鬼金棒

Open Now

Now Closed

鬼金棒咁大名，個個都好熟悉啦。不過我本身如果食日式拉麵我係唔太喜歡食辣口味，而鬼金棒嘅menu所有款式都係本身辣 (雖然你可以揀唔辣)，所以一直都好少幫襯。不過，因為响香港值得食嘅店我都食到七七八八，或八八九九了，所以都係集郵心態食一食佢。《炒豆芽菜辣麻味噌拉麵🍜》香味 (3/5) - 因為我叫嘅係炒豆芽菜拉麵，原先我會期望一上碟會勁大陣鑊氣味，但又真係冇乜。我其實都唔係好明，我坐吧枱，有見到個廚用生鐵鑊，大火大火咁去炒d芽菜，但d芽菜真係聞唔出有特別鑊氣味。我會估計兩種可能性：一，個芽菜原先太多水份，火雖然夠大，但炒得唔夠耐，所以水份仲係太多；二，炒嘅油可能唔係豬油，用左d健康但香味唔夠嘅植味油。點都好，香味係唔夠，只有基本嘅味噌香味，單調左d。湯 (4.5/5) - 先講，我叫嘅係小辣小麻。湯方面我比好高分，因為，辣，麻，味噌，蔥，蒜，薑，味道令人意外地平衡，冇話邊個搶左fo。湯本身濃稠度其實唔高，色澤唔算太深色，而且鹹度又適中。原先我仲擔心太濃太鹹，結果白擔心一場。特別一提，味噌嘅濃度係頗夠，濃，香，甜，䶢，辣，全部齊。另外仲有一個小驚喜，湯入面仲加左背脂，不過老實說，我食嗰刻係

Randomly searching for a ramen place in Tsim Sha Tsui, ending up this popping out. This restaurant was located in city centre and easy to find. No reservation can be made but easy to get a seat. We were sitting along the bar. Water was self served. We made the order via QR code. Easy and user friendly.Poached egg pork ramen came first. Looks absolutely delicious. Could literally smell the meatiness. Pork was half fatty and half lean. It was moist and tender. Fatty part could melt in my mouth. Ra

先介紹一下自己先，我係食譚仔三哥雙特辣都覺得唔辣嘅人🤣所以以下嘅食評大家自己斟酌下🤣🙏.嗜辣嘅我每次都係叫最辣嘅🤣但我好想講佢哋個湯底真係熬得好濃郁Creamy，辣同麻係唔會炒埋一齊，條脷最終係會麻痹，但呢種麻痹係爽嘅😎同時亦都眼見喺香港其他過江龍都越做越差，得鬼金棒依然冇令我失望，所以點解每次想食拉麵我都係會去鬼金棒.如果大家鍾意食拉麵嘅話，不妨去支持吓，亦都建議同我一樣食得辣嘅朋友，真係可以不妨大膽啲嗌勁辣，包你話我冇介紹錯🙉💕

鬼金棒喺香港都好多年啦，最近更加喺旺角逆市開咗新分店，終於第一次去食，簡直係中伏😐😐炒豆芽菜辣麻味噌拉麵 $105首先拉麵嘅湯底望落好濃，仲有一層香油係表面，深橙色嘅辣味噌湯底賣相好吸引，但食落味道勁勁勁普通，越食越鹹，蓋住曬本身要有嘅辣味同麻味，好單調又冇層次，最後淪落到又鹹又油😓🤢叉燒唔係一片片，而係一塊正方形嘅五花肉。滷得入味但係瘦肉部分好乾，有啲似湯渣😪失望🤢炒豆芽菜同拉麵麵質都係好普通，結論就係試一次都嫌多😅去食碗辣米線仲開心-完全唔知間野出名嘅位係邊度，見到openrice有成700個like真係好難捉摸，定係佢有獨特嘅食法只係我唔識叫🤧？

<味玉麻辣噌拉麵🌶️ 💲105> 我第一次食鬼金棒嘅味玉麻辣噌拉麵，湯頭濃厚香辣，噌味濃郁鮮美，麵條Q彈有嚼勁，加上那顆完美的味玉蛋，真係令人回味無窮。我最鍾意佢地嘅厚叉燒，外脆內軟，調味濃厚，配上麻辣噌拉麵一齊食，食完之後嘴唇仲會有麻感，不過偏鹹，食完碗麵之後一定要飲好多水😂<煎餃 🥟💲45>我地仲叫左鬼金棒嘅煎餃，total有6隻，外脆內嫩，煎得金黃酥脆，餡料鮮美多汁，每一口都充滿著鮮味。蘸上一點醋和辣椒油，會仲好食左，不過份量就唔算太大隻🤔如果想試煎餃都可以試下嘅

鬼金棒相信好多人都食過，佢個湯底味道十分濃郁，每隔幾個月就想去食一次🤓增量叉燒辣麻味噌拉麵 $120當店員將呢碗麵捧上餐枱嘅時候，我比呢舊叉燒嘅尺寸嚇親。真係十分之巨型抵食，而且呢嚿叉燒煮得非常軟熟，我同朋友仲另外叫咗增量芽菜$30同埋芫荽$30，份量十分之多，啱晒鍾意食拉麵配大量配菜嘅朋友。一如既往鬼金棒湯底都係十分之出色，呢個辣味噌湯底好開胃，辣度足夠，但如果唔食辣嘅朋友最好叫小辣，食嘅時候拉麵配埋芫荽同埋芽菜，口感好豐富。玉米筍辣麻味噌拉麵 $105平時好少見玉米仔為主菜嘅拉麵，玉米仔配埋辣湯，原來都好好食同埋好夾。呢碗我就冇叫到增量叉燒，但係都係大大嚿，唔係平時食開嘅一片片，鍾意食叉燒嘅朋友不能夠錯過。佢除咗有個增量叉燒拉麵，仲有個兩倍增量叉燒拉麵，由於佢叉燒真係好出色，下次都決定要試吓🤓

之前見好多人（所謂foodie）介紹同埋fd話如果鍾意食麻辣一定要去試鬼金棒。所以之前星期六唔知食咩就去左，入到去我見無咩人都知瀨野啦…星期六既尖沙咀基本上好多地鋪餐廳都要排隊，但佢唔使。不過一場黎到打算都試下啦，其實湯底就得一種、見好多個item選擇其實都係多左蛋、叉燒等等。叫左味玉小辣中麻拉麵、要$105。得個辣同麻、係完全無香味，而且同拉麵好似分開一樣、完全唔match。個味玉叫好少少、但蛋黃太熟、叉燒無咩味道。最重要、鋪頭超級熱！！好似真係趕客一樣。個人建議真係食普通拉麵或者麻辣米綫好過，真係好不倫不類。

🇯🇵東京過江龍「鬼金棒拉麵」，尖沙咀分店主打麻辣味噌湯拉麵，同埋大大件惹味叉燒，裝修風格特別，猶如去咗日本地獄谷！🍜特製麻辣味噌拉麵 $125❥有兩大嚿叉燒，仲有流心蛋、粟米筍等等配菜。叉燒厚嘅程度好似食緊東坡肉咁，好誇張！肥瘦適中好好味。❥呢度嘅湯底可以選擇麻及辣嘅程度，我哋唔鍾意麻，就直接揀咗無麻。❥佢哋嘅面比較粗身，掛湯力強。如果有得俾人揀麵質會更好。🍜味玉麻辣味噌拉麵 $115❥呢一款拉麵其實同特製麻辣味噌拉麵嘅配料全部一模一樣，唔同嘅只係得一嚿叉燒。一樣都係咁厚嘅正方體。❥流心蛋做得非常出色！❥我試埋 +$35 增量叉燒，加錢呢塊叉燒係長方形版巨形東坡肉😂💵飲埋嘢，人均$150

店舖裝修以木同埋日本特色做主題，行入店舖，店舖播住打鼓嘅音樂，有種係日本小店嘅感覺。「特製麻辣昧噌拉麵」小辣，叉燒大大件 外貌好似東坡肉咁 入口即溶，麵條Q 彈配搭濃郁滑順嘅豬骨麻辣湯底 唔錯「增量叉燒麻辣味噌拉麵」，叉燒鮮嫩，好食另外如果驚唔夠飽仲可以食埋佢哋嘅「煎餃」六隻餃子皮薄，個底煎得幾脆整體嚟講店舖幾有日本特色，而且湯底做得好濃郁，麻辣嘅拉麵出邊都好少有，麻辣加上濃郁的湯底估唔到有又幾配搭幾好食👍🏻

鬼金棒餐廳內有好多日式鬼怪嘅佈置👹 開放式廚房，環境乾淨衛生。主打辣麻味湯底拉麵，湯底可以揀唔辣/小辣/中辣/大辣/鬼增辣(+$15)，鬼增辣就交返俾勇者挑戰，我自己就食返BB辣😎✨✨芫荽辣麻味噌拉麵 $115 揀咗小辣，微微辣更加開胃，對唔食得辣嘅我嚟講都幾友好。湯底味噌口味不算突出，味道較濃，口感油潤，未必可以直接飲湯，但麵條本身都幾掛湯汁，兩者配合得宜。-重點係有座芫荽山🌿 好壯觀！肉肉係超級厚切，食落都幾軟嫩。總括嚟講，值得一試！啱晒鍾意麻麻辣辣嘅愛好者🙆🏻‍♀️

曾經都在東京吃過鬼金棒的辣麻拉麵，一試難忘！今天來到位於尖沙咀的門店，重拾回憶的味道！點了一個紅碗的炒豆芽菜辣麻味噌拉麵，我很喜歡吃拉麵的豆芽，豆芽爽脆清新，與拉麵煙靭有勁道的口感不同，形成對比令風味提升。而這家的豆芽份量亳不吝嗇，值得一讚👍🏻這次我選擇了高辣及中麻，比起之前在東京吃的中辣辣度高了不少，眼見的辣粉調味都多些，但是這個辣度我很滿意，不會死辣但是風味什佳，無辣不歡的我很滿足！！喜歡半熟蛋的一定要點這家的味玉，熟度剛剛好，蛋黃軟綿綿但不會太生，超讚😋😋老公點了增量叉燒辣麻味噌拉麵，增量叉燒比起本身拉麵包含的叉燒大了差不多一倍，增量叉燒肉厚很多，外表燒得微微焦脆，而內裡的肉肥瘦相間，滿滿的油香及肉味，喜歡吃叉燒一定要點增量叉燒，因為滿足程度高很多！白色碗的辣度是中辣及中麻，肉眼可見的辣度比紅色碗低一點，但辣度風味相對較淺，適合平時有吃辣但第一次吃鬼金棒不知道選什麼辣度的朋友們！日式煎餃一份有六隻，餃子底面煎得很香脆但不會焦，餃子是不辣的生菜豬肉內餡，很適合中和一下這兩碗又辣又刺激的拉麵😆

阿美本身都係一個好鍾意食拉麵嘅人，鍾意喺日本同香港唔同嘅拉麵店打卡，最近同朋友去咗香港一間連鎖嘅日本拉麵店，試咗佢哋主打嘅麻辣味噌湯底😋特製麻辣味噌拉麵 - $125湯底濃郁，麻辣味道啱啱好，唔會太刺激但又夠惹味。🍜 裡面有兩塊厚切叉燒，入口即溶。味玉麻辣味噌拉麵 - $105同樣好食，湯底同特製版一樣咁正。🍜 唔同嘅地方係呢款只得一塊叉燒，但都係厚切，口感一樣咁好。煎餃 - $45每粒煎餃都煎到金黃酥脆，內餡多汁鮮甜。

呢日去試下呢間人氣拉麵🍜， 刺激下啲味蕾先🌶️， 呢間係日本過江龍 拉麵店門面， 鬼全棒3個字，裝修好有霸氣，👹一入到門口吧枱位都坐滿曬好有氣氛😍， 好似去咗日本地道拉麵店， 餐廳有幾款招牌拉麵👍🏽增量叉燒麻辣味噌拉麵🍜叫咗小辣小麻， 增量叉燒果然 名副其實， 係大大舊嘅叉燒😋， 湯底好濃厚， 拉麵都好彈牙 ，嗌咗小辣，程度啱啱好，下次可以試中辣，😍芫茜麻辣味噌拉麵🍜嘩，嚟到爆多芫茜🥬， 鍾意食芫茜嘅朋友一定要試下😂 都係一樣嗌咗小辣小麻另外當然唔少得嗌咗客餃子六隻🥟， 啲皮夠曬薄，個底仲少少窿窿哋好脆，好食😋因為第一次試，驚死好辣🌶️😂，大家都好保守，嗌咗小辣，下一次要試去中辣先🌶️🌶️

這是一間專吃麻辣味噌湯底的日式拉麵店，我自己都未試過食日式嘅麻辣湯麵，今次是第一次試。麵條是比較粗的，容易吸收湯汁。味噌湯底濃郁。可以自行選擇大中小辣，和大中小麻。莞荽辣麻味噌拉麵 $115選咗大麻小辣，本來點菜嘅時候有啲擔心，會唔會真係好麻，結果又唔算，覺得味道剛剛好，是我喜歡的麻辣度。芫荽真的很多，本身沒有加其他配料就有一件細叉燒，另外配上一隻味玉 $15。雞蛋流心，夠晒入味。增量叉燒辣麻味噌拉麵 + 味玉 $135是增量叉燒湯麵，好明顯叉燒比芫荽那一碗大一倍。湯底味道差不多，也是另外加了一隻味玉。麵底真的很大，女孩子真的吃不完。因為食晒餸都未食晒啲麵，就加多一件叉燒。增量叉燒 $35叉燒炆得好腍好入味。店舖是自行落單，上菜也很快。

今日同朋友去左食鬼金棒!呢間拉麵店已經比我BOOKMARK左好耐!因為佢個芫茜拉麵相當出名😋去到餐廳已經見到坐滿人, 個個都好比心機食拉麵, 餐廳有吧枱同普通既枱,如果坐吧枱仲可以睇到師傅煮麵😆我同朋友叫左特製麻辣味噌拉麵:佢個湯相當濃郁, 而佢既麻同辣度都可以選擇, 入面既配料都好豐富有炒芽菜, 粟米仔, 仲有糖心蛋, 當然唔少得既就係佢既招牌厚切叉燒, 呢塊叉燒真係好正, 食落啖啖肉, 加上佢個粗身既拉麵, 相當之夾😍朋友係芫茜辣麻味噌拉麵: 果然好震撼!芫茜鋪滿左成個拉麵, 鍾意倡食芫茜既朋友就岩晒!其本上每一啖都可以食到芫茜, 朋友都唔執輸加左隻糖心蛋, 佢個流心真係掌握得好好🥰另外, 我地仲叫左一客餃子, 呢個真係必叫, 餃子皮夠晒薄, 仲有熱辣辣, 真係大愛❤️