食飯

Open Now

Now Closed

同大家介紹吓喺銅鑼灣嘅泰國餐廳Kin Kao❤️❤️ 舖頭名係泰文，意思即係食飯！喺灣仔同銅鑼灣都有分店👍🏻 泰國人主理，侍應都係泰國人，入到去好有泰國嘅氣氛🤪 不過地方就細少少，坐得會比較迫炒金邊粉 ($88)最鍾意呢一間嘢嘅炒金邊粉，值得一試😋😋金邊粉爽滑又有咬勁，加埋青檸汁，酸甜鹹嘅比例啱啱好，炒得乾身，唔會非常濕👍🏻炒得非常正宗嘅金邊粉生菜包 ($88)食泰國嘢一定要試吓生菜包！生菜唔算特別清爽同埋新鮮👌🏻肉碎調味比較清淡，都唔會太辣，留意下係會有芫荽🌿生菜配埋肉碎包埋一齊食口感豐富，整體嚟講算係比較一般嘅生菜包🤨燒豬頸肉($88)豬頸肉咬落去口感比較硬，肉質唔算軟腍，唔係想像中軟腍腍有彈性嘅豬頸肉🙂‍↕️甚至其中一兩舊過韌難以咬開🥲🥲醬汁香辣開胃，超級出色，建議一定要點埋佢個醬汁一齊食呢間以前係本人幾鍾意喺灣仔/ 銅鑼灣食嘅泰國餐廳，但係今次出品比較失望😞😞只係得炒金邊粉維持到水準，希望只係今次我哋唔太好彩啦🥲

因為Samsen要等一個鐘先有枱，立即決定轉場。銅鑼灣Kin Kao有上下兩層，當日被安排上第二層坐，環境好頹。食物感覺不過不失，沒有驚喜。食物份量適中，經過可以一試，特登過去就唔需要。

✨蟹肉炒飯$88 +奄列 $18個蟹肉炒飯我就覺得淡左少少 蟹肉都唔算好多 雖然幾實肉但就唔算好鮮甜 🙈🙈 反而個奄列蛋就好正👍🏻👍🏻 好香蛋味✨豉油乾炒河 $88呢個炒得好有鑊氣👍🏻👍🏻 調味做得啱啱好 加埋有少少嘅焦味好香😋😋 啲河粉亦麵好煙韌 有彈性 豬肉都好食 推薦黎到一定要叫呢個👍🏻✨青木瓜沙律 $68酸酸辣辣好開胃😋😋 有好多花生令到口感更豐富 又爽又脆👍🏻👍🏻總括黎講味道都好唔錯👍🏻 環境乾淨舒適 不過佢就比較屬於係茶記快食嗰種類型 如果一班朋友想坐低食耐啲傾下計就未必適合味道❤️❤️❤️❤️抵食❤️❤️❤️❤️服務❤️❤️❤️💔環境❤️❤️❤️💔💰晚餐人均～$136 （唔洗+1）

講咗重點先 大門口地氈下面壓住一隻死曱甴後尾啲人越踩隻嘢就越明顯大大隻喺門口都冇人清理 勁核突🤢🤢🤢🤮🤮🤮80 幾蚊一碟appetiser 豬頸肉勁求其 望住個廚房阿姐徒手冇帶手套！係一大個膠盒一堆預先整好嘅肉就咁擺上碟 翻熱都冇 就咁加塊生菜😂船麵不過不失 炒飯都係普通 好少肉連啲水有陣怪味 唔知落咗啲咩香茅之類我同朋友嘅評價就係簡直係想帶泰國街邊嘅vibe比食客？😅😂😂for english speakers: fking dead cockroach at the front door and none of the staff bothered to remove it, unhygienic kitchen staff, no gloves food was mid and overpriced for what it is大家見字避雷 等登寫夠字可以留個難食emoji😂

d菜式得個樣睇上去似泰國菜，一食落去個味道真係一頭霧水。。。1. 冬陰功完全無酸2. 豬頸肉食落去個味完全唔對路（唔識形容係咩味）3. 菜包肉d肉真係好淡4. 炒通菜叫正路d有味，但係又完全唔係平時食開嗰種泰式，感覺似中式間鋪唔知點解好多鬼佬，呢間嘢係咪得鬼佬先識欣賞。服務基本上等於無，本身覺得呢d餐廳無咩服務正常啦，但係睇真d個價錢喋喋餸都唔平，疑似中式炒通菜都要$88，究竟貴係邊度。最後付款話要收現金，但明明貼著話收visa/master，但我無現金，跟著佢就俾我碌卡，但係話部機有問題有時會收兩次錢所以先收現金，但係佢係用緊Kpay，我真係從來未聽過Kpa有呢個問題。總結，呢間嘢可以生存到真係奇蹟，可能係靠d外國遊客賺錢，本地人好似我咁傻傻地先走入去。

想分享一下係呢間餐廳用膳之後嘅一次體驗。係呢間餐廳岩岩開嘅時候就已經同男朋友成日去幫襯，因為覺得好好食，所以都成日帶唔同fd去食嘢，一有聚餐就8成都推呢間餐廳咁濟。但係最近幾次去嘅時候已經覺得樓面個哥仔同埋廚房d姐仔好似已經換晒人，不過味道又好似無乜太大轉變就算啦繼續有去食。上個星期帶左個番黎香港嘅親戚去食野，我地食飽左見出面冇人等緊就諗住坐多陣吹下水，但係餐廳D待應見我地食晒野就已經光速收晒枱面D野。其實都唔緊要啦都慣左香港係咁，不過真係見出面冇人等緊又有其他空枱先唔理繼續坐住先。跟住我地其中一個面對住廚房既FD見到廚房個呀嬸用泰文講左D唔知乜之後，個樓面就突然問我地要唔要芒果糯米飯，咁都知係逐客令，於是話唔要之後就買單走人。都係D常見既香港餐廳處理手法，到呢到都未至於會令我寫低呢篇野。跟住我地就去搵WC，點知我個親戚就無啦啦大叫話好似漏左頂帽，於是我就先衝番餐廳問啦。我自己番到餐廳之後就話：「我岩岩坐呢個位，個FD話漏左頂帽，想問下你地有冇汁到?」果時其實佢地已經汁好晒枱，而且係冇坐到人。個樓面哥仔就話：「我地都係岩岩汁好左，唔見有WO。咩色架？」我答左佢咩色之後，樓面哥仔跟住又用

叫完野食 等足四十分鐘五分鐘就出碗白飯 椰青然後完全無其他野食全程不斷出外賣最後頂唔順 椰青 炸豬皮 白飯 埋單想走既時候（等四十分鐘）就出咖哩啦 不過食唔落啦 成肚氣全程仲好多旅客 嘈過廟街（利申：有催過單）

今日突然想食泰國野不過好食嘅如果港島區都要去中上環果邊所以行行下登龍街見有間好似新開冇耐嘅就入去試下我地order咗燒豬頸肉同蟹肉炒飯燒豬頸肉不過不失個蟹肉炒飯就都普通係冇鑊氣嘅version而且蟹肉太少幾乎係冇嘅不過就勝在有蟹膏嘅味道叫做都似食緊蟹肉炒飯唔知係咪因為價錢問題未係想像中咁出色可以話係普通平民食不過食泰國野最重要嘅鑊氣同香料味都好似欠缺咗所以未係真係想像中咁不過價錢冇另收加一hea食可以

燈籠街不嬲都好多美食，經過見到一間叫「食飯」嘅泰國餐廳🇹🇭係門口已經見到有好多客人，裝修望落都「試正」，就入去試試，點知好有驚喜😳🤩燒豬頸肉 $88豬頸肉燒到個外皮有少少濃邊，肉質好淋，但有咬口🐽點埋隔離個汁，少少辣仲惹味，而且佢每一舊都好大舊，份量都偏多，叫一碟大家一齊share 就啱啱好😋👍🏻豉油乾炒河 配蝦 $88係泰國食過佢哋啲河粉就一直心心念念，係香港好難搵到同一款咁寛同煙韌嘅河粉，然後竟然會係呢間餐廳食到同泰國差唔多嘅河粉真係太驚喜了🥹河粉炒得乾身，而且蝦仁都好新鮮同幾大隻🦐配埋菜同蛋一齊炒，超級惹味😳蒜蓉炒通菜 $88炒通菜就中規中矩，用蒜蓉炒冇咁濃味🥬可以中和返頭先上面兩道菜嘅味道，雖然簡單，但我已經好滿意🫶🏻椰子雪糕 $68原本以為餐牌嘅圖片只供參考，但原來佢一份真係有三大球雪糕，真係好驚喜🤣❤️雪糕有濃郁嘅椰子香味🥥但係我就嫌佢唔夠creamy，比較冰，可能雪得太耐，雪糕上面配咗啲小脆米同花生🥜食落更有口感😋.總括嚟講，呢間小店好有驚喜，每一碟菜都好有正宗嘅泰國菜味道，而且價錢都相宜，鍾意食泰國菜嘅你一定唔可以錯過🥰

啱啱路過銅鑼灣， 想買個外賣返屋企 見到呢一間 買了兩碗冬陰功湯麵 裏面只有三隻蝦 少少菜! 就沒有其他配料 價值160蚊 仲要係冰鮮蝦， 不嬲都好少寫食評 但係呢一間非常之差 ，唔會再有下次！！！！！！！！！！！！！！！！！！！！！！！！！！！！！！

餐廳本身係灣仔開，今日見到銅鑼灣登龍街都有就決定試吓，有冇退步！我哋叫咗一個豬手飯同埋一個芒果糯米飯，佢嘅豬手飯滷得非常入味，而且豬手做得非常軟滑，加埋白飯食嘅配搭，簡直係一流，再加埋餐廳酸辣汁，令到成個口感更加提升，份量嚟講都算幾多、抵食！芒果糯米飯價錢非常平，份量所以都唔太多，不過其實糯米飯都唔食得太多，所以呢一個份量都幾好呀，芒果非常甜，再加埋糯米飯加椰汁，簡直就係match! 飯後甜品嚟講冇得輸！

Captivated by the unique exterior of the restaurant, we decided to pay a visit to this restaurant.The food are authentic here. The crab meat omellete for us is the highlight. Egg is fluffy and goes well with the huge chunks of crab meat. It’s very savoury, full of flavor, and satisfying.Stir fry morning glory is up to our expectation, crunchy stems and aromatic.We love the pork neck as well. It’s tender with good seasonings, not to forget the perfect char on the outside.Curry was a bit too spicy

係銅鑼灣行街諗唔到食咩就去登龍街睇下 見到呢間泰國菜餐廳幾吸引同抵食 所以就試吓啦 餐廳環境比較逼夾 不過店員會幫手keep起隨身物品 幾貼心 侍應都係泰國人感覺幾正宗🇹🇭✿ 牛肉船麵 ✿ [$88] 湯底香濃偏甜 牛肉份量多 泰式河粉新鮮Q彈 但河粉份量相對較少 食幾啖就冇晒啲河粉🥲 多啲就好啦！✿ 泰式雞炒飯 ✿ [$80] 夠鑊氣 好香 啲雞唔柴 yum yum 但係份量唔多 好似hightea份量咁 唔夠飽🥲 如果份量多啲就Perfect 地址➸ 銅鑼灣登龍街36號地舖★好食指數★：4/5★冇加一★

估唔到香港可以有啲咁難食晚泰國野，懷疑我呢個未傷過廚房既人都煮得好食過佢！首先講個19蟹肉炒飯（80$），都預左唔會蟹蟹肉但你都唔係得個幾粒蟹肉呀！仲要細到用放大鏡先睇到！垃圾跟著係個咖哩雞河，河粉正常。但個湯同雞就真係可以送返俾啲泰國啲人食，等佢地都知自己啲同鄉點解可以煮到咁！講返正題，個湯無咖哩味希到好似水咁，隻雞就成隻就咁煮熟，hea到傻（零入味）！最尾個服務員，咁多位死都要我地坐角落頭，熱到死。你哋唔好聽啲Foodie講！真係難食到死

叫左3樣嘢，蟹肉炒飯，炒椰菜苗同埋豬頸肉。只有豬頸肉比較對辦，雖然唔夠熱肉亦唔係嫩但係炒飯油真系太多，飯又唔炒得夠乾爽而且又係唔夠熱…..椰菜苗係直頭炒得唔熟…..呢個係正宗嘅泰國菜嘛?🥲