霸王山莊

Open Now

Now Closed

聞說呢間片皮鴨好食，咁就前一日打來訂定，今日就同朋友去左食，果然冇令我失望，又真係幾好食wor, 佢d薄餅係隔開一層層的，每層都有牛油紙分隔開，好易拎到，片皮鴨個賣相都好靚，鴨肉排得好整齊，d鴨肉都好嫩好好食，再夾埋d西芹同京蔥包住點甜醬食，好味到暈＼(^o^)／I Will Be Back

霸王風沙雞 $135/半隻皮炸得算脆。但雞冇雞味，肉質唔夠硬實、食落軟淋淋，唔新鮮，可以唔試！黑醋小排骨 $92一碟有六舊排骨。排骨夠瘦，冇咩肥膏，啱曬我😆食落啖啖瘦肉！唔好以為啖啖瘦肉一定好柴，咁諗就錯啦！排骨烹調時間掌握得啱啱好，肉質硬實，但又唔會太韌咬唔到，屬於有口感但一咬即開既肉質，處理得非常好👍🏻輕輕咬開，排骨既肉會變成絲狀。好正黑醋汁係稠身既，食落酸酸甜甜好好味！送飯一流！雖然食得出醋味，不過黑醋汁酸味同甜味既比例係3:7。好惹味，但食到最後會覺得偏甜左少少，如果唔用黎送飯會更濃味。整體黎講，好食！當然，如果少甜更好！糖醋松子桂魚 $160炸左既桂魚淋上糖醋醬汁，好難唔好食姐！魚係成條上，其實唔算太大條，因為沾左炸粉炸起先會覺得好似幾大咁，食落先發覺魚肉唔多。而炸粉唔算太厚但又唔太薄，都接受到既。魚肉質地炸完仲保持到嫩滑，肉質唔似食魚柳咁太淋冇口感，都算係咁，但魚既鮮味就一定食唔到啦！除左魚既本身同糖醋汁之外，魚上面既配料係另一個重點！配料有大量松子、菠蘿粒、蕃茄粒、青椒粒、洋蔥粒，同兩粒蝦仁。青椒、洋蔥粒保留到爽脆口感；菠蘿、蕃茄粒正常味道，唔會難食；蝦仁仔雖細粒，但佢係

好多年前食過呢間餐廳覺得幾好食， 一路都想食返個片皮鴨要是今日嚟番呢一度。今日少咗兩個招牌菜分別係片皮鴨同埋水煮魚。水煮魚係 好大煲足料，好多魚肉，仲有薯粉， 但味道認真麻麻，食到大家都唔多想食，薯粉成餠放落好，未揚散，蟹柳又係，一夾十幾塊癡埋，未整開就俾人食，非常唔掂！ 仲要係招牌推介，我哋完全覺得被欺騙了！之後係片皮鴨，賣相ok，但係以一隻鴨嚟講我哋覺得偏少。 最敗筆嘅地方係鴨肉是凍的！而且餅皮勁厚，醬汁亦唔好食。非常之失望！！加上 我哋坐喺樓上偏廳入面，樓底極矮，細細間房仔坐7-8枱人， 後面有一枱人勁嘈， 又尖叫又大笑又大叫，非常滋擾， 搞到連食嘅心情都冇埋只係想快啲離開！ 服務又係超級差，偏廳入面基本上係冇服務員，叫十幾廿次都冇人應，服務員入到嚟又係態度超差，完全唔想理你的樣子，淨係乜都叫你等一陣，簡直好似畀錢買難受咁！ 食到一肚氣！

好坦白講，我以前絕對係霸王山莊既忠實粉絲，因為佢地出品既小籠包真係正，皮薄多汁👍🏻以前仲要好方便，荃灣沙田都有分店，岩晒我呢啲新界人。但上星期六去尖沙咀分店，發覺無論服務同食物質素都好差，有個阿姐上菜時仲要次次都大力放低。簡直不知所謂！星期六當日冇下午茶都唔緊要，價錢貴啲都唔緊要，我地散叫兩碗麵加小籠包同生煎包，結果生煎包個底燶到入完全唔到口，咁都可以拎出黎比客食？！而小籠包質素同樣退步，皮變厚左！但味道尚可！兩碗麵就普通質素，份量偏少！最後食左$250左右我只能說收咁既價錢，但得唔到應有既食物同服務質素👎🏻難怪霸王山莊只剩尖沙咀同大角咀兩間店了😂

第一次 同朋友黎食聽講以前好食好多 🤔🤔睇相都見到 小籠包入面 充滿著湯湯 😊皮薄餡靚 清清甜甜的 好味 😋可以自己食灑一碟 😂 蝦肉都幾有彈力可惜 吾太中意佢個 "煙韌皮" 我比賽中意食朝身啲 脆啲的 呢個冇咩特別就系覺得比較鹹~碎肉餡味道都幾吸引入面應該撈左吾少肥肉 所以食落都滑滑吾會得瘦肉咁乾乾的仲有冬菇碎 😋其實 我好中意呢味菜可惜,,佢個甜酸醬 太酸喇 🙈食到條👅 諧灑 😶條魚新鮮 生熟岩岩好都冇用 🙈可惜可惜…有湯飲 😁不過不失 年糕 煮得幾好吾會好生好硬都是軟軟的 👍🏻味道就冇咩驚喜 辣辣的送飯都幾正 😁一般般 吾系太特出第一次食感覺都幾特別外表軟軟的包 包住脆脆的青瓜同脆塊不過 中間的蜜汁火腿我就略嫌甜得濟 😂好似甜品咁 😂不過都值得試下嘅呢個… 我真系覺得好一般包呢部份太多同太實 吾好食豆沙如果可以多啲 我諗 佢就吾會好似宜家咁 好似冇味咁 🙈嗯…吾可以話佢啲嘢吾好食不過 就冇咩驚喜呢 ~

今日是本人母親生日，她想食其他類菜，就訂了5位今日去進餐，知道貴食店 正日生日 有15%off(星期一至四) ，送北京烤鴨半隻(5-8位享用) +壽桃包，所以全家人去食lu………….. 結賬後大概都是六百幾蚊(8款食菜)，5個人食真的很抵食喔!!!本人覺得最好吃的食物是北京烤鴨、高力豆沙(上一次食過) 、糖醋松子桂魚及霸王小籠包……有機會大家可以叫唻食~ 下次再去要試下其他菜!!!

同朋友去海水公園玩，哈哈，因為三號風球所有戶外野都唔開，連小食亭都無哂，睇下展館咁，其實都幾好玩吖，涼涼地又少人。之後就係另一活動，食生日飯啦，見宣傳生日有好多優惠，就黎霸王山莊試試。茶芥（$12）先來壺普洱茶，茶都幾滑，啱哂咁口渴嘅時間。北京烤鴨（例）生日送的片皮鴨，好耐無食片皮鴨，乜原來而加係鴨肉多過皮的？鴨肉略為乾身，都ok嘅。配菜好新派咁有菠蘿，蜜瓜，哈蜜瓜，西芹同蔥，唔…甜甜地幾特別嘅，不過個人喜好都係青瓜同大蔥。皮已做定很久，蒸完都係好乾乾乾…但餐廳十分慷慨，有成十五塊皮，鴨已食完，啲皮留返一陣點魚湯食，哈哈。甜麵醬好味鴨肉太厚，卷完都彈返開，就咁包一包就算了，反正都係食落肚啫。韭菜花煎餅（$45）一向鍾意食點心，所以點左好幾款，先來呢個煎餅，味道係失望嘅，得個皮勁少韭菜，而且好油，食落只有油益味，失敗老重慶紅油龍抄手（$46）呢樣呢賣相幾靚嘅，隻隻飽滿。味道正正常常，但肉太多太實，欠點滑滑的餛飩口感，而且辣汁香味欠款，只係一般的豆瓣醬感覺香煎羊肉餅（$49）最後一樣點心才是最失望的，根本唔係煎係炸的，外層燶咗入面都未熟透，麵團仍然成糊狀，爛巴巴難以下嚥。入面完全無羊肉味，

又能來了好開心上一次下午買了外賣質素跌了這次決定再來堂食果然有很大差別先來一碗酸辣湯麵在下本來就是喜的濕濕熱熱的東西再帶點辣辣感覺更好不需要考慮很多就選擇了這個理所當然好食不過也理所當然沒有特別之處這是一個穩陣主食然後是京蔥爆牛肉他們的牛牛永遠是軟軟綿綿超適合沒牙的我特調醬汁加上京蔥的味道..好好味....食一碟真的不夠喉基於營養三角的關係要點碟菜這次選了炒豆角好像有點咸再點碗白飯襯托就變得合到好處最後還有一客小龍包忘記給相機食..還有點想念蟹粉小龍包呢待季節到了必將再度光臨

一行三人點了三個下午茶餐 現場差不多坐滿 可能由於係甘 所以上菜時間都耐左食物味道還可以 份量也不小但侍應人手不足 服務態度亦欠佳 不友善感覺似一般茶餐廳 短期內不會再次幫襯

Environment: The seat is a bit tight but generally ok. The restaurant is full of tourist.Service: ok but needs improvement, especially for the younger waiterFood:1. Xiao long bao: good2. Pekingnese duck: portion is a bit small but taste is ok. Suggest to have sugar as one of the ‘sauce’3. 粉絲豆苗：ok4. 高力豆沙： ok5. 松鼠桂魚： good6. Shanghai stir fried rice cake: good

今日同C6 黎食晚餐，我地隔幾個月就會黎一次，上次黎食已經係半年前，水準無之前咁好。今晚食完之後完全唔會想再黎，佢個招牌霸王炒飯好似茶餐廳但並唔係茶餐廳價錢，蝦仲有大大條蝦腸係度。我地仲叫左個魚香茄子，見佢影相好靚，點知就伏左，唔酸唔辣鹹鹹地味道好怪。食完個人好down，真係忍唔住講，等大家唔好中伏

Happy Friday 既今日，知道呢間店既北京烤鴨好出名，所以黎左一試佢手勢。我地叫左1.四人餐2.炒年糕3.雞絲粉皮雖然價錢係比較高，但鍾意食下中菜既都不妨一兩日黎豪華下。四人餐既份量絕對無呃人，女仔既話，六個人都可能夠食。餐內包左烤鴨，以片皮鴨方式上，有皮又有肉，絕對無欺騙小市民，而且唔係好肥，可以食幾舊都唔油膩。另一樣係個小籠包，我本人都覺得好好食。仲值得一讚既係，佢上菜都好快，對於我呢種一去到餐廳就立刻肚餓既人，簡直係天堂呀～

我的午餐系列，第8篇。今日工作繁忙，過了午餐時間，又想舒服坐下來休息一下，所以選了霸王山莊。有段時間沒有來了，原來現在下午茶時間由兩點開始，還在做推廣，只要集齊五個印花，就送下午茶一份，我要努力再來食了😊一坐下來，侍應就會過來問你，要飲那一款中國茶😊之後，下午茶餐分別有$48、$52、$58和$68。為了獎勵自己，我點了個$68元的餐，套餐內包括了招牌小籠包1隻，小食在八款𥚃任選三款，麵款在3款𥚃選1款。加＄6可加配冷熱豆漿，麵底可以揀幼麵、粗麵和黑金剛。小籠包要趁熱吃，內裡充滿湯汁，小心不要夾破外皮😍蒜泥白肉卷，有少少辣，因為用XO醬伴食，蘆筍清爽，白肉有少少肥，但都好味👍糖醋小排骨，不肥，好味，甜味剛剛好😊水晶鎮江牛肉，凍冰冰時食就最好味。反而個獅子頭就差了少少，雖然切開個球，會有肉汁流出，但外皮太過硬，影響了口感，還有那個金剛麵，其實是薯粉，我覺得有點硬😞下次還是食幼麵吧。留意，下午茶時段有加一服務費。

以前很喜歡吃霸王山莊的小籠包，後來它轉型主打遊客生意，食飽參刺肚後便少了幫襯。現在又開始多了吃午餐。麻香水煮牛肉牛肉醃得很滑很軟，比較喜歡有咬口的。而辣汁越吃越麻，流哂汗。鳳梨雞塊雞塊太軟身，還是配豬肉好。

6月8日片皮鴨值得一試朋友們忽然不約而同嚷著想吃片皮鴨，由於事出突然，好幾間主打吃片皮鴨的店都預訂滿了，幸好還能透過OpenRice 訂座服務訂了這間尖沙咀分店，貪其地點就腳方便！炎熱夏日，點了水晶肴肉及醉雞作開胃冷盤，小小的一碟清爽可口，眾人極速的消滅掉了。這裡是一隻片皮鴨的份 ，份量十足，每片都皮肉平均的。荷葉餅皮夠薄，每塊皮都有牛油紙相隔，容易拿取出來。把鴨片配上佐料（京葱/青瓜/韮王），加上一小茶匙的海鮮醬，捲上柔軟的餅皮，一口吃下，那種美味叫人直接伸筷，預備吃第二塊片皮鴨。旁邊的乾煸四季豆非常惹味，微辣且吃到豆的甜味，下飯一流。糖醋松子魚，適合想吃魚但又怕魚剌的懶人，炸得金黃，澆上了甜酸的醬汁。小籠湯包皮薄多汁，沾上陳醋吃，滋味倍增。炸饅頭一口一件的，味道沒什麼特別的。士多啤梨桂花糕，士多啤梨味完全掩蓋了桂花香味，完全不覺在吃桂花糕呢。