景福餐廳

Open Now

Now Closed

新蒲崗景福街近Mikiki寵物友善商場，附近有間茶記專門食煲仔飯，店外邊有盞霓虹燈好有懷舊feel！入邊睇睇個menu價錢平到嚇死你，蒸條魚都只係$60左右，叫咗個豉汁蒸䱽魚啲肉勁滑，來貨新鮮有保證！另外煲仔飯又大又足料，最正係有飯焦，呢啲真係可遇不可求，平時啲排骨周圍都唔好食，呢間就份量多且味道好，仲有好多青蔥花灑喺面頭熱辣辣，冬天食更加正。另外臘腸蒸雞，配埋南瓜薑蔥，仲有大大件雞件非常白滑，好似食緊住家菜咁溫暖。最後飲埋杯凍檸茶good fit!

📍 @king.fuk81 in San Po Kong ChinesePrice :💰 $300 Favourite:💖 Claypot rice ------------------------------✅ Located at King Fuk Road, near Mikiki shopping mall.✅ The menu offers a wide variety of Chinese cuisine, including claypot rice, fried noodles and rice etc✅ Menu spans from regular affordable set✅ The set includes a complimentary soup ✅ Good value for money. Nice place for a quick meal✅ Portions are generous

🌟餐廳：景福餐廳📍地址：新蒲崗景福街81號地下💰價位：$50以下⏰營業時間：星期一至六07:00 - 22:00星期日全日休息📱電話：23213633好友介紹新蒲崗有間煲仔飯好出色，今日收工約埋一齊撐枱腳，叫咗幾款晚市套餐同煲仔飯，估唔到仲有得揀香芋飯底，的確一試難忘，值得推介比大家～晚市時間餐廳坐滿人，我地都等咗一陣先有位，好多街坊支持，證明出品有水準！———————————————————🔹 北菇滑雞煲仔飯煲仔飯晚市先會供應，可選香芋飯底，配料有成十幾款組合，款款都好吸引～即叫即煲，熱辣辣上枱，正！雞件口感夠滑之餘仲啖啖肉，北菇索滿雞汁同豉油精華，食落特別入味～煲仔飯最緊要就係有飯焦！金黃脆薄既飯焦香脆可口，忍唔住食咗兩大碗，超滿足～———————————————————🔹 金銀蛋肉碎浸莧菜莧菜翠綠軟腍，加入皮蛋、鹹蛋及肉碎，增加口感層次同味道。———————————————————🔹 土魷蒸肉餅土魷香氣十足，厚身肉餅食落滑溜唔鞋口，鬆化又好味，拌飯一流～———————————————————🔹 涼瓜䱽魚呢款開胃家常小菜煮得好有屋企feel，苦瓜厚薄適中，甘甜易入口，䱽魚肉質細緻又

有晚响新蒲崗食晚飯，入左呢間試下，叫左一份豆豉鯪魚油麥菜，有白飯同湯，份量真係幾多，油麥菜同豆豉鯪菜都好多，最重要係有菜味又唔會過鹹，幾有住家feel，個湯係雞腳湯，都幾有屋企煲既咁，都幾好食呀～

景福餐廳🍲📍 新蒲崗景福街81號⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉身為為食小編既我🤭，冬天點可以唔post 下熱辣辣嘅煲仔飯😛，最鐘意係點完煲仔飯之後，等煮既過程中，充滿期待🥹，之後一煲熱辣辣嘅煲仔飯就會係我面前😂。今次為大家介紹既， 就係位於新蒲崗工廠區🏭既茶餐廳😎，唔好睇少呢間茶記，佢地晚餐既煲仔飯係吸引左好多人去食😜，事關平靚正， 又足料👍🏻。🌟 油鴨肶煲仔飯 $62最鐘意食濃味野既小編，好欣賞呢個飯👋🏻🤭，真係好正，份量又夠，而且又唔貴。🌟 馬拉盞肉青煲仔飯 $62呢個係肉片煲仔飯，味道都唔錯👍🏻，都推介～整體推介指數：❤️❤️❤️❤️🤍⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉⇉

今日行完Mikiki , 見到對面有間小店，可以食煲仔飯🤤雖然門口唔好話好起眼，但食完真心覺得好味👍🏻所以推介俾大家叫左窩蛋牛肉煲仔飯+咸旦肉餅煲仔飯（唔食咸魚所以改做咸蛋）飯底可以揀香芋飯底💜OMG 真係好香，芋頭又好淋好粉💕再加少少鼓油撈飯🤩煲仔飯最重要嘅飯焦！！呢間做到，係香脆得黎，又唔過火喉👍🏻價錢又唔係貴，十分親民，仲送碗例湯。個煲仔飯咁好味嘅質素，好回味💜♥️我會再返黎食。

又到了交通最繁忙，交通擠塞困境無日無之的「香港」「星期六」，我為了可以在晚上儘快趕回「西貢」，所以我提早在「新蒲崗」享用下午茶，然後返回「西貢」市中心之後，才正式享用晚餐。今次我選擇光顧位於「景福街」的「景福餐廳」，「景福餐廳」的港式茶餐包括有一般熟食粉麵飯食品，還有下午茶茶餐。反正我還有理想享用「牛腩飯」食店，所以我只享用「五選一」食品，配冷熱飲品或「紅豆冰」的下午茶餐。我最後選擇了下午茶享用「西多士」配「炸薯條」，至於飲品我則選擇享用「紅豆冰」飲品。「紅豆冰」裡面的「紅豆」實際口感煮得很軟腍，而且「紅豆」裡面的甜味感覺非常濃厚，足以填補底層「淡奶」偏淡的味道。至於「景福餐廳」下午茶裡面的「西多士」沒有提供調味料「糖漿」，只有淋在「西多士」表面上的白色甜味「煉奶」，還有屬於半融化狀態的「牛油」。「景福餐廳」下午茶「西多士」雖然沒有濃厚甜味「糖漿」作為調味料，但是卻有甜味白色調味料「煉奶」作為代替品，而且還有黃色「牛油」放在「西多士」表面上增加調劑甜味。而且「景福餐廳」「西多士」裡面的甜味最重要位置，不是在「西多士」實際製成品的表面上，而是在「西多士」餡料裡面的「咖央」醬甜味。相反「景

成家人忙屋企嘢，工人都唔得閒煮飯，於是落街食餐簡單晚飯。5個人叫咗4人餐($178)，煲仔飯($50)、炒清菜($30)，滑蛋蝦仁啲蝦好大隻，啲蛋炒得啱啱好唔嚡勁滑。鹹魚雞粒豆腐勁多豆腐同雞粒，調味都夠鹹香雖然鹹魚味稍遜。金菇肥牛煲唔夠沙嗲味，普通正常。要咗原條蒸鰽魚，夠大條魚肉又滑，阿媽話自己响街市都要廿幾蚊，仲要煮同洗。窩蛋牛肉煲仔飯嘅牛肉好似山竹牛肉餅咁，略實，味道都幾好，最開心係有唔燶嘅飯焦，掂！清炒芥蘭要求腍啲，嚟到唔會太爽，幾好。啲湯好熱口，加嘢飲都係$2一杯起。每人五十幾蚊有湯有餸有飯，仲要味道好冇乜味精，暫時全個新蒲崗得呢間。

好鍾意呢度朝早有生炸雞翼，仲要炸得香脆，鹹香惹味。有一排我個個星期都去食，襯麵餐或者就咁配腸仔茄汁豆奶油脆豬仔都好開心。今日朝早都係嚟咗呢度，但唔夠瞓怕熱氣，第一次食佢嘅精美早餐A。餐肉通粉嘅餐肉係厚切粗粒好有口感，腸仔磨菇奄列蛋啲忌廉半溶，雖然唔係我最愛奶油脆豬，但個餐包塗咗牛油明顯用pan煎過，咬落脆口，好有心機！奶茶就普通正常啦。其實除咗早餐，下午茶嘅炸雞脾都係生炸，襯紅豆冰，啲紅豆半溶咁，仲正！

星期日下午，smart bunny 與mr bunny 途經新蒲崗，想起為食美人Z推介過景福的炸雞翼，決定入去食個下午茶餐。小店小小的，點了炸雞翼及西多士，跟紅豆冰。先上紅豆冰,小店很用心，紅豆是半融的，紅豆冰的味道也剛剛好，不會太甜。雞翼是生炸的，熱辣辣，十分美味。惟西多士味道一般，可以不點。為了杯紅豆冰，一定會回來幫襯。