瓊芳冰廳

Open Now

Now Closed

收工黎開呢頭同agent傾屋企人份保險，見圓方呢個商場都係高價菜館為主，行過門口見到呢間冰室既餐廳幾開揚，食物都以港式為主，望落幾骨緻整潔，決定入去試下。裝修都幾有復古mix現代感覺。食物有多項港式西餐選擇，有大大份既鐵板扒餐同招牌既暗然銷魂飯，係圓方黎講價格亦合宜，可以配番杯雜果賓治就一流，即刻有番童年既感覺除openrice 見到既餐外，現場既menu新增左星洲咖喱，岩哂我呢啲咖喱控，一定唔會放過點呢個試下！最後同agent各人都決定叫個星洲咖喱試下，我叫左雜菜牛肋條，佢就叫左豬扒。黎到望落辣辣地，食落都係好輕微既辣，伴隨住椰奶香，咖喱汁都俾得幾足。牛肋條有5塊，肉質唔會柴，肥瘦岩岩好🍖咖喱豬扒就更加好食，因為佢係即叫即煎既，黎到好香口，肉質有預先醃過所以不會太鞋太難咬，大大塊其實都好夠送飯友人叫左個紅豆冰，奶味都幾香濃，紅豆大大粒，跟餐加$8（特飲）都幾扺由於女人每月煩惱唔飲得凍野，叫左杯熱鮮奶，聞落幾香，飲落幾濃。有機會黎試下佢招牌黯然銷魂飯先，咁岩侍應上餐前經過望到啲叉燒都幾夠火喉，燶邊蜜汁半肥瘦

今晚同朋友要去西九文化區，打算係圓方食左飯先過去💁🏻‍♀️朋友介紹左去瓊芳冰廳食飯，環境佈置好精置，光猛整潔舒適，令人好舒服。我哋點左黯然銷魂飯同鐵板西冷牛扒😻😻份量都好夠多，岩哂我呢個大食怪呀😆📍黯然銷魂飯（$98）我係一個叉燒煎蛋控，呢個黯然銷魂飯真係滿足咗我嘅胃啊！叉燒味道好香好濃郁，煎蛋好滑好軟，仲要係流心蛋黃，簡直係我最愛😍💁🏻‍♀️💁🏻‍♀️配上軟滑既米飯，真係好好味啊！叉燒好淋，而且厚切，味道勁好食👍🏻一定要再嚟食啊！📍鐵板西冷牛扒（$138）我哋點左5成熟，牛肉肉質好滑嫩，加上個鐵板，自行加汁/職員幫忙加上汁，令到啲肉好juicy，真係好好味啊！再加上啲薯角，令到味道更加豐富！而且配左厚多士及餐湯，都做得好出色既👍🏻飲品：凍檸茶同凍鴛鴦（跟餐飲）飲品都調配得好好係正宗既港式茶底呢😍服務員好有禮貌，好細心，我哋想share 食物食，細心比左2份碗我哋分享👍🏻👍🏻👍🏻整體黎講係唔錯既體驗💁🏻‍♀️

因為工作緣故，時常到圓方見客戶及搵嘢食，搵到一間平民化冰廳，食物質素不俗，價錢性價比高，冰廳常常滿座，各位同事很落力招呼及有耐性對待客人，雖然有時人手不足，但他們各位都很專業. 識得幾位同事叫阿麗，阿卓， 嘉義，嘉華…及經理，都好細心，盡量照顧客人需要，欣賞他們對客人的態度. 是服務行業的重要因素.

聖誕正日諗住去西九睇燈飾，順便喺圓方食飯，點知中哂伏😑 嬲嬲地決定寫個comment警世🫡喺出面排隊咁耐都冇講咩餐賣哂，入到去scan QR code落單，一睇先發現依樣又冇嗰樣又冇，得返勁少選擇我叫咗個雜扒飯，腸仔凍嘅，雞扒煎燶哂，啲飯又凍又硬，屋企人叫咗雞扒飯同雞翼米粉，都話食到肉類唔新鮮，有陣宿味店員服務態度又差，西口西面，放嘢食落枱大大聲，又唔講嗰碟係咩嚟總結，完全唔合格，早知咁伏過隔離食大X活好過😑 節日流流揀中食依間真心黑仔，唔明點解可以開喺圓方咁耐都仲未執😑

趕住係Elements 睇戲，於是就揀左呢間比較近戲院嘅茶餐廳。一坐低就叫左蔥油豬扒飯同埋熱杏霜。朋友就預咗常餐嘅沙嗲牛肉麵同埋熱檸水。飲品好快就嚟左，杏霜嘅味道都幾濃，幾香杏仁味。朋友個常餐都係幾分鐘後就嚟咗，但估唔到個蔥油豬扒飯等左成25min, 中間都有催過單，個侍應居然話每塊豬扒都係即煎😅所以起碼要等20分鐘，而且啲態度亦麻麻，講真嚟得食茶餐廳，大家都預咗係想快食，如果食物真係要準備咁耐嘅話，應該預先話俾客人知。等咗25分鐘嘅蔥油豬扒飯，豬扒味道係唔錯嘅, 肉質都幾稔，但蔥油真係好少。雞蛋仲係流心嘅，將啲蛋汁撈飯都幾好食。

今日本身想去大快活食，結果發現大快活裝修緊。我地唔想行咁遠，見隔離有間冰室，就近近地去呢間冰廳食。我地兩個人叫完兩個餐，兩杯野飲，價錢就還好，畢竟係圓方入面。結果我地食完都只係得一杯野飲，同其中一個路過嘅侍應講，佢話好。結果等多15分鐘都係冇野飲。雖然我唔介意少杯野飲，但真係好失望，落單寫明有，結果咩都冇，唔知係咪個點餐系統有問題。反正我永遠唔會再黎，呢間服務惡劣，野食普通，收又收得貴過人，不知所謂。

d野唔好食,又貴,最重要係唔夠熱。消毒枱求其。樓面唔夠人。而且聽到隔離枱講漏單情況嚴重。收銀收完錢好似想趕人走。入圓方之前食飽啲,強烈建議食大快活(相同質素,價錢平d)

一個常餐，收成六十幾蚊，貴唔緊要，餐牌寫明黑松露炒蛋就算啦，仲要落單後才說無黑松露，又話無得平返，唔要就食第二讓，咁做生意同騙人有什麼分別，呢間野服務差又貴又唔老實，以後唔會幫襯

今日朝早要去element，順便搵個早餐食，除咗快餐店之外，呢間係唯一茶餐廳之選早餐重點之一，就係呢一個沙茶醬牛肉公仔麵，成個餐要50幾蚊，係比較貴，既然佢開得呢個價錢，就一定要試吓啦結果都係有啲失望，牛肉份量都多嘅，亦唔會那到個牛肉過分鬆軟，沙茶醬未亦都有，但係個水準又唔覺得係好高，嗰醬亦都唔係咁驚為天人，都係當俾咗Element食嘢嘅價錢炒蛋都正常，夠滑，亦都有蛋香塊多士有少少似大快活多士，唔知係咪同一出品？

豬潤牛肉米粉真係落左好大件薑，湯底夠薑味，但豬潤稍為煮過火左少少唔夠滑，太陽蛋我喜歡，不是全熟的，火腿可以，牛油麵包也脆，奶茶一般般ok啦！雞翼也煎得好香，皮也脆。

鮮奶蛋白撻幾酥脆，味道就一般般啦😂個奶醬多賣相唔錯，望落好多花生醬，仲會見到啲花生粒，但煉奶就落得好少，少到食唔出😞食一兩舊已經食到口寡寡😂成餐最大問題係個炒蛋有兩條不知明嘅嘢，唔係頭髮嚟，唔知係咩，衛生有待改善😥佢啲tea set都成六十幾蚊，價錢偏貴😶

行完M+就過去圓方搵食，行經瓊芳冰廳門口，比個黯然銷魂飯餐牌吸引住，又好耐無食叉燒，就入去食啦！一大碗飯有4大舊叉燒，半肥半瘦夠厚身唔會過硬，有濃濃焦香味好入味，加埋半生熟雞蛋一齊撈飯，而且採用金鳳米，同普通燒臘店差好遠，所以貴d都值得另外好貼心咁將豉油分開上，鍾意落幾多就幾多，適隨尊便炸雞翼米粉，雞翼炸得好香脆，但又唔會過乾，米粉湯底好好味，唔會好似普通茶餐廳咁用清湯底係圓方可以用咁既價錢食到餐飯，而且仲好好味，已經好滿足

母親節去完名店掃貨，想搵返一間餐廳食飯休息，但無奈周圍都坐滿晒人，幾經轉折先去到瓊芳，岩岩好有最後一個位，即刻入去食飯🤧🤧作為星爺嘅fans，我第一時間就點左暗然銷魂飯！佢個秘製豉油係成個飯嘅精髓啊！甜甜地香香地咁幾好味幾開胃😜😜😜啲粟米粒撈埋食都幾好味㗎！叉燒數量唔多，但係都係啖啖肉！同埋好大嚿不過就略嫌個煎蛋唔夠香，整體來講都算唔錯！至於價錢，以呢個商場來講，有人serve 而且座位都算舒服，埋單每人不用$100 蚊都算係親民嘅！

聖誕節臨近, 去咗西九龍文化區睇燈飾睇完燈飾, 入咗圓方諗住搵嘢食, 唔知食咩好, 就入咗瓊芳冰室諗住食少少野。坐低諗住環境唔差, 食物服務應該都會唔差, 但完全是兩回事坐低望望個餐牌啲價錢都幾高檔, 一啲都唔平, 我叫咗個沙爹牛肉配炒蛋及歐式軟多士配埋凍飲, $61朋友就叫咗個蔥油豬扒煎蛋飯, $72朋友食唔曬, 諗住問佢攞個盒裝起啲, 等咗四五個字都未攞到個盒過嚟, 其實服務真係差咗少少, 人手又唔夠! 以圓方嚟講, 咁貴租咁嘅價錢都係正常嘅

去完西九諗住嚟圓方食個晚飯～圓方一向都係高等消費～想食個平民晚餐就揀咗呢間冰室～食飯時間都冇咩人仲大把位瓊芳黯然銷魂飯圖片睇落幾吸引～4塊厚切叉燒應該係豬頸肉位～有肥有瘦唔會硬～配一小碗粟米粒～如果唔夠鹹仲有老抽俾你撈落飯～不過依個價錢略貴超級雜扒飯有：豬扒、雞扒、午餐肉、腸仔～唔知係咪怕唔夠味仲有姜蓉～豬扒同雞扒都醃咗好耐好淋～厚切午餐肉煎得唔夠乾身如果唔係仲香～腸仔略甜係台灣腸唔係食開嘅雞肉腸～整體份量夠但係冇乜特別～呢個價錢又係略貴超級雜扒餐配熱飲品$75～如果喺圓方嚟講咁貴租算係正常嘅