金牌小龍 (Moved) New Location

假日與FRIEND在尖咀THE ONE SHOPPING, 經過 4/F., 樓的 "金牌小龍", 門口易拉架宣傳台式 "金牌紅燒牛肉麵", 大家也想找個地方晚飯,  即管一試吧.要求坐靠窗的卡位, 可舒服地傾計, 我們點了 金牌紅燒牛肉麵, 排骨旦炒飯, 蟹黃小籠包, 清炒菜芯 .食物很快上枱, 首先來的是金牌紅燒牛肉麵, 先嘗一口湯, 色很濃, 夠味 (啱哂愛重口味的我),  牛肉很厚, 未入口驚會好 UN, 但係一咬原來好淋, 好有牛肉味, 我連湯都飲埋.  這個MUST TRY !排骨旦炒飯, 排骨 OK 不太油 (好彩又唔會乾), 飯也炒得夠香, 水準之上.到了招牌 蟹黃小籠包, 皮薄薄的, 一口咬下去, 蟹黃的鮮味很出, 有湯汁, 食完在口腔內回味著...清炒菜芯, 簡簡單單, 菜爽甜. 簡單就是好.總括有89分, 食物OK, 服務員也勤快有禮. 不過最好BOOK 位先, 不想等太久. 

前幾日同friend行街..行得差唔多....準備食d野，聽講the one有間食小龍包嘅仲唔錯，就揾到依間金牌小龍餐廳啦～見到果餐牌超有食慾，即刻點餐等食野啦，點佐金牌小籠包，酸辣湯，三杯雞，滷肉飯，台式燙青菜……滷肉飯上得好快，味道超正，比較開胃啦，滷蛋都特別入味又唔係好咸哦。燙青菜好都好唔錯，上邊淋佐層肉汁，青菜又爽口唔會好老，食到嘴裏面比較有口感。酸辣湯就覺得酸佐小小，可能係我唔太食得酸野，味道沒滷肉飯既味道甘深刻。三杯雞係台灣名菜，之前都有聽過，今次第一次食覺得味道好獨特，雞肉比較Q又好新鮮，但係份量有d少，小籠包d皮好薄，一口咬落去都係湯汁，有少少甜甜地，相信鍾意食原汁原味既朋友會好岩胃口。waiter既服務態度都OK，全程笑眯眯咁上菜，可能係知道我地肚餓啦，動作好快，總既嚟講我同d friend都好滿意啊～

昨晚共3人約下午6：30到達上址餐廳，並叫了數款出名的小菜及麫食，當吃其中一碗炸醬拌麪時，只吃到第二口，發覺口中味道有異及有一苦味，於是吐出查看，發現吐出之物有一隻相信給咬了一部份尾部之蟑螂，登時反胄及嘔吐大作，其後上址職員試圖取走該吐出之蟑螂，但被我們阻止及通知警方，其後由到場警員通知食環署人員到場，並檢走該碗麫及那被咬開之蟑螂作化驗。

其實去食之前睇過openrice食評, 一般都係話食物質素普通, 唔係好值之類, 所以期望唔高兩個人, 叫左個醉雞, 撈擔擔面, 金牌小籠, 菜, 同埋早兩日見到試食團有好多人提起的朱古力小籠野食好快就到齊 (其實我會以為朱古力小籠係甜點, 會在主菜差唔多食完至上的...) 其實味道同質素都唔錯吖, 雖然無話邊樣特別出色, 但generally都係中上, 而且份量大都比我心目中多(少少咁啦)但最抵讚的, 係餐廳的服務. 因為啲野食一次過到齊, 我地又唔想放涼晒個甜點, 驚個朱古力會變返硬...所以唯有用返金牌小籠個籠冚住. 待應行過見上面個籠係吉的, 就唸住幫我地拎走, 我地解釋係想要來冚住下面的朱古力小籠, 然後佢就好貼心咁話, 不如拎籠蓋俾我地, 蓋得好啲~ 呢個我已經覺得佢好細心~<3到我地食完正餐唸住食朱古力小籠時, 覺得都好似已經放涼晒...咁啱呢個時候有個侍應行過, 我厚住面皮咁問佢, 可唔可以幫我地拎返入廚房蒸返熱佢? 佢唸左唸, 微笑的話"好啦" 我個心真係甜晒~<3<3<3 其實真係無預佢會肯, 只係唸住即管問下; 加重佢地workl

尋晚一家三口去尖咀行街，行行下the One肚仔餓，就搵地方醫肚，媽媽想食中菜，咁睇完水牌就決定食小龍。以為係上海野，坐低先知係台灣野。叫左小籠飽、醉雞、梅菜扣肉、撈面同兩個白飯。小龍包皮薄多汁，可惜豬肉有so味，大扣分。醉雞成80蚊，但得幾塊，唔香，仲要好鞋口。撈面好細碗，真係好失望，不過面彈牙，蔥油香，幾好食，但係30蚊實在唔值。梅菜扣肉全晚最難食，梅菜無味，切得細碎，肉都係無味，好似罐頭咁，仲要係加熱嘅，真係唔知自己食咩咁。完全送唔倒飯！重點係我佢一路唔收碟，食左一個鐘倒就收碟，碟扣肉同白飯食左一半，佢地就不停問我地仲要唔要，但係我地邊傾邊食，點解要吹我地？終於有人行過黎話出面有人等位，叫我地䧉單，，咁我地明白嘅，就走喇。我地坐中後的卡位，點知一行出黎，有幾張空枱，行到出去，得一對情侶等位。我唔明點解佢有空枱都要叫我地走，野已經唔好食，仲要得失客，真係唔會再黎！

食咁多野剩係得個小籠包叫做對辦, 辣野都完全唔辣咁, 唔知想點...其他野如餸菜類會唔會好少少...紅油醬牛肉 (絕對唔知紅油在哪裡!? 得d蒜泥咁, 辣度少得可憐, 墊底既青瓜都不少)擔擔拌麵 (好後悔叫左呢個, 因為乾撈麻醬真係會變得十分乾同一舊舊; 有大量花生同少少冬菇絲, 汁醬方面味道都可以)酸辣湯 (非常唔掂, 得個酸字, 毫無辣度)蝦肉紅油抄手 (食鮮蝦雲吞咁, 酸酸甜甜咁個汁唔多辣) 金牌小籠包 (塊皮都薄, 夾上手彈下彈下, 肉同埋湯汁味道份量適中, 無打爛招牌)

這家國內的名牌小籠飽店, 早在前幾年已進入香港, 來時靜悄悄, 但其實在國內大有來頭。在國內的店子, 常常也會大排長龍, 而在香港相信將會在很快的將來開設他們的第三家香港分店。冷拌豬耳 -- 豬耳, 又名千層肉。像有百摺千層一樣, 吃下軟骨有嚼勁, 質感爽脆, 但煮過火/切得太厚的話會太黏口。這個豬耳質感不錯, 辣味惹味, 唯獨離不開國內煮食習慣 -- 多味精。烤麩 -- 京滬菜常見冷盤之人, 用麵筋壓縮切成小件狀, 加上蠔油茨汁, 冬菇, 木耳等, 涼口清爽而有味濃。這個烤麩是涼口, 不過質感鬆散, 應是因為切粒太細, 工整而欠組織。 酸辣湯 -- 要其酸中帶辣, 將酸度帶中辣的香味。外面很多餐廳的酸與辣是分開的。這個有酸, 但辣香不夠。北方煎餃 -- 第一次來吃這個是很脆皮而薄薄有汁的, 很有日式煎餃的感覺。不過今次這個外皮不太脆。金牌是他的小籠飽, 於是要了蟹粉小籠。蟹粉香味當然不夠, 但皮薄肉汁不錯。在香港比較大眾化的餐廳來說, 這個蟹粉小籠比香港鼎泰豐的好得多。整體來說, 餐廳表現還算是不過不失。在香港一片小籠包熱潮的時間, 這店卻沒有好好的把握宣傳, 但是就沉著的幹, 也希

一心想去The One食吉列豬扒，無奈條隊長過乜咁，唯有退而求其次喺附近搵食。由於已經差唔多九點肚仔餓，所以求其入左呢間舖頭試一試。酸辣湯︰非常入味，酸同辣既比例啱啱好，唔會過份側重其中一方面。只可惜敗筆之處係「太油喇」！湯面落左好多麻油，已經整走左差唔多三四湯匙但係成碗野都重係好油。我明白落左麻油一定係香D，口感滑D，但係成口油既感覺真係好差！擔擔麵︰雖然只係D基本野，但絕對交到功課。湯底落足料之餘，更加要讚一讚佢落左榨菜同埋冬菇，令到麵既口感非常好，唔會好似坊間D麵齋到爆既感覺，抵讚！小籠包︰主角小籠包絕對係是晚亮點之一！一直聽聞金牌既小籠包非常出名，果然名不虛傳，皮薄之餘裏面既豬肉亦都非常juicy，一咬落口之後包裏面既juice即刻好似喺口裏面爆發咁，豬既肉汁同埋小籠包既皮夾雜埋一齊既口感超正！排骨炒飯︰一開始我以為係排骨「with」炒飯，點知上菜先知係「and」炒飯。Anyway，排骨炸得好鬆軟，亦都好入味，所以一入口既時候唔單只無熱氣既感覺，排骨既肉汁同埋調味料混埋一齊喺口裏面既化學作用更加令到本身已經鬆軟既肉質更為突出。只可惜美中不足既係炒飯，飯粒硬食到肚仔唔舒服唔在講，

這次收到店方PR的試食優惠劵，便和友人在睇戲前一同到The One裡的金牌小龍吃晚飯。6時多去到人流不算多，我們兩人被安排坐在卡位，坐位寬敞舒適，好讓我們慢慢點菜。這裡的不少亦不貴，菜式都是約數十元，友人大致上都讓我拍板，當然小籠包是必試，另外亦點了些小食、小菜和甜品。雞絲粉皮 $40事實上，這粉皮端上桌時的賣相不太吸引..完全不見雞絲的蹤影，原來被芝麻醬所遮蓋..攪拌後，粉皮晶瑩剔透挺薄身，但芝麻醬味道普通不夠香，整體平平。蟹黃小籠包 $66 /6個來到這裡當然要一試這裡的小籠包吧! 這蟹黃小籠包一籠6個，筷子夾起來的時候是穩陣的，輕輕地把它沾上醋汁，深怕它很快穿破，一口吃落，吃落充滿著挺濃的蟹黃味，和充滿著肉汁的豬肉配合令整體味道有所提升，豐富了味蕾，味道挺不錯! 只略嫌小籠包未夠熱，當場失色了，可惜!油蔥拌麵 $33看到這拌麵，小妹立即想起台灣的"阿X乾麵"，雖知這兩個是有點不同的東西，但還是想試試! 上桌時，店員叮囑我們要快點吃，否則涼了麵條會不好吃啊! 不過吃完後卻挺失望，油蔥的份量太少了，卻要拌這一團麵，根本不太夠。整體只有淡淡的油蔥味道..還有點乾! $5一包的"阿X乾麵

相信大家對金牌小龍這個中國大陸過江龍絕對不會陌生我倆早在它剛剛登陸香港時品嚐過它的小籠包，水準是不的是日與食友們一起回味他們的小籠包及其他小菜平日的The One，人流不算太多，但位於四樓的金牌小龍卻人潮擁擁，若不是一早訂了位，恐怕要等上半個小時以上 先來的是冷吃的肴肉吃落肉質仍保持彈性，沒有雪得死實賣相味道也很不錯 麻醬非常稠身又味濃放在粉皮,青瓜和雞絲一併吃，層次豐富之餘，美味又開胃 來到金牌小龍，當然要再試它的招牌小籠包！單單是小籠包已有四個款式，包括招牌小籠包,蟹黃小籠包,香辣小籠包及翡翠瑤柱小籠包店方利用「黃金比例」來製作出十九摺以上的小籠包重量是不多不少的21克，吃起來小籠包的皮既薄又煙韌包內充滿肉汁，十分滿意！ 兩位男士在場，又怎能少澱粉質呢？炒飯的選擇亦不少，選了其中的蝦仁蛋炒飯飯粒飽滿有嚼勁，而且毫不油膩用料亦相當豐富，蝦仁份量多，不過略欠彈牙口感 小炒中最吸引架架仔就是這個鱔糊甫送上，已聞到誘人的醬汁和鱔的香驚喜的，是份量何其的多，鱔肉切成粗身，爽口誘人味道鮮甜且豐腴，醬油亦能突出鱔魚獨有的鮮味油麥菜配以惹味的蒜蓉炒香吃落爽口搶味，值得一讚的是炒菜及其他小菜也是少油

啱啱返咗大陸山區做嘢成個星期咁滯，除咗返番入縣城外，晌啲小鎮小鄉例牌無啖好食，其實佢哋啲嘢唔差，只喺小弟唔嗜辣，唔多啱口味啫。一向晌回港當晚，都會食番餐好，正正就跟幾個食友約好依晚，嚟金牌小龍試試菜，幸好，航機無延誤（內陸航機延誤喺幾平常事），準時赴會。金牌小龍晌國內唔同省市都有不少分店，如廣州、深圳、北京、重慶、成都、福建……，而晌香港，銅鑼灣分店結業後，現只剩尖沙咀The ONE及新蒲崗Mikiki兩家分店。小弟之前未嚟過，所以，對其出品甚有興趣，今晚，就讓小弟風塵僕僕趕返嚟會一會依條過江小龍。一到店家門口，已擠滿唔少人等位，頗墟撼，幸得食友一早事事安排好，令小弟近乎撓埋兩手等食呀。室內裝潢簡約骨子，淺啡配杏色為主調，一室燈光柔和，餐廳中間喺一排又一排組合式二人枱，方便按人數多少變動，而最得歡心應該喺兩側嘅卡位，椅背較正常高出好多，更加不被前後食客騷擾，可惜就容納唔到我哋6個人咁多。翻一翻餐牌，印刷好精緻，每款食物有晒編號、價錢，食物名稱有齊中英日文對照，兼且圖文並茂，令人睇落非常清楚。整個餐牌，大致分為11類：點心類、小食類、餛飩類、特色小炒類、蔬菜類、湯類、拌麵類、湯麵類、炒飯

早前一個週二，FHY來到The ONE金牌小龍參加試食，當晚參加者還有老公與寶寶，後者一到場即成為焦點，除了獲得侍應及經理厚待及重視，童言無忌又令到鄰桌食友哭笑不得，希望不要介意啦! 　當晚四大一小點了超多食物，當晚除了媽媽飲水，其餘四人各點了飲品，爸爸是 酸梅汁(特價$9)，酸酸地非常開胃，非常抵食，但我不敢多飲（據說對孕婦不好?）；另外為寶寶點了 鮮榨橙汁($35)，貴但成品天然清甜，很讚的! 還有CEO及劉總也分別點了 凍檸賓(特價$9)及 可樂($16)，絕對是飲飽食更飽。而菜式的款式就更多更豐富了，首先是 醉雞($65)，酒香不會太重我也可以吃，不過有點古怪是雞是一切成薄片狀的，或者是廚房希望可以做到入味效果吧，不過這樣一味口感就略遜了。　然後是老公大愛的 滷大腸($32)，成品切得較細碎，加上我與CEO向來不太吃內臟，雖只是頭盤size，感覺也是食極不完! 前菜中最喜歡是 尖椒皮蛋($42)，因為皮蛋夠靚夠溏心，如果尖椒再辣點就好了；不過皮蛋始終不是健康的食物，最近的新聞也令媽媽怕怕，以後還是少吃為妙。孕媽媽需要多吃蔬菜，是晚也點了兩款，先是推介的 上湯肉鬆菠菜($58)

今趟的試食局有甜魔媽媽全家、拔兄和我，一起去尖沙咀The One的金牌小龍吃小籠包。有小明星Matthew的出席，定必帶來很多歡笑，公關、服務員總是被他吸引著。我們四大一小，共有$900的Budget，以這裡的價位，可以吃得十分奢華，不難想像又會是飽到上心口的一餐。照慣例，由拔兄負責點菜，我就無須費神，乖乖的坐低等食，樂得清閒。上菜好快，不一會，冷盤小食已經爭相出場。水晶蛋，都頗流心，不過味道偏淡口；尖椒皮蛋要好一些，至少皮蛋晶瑩，有溏心，配上有少許辣勁的尖椒，還好，當然如果可以再辣啲，就更加正。花雕醉雞向來是筆者喜歡的冷盤，這裡的是有點酒香，但只停留在表面，未能滲進雞肉內。同埋，我唔明點解要切成一片片。龍哥點的鹵大腸，怎麼是細細粒碎濕濕咁呢? 還好，鹵味都唔差，質感總算爽脆，申卡大肚媽媽不好吃太多內臟，就由我和阿龍努力包辦。再看看上海點心水準如何? 小籠包是這兒的招牌，雖算不上一流，至少都是皮薄多汁，分數合格。糯米燒賣，我認為太過腍身，缺乏了點咬口。韭黃鍋貼，估唔到又幾脆口，沾上辣椒汁吃，不比招牌小籠包遜色。其他食物，豬扒成品是薄薄的，我絕不會歧視這薄片豬扒，因為長沙灣的興發出品就是

收到店方的優惠券，可選擇去新蒲崗或尖沙嘴的店試餐，剛巧尖沙嘴有戲院上映「中國合伙人」，因利乘便和太座看完戲來這店一試。黃昏五時半，店內顧客不多，我們選擇了卡座，座位也挺舒適。翻開餐牌，與其他有名的小籠包店一樣，圖文並茂，印刷精美，價錢亦算合理。我們點了金牌小籠包，涼拌蒿筍絲，韭王鱔絲，紅燒豬手，排骨湯麵，迷你豆沙包。涼拌蒿筍絲是淺青色的，堆成小山，上面放幾粒紅椒碎作點綴，看似是棵聖誕樹。蒿筍絲入口清涼，微酸爽口，令人開胃，做前菜是不錯的。來小籠包店，不吃小籠包實說不通，雖然兩年前曾光顧銅鑼灣店，水準不錯，但兩年後到這裏又看如何？金牌小籠包，一籠有六隻，皮雖不是我見過最薄的，但也算得是薄，樣子端莊，入口湯汁甜美，肉餡細緻，整體合格有餘。紅燒豬手，每隻$15，不是德國鹹豬手的一大隻，只是中間的一節，一隻炆得夠腍，皮夠軟，另一隻未夠身，肉不多，建議賣貴些，但大隻些多些肉，味道方面則可以。韭王鱔絲，份量不少，鱔絲切得頗粗，唯古月粉下得太多，搶走了腥味之餘，亦搶走了鱔味，汁醬較濃，韭王亦夠多。排骨湯麵，炸豬排與麵分開上，炸豬排超級大件，大過我隻手掌，豬排肉質不錯，鬆化入味，麵條是上海麵，不及廣東

其實當收到這個品牌的試菜邀請的時候, 實在有點猶豫, 因為上一次來吃的經驗是相當麻麻, 但想深一層, 也不應該因為一次的經歷就斷定店子的水準, 不如就趁這個機會, 看看店子又有沒有改進.星期二的晚上來到, 人客不少, 店外還有人龍, 畢竟這裡的價格在這個商場來講是比較大眾化的, 繼續旺場也是可理解的. 我們四個人, 就把店子的招牌菜也差不多全部也點選過.醉雞 $65: 5分, 賣相是相當奇怪的, 竟然是切片而不是雞件來的, 酒香不太突出, 整個感覺, 就真的跟吃開的醉雞有很大的分別, 還好的是雞肉尚算嫩滑.上湯肉鬆菠菜 $58: 6分, 要了兩款菜蔬, 先來的是上湯肉鬆菠菜, 上湯是幾清新的, 不過菠菜是比較老, 有點難去咬開. 另外還跟上皮蛋及肉鬆, 陣容豐富, 讓大家就算吃菜的時候也不會太寡.清炒菜心 $48: 7分, 不過相比之下, 還是喜歡吃清一點的菜蔬, 如這客清炒菜心, 就是簡簡單單的去清炒菜心, 不會太油, 就像在家吃的一般. 不過一客$48, 又實在是偏貴的.油炸排骨 $52: 2分, 上次吃油炸排骨的時候已經是很不滿意, 想不到這次再吃這店方的招牌還是相當教人失望,