Kitchen M (Closed)

下午出到尖沙咀，想搵個地方食下野之後, 可以靜靜地咁坐低傾野,呢度係一個唔錯既選擇.下午時段理應會好多人食lunch, 呢度地方細細應該好快坐滿.但事實又唔係喎, 又或者呢間餐廳既位置較隱閉, 所以唔易發現.簡單點左兩款lunch set~好快職員送上麵包籃黎, 麵包熱辣辣, 好軟熟, 加入牛油食更加香滑~前菜有Parma Ham Salad 同 南瓜湯湯好濃郁, 杰度十足, 真枓實料.沙律份量雖然少, 不過亦做得好出色, 菜類很爽脆新鮮, 加埋Parma Ham食, 好開胃.主菜:辣肉腸蕃茄意大利粉 $88肉腸既質感好似中國人既臘腸口感, 食落好甘香有趙口, 唔係普通廚師腸HEA你~蕃茄醬夠濃夠酸, 我最鐘意!蟹肉意大利飯 $98上面有軟穀蟹, 下層有好creamy既意大利飯, 飯入面亦有蟹肉碎, 不過味道稍為淡了一點.餐飲要一杯Americano, 即係咖啡啫~~附上一小壺熱奶, 自斟自飲, 隨意調較個人喜好! 另外再加$20要一件栗子蛋糕蛋糕本身好鬆軟, 栗子蓉也很幼滑, 味道不錯喔~

在這兒午餐，星期六下午，人不算多，環境算清靜。午餐選擇少，只有四款，我點了Parma Ham沙律配蟹肉意大利飯。餐前麵包煙韌，麥味香濃。Parma Ham沙律賣相不俗，Parma Ham質感軟滑，沙律菜新鮮爽脆，配了果醋更感滋味。蟹肉意大利飯用忌廉汁烹煮，但汁液不夠濃郁，味道太清淡。飯粒未達到外軟內硬的口感。配了青瓜以及黃車厘茄等配菜，顏色豐富。服務員人手不足，顯得有點應接不暇。

It has been a while since my last visit, the food and atmosphere were so good that I decided to re-visit on my b/day last night. But my friend and I were very shocked to the terrible food !  With that price, it's totally not value for money.  *The bread was hard, chewy and tasteless, seems it had been done for a week. *So little dressing for Cesar salad and the veggie were not fresh. *The so called grilled baby ribs is Chef's recommendation on the menu. But it is not grilled. I know how to cook 

約咗友人K12:00食lunch行街飲啡食cake，點知11:55先起身－即刻刷牙洗面沖涼飲藥水倒瀉抹地飛的－結果12:45出到尖沙咀餐廳坐低，我都覺得係神助。要咗個西蘭花湯，菜蓉豐富，可以再creamy啲，但餐廳週+自我延伸，食咗好多餐，而家清清地反而幾啱我。鮮蝦意大利飯半生熟，茄味自然，蝦爽口惟鮮味稍遜，味道幾平衡水準不俗。餐飲可選latte仲有拉花，奶泡幾綿密夠啡味，就算比幾十蚊都未必有水準，個餐百幾蚊，餐飲嚟講係滿分。整體味道唔錯，可以再去。

又係搵食嘅時間，出到尖沙咀想搵啲坐得舒服嘅餐廳，最好梗係食All day breakfast 啦~但係去到K11，食過agnes B，不如搵第二間試吓，就到咗Kitchen M。佢間嘢都算幾入，要啲時間搵一搵，但同時都係一個優點，因為冇乜人。我哋miss 咗佢嘅早或者午餐，畀我揀嘅餐牌已經係tea，冇我想要嘅All day breakfast，佢係意粉為主，我哋叫咗一個Fish n chip 同一個mini pizza。佢個Fish n chip 唔係話好大。啲魚都係魚手指咁，如果同類型餐廳嘅朋友應該知道咩叫大份，但或者佢係Tea 啦，所以唔大都可以係一個原因。但係薯角真係正，個人認為好過薯條好多。唔錯嘅pizza，mini size ，都係果句，啱晒tea time。薄皮有晒來佬感覺。我個人覺得星期六日食呢啲嘢咖啡先係主菜，呢杯cappuccino不過不失，唔係話太濃，份量正常。milk foam 如果再rich 啲會覺得好啲，因為已經唔濃，變相好似冇咩突別。總結呢間嘢可以係大家行街前或中食嘢，係商場入面環境有保證，但價錢唔係平，expect 個質素可以進步。由其同一商場有其他caf

相約姊妹們食晚餐, 黎到K11既Kitchen M餐廳比較難搵, 位於商場暗角Set dinner 唔吸引, 所以散叫. 叫左: (1) 香煎海鮮餅伴菜沙律----兩塊海鮮餅煎得外脆, 口感彈牙, 味道可以. 伴菜沙律極之小, 不如個菜式改叫做香煎海鮮餅吧!!!!!!!!!!!!!!!!!!!!!!! 當我地剛拿走兩塊海鮮餅, 侍應就問都無問就收起我地珍貴既伴菜沙律. 之後我地同侍應講番就俾番正常份量既伴菜沙律(2) 香煎深海鮮帶子炒橄欖油蒜片紅椒扁意粉 $138-------帶子唔腥, 口感正常, 意粉彈牙, 整體味道好辣, 有d重手(3) 燒香草法國春雞(1 隻), 炒青菜, 薯角  $148---------- 春雞肉質唔鞋, 味道正常(4) Baby Back Ribs with Apple Sauce (豬肋骨配蘋果醬)-------豬肋骨肉又鞋又乾,肉又無汁沾, 無味道可言, 垃圾豬肋骨其實係配蘋果沙律唔係醬, 沙律普通總結:食物水準不一, 價錢唔值

放工後相約了數位良久未見的同事閒談聚餐，因大家辦公室分隔兩岸，最後決定在交通方便的尖沙咀用餐。小弟剛好要到K11買點東西，順理成章在同一商場尋找美食。Kitchen M 位於商場一樓，入口潛藏商舖當中，不容易找。走過餐廳門口，店內陳設一覽無遺。餐廳地方不大，以簡約白色裝潢作主調，予人輕鬆悠閒的感覺。在餐廳盡處，設有一酒吧，供應各式酒品。除大餐牌外，餐廳亦有數款套餐供應，五道菜的晚膳取價二百餘元起。是日指定紅白餐酒有買一送一優惠，六十元兩杯都算實惠。前菜小吃三選一，可選香煎海鮮餅、生牛肉片或蟹肉沙律。選定香煎海鮮餅，成品厚身比預期大件，外層煎至金黃帶脆，甚為香口，煎餅餡料以蝦膠為主，口感彈牙，當中留有少量原整蝦肉於其中，食味不俗。伴碟附上少量雜菜配沙律醬，可減卻煎炸物的上火感覺，亦添一份健康。餐湯選上蘑菇濃湯，湯汁口感都算滑身，質感偏稠。蘑菇香氣力度算上中等，可以一試。主菜香燒豬仔骨伴青蘋果、辣薯角，豬仔骨比平常吃的少了濃郁醬汁，食材天然味道更易彰顯。豬仔骨肉質都算腍身鬆軟，但略為「黐骨」，吃起來有點不便。和海鮮餅一樣，主菜留有少量雜菜沙律，當中更混入一絲絲青蘋果條，酸香味道有助提味開胃

想黎呢間Kitchen M好多次, 12點開始已經陸續有人黎~ 以為佢個地方好幽靜舒適, 點知可能因為間cafe真係細, 好應聲!! (￣へ ￣ ) ! 唔係一邊廚房嘈, 就是BAR枱嘈. 食野既環境唔得安寧. 加上waiter們好像太young, 佢地唔行緊"自動波"既~~~ 如果餐廳無人，　環境都會唔錯, 　佢既裝修好簡潔，木色枱和椅，加入白色牆壁，白色空間，構成一室清新光爽的效果，又不過於冰冷，更易於吸收玻璃窗外的晨光。　Order 左2個LUNCHＳＥＴ食唔飽，一個沙律一個湯. 個蝦沙律有3塊半件蝦, 嚇壞了<黃帝B>, 味道一般唔難食但又唔算突出囉。南瓜湯是暖的, 有著甜甜地而淡的南瓜味.<黃帝B>要左RIBＥＹＥ，　我就ＯＲＤＥＲ左Beacon with cheese 意粉。　塊RIBＥＹＥ話７成，　出來血淋淋，　叫ｗａｉｔｅｒ妹妹再＂辣一辣＂佢都係血淋淋，　得塊Steak同幾條菜，份量對於男士會唔夠, 男友一路食一路彈份量真係少得可憐, 肉質又"UN" , 見住佢食得好痛苦咁。　。。。　我意粉都係一般"鹹", 看似好多, 其實都唔飽~ 都係

餐廳坐落於一時裝店內。雖然毫不起眼，但是卻帶來驚喜。餐廳適合獨個兒或兩、三知己談心及用膳。與朋友相約在這午膳，點了兩客中午套餐。前菜有煙三文魚凱撒沙律及餐湯可供選擇。主菜方面，我們選擇了一客黑松露意式雲吞及一客煎鱸魚配蘆荀、薯蓉。是日餐湯是南瓜湯，南瓜新鮮磨成茸，很鮮甜。麵包是熱烘烘的送上，值得一讚。黑松露意式雲吞的雲吞皮很al dente, 配合濃郁的奶油及黑松露的香，讚。至於煎鱸魚配蘆荀及薯蓉，更是可與5星級酒店媲美。鱸魚煎得剛好，薯蓉亦很香滑。食物水準值得推薦。如服務質素，再可提升，更是完美。

同朋友行街街，週圍搵地方食飯，經過K11就入去搵食，睇緊衫時忽然見到有間餐廳，門口都幾難搵到，見仲有枱於是就決定試呢間。因為我哋無訂枱所以要坐室外，好彩唔太熱，但有陣廚房油塵味，全餐飯就食聞住油塵食。至於食物，我哋無叫SET，叫咗頭盤海鮮餅，一個帶子意粉同牛扒。海鮮餅唔清楚有咩海鮮，味道一般唔難食但又唔算突出。帶子意大利粉份量好少同得一粒帶子，雖然都幾大粒但好似唔抵食。牛扒成數過晒同有啲鞋，感覺唔好。整體而言俾我印象麻麻，環境食物都係好普通。

遇上好天氣，坐在大玻璃旁的二人座用餐，感覺美妙極。面帶微笑的女店員溫馨提示午巿剛過，現只提供下午茶，她真的很細心呢！餐點有意粉、炸魚薯條、蛋糕、薄餅及二人餐供選擇，豐富。意粉的配料不單單只得一款肉及一款菰，實混合多樣化種類，看得出花過心思。配以帶嚼頭的硬身麵條，吃過第一口，自然令人不斷吃下去。炸魚薯條份量之多，足夠二人分享。將炸魚混在粗薯堆中一齊上枱，再加兩款醬料，沒有花巧陳設，就是喜歡它的直接。薯條滋味得更勝魚手指。紐約芝士餅雖沒有濃濃芝士味，但很配合濃香咖啡。能在悠閒下午享用美點，並遇上服務勤快、體貼的兩名店員，就是幸福喔。

位於k11商場內，入口有d 難搵，可係地下入或者2樓入。環境唔錯，有戶外位，不過戶外對正大電視，比較"燦眼"。兩個人每人叫個set dinner,約$260~$380不等，有前菜，湯，主食同埋餐飲甜品。有3 塊param ham 配密瓜。密瓜好甜，ham 略位普通，無咩香味。三文魚沙律，沙律牆都撈得唔錯。正常味道。有南瓜湯同龍蝦湯，穩陣起見揀左龍蝦湯，味道ok,不過湯質地較為稀身。海爐魚煎得幾好。面脆入面juicy,配個薯容都好夾。少少鮮茄汁在面調味。另一主食，南瓜帶子意大利飯。味道一般，質地都較為有咬口，但南瓜味一般。帶子無味，一般雪藏貨。可不試這個主菜。很普通的兩件切餅，cheese cake 無芝士味，朱古力蛋糕有假朱古力味。跟餐既就無所謂啦。以呢個價錢既晚餐，尖沙咀仲可以有其他選擇

早幾天已經打電話去 "kitchen M" 訂位, 服務態度還好.當晚到了, 我們一共5人, 發現MENU的價格不算平, 但我們都點了一個PIZZA, 一個BABY PORK RIBS, 一個煎鱸魚, 一個南瓜意大利飯.點完之後, 他們送上暖和的面包, 都好, 夠軟.之後主菜"南瓜意大利飯" 到了....我們都呆左.....點解咁細碟.....真的細的可憐 ( 約我一個拳頭一般大). (味道ＯＫ）．之後　ＳＭＯＫＥＤ　三交魚ＰＩＺＺＡ　到了．．．．．正常啦．(THIN)跟住個ＲＩＢＳ．．．．．好燶．．．仲要舊舊沒有肉，，主要係食骨...　＋＿＋．．．．又乾又”鞋”　十分失望！．．而伴碟的薯角份量都好少．．．仲要唔平． 真的不抵食．最後煎鱸魚．．．一般．．．．我們決定不會再去．．．．．．　＋＿＋！！！

契女生日，佢比較喜歡食西菜，而我已有兩年沒有在Kitchen M 食晚餐，所以今次約了她及其家人在此慶祝。 一坐低還未落單，侍應已落放下每人一個麵麭的麵麭籃；拎上手，麵麭非常熱辣辣，搽上牛油後咬一口，嘩！外皮香脆，內裏鬆軟，正！ 睇完餐牌後，發覺Dinner Set 其實比較低食，四百元內已有前菜、餐湯、主菜、甜品咖啡或茶。我揀的dinner set 包括前菜 - 香煎海鮮餅伴菜沙律雖然係煎餅，但食落唔覺得油腻，還食到啖啖蝦肉及非常鮮甜，我同契女媽咪都想食多一碟的衝動。餐湯 - 羅宋湯這款湯都唔錯，唔會太濃味太油膩及過鹹。主菜 - 香煎意大利海鱸魚伴青菜、薯蓉、蘑菇汁海鱸魚味道唔錯，仍然保持嫩滑及唔會惺，但比較我以前食的海鱸魚，今次魚皮煎得唔夠脆口，有啲失分，但契女都覺得很好味；反而最驚喜的是薯蓉，香滑如奶皇，唔似其他坊間的薯蓉落很重的牛油味，大家一致都喜愛非常。甜品 - 芒果芝士蛋糕 很香的芒果味，但唔會好溜的忌廉芝士，而甜味又很適中，我同契女都很滿意。

佛誕日約了朋友嘆舒適的午餐，去到大概1點到，這間餐廳有分上下層，下層主要麵包糕點，上層主要食菜式，人不多，位置亦不多，但環境不錯，坐得都好舒服...這裡食SET LUNCH最平應該一百鬆少少，但係K11黎講應該都差不多吧！SET LUNCH可以俾你揀餐湯或者沙律，我同朋友都揀了煙三文魚凱撒沙律，煙三文魚不多但菜非常甜同爽脆，確係一頓用餐既好開始。因為同朋友傾得太投入，麵包已上了好一會，所以凍唒，但無損佢可口之處，雖然硬硬地，但我覺得都好好食(佢會俾一大舊牛油你，但我覺得兩人SHARE一舊就已足夠，這樣給客人不是不好，但有D兒浪費)。餐飲就叫左兩杯LATTE，好飲，但份量比正常細，唔夠喉！主菜我叫左西蘭花鴨胸意大利粉，佢汁好多(我鍾意)，但西蘭花唔算多，但啖啖都有西蘭花味咁先勁...意大利粉做到AL DENTE，但略嫌佢既煙鴨胸煮得過了火，應有既咸味都減少左不少，我一向是濃味人，所以如果再咸少少會好好食...試了朋友既ASSORTED MUSHROOM RISOTTO，菇既份量都算多，飯既質感亦得宜，但奈何我唔好RISOTTO，所以試了一啖罷了...