King Ludwig am Meer (SOHO West)

Open Now

Now Closed

細個係灣仔工作嘅時候，成日想食好少少就會去King Ludwig，價錢唔貴之餘又好食，啖啖肉一定飽。食左好多年，水準都無乜跌過，呢幾年，分店好似少左，又唔係好多朋友話要食德國野，記得上次係幕尼黑去完啤酒節特登番黎要食下德國菜，又或者每年十月邊到有好氣氛嘅啤酒節就會去止癮。有朋友放開狗，搵開寵物友善餐廳，佢話King Ludwig 係長沙灣有間新分店叫King Ludwig am Meer ，啱佢放狗加一齊食飯，仲有個有得開狗狗party，又有得玩下狗，所以去下啦。去到先知，原來呢到叫SoHo West。先點小食，呢個水牛城雞翼真心幾辣，送酒一流，特別喜歡其外皮，炸得勁脆。牛油果 • 泰國有機雞 •菲達芝士呢個沙律整體都幾夾，食完等你更加開胃食多啲腸仔同豬手。一路德式香腸拼盤都係我最愛的選擇，甚至多過豬手，加上佢哋嘅酸椰菜，好夾啲腸滿滿肉肉，當中我最愛雞肉腸，個種味覺同平時好唔同，獨特嘅香同無咁油膩，呢個真係百吃不厭。主角德國脆皮燒豬肘俾你先打卡，之後員工會幫你處理，熱辣辣出哂煙之餘，皮脆肉嫩唔會太老，呢個絕對係咁多年都保持到水準嘅作品。我好似食咁多次King Ludwig都無見過德國雞

最近去咗SOHO West新開嘅 King Ludwig am Meer，餐廳位置好靚，對住個海，仲可以遠眺中上環嘅維港景色，成個感覺好有渡假風情。餐廳外面仲有條海濱長廊，最啱一班朋友一齊嚟食飯，甚至可以帶埋寵物嚟散步，真係九龍市區難得嘅悠閒好去處。我哋今次試咗幾款菜色，想同大家分享下。首先係 牛油果、泰國有機雞、菲達芝士沙律。呢個沙律相當清新，牛油果軟滑，配埋泰國有機雞肉，食得出雞肉質感非常嫩滑。菲達芝士嘅鹹香味令成個沙律更有層次感，呢個沙律係個輕盈開胃嘅選擇。試咗佢哋嘅 水牛城雞翼，雞翼外皮炸到香脆，內裡肉質嫩滑，仲有少少辣味，幾惹味。呢個小食好啱一班朋友飲啤酒嗰陣食，非常夾。跟住係 德國雞蛋麵，呢個係傳統德國菜，餐廳自家製作，雞蛋麵口感非常彈牙，帶少少奶香味。聽侍應講，呢個麵係即叫即整，成個過程都係用新鮮雞蛋同麵粉手工搓出嚟，無添加劑，食落特別有質感，真係好食。另外，必試嘅仲有佢哋嘅 德式脆皮燒豬肘。呢個豬手真係高質得不得了，皮脆得黎入口唔會太硬，肉質嫩滑，完全唔乾。原來個大廚用咗啤酒醃豬手，所以啲肉有淡淡嘅啤酒香，真係好特別。而且呢個豬手份量好大，$240 一隻，價錢都好抵食。

同朋友今日去南昌，知道呢間可以帶狗仔不過要坐出面，即刻坐底，去到應該係岩岩開門，冇客，落完單，飲野同湯都快上，職員都好親切，同我地啲狗仔玩，野食都好快到，男職員同我地閒聊間，知道原來佢都係鍾意寵物，成餐晏食得開心，因為都好耐冇去過間餐廳，野食好食，職員又nice又會鍾意同狗仔玩，香港真係太少寵物可入既餐廳，仲要照顧到不同範疇既客人，所以呢間真係值得推介，加上依家香港人多數番上去消費，好多餐廳都執，有養寵物既人可以去既餐廳只會越來越少。我地要撐住呢啲餐廳！

冬至正日，當然又唔會食中菜，原來訂咗一間意大利餐廳，三日前突然通知有最低消費HKD 650/人，嬲嬲地即刻轉去屋企對面食新開的德國餐廳🤣好彩有訂位，都算幾滿座環境係幾好，近海邊，不過天氣凍，都係坐返室內黎德國餐廳，當然要飲嘅啤酒，1L真係幾滿足啤酒配薯條，一流👍雞翼辣辣地，幾惹味水牛芝士沙律，都幾清新千層面，正正常常，無深刻印象半隻豬手，份量比想像中少，唔算好大隻，唔算超級好食🤣甜品我哋揀咗焦糖燉蛋粟米法式吐司，呢個比較特別，估唔到都幾夾之後都再食咗一次，始終覺得性價比唔算太高

所有店員由上而下的服務態度都極差，黑面對待食客。食物同飲品款式少，住附近就算沒太多餐廳選擇，都覺得不值得再幫襯。價錢不貴，但份量和質素也一般。非常普通西餐廳一間。

平日夜晚帶埋狗狗諗住去King Ludwing飲杯野食飯，點知未入去已經服務態度極差！我哋行到門口話2位同隻狗仔，個眼鏡男Waiter係門口眼超超咁指住張2人枱，全程一句聲都冇岀過，茶餐廳都會問你幾位啦，係咪？我話我哋有隻狗仔，可唔可以要張大啲，佢話：「你眼見到我哋張枱有幾多就係咁多，你見到係咪？」CLS！我都唔係要咩服務態度，基本都應該有呱？可以入去一句嘢都唔講，手指指，然後直接串你！好似全程得罪你咁！

附近的早餐選擇不多， 星期日想食好啲， 路過見到有Sunday bunch , 即刻入去試 。食物質素當然好， 最好的是大服務效率， 比起附近的人氣食店， 店員有經驗， 港式有效率， 不會吃到一肚氣 。

服務：這裡好幾位服務人員態度都好差，問問題不是一臉懵就是下意識皺眉，微表情非常抗拒，非常不專業。問維港匯住戶是否有優惠，直接皺眉頭，我不理解，我是要吃了她嗎哈哈食物：有一說一素質非常好，青口很好吃，豬肘不膩且皮很脆，土豆泥也很讚！！！還點了布拉塔salad，這個倒是比較標準化。風景：view非常好，超級適合拍照打卡，聖誕樹很美麗，還能看到維港景。nice！總體來說，食物非常滿意，view滿意，服務非常不滿意。希望改進，繼續提升服務態度

今日來到海旁，想靜思一下。點知被這間德國餐廳📍 休息中King Ludwig am Meer吸引住😋