上海小籠皇

Open Now

Now Closed

今晚六点幾去到，見到紙上嘅菜式好似好熟面口咁，竟然抄足樂天皇朝d野😂，冇耐就点餐，点了花彫雞😥勁難食，堅難食，還有小籠包 ，裏面的豬肉應該係冰鮮的，冇肉味，可能豬肉太貴吧!亦 冇味,但都可以醃下佢。。仲有生煎包，雞絲粉皮，葱油撈麵，最好食係干扁玉豆了😫比起樓上上海婆婆確係爭九班👎下次五會再去，試一次已夠了，個個侍應都come from China,五怪得成日行過都有咁多位。如果要改善生意五好，就要喺味 道方面花多d心思了。

今日就黎到上海小籠皇食下午茶，佢平日下午茶無需加一，下午茶套餐會包埋一份小食同埋飲品，認真抵食。咁就叫左個酸辣湯拉麵餐($42)，配鮮肉鍋貼2件及凍桂圓雪梨茶黎到睇個賣相唔錯，野食亦都夠熱酸辣湯拉麵D麵質軟硬適中，酸辣比例合適，唔會過於側重一邊鮮肉鍋貼新鮮煎出黎，裡面夠肉汁，唔會似部分餐廳D小食整好晒之後，再拎返出黎俾客人食凍桂圓雪梨茶裡面真係有配料，飲落滑喉，口乾時飲返杯好滋潤呢間餐廳都係新都城下午茶抵食之一

跟家人逛街經過這間上海菜，就決定晚餐食這間。拿了票等了多於半個鐘，一張3人枱都無叫過，但就不停入人數多的枱。終於有位坐了，我地就點了幾個菜，分別有花雕醉雞，招牌小籠包，銀芽炒鱔糊，鹹肉豆腐湯和奶油腿茸津白。首先上菜的是花雕醉雞。味道還不錯，但雞肉質地比較硬，不夠嫩滑。之後上的菜是這間的招牌小籠包。皮薄，咬落又多汁。不愧為招牌菜！再來一個奶油津白。在表面有些火蹆茸，味道配搭適當！這個鹹肉豆腐湯都十分濃郁，沒有加水溝淡！鱔糊是這一餐的重點！味道果然無令我失望！非常出色，鹹度適中，送飯一流！不過有頭髮痴住左。總括來說整餐飯都算滿意！

同家人係屋企附近搵食，發現開咗間新上海菜館，決定一試。涼拌海蜇 $68～海蜇爽口，灑上芝麻，澆上麻油，入口濃濃麻油香。～價錢略貴味道：😋😋😋😋賣相：😋😋招牌小籠包 $36～1籠有4隻～皮搓得薄，湯份量多，用料紮實～肉餡吸收上湯嘅精華，好入味賣相：😋😋😋😋味道：😋😋😋😋😋川味回鍋肉 $70～落醬好濃味，好香口～唔會太辣，適合不宜太辣朋友～豬肉用半肥瘦腩肉，好滑唔韌！賣相：😋😋😋😋味道：😋😋😋😋😋松子桂魚 $188～技術名菜，價錢唔枉花～魚皮反起，將魚肉露外，逐條割開，再落鍋油炸，每條魚肉都好金香脆口，食完想再食～上面澆上甜酸醬，加上主角松子，伴以青椒、洋葱、菠蘿，用料十分豐富！賣相：😋😋😋😋😋味道：😋😋😋😋😋菜飯 $18

年近歲晚，加上放工遲，一於同太太出外吃飯鬆一鬆。地點選了家附近上海小籠皇。點了招牌小籠飽，山東手撕雞半隻及瑤柱蛋白炒飯。小籠包剛蒸好上抬，肉汁豐富，味道鮮美，包皮亦薄，不俗。手撕雞卻頗差。通常手撕雞的醬汁是靈魂，但這碟雞的汁卻淡出鳥來。蒜蓉首先不夠多，另豉油汁卻味淡，不甜亦不鹹，沒有什麼味道。加上雞肉亦非常老，有點似煲湯後之雞肉。炒飯不過不失，但落油似乎重了手。總括而言，除小籠飽外，雞及飯非常普通，如有其他選擇，未必會選此店光顧。

今日相約家人食下午茶，行經屋企附近商場，見到呢間鋪有下午茶食。之前有食過呢間鋪嘅晚市，都覺得幾正路， 估唔到佢有做下午茶， 所以決定一試。鋪面唔大， 算係乾淨企理， 樓底高有空間感， 光線也充足。下午茶非常經濟， 一個主食配一個配菜再加杯嘢飲， 都係賣40幾蚊，非常底食。我叫咗個四川擔擔拉麵， 配個鍋貼同埋一杯豆漿。 鍋貼一出場簡直係驚為天人， 真係有啲接近喺上海當地食嘅味道，肉汁豐富，皮脆肉嫩， 食落仲有 鮮甜嘅味道， 其他嗰啲乜嘢大王完全係冇得同佢比。 家人就叫咗個烤麩， 口感同味道就麻麻地啦。 擔擔麵湯底唔算濃郁， 不過都幾足料， 最重要係好大碗， 食完碗麵之後我諗晚餐都可以慳番。 最後嘅飲品，我叫咗杯桂圓雪梨茶， 味道好清香， 少少甜， 係清新嘅感覺。總括而言，呢間嘅下午茶cp值都幾高， 唯一可惜嘅就係要滿200蚊先可以簽卡。

小編同屋企人出街最常吃的就是上海菜👅貪佢有好多款式 不過一家人叫泥叫去都係個幾款餸🙊招牌小籠包 ($36)皮薄多汁 好吃🤤另外仲有芝士味 下次要試埋佢😍-砂鍋雲呑雞 半隻 ($158)依鍋雲呑雞好足料啊 有6隻雲呑同小棠菜 半隻雞都好大隻 雞脾肉好嫩滑😋雞湯清甜 不過攤凍左d油就浮哂面😖-排骨擔擔麵 ($60)排骨吾會好厚炸粉漿 都有d肉食下👅擔擔麵湯底有濃厚花生味 又帶點微辣 仲有d肉碎 好惹味🤤

我在位於將軍澳寶琳邨旁邊的「新都城中心」二期，戲院樓上的位置，找到一間以小籠包為招牌菜的上海菜餐廳，餐廳名稱叫做「上海小籠皇」。圍繞「上海小籠皇」旁邊，還有不同國家，不同風格的食店。所以「上海小籠皇」在下午茶時候，本來為吸引食客，也有推出「上海小籠皇」的下午茶套餐。可惜我在「上海小籠皇」的下午茶套餐，裡面的自助點餐紙不斷搜查，還是找不到小籠包出現。對我來說，如果第一次上門光顧上海菜餐廳食下午茶，卻偏偏不食招牌食品「小籠包」的話，其實是一件很可惜的事。但是我在「上海小籠皇」下午茶餐牌找來找去，偏偏就是發現不到「小籠包」。結果我被迫忍痛放棄，放棄搜索「上海小籠皇」的「怡情下午茶套餐」自助點餐紙，把目標轉往「上海小籠皇」的正價餐牌點餐紙去，食回原裝正價的上海小籠包。不單止是「上海小籠皇」裡面的上海拉麵，就連「上海小籠皇」的炒飯或者炒年糕，我在點餐過程裡面，也是全程一眼也沒有望過。只有「上海小籠皇」正價餐牌裡面的「芝士小籠包」，才能滿足我的要求。我發現「上海小籠皇」的下午茶食品跟我期望有點出入，所以我今次最後還是，放棄了試食「上海小籠皇」裡面的下午茶套餐，所以我最後也沒有選擇任何飲品，最後只飲

又到週五小的罷工的日子，侍老伴下班，咱倆便到樓下尋食去。這個人流極旺的商場無時無刻都能見著人潮，於週末假期就更要淪陷了！這個星期五晚也不例外，受歡迎的餐廳食肆均人如潮湧，好不興旺。 由於老伴一心想看戲，遂沿著商場之中央廣場一路走到尾段戲院方向。途中經過許多餐廳亦不為所動，他早心有所屬矣！新都城戲院旁邊就是「翠華」，老伴知悉小的不甚愛快餐店，寧願選擇茶餐廳，也不要大家樂、大快活。於是便提意一是翠華，要不便到上一層的那家上海鋪試一試。雖然小的也喜歡翠華，但冒險嘗新更合自己人馬座的性情，二話不說便往上層之上海鋪裡闖。 這家名曰「上海小籠皇」的店子很有古式上海鋪之況味，門面雖尚算光鮮，但裡頭則是傳統全搭檯式之圓桌檯椅，只靠牆的位置享沙發方桌座。時間不早，餐廳儘管沒有在門外守候之人潮，但不算大的空間亦幾乎座無虛席。 小的投入內進，在一張小圓桌坐下，與對面的一對女食客親密共事。一張底面兩頁的點餐紙包羅萬有，小的喜歡吃的上海菜式幾乎一應俱全。吃上海菜，老伴與小的每次都選擔擔麵，如果有排骨擔擔那就更合心意了！上海小籠皇店子不大，卻提供此一選擇。 除了擔擔，小籠包為老伴所喜，小的則愛醉雞，不過

住得唔近，平日都好少黎將軍澳，呢一日專程黎到，順便找個地方把晚餐了結才打道回府。呢間野之前都有在荃灣分店試過，尚算可以，諗住都應該唔會相差太遠，誰不知......是日小妹自己一個，點了三樣東西，很抱歉，沒有一樣符合心目中要求小籠包：相信是蒸的時間長左，一夾起個皮就爛，失敗！鍋貼：很明顯是放了一段時間，雖尚有餘溫，但個皮經已開始乾硬化，失敗！擔擔麵：個人覺得湯底比其他地方較為油膩，麵跟湯底成為黏黏稠稠的一團東西，吃不了一半經已放棄，失敗！將軍澳食上海菜尚有不少選擇，不會再光顧了......

昨天晚上同老媽外出吃飯, 想來想去不知吃甚麼好!她突然說想吃上海湯麵, 靈機一觸, 想起了上一次與她吃過, 她很喜歡, 有深刻印象。她說上次到訪, 4 個人叫左成枱食物, 樣樣都啱佢心水, 所以昨晚想再來。兩個人吃的不多, 只叫了排骨擔擔麵, 上海小籠包, 雞絲粉皮!冷盤先上, 麻醬份量足夠, 雞肉很多也十分嫰滑, 不會只給少少, 所以味道很好。另外, 排骨炸得香口但不會太乾, 咬落 juicy 味道不錯。麵條煙靱不淋, 湯很濃, 多花生也多肉碎, 非常足料。最後是小籠包, 夠熱又多汁, 唯一稍嫌皮太厚了, 味道是合格的。老人家愛吃, 但很多時出外領教很多又貴又唔好食的。吃飽了, 她說下次仍要再來, 哈哈。兩個人 $18x, 要付茶介及加一服務, 但 ok 的。😋

第二次光顧啦，仍然保持到水準！仲意食海哲嘅朋友，如果單叫海哲係$68，所以如果食可以叫青瓜海哲$58，雙拼份量都足夠三人食，另外青瓜都有驚喜！瑤柱蛋白炒飯夠鍋氣，好大碟夠三至四人份量，粒粒分明，料又多。花雕醉雞好入味，啲肉唔鞋都幾滑。好耐冇係新都城食到好野，好難得阿，希望可以繼續保持啦佢地😝

新開張嘅一試，服務幾好，入座有人招呼叫咗兩個lunch set，價錢都係$50左右，中肯跟餐嘅凍豆漿先送到，冰涼又唔會太甜，夏天飲真係啱啱好我叫嘅係水煮牛肉(跟菜飯嘩碗水煮牛肉勁大碗，上面仲有層橙橙地色嘅紅油，有啲淆底好彩，食落辣度只係中等，未去到流晒汗嘅程度牛肉好淋身，醃得幾好，湯入面有好多牛，豆芽，薯粉，菇片，食落覺得好抵唔知係咪新開張優惠，特別大份呢朋友食嘅係糖醋魚塊炒出嚟都幾靚，我試食咗一舊，味道都好正宗，酸酸甜甜似咕嚕肉加少少錢多兩隻小籠包一上檯好多蒸氣，個皮唔係話好薄，啲汁都唔算多，不過味道就不過不失咁啦

在將軍澳的新都城有一間出名的上海店，但排隊的人真的太多了，叫人失卻了想吃的意欲。現在，終於有另一間上海菜的食肆出現，而且還是在附近，等不了的話，可以到這裡幫襯也不錯。這個瑤柱蛋白炒飯做得不俗，飯炒得夠乾，夠鑊氣，又夠美味。糖醋骨不會太酸，甜甜的很易入口，叫人吃完一塊又想再吃多一塊。小籠包自然是該店的招牌，皮薄饀靚。要注意包內的湯很多，所以要小心不要弄穿，否則便品嚐不到鮮甜的肉汁了。

今次好似已經係第三次嚟幫襯呢間上海小籠皇,因為屋企人都覺得佢味道唔錯,再加上位置方便,又唔洗大排長龍等位入座。 上次嚟叫咗碗四川擔擔拉麵覺得好味,所以今次又翻啅佢多一次,依然係咁好食,仲要餓到唔記得影相添, 湯底都幾濃同埋好香嘅花生味,有小小微辣,要將啲肉碎同埋麵條撈埋一齊入口,幾個人share一小碗咁,好快就K.O.仲有一樣嘢我唔記得咗影嘅係雞絲粉皮, 因為我太鍾意食喇,唔搶嘅話好快冇哂我家有位小朋友好鍾意食上海粗炒同埋上海炒年糕,呢兩樣我都唔鍾意食嘅所以我唔評論啦,不過佢哋就次次都會叫。今次我試下叫咗個糖醋排骨,大家都覺得好有驚喜,爭住要食,糖醋比例剛剛好,酸酸甜甜好開胃,排骨夠腍亦算多肉,大家對佢嘅評價都好高至於佢嘅招牌小籠包我就麻麻地啦,雖然佢味道都OK嘅,但我嫌佢包皮都太厚了,唔太喜歡。另外一個比較出色嘅餸菜係黃金蝦仁,呢碟嘢雖然膽固醇超高,但亦都深得我哋嘅喜愛,佢外面有好濃郁嘅咸蛋黃,炸到熱辣辣脆卜卜,可以令人一粒一粒食唔停口 不過呢間舖頭價錢都算有小小貴,都係比較適合一班人嚟食,可以叫多幾個餸,咁除番開人頭嚟計就會比較划算啲啦