勤記粉麵

Open Now

Now Closed

勤記粉麵的全日套餐真的是營養均衡！我點了單拼麵（牛腩河），牛腩的肉質鮮嫩，湯底味道也非常好，讓我每一口都感到滿足！🍜😍搭配的生菜讓整餐更加清新，增加了口感的層次感，真的是一個很好的搭配選擇！🥬✨雖然河粉的份量比較少，但牛腩夠腍！👍😊熱豆漿的味道真的很濃，豆味十足，喝上一口讓我感到溫暖，非常適合搭配粉麵！🥛❤️整體來說，這個套餐的性價比非常高，讓我在忙碌的日子裡也能享受到美味的餐點，強烈推薦給喜愛粉麵的朋友們！🌟🍽️餐廳的環境也很舒服，服務人員熱情友好，讓我每次用餐都感到賓至如歸，期待下次再來！🏠✨

位置在銅鑼灣中心點，人流極多，但餐廳入面人少，晚上8點只有三四座食客、諗住隨便食食，點知中伏…… 應該係我香港食過最細碗的牛腩麵！！！只需三啖可以食完連一包公仔麵都比佢大份。鹼水麵味道偏重？湯底帶八有紅色唔知道係啲乜嘢？咖喱牛腩味道OK，但是也非常細碟、總之整體來講實在太細碗啦！根本唔夠飽！餐飲仲要加$10、而且用平時餐茶所使用的細杯！份量極少！一碗牛腩麵加餐飲要$70去大快活已經可以食到雜扒餐！！！

真係好鍾意香港地道茶餐廳。呢一日好早11點喺銅鑼灣附近，搵咗呢一間粉麵店食一個午餐。叫咗牛腩牛筋米粉，熱咖啡 $70牛筋煮得相當軟腍，超級香牛肉味，一絲一絲，油脂豐富。熱咖啡都係普通熱咖啡味道。餐廳一早就播住六七十年代嘅舊香港歌曲，真係特別有一番風味。香港傳統茶餐廳真係買少見少，但係我總覺得呢啲傳統粉麵店做出嚟嘅牛腩牛肉係特別香滑，希望香港人都多多回味返同支持。餐廳店面唔大，但係好企理，下次去銅鑼灣都會再幫襯。

豬扒雙蛋飯可加雞扒,總共65元。牛腩飯可加雙蛋70元。牛腩飯可加雞扒。又可要淨菜加雙蛋飯。這些要私下問老闆才有怎樣加餸自己決定。價錢平又抵食。牛腩永遠不會有陣咸臭味。

雖然呢碗牛腩爽係唔錯，不過賣$60確實係太貴，渣甸街…貴在食租金吧！🙈反而杯凍檸茶又唔錯喎，而家好多其他地方嘅茶底已經唔夠味，所以特別顯得呢度嘅凍檸茶唔錯🍹如果用品質高d嘅紅醋的話，咁就更加錦上添花啦~

因為有家具嘅用品要買，所以中午食飯時間過咗海去銅鑼灣行宜家傢俬，行完得返20分鐘左右食飯，所以求其入咗呢間勤記粉麵食個麵，服務唔好，阿姐冇乜禮貌，呢樣都唔係問題，叫咗一個四寶湯麵，魚蛋同墨魚丸都好削，完全冇咬口，魚皮餃好厚粉，唯一比較好嘅係個麵底比較爽口彈牙

食左雲吞牛腩河啲粉唔靚有陣怪味啲雲吞又細粒啲菜有沙有啲黑色一點點唔知咩黎好唔乾淨又唔好味個湯底清到滾水咁腩汁勁少啲牛腩又普通收$54根本唔合理性價比低到一個點可以講係我食過最難食嘅粉麵店真係唔會再幫襯

經過見到呢間粉麵舖傳出陣陣牛腩味…今晚嘅晚餐就決定食粉麵，識食嘅我當然點😆坑腩，不過店員話無南坑😮‍💨叫我試爽腩，有大驚喜，原來爽腩比坑腩更特別🤨▫️爽腩雲吞米$65牛腩特別嘅位置-爽腩、上下二邊帶著軟筋膜中間又相連肉，口感爽脆，煙煙韌韌、有軟有糯雲吞嘅蝦肉新鮮，爽口鮮甜▫️豆漿+$8 勤記粉麵📍銅鑼灣渣甸街31號地舖#飲食日誌 #香港美食 #foodie #hkfoodie#hkig #bloggerhk #foodiehk #hkfood #hkfoodblogger #美食 #美食blogger #美食探店 #美食分享 #我的美食日記 #識飲識食 #活得精彩人生 #相機食先

間唔中都會係呢間買下外賣，平時食開牛腩河都無事，咁今次就諗住叫左雲吞河外賣，一開頭食都無咩事，咁食到差唔多到底就發現有隻曱甴，真係痴線架！成件事實在太核突，太嘔心喇！

為了防止有糖尿病，有人會不吃飯或麵包只吃餸，你們可否設計只有餸冇飯的菜式或小食。並且價錢便宜，例如淨豬扒，淨雞肶，淨牛腩。因為人每日要食一塊紅肉才足夠營養，如果再加一碟菜就足夠。

the appearance and the taste are awful. The amount of egg and char siu were minimal. Fall behind my expectation than a normal one. Will definitely never try again in this restaurant. You will find other better restaurants along the Jardine’s bazaar.

我好少會留食評。上次外賣油菜有條好很大條嘅蟲⋯已經好懷疑到底有冇沖洗過，都算喇。我諗住再俾多次機會你，再買外賣，點知喺樽辣椒醬度倒咗隻曱甴出嚟，仲有隻腳，而家想嘔。由於太核突嘅關係唔想影相。

晨型人其中一個樂趣係慢慢嘆個早餐，消除下一星期既疲勞。野野都去cafe會窮死。其實就咁去個茶記hea下就已經好開心。選擇無乜話好特別同好多啦，不過今日好想食三文治。就叫左茄蛋治，烘底加齋啡，三十一蚊！茶記既速度上哂食物。個雙拼算放得幾靚，烘底都脆，不過略嫌少少唔夠熱。杯啡苦就預左架喇，一般都係配奶同糖，不過要減減卡路里啦。我大概係九半入座，最外面果幾張係滿哂。我就自己走到最入，人流幾乎係零呀，仲唔係cafe既享受？

好好味的小店，食左好多次直得推介店內選擇也多，有傳統的雲呑，魚蛋，牛丸，牛腩，牛筋，豬潤等，更有鳳爪，豬手可以選擇星期五深宵時份。心思思想食麵到來！而個人最愛食牛，今天食牛根麵叫了五分鐘就到，份量算多⋯⋯雖然沒有話香味撲面牛根又煮得好淋，一碗都有五六舊...入口真係每一啖都係骨膠原！至於個麵底，可以話係最佳配角，爽得黎好彈牙湯頭濃郁但是一D都唔咸...唯一美中不足嘅就係地方比較逼但係幫襯得小店就預咗㗎啦！

食物質素係一般茶記質素，但侍應阿姐一套言語偽術真係令人扯火。附圖餐牌：+$16配油菜落單叫豬扒蛋飯，阿姐問加唔加一碟油菜但落單就落$30，如果唔係睇到人地碟菜同自己唔同都唔知俾人落左大碟！幸好話事人在場，計番細碟錢，但係阿姐一味推卸責任話係我地落單唔講清楚，咁既食物質素同服務，以後真係不敢恭維！