埋食到暖笠笠拉麵爽口彈牙～ 完全唔覺得食落好林加埋佢塊增量既叉燒， 勁厚肉呀 又林又入味真係第一次係拉麵店食到咁厚嘅叉燒忍唔到再另加！ 另加： 增量叉燒 $35超厚既一大舊叉燒～ 半肥瘦既五花肉😍😍😍😍 好邪惡呀！ 又勁林 入口一咬就溶咁🤤🤤❣飲品：可樂 x2 $30食完熱辣辣嘅拉麵加上辣辣地 點可以唔飲番杯可樂爽下🤩 飲完都唔覺凍 因為成大碗暖笠笠拉麵P.S. 呢度好貼心㗎～ 有圍裙提供, 唔使食到整污糟晒啲衫🤪

鬼金棒的辣與麻可以分開自選，就算不能受辣，都可以選擇麻的程度。鬼金棒的裝修運用紅與黑兩種強烈對比色。鬼面具、鬼公仔加狼牙棒，再加上播著打鼓聲，感覺很日式。增量叉燒x2辣麻味噌拉麵鬼金棒的增量叉燒很厚的一大條，有點像中式的東坡肉，燉得軟滑甘香，入口鬆化。友人點了中辣中麻，味道剛好，不會辣得流汗。炒豆芽菜辣麻味噌拉麵此碗拉麵叫了無辣小麻，真的只有小小麻味。另加玉米荀及味玉，玉米荀份量不少，用大火炒過，迫出水分，增加香氣，入口清爽宜人。味玉蛋黃色澤橙紅，真正流心，濃杰黏口。鬼金棒的拉麵粗身帶曲，入口非常煙韌，配上帶蒜味濃湯，寒冬食用確是感到全身溫暖。

今日約咗朋友食晏，佢話帶我去食啲好特別嘅嘢，原來係麻辣版拉麵，又真係幾新奇！我都未試過😯呢度應該係屬於少數除咗拉麵都有細碗飯提供嘅日式拉麵店，一家大細嚟都唔驚唔啱食👍👅增量叉燒味噌拉麵 (小麻小辣)叉燒比較似五花肉，肥瘦梅花間竹，脂肪入口即溶🤤拉麵粗身彈牙👍👅芫荽中麻小辣味噌拉麵加味玉湯底可以自己揀麻辣程度🙌🏻個人認為中麻小辣係完美😎本身都好熱愛芫荽，食落好香，呢種麻辣湯底但係配溏心蛋加日式拉麵好有川菜fusion日本菜既感覺，好特別😂呢個新穎嘅配搭特別得黎都幾好食，有驚喜！😁

今日同朋友嚟到鬼金棒呢間拉麵店，店舖裝修用咗，日本惡鬼做主題好有特色👹，另外係用qr code嚟落單，餐廳主打麻辣拉麵，而且有5️⃣個級別嘅辣到比你揀。增量叉燒辣麻味噌拉麵 (小辣，小麻) $120叉燒有兩大舊，唔係平時食開圓形好薄身嗰款嘅叉燒，而係厚切五花腩，叉燒有少少肥膏食落軟淋淋好嫩滑，味玉做到好唐心嘅效果，拉麵比較粗身，麵質比較硬，食落幾彈牙，湯底好濃郁帶有小小麻辣味，鍾意食比較濃味嘅朋友仔可以試下，加咗小辣好惹味。特製麻辣味噌拉麵 (無辣，無麻) $130湯底好濃郁嘅麻油香味，加咗粒味玉$15，仲有一大舊叉燒、芽菜、玉米筍，芽菜好掛湯，連埋拉麵一齊食好有口感。

小時候不喜歡吃芫荽，長大後不知何時喜歡上了，仲係瘋狂地喜愛。自從遇見呢間拉麵店，得知有芫荽拉麵，大大碗鋪滿整碗，久不久就來幫襯。 店內裝潢都非常特別，牆上掛滿面具，還有鼓聲，好有氣氛。今日食炒豆芽菜辣麻味噌拉麵，追加了芫荽。味噌湯底，要求少辣，濃稠而惹味。麵條有韌性，吸湯力不錯。芽菜和芫荽增加了嚼口感，每嘴嚼一口那芫荽香就表露無遺！义燒亦是極品，大大件，肉質非常軟腍，有點似豬軟骨的口感，滋味得令人難忘。

今日同朋友來左試呢間主打麻辣拉麵嘅鬼金棒，朋友非常鐘意食辣，而我就係譚仔5小辣level。坐低scan QR code就可以落單，佢啲拉麵麻同辣都有5個選擇，分別係無，小，中，大同埋鬼增，如果叫鬼增係要加$15，而我就當然係叫小麻小辣，啲厚切叉燒淨係望相都留口水，所以就叫左個增量叉燒辣麻味噌拉麵加味玉，再叫埋罐coke zero解解辣，朋友就要左特制麻辣味噌拉麵小辣中麻，佢舊叉燒相對細啲，但就有兩舊，另外仲有味玉跟埋，都係$120，個人認為比起我個份增量叉燒無味玉都要$130性價比高啲。落咗單大概5分鐘拉麵就到左，小辣對我來講啱啱好，唔會食得太辛苦或者食到出汗，但麻辣個人認為可以叫中以上，最近天氣轉涼又可以暖一暖身，而塊叉燒有啲似東坡肉咁，非常邪惡好味，另外味玉非常溏心，好食到要encore叫多粒，但都係忘記左影粒蛋嘅中間😅，另外面底係粗面，同埋都係煮到硬硬地，食落都幾飽肚，下次有機會會再來挑戰中麻中辣！

當我仲慢慢咁滋悠淡定食緊碗麵既時侯，我朋友已經瞬間逐注逐注麵清哂，當佢不斷恥笑緊我係咪男人既同時，我好想同佢講，再給我兩分鐘…再給我給我兩分鐘。👇📌拉 麵 -  ▪️ 芫 茜 辣 麻 味 噌 拉 麵 - $130▫️ 黎過咁多次，水準一樣保持到，呢碗「芫茜辣麻味噌拉麵」面頭全部鋪滿哂芫茜，就咁聞都成浸芫茜味，對我呢D芫茜控黎講，簡單係享受，加上中辣中麻既刺激感，真係就算食幾多次都好，都唔會厭。▪️ 增 量 叉 燒 辣 麻 味 噌 拉 麵 - $135▫️ 咩叫加大碼，我呢碗「增量叉燒辣麻味噌拉麵」話比你咪就係打孖上囉，佢地叉燒真係做到外層帶少少焦香，但裡面肉質火侯控制得好好，完全唔乾之餘，中間夾雜住一層肥膏，入口即化，而瘦肉軟腍入味；而麵條爽口彈牙，整體絕對對得住呢個價錢。

係銅鑼灣經過過呢間鬼金棒好多次，但都未有機會試，呢晚本身想食一蘭，點知排大隊，又想食拉麵，所以就黎試下了知道呢間係出名食辣既拉麵，第一次食唔敢叫太辣，所以叫小辣，結果完全接受到！中意食辣既朋友可以試試中辣或者大辣湯底我覺得似擔擔麵既濃郁版，雖然望落好辣，但都可以飲落口，如果想食重口味既拉麵可以一試！

週末同朋友👫一齊喺銅鑼灣，佢話好肚餓，又話想食日本🇯🇵拉麵🍜，仲話要好食嘅拉麵🍜同埋日式🇯🇵叉燒🐷先得😅，真係要求多多😆，不過我咁順得人，就梗係即刻深層思考探索一下😆，搵到呢間🤩，就嗱嗱聲帶咗好肚餓嘅朋友行過去開餐😆朋友叫咗一碗拉麵🍜我就叫咗一碗拌麵，係 $100 嘅「玉米筍辣麻味噌拉麵」同 $100 嘅「辣麻肉碎拌麵」，兩碗麵嘅 都加咗 $15 嘅「溏沁蛋」同 $35嘅「增量叉燒」做 toppings 😋麵嘅 麻同辣嘅 程度可以分開選擇，兩碗都揀咗「中辣中麻」😆。「玉米筍辣麻味噌拉麵」嘅玉米筍🌽幼嫩爽脆😋；拉麵湯底超級濃郁😆，肚餓朋友幾乎飲晒啲湯😆。「辣麻肉碎拌麵」就超惹味，仲撈咗大量豬肉碎同花生碎，好香口😆。「日式增量叉燒🐷」煮得好軟熟兼有豬肉味兼體積龐大😆

🌶️銅鑼灣麻辣拉麵🌶️行開銅鑼灣 心思思想食拉麵 之前食過呢間出哂名食麻辣味噌湯底嘅過江龍拉麵 好啱開始翻風嘅秋冬👹 加上佢充滿特色嘅裝修 同行有個唔係好食得辣嘅朋友都心思思話想食😂-🍜增量叉燒辣麻味噌拉麵 $115佢嘅湯底可以揀五種辣度同五種麻度 朋友呢一碗就係揀咗小麻同小辣🌶️ 一上菜嘅時候都聞到好香嘅麻辣味 而湯底都好濃郁 仲有好多蔥花提升香味 第一次食嘅朋友真係建議食小麻同小辣 咁樣就可以飲得出最原本嘅湯底嘅味道😙 拉麵軟硬適中 都幾彈牙😝 叉燒用咗肥瘦均勻嘅五花肉 一啖咬落去嘅時候會食到好多瘦肉同肥肉嘅layers 充滿層次😝-🍜增量叉燒x2 辣麻味噌拉麵 $135如果要追加多嚿叉燒要額外加$35 不過其實都可以揀呢款增量叉燒x2嘅版本 比起原價都係貴$20 好抵食👍🏻 兩舊大大嚿嘅叉燒一上枱 好震撼 最啱食肉獸😚 -🥚味玉 追加價 $15我哋仲追加左一個流心蛋 蛋白外層好入味 而蛋黃真係好流心😉-📍鬼金棒 (銅鑼灣)銅鑼灣謝斐道530號地舖

今次嚟到呢間大排長龍嘅拉麵店，我哋叫咗兩碗拉麵。增量叉燒辣麻味噌拉麵叉燒非常厚切而且大塊，同埋面頭都有唔少嘅蔥花，仲有條微微炙烤過嘅粟米芯，賣相已經好吸引，食落更有驚喜。芫荽辣麻味噌拉麵一上枱全部都係綠色，真係成碗都係芫荽！浸落啲湯度索埋啲汁，撈埋拉麵一齊食，都咪話唔爽。