金牌小龍 (Closed)

【黃金大蝦】每次見到呢啲香口嘢都必點大蝦好巨型，金黃惹味 🍤蝦頭好脆，我成隻食哂【水晶蛋】半凝固嘅蛋黃口感彈牙過溏心蛋味都幾濃郁，仲有黑松露香氣【金牌小籠包】因為人多可以 叫多幾款小籠包先食最 classic 嘅招牌小籠包小籠包夾起唔易穿，湯汁好味【翡翠瑤柱小籠包】呢款小籠包薄皮啲入面係蝦同瑤柱餡，清爽啲一樣咁多湯汁 😋【蝦仁燒賣】包住隻蝦外形好省鏡上層燒賣咁，下層就似小籠包好特別！【蒜茸油麥菜】油麥菜好新鮮非常翠綠【三杯雞】三杯雞上菜嗰陣冒住煙熱辣辣咁味道幾濃，雞件都算多【酥炸黃花魚】黃花魚炸得好酥脆，超掂！魚皮脆口，魚肉細滑就咁食都夠味，如果點醬就酸酸甜甜咁【蔥爆牛肉】牛肉份量好多，夠哂嫩滑京蔥香口好食【清燉牛肉湯麵】比起紅燒牛肉麵清爽湯頭睇落清，但加咗好多材料所以燉得入味

下雨天的星期六想去TST區吃午餐又怕開雨傘，所以向iSquare 進發！幸好剛剛有吉位，侍應安排坐在有sofa的位置，可以讓小朋友在Sofa上行來行去，大人可以慢慢挑選美食！一睇menu ,看到有很多選擇，睇到眼花撩亂😅我最想試的五福臨門小籠包，竟然沒有供應🥺,只好試金牌 小籠包！Order 番茄蛋拌麵比小朋友吃，但被反問為什麼不像嫲嫲煮的一樣⋯⋯，可能蛋的比例比較少，但味道好ok排骨蛋炒飯 ：以為細細碟，但竟然是大大塊排骨赤豆鬆糕：無論外型及口感都很特別！小朋友卻不太喜歡吃！

朋友喜歡食小籠包，於是我們早早預約左地理位置好方便的金牌。 店舖環境舒適，像舊式的小飯館。 看看餐牌，食物種類非常多。 我們分別點了三款口味的小籠包，一原味、一蟹粉和一朱古力味。 小籠包麵皮既薄又有口感，裡面湯汁份量恰到好處，唔需要擔心一口吃小籠包時太熱。👍🏻 第一次吃甜味的小籠包，充滿驚喜，朱古力流心，但唔會過甜，值得一試。 小吃點了尖椒皮蛋，皮蛋流心，調味出色。水晶蛋非常糖心入味，配上小量的松露醬，另有一番風味。 蒜泥白肉份量多🤤鮮蝦紅油抄手牛汁湯麵，湯底牛味非常濃郁。鹵海帶份量多，海帶有厚度非常有口感，而且鹵得入味。😋

同家人係尖沙咀行街，到食飯時間就帶左家人黎呢間上海菜試下。上次同朋友黎過，呢度菜牌選擇超級多，係平時上海菜既兩三倍，真係想食乜都有。而且位置就腳，就係isquare 3樓。重點係價錢好抵！！啱曬平時咩都話貴既阿媽 今晚一共試左兩款小籠包，分別係蟹黃小籠包$52以及金牌小籠包$42。兩款小籠包都好好食！皮薄多汁，包頂打摺位不會覺得厚。不過食既時候要小心d，見到家人食既時候唔小心噴曬d汁出黎～蟹黃小籠包比起金牌多左蟹粉既鮮美甘香，食完真係超滿足！ 韭王鍋貼$42～皮都幾脆，陷料都係好食既！ 除左包類，都點左兩份小菜。豉汁蒸黃花魚$62 雖然分量唔算多，但係好新鮮好好食，蒸既時間啱啱好蔥爆牛肉$72 好惹味，牛肉唔會老，加上大蔥，送飯一流啦 見到呢度有原盅湯，都叫左兩份黎試下，估唔到都幾出色元盅茶樹菇排骨湯$42味道比較濃郁，飲落滿滿的茶樹菇味清燉牛肉湯$46牛肉燉得軟爛但唔會柴，飲落好原汁原味 今晚呢餐真係好飽好滿足呢！

平時好少打食評但真係難食到不得不"表揚"7點幾 入到去menu 一半簡體一半繁體已經覺得伏伏地叫左4樣野 當中鍋貼話無好啦 咁轉做牛肉餅點知落完單 佢又話牛肉餅得番一個又轉做豬肉 之後見無落醉雞 問佢 佢先答話無 成個menu 係咁劃走d 無既野差唔多一半都劃走左已經好嬲 之後轉做咸酥雞佢竟然都話無仲要玩我幾多次？？？叫左個海鮮鐵版撈面wa 一入口 簡直難食到唔知似咩真心人生食過最難食既麵d 麵唔知放左幾耐 勁林pepe又痴埋一舊 就黎變番舊麵粉個醬真係難食到好似豉油+豆豉再溝水既味$6x雖然唔係貴 但比d 咁既質素比我我食車仔麵好過

鍾意食中菜的一定不能錯過，尖沙咀iSquare對面就有一間中菜可以試一試！餐廳位於iSquare 3樓方便容易去，裏面個場好大所以多數都應該有位嘅，如果冇位就真係太誇張～蟹黃小籠包$52/5隻蟹黃小籠包裏面啲汁好香，有少少蟹黃嘅香味，而且個外皮都係比較薄身。醉雞$65一碟裏面已經切得一片片而且沒有骨，所以好方便食用，啲酒味真係非常之香，雞肉口感亦嫩滑。蒜泥白肉$52一碟帶點香辣口味的蒜泥白肉口感有彈性，而且亦不會鞋口，蒜味香濃。鮮蝦雲吞麵$52雲吞麵的雲吞也是一貫的皮薄餡靚，加一些麵就整餐有更加豐富澱粉質！台灣紅燒牛肉麵$58牛肉麵質感好得意，有特別處理過，鹹香十足，值得一試。豆漿$15如果唔鍾意飲提供嘅茶或者想飲其他嘢，都可以飲其他飲品類,健康少少就可以揀熱豆漿!真係有薑係裏面調味，幾特別。

之前食過呢間幾次。第一次食小籠包 皮薄多汁 高水準 紅燒半筋半肉牛肉麵 湯底鮮甜濃郁 麵條有彈性 牛肉屬於半筋半肉 淋得黎有咬口 有4大舊 仲有一小碟酸菜附上 少少辣 好好食。湯都可以清晒今日諗住再黎回味一下一去到 店員話店內無位 安排我地坐近門口位置但我地想坐入面d 再問店員發覺店內尚有卡位一黎叫左2碗紅燒半筋半肉牛肉麵小籠包 韭黃鍋貼 同 台式豆腐肉鬆皮蛋先黎豆腐肉鬆皮蛋個汁似係泰式辣醬 豆腐係百福 皮蛋有4小舊 辣辣地 味道正常2碗牛肉麵到左好期待 一黎想即刻試下啖湯先但準備擺落口時發現原來隻匙羹崩咗好易戒到口 所以要求店員換過一隻點知大湯羹變左普通小湯羹一試 完 全 淡 而 無 味 懷疑係咪碟前菜太濃味 比多次機會飲啖茶再飲多次啖湯都係 完 全 無 味 D麵over cooked 好淋 牛肉得返3舊 雖然夠淋 但都係無味 問店員係咪轉左師傅店員話： d麵無轉過就即刻轉身走人完全答非所問真係食得好唔開心 啦啦聲食完 驚d麵再浸住會再淋小籠包水準算維持正常 個頂d皮厚過之前小小肉汁仍然有韭黃鍋貼煎得油左d 味道偏咸成餐飯都食得好唔開心 可能因為期望太高 加價不是問題 但要維持水準最

最近在網上看到一段大廚教吃小籠包的正確食法，收看後令我突然很想試試此方法，究竟係點？下面將會簡述。要吃小籠包，好自然揀間上海菜館。餐店開放式的門口，大大個燈光招牌鑲上門口旁，相當搶眼。站在近門口位就可看到各大師傅不斷製作各款包點和點心，即製即蒸即上枱，最吸引！裏裝潢帶點大自然的氣息，牆身是綠油油的假草披，四處掛上葉子作裝飾，配上木製的傢俱，感覺舒適寫意。地方寬敞闊落，設有多張寬闊的四人沙發座，亦有多張二至四人枱，可容納不少客人，而枱與枱之間有不少空間，既坐得舒服，亦出入方便。 枱上放有餐簿、一張點菜紙和幾張推介餐牌，選擇頗多。餐簿每頁均附有菜式相片，分門別類，相當精美清晰，有多款蒸品類、小吃類、麵食類、特色類、湯類、飯類和飲品，另外還有新品推薦、特色推薦、新品小菜和甜品，相當豐富，令我和友人都商討了一輪。***************在多款小食類中選了兩款，先來水晶蛋（$25/2隻），賣相相當靚仔。蛋黃充滿蛋香，亦帶黏性，而蛋白亦保持一點滑溜的口感，烹調入味，配了少許黑松露，睇落既矝貴，亦添美味。另一款是上海菜經典小食之一，又是友人最喜歡。雞絲粉皮（$38）以嫩雞絲和清爽青瓜絲伴晶瑩Q

尖沙咀地鐵直達Isquare，正適合剛巧相約在雨天的我們。走到了四樓發現有間叫「金牌小籠」的餐廳，裝修新派，還有點文青的感覺。—茶位 $7/位—《金牌小籠包 $42》5隻小籠包都裝滿湯，入口熱烘烘很新鮮，湯包皮的厚薄適中，如果更薄相信會更吸引。《乾拌菜肉餛飩 $42》餛飩皮比較厚，但乾拌菜肉餡入味香濃。《雞絲粉皮 $38》麻醬杰身而且夠多，喜歡麻醬的朋有必定喜歡，但薄於筆者來說就比較膩。《豉汁蒸黃花魚 $62》黃花魚蒸得時間剛好，十分嫩滑鮮甜！豉汁當然把味道再提升，拌飯一流，十分讚！《黃魚麵 $62》見到是新推出所以點了一客來試試，但覺得還是基本的比較好。湯是十分的清，有淡淡的黃魚鮮味，但黃魚肉就比較乾，麵質亦偏腍，容易黏成一塊。《紅燒豬手(两只) $16一隻（2隻起）》有驚喜！豬手十分入味，皮和肉都十分軟腍，當中的骨膠原還不少，啖啖滋味。《台式鹵肉飯 $35》鹵肉脂肪少，適合港人口味。飯有偏硬，所以加上鹵肉汁後會好一點，味道整體都不錯。服務：上菜快，職員亦夠會主動添水、收餐具，夠主動性。

最近去左ISQUARE 睇戲, 之後朋友話不如食埋DINNER~~我地揀左金牌小籠~~先黎壺茶, 再慢慢點菜~~我地點左金牌小籠包, 燉湯牛肉湯麵, 三杯雞, 薑汁菜心, 瑤柱蛋白炒飯, 茶樹菇湯～金牌小籠包皮薄餡靚又多汁, 三杯雞小辣, 雞肉嫩滑, 愈食愈惹味~燉湯牛肉湯麵清清地, 食落唔會太多牛, 感覺唔會HEAVY, 女仔食真係好岩, 而且唔會有罪疚感~薑汁菜心 D 薑味又唔會重, 小小地唔錯, 菜心翠綠又健康!瑤柱蛋白炒飯用料豐富, 又蛋又瑤柱, 仲有D 菜粒, 食落唔會感覺油膩, 唔錯!茶樹菇燉湯真材實料, 入面有瘦肉又茶樹菇, 湯水滋潤又好飲~

看完電影就在 isquare 吃晚餐，選了一間吃上海菜的。金牌小龍就在商場3樓的中庭位，雖說是中菜，但入面裝潢很像文青咖啡館，充滿舒服悠閒的氣氛先來了一客小食水晶蛋，香濃的蛋黃呈流心狀態，口感滑嫩又帶甘甜味道來這裡當然要吃小籠包，點了兩款試試！先來蟹黃小籠包，新鮮蒸好要小心湯汁燙嘴。豬肉內餡搭配綿密的蟹黃，湯汁清甜，很好吃另一款選了翡翠瑤柱小籠包，以絲瓜瑤柱和鮮蝦做成內餡蒸製，冒著蒸騰熱氣，味道鮮美各有特色這碟是黃金大蝦，蝦身被鹹蛋黃包裹著，啖啖肉而且香口惹味喜歡香口食物所以也點了酥炸黃花魚嚐嚐。黃花魚炸得金黃亮麗，外表脆香，內裡的魚肉極嫩主食是清燉牛肉湯麵，湯頭香甜清徹，牛肉燉得軟而不爛，入口即化。吃點蔬菜選了蒜蓉油麥菜，簡單好味飲品當然要來杯冰涷的豆漿

今日同媽媽一齊去食晚飯，見到金牌小龍嘅裝飾似飲查feel，所以決定食呢間。一行入去，就聽到服務員嘅歡迎，令人幾舒服，地方又大。1.酸辣湯麵$40鐘意食辣嘅朋友會好愛佢，因為覺得佢夠辣（平時食開十小辣）😂。d湯唔係水狀，而係好似芡汁甘，有稠度，不過阿媽就食得津津有味😌2.金牌小龍包$42/5隻熱辣辣上菜，金牌小龍包係豬肉餡，食嘅時候要小心熱，湯汁夠多，好juicy🤤皮夠薄，果然係招牌菜，好味3.蟹黃小龍包$52/5隻同金牌小龍包唔同嘅係有蟹黃，但唔算蟹黃味道太突出，同樣皮薄多汁，味道比起餡再鮮味d（可能加左蟹黃）兩款都好味🤤4.原盅茶樹排骨湯$42特別叫左茶樹排骨湯，因為夠清淡，飲得出冇加味精😳用黎做成餐飯嘅開頭或結尾都唔錯🤤5.雞絲粉皮$38有大量嘅花生🥜醬淋係雞絲同粉皮上面，同街嘅醬唔同，應該係自家製作。6.辣味小黃瓜🥒$34我自己都幾鐘意食呢味開胃菜，黃瓜🥒夠爽脆，加埋d花生🥜碎一齊食，清新得黎又有少少辣（唔好沾太多辣油）

今日我去咗呢度食飯我見佢哋個餐牌價錢好抵食 佢哋叫咗尖椒皮蛋 佢個皮蛋係我食過最流心嘅皮蛋 所以我係勁推介大家 而佢個台式擔擔麵我都幾推介㗎 雖然佢份量唔算好大 但係三十幾$40來講我覺得性價比都好高 佢有少少辣辣地 但係佢啲面係好入味 所以就算唔係每一啖都有湯其實佢都好入味 佢個蔥爆牛肉就超正啦 佢份量好多 佢個台式酸辣湯我都好推介 呢個價錢來講係好大喎 佢仲加咗少少胡椒粉比平時嗰啲就更香啦 當然唔少得 佢哋個金牌小籠包啦40幾蚊就有五隻去邊度搵 同埋佢啲皮都好薄 一啲都唔馬虎 我哋仲叫咗台式滷肉飯同埋鹹酥雞塊 真係好有台灣嘅特色 同埋佢個雞塊炸粉一啲都唔厚 都好推介最後我哋叫咗個菜肉紅油炒手超正呀 呢個佢唔算好辣少少辣 佢真係好好食 重點係唔會好油膩 我哋食咗咁多嘢最後都唔超過$400真係好抵食

最近每逢周末都有遊行，為免交通擠塞都減少了出外。是夜見尖沙咀稍為平靜，就跟家人近近地到I Square晚飯。以小籠包作賣點的金牌小龍不需我多作介紹，性價比高令它一直以來都有不少捧場客。作為一間台式上海菜館，金牌小龍的小籠包選擇超豐富，另外亦有多款上海小菜和台式飯麵選擇，價錢全部幾十元有交易，定價合理。茗茶$7/位，比很多茶樓都要便宜。雞絲粉皮($38)粉皮很薄很滑，雖然雞絲有點鞋口，不過配著麻醬吃味道都不錯。紅油豬耳($35)豬耳很脆口，帶點麻辣味幾惹味。蟹黃小籠包($52)小籠包包皮薄得來不會很容易弄破，湯汁夠熱，豬肉餡亦軟嫩，不過就不大能吃得出蟹黃味。豉汁蒸黃花魚($62)黃花魚肉質都幾滑，豉汁味道香濃。赤豆鬆糕($32)其實是紅豆餡的鬆糕，鬆糕質地鬆軟不會過乾，紅豆餡不會過甜，味道都可以。左: 凍豆漿($15)豆漿豆味普通，勝在不會過甜。右: 凍鴛鴦($18)鴛鴦味道較淡。總結，食物中規中舉，勝在抵食，全部小菜幾十元有交易，人均消費百多元已經吃到飽。

isquare 給人印象都是高消費的，今晚開心大發現，在三樓的金牌小龍卻出奇大眾化。環境味道尚好，整體理想。環境舒適乾淨，綠化牆飾，泰然自在。招牌貨金牌小籠包 $42，必食之選。夠多汁，要小心熱到嘴巴 🤗🤗水晶蛋 $25，半溶流心蛋黃，口感軟糯，配點松露醬吊味，超值選擇。醉雞 $65，醉雞去骨，啖啖雞肉，酒香撲鼻，加點杞子美化賣相👍。略嫌雞油有點礙眼，但不影響味道。台式酸辣湯 $32，辣味突出，湯底味略淡。薑汁炒芥蘭 $60，健康青蔬，味淡軟諗，有薑米吊味。秘製紅燒肉 $36，味道香濃，肥膏香軟，瘦位肉香，最愛這個。台灣鹹酥雞 $42，雞肉粒外層香脆，內層軟腍，椒鹽香口。每款份量不多，可同時試齊多款菜式，價錢大眾化，是個開餐好地方。