鬼金棒

Open Now

Now Closed

鬼金棒係一間來自東京嘅過江龍辣麻拉麵店，位於銅鑼灣謝斐道，門口有一支巨型狼牙棒，好有特色。餐廳裝修以日本神怪為主題，有鬼面具同鬼公仔，氣氛好好。鬼金棒嘅特色係可以自己選擇辣度同麻度，由無辣無麻到鬼增辣，有25種組合。味玉辣麻味噌拉麵 (無辣,無麻) 今次我選咗無辣無麻，因為我唔食辣。湯底用咗豬骨、雞殼、魚鮮同蔬菜等熬製，再加入四種味噌調味，味道好香濃，唔會太鹹。拉麵係粗身帶曲，好彈牙，好掛湯。配料有半舊叉燒、芽菜、玉米荀同味玉。叉燒係厚切五花肉，肥瘦分明，肉質鮮嫩，好入味。味玉係流心蛋，蛋白好滑，蛋黃好濃郁，好好味。芽菜同玉米荀都好爽口，增加咗鮮甜同脆度。增量叉燒辣麻味噌拉麵 (小辣,無麻)，呢個同我嘅拉麵唔同嘅係，呢碗有增量叉燒，份量好足。增量叉燒係好厚嘅一大條，有啲似中式嘅東坡肉，燉得好軟滑，肥肉好香，瘦肉好嫩，好好食。呢個湯底係小辣無麻，辣度剛好，唔會辣到流汗，但又有啲刺激。煎餃 (六隻)：煎餃係一大盤，每隻都好大隻，皮薄餡多，煎得金黃香脆，肉汁滿滿，好彈牙。餡料係豬肉同白菜，味道好鮮甜，配上醋同辣椒油，更加開胃。

喺日本都見過依間拉麵，終於可以喺香港試一試鍾意芫荽嘅朋友，一定唔好錯過佢嘅芫荽辣麻味噌拉麵。聽到隔籬枱話好好食。今日叫咗兩個拉麵：炒芽菜辣麻味噌拉麵（走辣）本身以為依間拉麵淨係出名食麻辣，但係點知走辣湯底都係好濃郁，好香。 本身好鍾意食芽菜，加上拉麵 🍜 更多層次 更爽口。特別既係佢既麵，比較粗身同埋爽，掛到湯汁 好好食。 另外 碗麵配一舊豚角煮 全隻溏心蛋 同一條粟米仔。 豚角煮好入味，好淋，唔會攝牙啦。 肥肉同瘦肉層次分明 口感豐富👍🏻 。 最後， 溏心蛋 蛋黃係橙色流心 好有食慾😻 另外，一碗特製麻辣味噌拉麵 。 有兩舊豚角煮🥹 好羨慕。 男朋友話湯底好香 麵質都係粗身爽口 掛到汁 😍 會再嚟食👍🏻👍🏻 本身好想叫埋餃子，不過食完碗麵實在太飽，最後都係冇叫到，下次要試吓舖頭推介嘅餃子👍🏻

心動不如行動今日就去食拉麵，銅鑼灣的鬼金棒店外有點工程吧！差點找不到。朋友喜歡多肉，所以「增量叉燒辣麻味噌拉麵」是他的首選，加了味玉，當然要加辣加麻才吃到鬼的特色。極厚的叉燒扎實的外型，肉質鬆軟富油香，一口肉香和醬香，味玉半熟狀態颜色橙黃，好有蛋香味。粗麵條吸收了湯中的辣與麻，好香口。「芫荽辣麻味噌拉麵」小辣中麻，加了增量豆芽菜一大碗，芫荽是我的最愛由其是放於濃湯中，芫荽獨特的香味散發出來，本身已有的炒豆牙菜令拉麵更爽更有口感，今日口感加倍，一碗清香的炒豆芽菜可以就咁食，又可以加於湯中口感提升，吃拉麵總想來個Cola，爽。

呢間位於銅鑼灣既拉麵店小編都食過幾次，Menu選擇唔多但味道好有驚喜，今次試左2款都好好食辣麻味噌拉麵 $95湯底可選辣度同麻度，湯底味道濃郁，拉麵口感勁道爽彈，入面加左入味既豚肉，好香又惹味另外仲特別有啲芽菜口感更佳更清爽辣麻肉碎拌麵 $105拌麵加入黑木耳、洋蔥、炒肉碎等配料，再淋上拌麵醬汁，入口帶麻辣味同時又夠香口，鐘意食拌麵既朋友仔要試下煎餃（六隻）$45外皮幾薄煎至香脆，食餡好豐富，可以配上醬汁一齊食更惹味雪碧/可樂 $15飲品仲有梳打同酒果啲，飲完透心涼

唔知你地有無呢種睇法，姐係有d味道你食完，印象係會好深刻，而「鬼金棒」一定係我心目中拉麵界top3，係呢種味道，令我久唔久又想返啅一下…👇🏻📌人 氣 推 介 - ▪️ 芫 荽 辣 麻 味 噌 拉 麵 - $130▫️ 第一個必食「芫荽辣麻味噌拉麵」，我揀左高麻中辣，我就係貪佢果種麻而不辣既感覺，好多人以為中辣會好辣，對我黎講就岩岩好，絕對唔難入口；加左$15要左粒味玉，大量芫荽令成件事香味更加濃郁，好好食！▪️ 增 量 叉 燒 辣 麻 味 噌 拉 麵 - $140▫️ 我朋友就大食D，揀左「增量叉燒辣麻味噌拉麵」，叉燒double up，肉質腍滑入味，揀左小辣小麻，加$20仲可以加多少少麵底，麵條口感煙韌無比，加左麵底，大食少少既男仔都一樣夠飽，好滿足。

見好多朋友食完都推薦，終於黎銅鑼灣分店打卡鬼金棒芫荽控必食💚芫荽麻辣味增拉麵(小辣小麻)湯底濃郁，拉麵偏粗，好有口感，一啖芫荽拉麵湯超級滿足。食辣廢柴都可以食到小辣小麻，食到辣嘅可以由中辣開始嘗試。另外揀左：增量叉燒麻辣味增拉麵(小辣小麻)叉燒厚度差不多有3cm，超大塊，如果胃口細嘅女仔可以兩個人share，湯底一樣好濃郁，溏心蛋熟度啱啱好。晚市建議6:30前入座，6:30後陸陸續續多人，需要等位。

同個friend行銅鑼灣行到餓餓地想食下拉麵，見到呢間鬼金棒門面logo幾特別想試下。距離銅鑼灣地鐵站同sogo兩分鐘到路程，食完再shopping, perfect！🍜餐廳環境都相當唔錯，裝修很符合店名，日本鬼怪主題，吧台可以見到厨房，亦有普通座位。店員態度亦非常好，熱情周到。我地點咗特製麻辣味噌拉面, 增量叉燒麻辣味噌拉面同埋煎餃。呢度拉麵嘅辣度同麻度有5個級別可以自由選擇，我地今次同時揀左小辣同小麻。特製麻辣味噌拉麵，好大碗好足料，一入口就被濃郁嘅麻辣味噌深深吸引，拉麵麵條偏硬Q彈有口感，湯底口感層次豐富，濃郁得黎又唔會過鹹同肥膩。拉面嘅面條Q彈有嚼勁，每一啖都能感受到面條同麻辣味噌湯底嘅完美融合。而最讓人驚喜嘅是，麻辣味並唔會過於強烈，反而比人一種溫和嘅感覺。唔係好食得辣嘅都應該接受到小辣小麻，隱約停留係嘴入面嘅麻辣感，不斷刺激味蕾，令人忍唔住一啖接一啖。厚切叉燒肥瘦啱啱好，煮得非常入味，糖心蛋更係點睛之筆。如果鍾意食叉燒可以試下增量叉燒麻辣味噌拉麵，叉燒真係超級大塊，肉汁更加juicy，配上獨特嘅麻辣味噌湯底，日式煎餃嘅外皮煎得金黃酥脆，餡料飽滿，味道都非常唔錯。

一到冬天就要去食一碗拉麵暖身，鬼金棒主打有麻有辣既拉麵，平日晚上客人不多，不用趕著吃店舖有單人座位及2人，4人座位，每張檯麵有一定距離，每張檯基本有辣粉，水提供，自助下單味玉辣麻味噌拉麵$105 麻同辣都可以先選大中小辣度，仲可以加入碗菜，當日加左一份蔥同多一隻蛋上檯已經忍不住先喝一口湯，味噌味濃，小辣小麻都是普通的辣每碗都附上一件肥厚的叉燒還有一條粟米芯，好夾甜重點點了兩隻溏心蛋是因為雞蛋做得好出色，橙紅色的蛋黃非常吸睛，2隻絕對應吃下去

鬼金棒不時都是長龍店，唔想等要早啲嚟，今日星期六6:00左右到，有位揀。坐吧枱有氣氛，但坐枱就舒服啲。見到有新產品，試咗。辣麻肉碎伴麵 $105 加叉燒 $35小麻小辣嘅醬汁味道很豐富，粗粗哋嘅麵條吸晒啲醬汁，食落好有味道，蔥花肉碎都唔少，不過我鍾意食呢度啲叉燒，所以加嚿大叉燒更加夠食。煎餃六隻 $45第一次食呢度嘅煎餃，皮薄餡靚好好食，煎得又香脆。芫荽辣麻辣味噌拉麵 $115呢碗係招牌次次都會食，好鍾意啲芫荽香，非常勁份量，小麻小辣的湯最啱我口味，連湯都可以飲得，五花腩叉燒香軟味道又濃郁，係冇溫泉蛋啫，下次自己追加一隻！

今日中午剛好在銅鑼灣，午餐就腳去位於銅鑼灣謝斐道530號地鋪鬼金棒，鬼金捧是來自東京的過江龍辣麻拉面店，在香港開有多家連鎖店。店堂裝修以日本神怪為主題，非常之有特色。有25種配搭的麻辣拉面，辣度及麻度分成5個級別供顧客自由選擇。招牌特制麻辣味噌叉燒拉麵：長時間熬煮湯底鮮甜濃厚，厚切叉燒肥瘦相夾好大塊，入口甘香回味無窮，糖心蛋熟度恰到好處，粟米荀清甜，芽菜爽口，加量芽菜和芫荽，解油又健康。－碗拉麵入肚好飽勁滿足。以後還會光顧！

東京過江龍拉麵店✨ 鬼金棒💫..好耐冇食呢間過江龍拉麵🍜，經過銅鑼灣心思思想回味一下，香濃重口味之選，配上粗身拉麵帶點咬勁，是我喜歡既質感，足料濃味耐唔時食下都幾過癮喔！🔸芫荽辣麻味噌拉麵 $130(小辣, 小麻) 加左味玉，蘭王半流心效果很吸引！芫茜香味💚 充斥整碗湯底，🍜拉麵香濃。🔸玉米筍辣麻味噌拉麵 $120(中辣, 中麻) 同樣加左味玉，🌽玉米筍脆嫩，拉麵沾上湯汁中辣中麻更惹味。🔸煎餃 (六隻) $45不過不失既煎餃🥟，過過口癮。..×××××ש銅鑼灣謝斐道530號地舖..

一個人剪完頭髮打算食個飯周圍望周圍行行行吓咗行咗去世貿原來世貿已經重新裝修好開返究竟有幾耐冇去過銅鑼灣一擰轉面見到好耐無食嘅鬼金棒(話說啱啱開嗰陣食要排成個鐘)本來見到門口有人排隊重諗住放棄點解入去問一位就即刻有位（一個人食飯嘅好處之一）太耐無食見到menu咩都想叫最後叫咗芫荽辣麻味噌拉麵無食咁耐個湯底依然係咁濃郁啲芫荽同埋蔥食到最後都重有大量個叉燒又厚又煮到軟林林好入味好正啲麵係我鐘意口感偏硬粗麵呢碗麵都已經好滿足重有被拉麵耽誤了的粟米筍份量勁多重係好爽甜就咁食或者浸入個拉麵湯度都一樣咁正一個人食飯嘅壞處之一 - 眼闊肚窄最後食剩咗三分之一嘅粟米筍呢餐應該可以飽到聽日下次一個人唔知食咩我諗我都會再encore!

經典日式拉麵嘅門面，好有去左日本橫街嘅風味。嚴格嚟講得一款拉麵，但可以添加唔同嘅配料。可以隨個人喜好挑選辣麻程度。入到去有可以選擇吧台桌或普通桌位，而且入面好多睡魔嘅裝飾，好似真係去咗日本食拉麵咁。<味玉辣麻味噌拉麵，$105>普通嘅拉麵都配有一條玉米筍、芽茶同蔥花。濃郁嘅豬骨湯加左少少麻少少辣，勁惹味。味道都算適中，唔算太鹹。叉燒勁好味，好似東坡肉咁！雖然有少少肥，但一啲都唔膩。拉麵偏粗身，食落好煙韌好有口感。拉麵必加味玉！係溏心蛋，好好味！<玉米筍辣麻味噌拉麵加味玉，$120>超級大碗拉麵！滿滿的玉米筍，友人表示十分高興。<煎餃，$45>餃子皮煎到脆卜卜，入面仲好juicy，配埋辣嘅餃子汁好好食！

今日中午剛好在銅鑼灣，午餐就腳去位於銅鑼灣謝斐道530號地鋪鬼金棒，鬼金捧是來自東京的過江龍辣麻拉面店，在香港開有多家連鎖店。店堂裝修以日本神怪為主題，非常之有特色。有25種配搭的麻辣拉面，辣度及麻度分成5個級別供顧客自由選擇。招牌特制麻辣味噌叉燒拉麵：長時間熬煮湯底鮮甜濃厚，厚切叉燒肥瘦相夾好大塊，入口甘香回味無窮，糖心蛋熟度恰到好處，粟米荀清甜，芽菜爽口，加量芽菜和芫荽，解油又健康。－碗拉麵入肚好飽勁滿足。以後還會光顧！

好耐冇未過鬼金棒、好掛住佢嘅辣麻味噌拉麵、特登帶家人一齊去食～味玉辣麻味噌拉麵 $105 湯底好香好濃郁、每次必點少辣少麻、炙燒過的五花腩、腩肉脂肪比例剛好、非常軟稔、入口即化的感覺。溏心蛋流心做得剛好、超好吃！家人試了芫荽辣麻味噌拉麵、滿滿的芸荽覆蓋去整碗拉麵、點了少麻走辣、同樣惹味！拉麵麵條煙韌、仲有炒豆芽、粟米芯作配料、每次吃也覺得好豐富！新推出的煎餃$45 六隻、外皮煎得香脆、內裡好有肉汁、非常不錯啊！