Kim's Spoon (Closed)

淘大Kim’s spoon的人氣不在於食物，而是他們有一個Oppa鎮店。我都係久仰Oppa之名而前往的。店內的大白菜泡菜是任食的，用來撈石頭飯或配烤肉，是非常夾。講一講食物先，石頭飯夠熱，但烤牛肉太少，飯太多，所以要加大量泡菜去調味，如果要求不高，是飽肚的選擇。燒烤方面，肉不夠味，牛肋骨亦太黏牙，反而普通的牛肉是最好食，其他真係一般。另一方面，個帶子反而有驚喜，估唔到雪藏野都咁鮮味，下次可以再叫。至於紫菜包飯，好老實講，我覺得料太少，飯太多，而且裏面沒有那種甜甜脆脆的蘿蔔，口感即時失色了。整體來說，只能說不過不失吧。

天氣漸涼, 午餐想食一些熱的食物, 而吃些辣的, 好像會更暖和一些(誤).今次選了海鮮配生麵, 午餐跟熱飲一杯, 而麵可以選公仔麵或生麵, 辣度可以落單時跟店員說.這間店, 之前已經吃過幾次, 它的食物份量頗多的, 辣度可以自選, 味道也不錯, 海鮮也算新鮮沒沙, 海鮮有蝦, 青口, 蜆, 魷魚, 其他的有蛋, 金菇, 蔬菜...最後把飲品飲下, 整個午餐大滿足.

好鍾意食牛，會到不同餐廳睇下邊度有靚牛食，因為其他app有半價所以今日試呢間韓式燒烤，叫咗最貴嘅set有牛舌同三款不同部位的牛肉，諗住最貴肉質會最好，Sorry！係我諗多咗！四款牛得一款入得口，其餘三款都好靭咬唔到要成嚿吞，試咗第一嚿好靭，以為自己烤得耐咗， 但我有入廚經驗而且算是煮牛能手，知道是牛的品質問題，無論煮到幾生肉質唔靚煮得幾叻都冇用。另外叫咗牛油帶子，帶子係冰鮮嘅冇乜鮮味 ，真係試一次就夠。

豬肉韓式粉絲 HKD50：整體味道不錯，值得推薦。依到既韓式炒粉絲炒到岩岩好，唔會太淋，食落仲係好爽口。而且炒得非常均勻，每條粉絲都均勻沾滿醬油。但炒豬肉就略為有啲失色，豬肉有少少over cook，所以有少少老身。環境：整體環境不錯，坐位闊落，就算午餐繁忙時段都唔會坐得太逼。枱同枱之間都有適當既距離。整體：整體黎講都幾值得推薦。對我黎講可以無限refill泡菜都係一個賣點黎，因為佢既泡茶都幾好食。同埋午餐時段，價錢都幾平。但預番上菜時間需時，番工黎食晏要預番時間。

用其他訂座Apps訂餐仲有7折超抵……6人，平均一百已吃到肚凸凸超滿足！炒粉絲好味，燒肉我鈡意五花肉，老公超愛吃:泡菜……而且任食前菜:波菜好食，韓式拌飯我至愛它飯焦牛肉也不錯，晚餐後結帳仲有抽獎玩幾得意，我抽了免費石頭鍋飯一客！

今晚一行五人去完德福睇戲，就去淘大食韓國菜，search到呢間，原來老闆亦是韓國人，咁咪好正宗環境唔錯揀選四人餐再另加兩款食物，加多一杯特飲估唔到四人餐非常豐富，燒烤種類可以自選我哋分別揀了兩份蝦、雞肉、牛肉亦都揀了兩份來燒烤，醃味適中另外香辣炒年糕、海鮮煎餅、熔岩泡菜炒飯，四杯飲品都非常有特色另外揀了兩款食物包括：炸物拼盤（即炸）、壽司🍣其實五個人食真的非常飽肚，好満足！埋單每人$160，價錢合理、服務尚可！

粉絲選了泡菜豬肉雖然豬肉肉質不算特別好，被泡菜汁蓋過，還好。但粉絲有驚喜！炒過特別香口，加上蘿蔔絲和菠菜等不同配菜，食完想再食😍😋粉絲是比泡菜豬肉好食的。朋友叫了飯餐雖然飯的配菜較多，但我覺得味道沒有粉絲般好，粉絲淨食也很好味，始終有炒過。35蚊學生餐就有飲品送又可以任食泡菜（不過要自己夾菜，不知道經多久才換配菜，所以衞生情況自己衡量）只要出示學生證即可，所以性價比絕對高！學生一定要黎食呀！環境和服務都不錯，上菜很快，下單後10分鐘都到了。平食推薦！

今日約了友人兩個人食個飯，更新下大家既近況。就選擇了近公司既韓國菜。 原本訂位選擇了韓燒，不過自己有點不太舒服轉了吾燒了。一去到同返佢地講，都有位即入。甘二個人都簡單叫了一客炸雞、韓著式炒粉絲、芝士雞蛋卷同埋韓式紫菜卷，其實話多吾多，話少吾少啦講返份炸雞，好大失望😞完全吾熱，只係叫做熟了，又吾似韓國炸雞。炸粉又多至於炒粉絲就最正常，料多、最似韓式。俾個芝士雞蛋卷其實我覺得算不錯，喜歡芝士既朋友應該會喜歡它，不過美中不足的是不太熱。因此下次有機會還是韓燒吧

首先講下個環境係唔錯的，坐位都舒服。服務尚可，都有笑容同快手。野食： 差... 餐牌唔算多野食，應該係主打燒肉所以選擇唔多。我地點了一份燒牛肉拼盤，石頭鍋飯，芝士蛋卷。石頭鍋飯不過不失，好普通。芝士蛋卷係失望，一啲都唔好味，中間仲要係夾腸仔... 奇怪燒的牛肉一啲都唔juicy,冇乜牛肉味，唔知自己食緊乜，食完一塊已經唔想再食。燒烤板好似冇洗乾淨咁，成塊板係黑色的，四周都好多陳年油污痴住，第一塊冇太留意，叫侍應換左第二塊，燒左一陣，啲牛肉就痴晒啲黑色野，就算任食的韓燒都唔會發生呢啲情況。 真係唔會再去。

九龍灣冇乜正宗嘅韓國餐廳，但又想食韓國嘢喎，咁就唯有是但去間叫做韓式嘅餐廳啦。呢間餐廳唔會好似正宗地道嘅韓國餐廳咁會有前菜，不過總算叫做坐得舒服。睇完餐牌覺得唔算多嘢食，但兩個人都ok啦，唔使諗叫好多。炸物拼盤有炸蝦，炸雞，炸餃子同埋薯條。除咗炸餃子感覺怪怪地之外，其他都幾好食。韓式炒粉絲 粉絲炒得幾入味，配埋啲菠菜，紅蘿蔔絲一齊食有口感。另外仲叫咗個傳統石頭鍋飯，都有唔少餡料。中間亦都有隻半生熟蛋，全部撈埋一齊食加埋辣醬都唔錯。

每個Happy Friday 我都會到九龍灣接男朋友放工，今晚想吃韓國菜。九龍灣雖然美食眾多，但上網搜索，發現想吃的韓國餐廳不多，淘大的kim's spoon 卻令我心思思。kim's spoon 這家店其實我不是第一次食，上次一班人吃燒肉，想試下其他菜式。店內空間感也算不錯，坐位寬敞，兩個人坐四人枱都不用搭枱，不用和其他人逼。一進店，店完會問會否點燒肉，因為店內有燒肉枱和普通枱兩種。每枱都有泡菜任裝！泡菜溫度還是很冷，相信是剛剛拿出來，整得很入味，酸辣度很過癮，令人很開胃！不想吃燒肉，點了二人餐，有前菜、沙律、兩款主食、韓式粉絲、兩碗白飯和兩杯特飲，份量也很多。三款前菜以蔬菜為主，味道還好，爽口，進一步令人開胃，我個人比較喜歡中間的豆卜。柚子醬豆腐沙律 - 蔬菜豆腐的配搭真的未試過，軟硬的組合豐富了沙律的口感，加入柚子醬，酸酸甜甜的味道還不錯。韓式粉絲 - 粉絲爽口彈身，麻油香很重，蔬菜絲也爽口，這個吃下去也很好。鐵板燒牛肉 - 牛肉薄身，熟度不錯，不會太老太軔。牛肉味也挺濃挺香，在鐵板燒熱後，牛的油脂被燒出來，令牛香進一步散發於空氣中！至尊有機純豆腐辣湯(豬肉) - 湯由豆腐、豬肉

石頭鍋飯，材料豐富，好多款蔬菜絲，最後上面一堆紫菜碎，一上台就已經成功吸引我既眼球啦，石鍋好熱，所以各位朋友要小心熱呀，攪拌均勻就可以開吃啦，飯焦脆脆地，好香口，個人覺得一般般啦。仲有個豆腐牛肉湯泡飯，D湯滾到砰砰聲，材料都係好豐富，豆腐有豆香味、仲好嫩滑，牛肉有少少肥，不過我都可以接受到，酸酸地都幾開胃噶，不過唔食得辣既朋友就考慮清楚啦！食落甜甜酸酸都幾好噶！最後杯嘢飲好大隻，食完辣嘢再飲好解渴喔！

Fancy some good quality meat so we went for BBQ and ordered the highly recommended meat platter, which is most expensive meat combo on the menu. Quite disappointingly all came out to be frozen meat, with many still hadn’t been properly defrosted...quite disappointing for the price paid.

過親黎淘大呢邊都會食呢間, 食過幾次, 質素OK既,50-60蚊一個LUNCH SET, 但今次唔知點解冇左前菜> < 明明整得幾好食架..但好彩任食既泡菜仲係到, 食海鮮辣豆腐湯+白飯，叫左一杯紅棗水飲。唔算好辣, 男仔食都會夠飽，豆腐好食, 都算足料, 唔食得辣既可以簡清湯。職員有韓國人係到,感覺好似正宗D咁HAHAHA, 全部都幾有禮貌食飯時間去到, 都唔洗等位, 坐得幾舒服, 唔會覺得好逼唔洗加1, 都幾OK。佢個炒粉絲都好好食，不過今次一個人黎食唔到咁多野。

Kim's Spoon最近出左一個以花🌹為主題既meal set, 呢個套餐包左三式前菜、韓式拌飯、泡菜水冷麵、柚子炸雞、韓式餃子、紫菜粉絲卷、炸薯條, 仲有韓冰飲品。成個套餐既攞設好有春天既感覺~喺熱天食泡菜水冷麵感覺好正, 韓式水冷麵夠凍, 水冷麵係浸住微酸辣既泡菜湯, 食落幾清新, 冇油膩感。 水冷麵上面仲有青瓜片同半隻蛋。韓冰飲品方面, 藍橙乳酸梳打係有漸層效果嫁, 隻藍色漸變色好靚, 飲品旁仲配上檸檬片同火龍果片。