廚房佬餐廳

Open Now

Now Closed

今日黎到屯門碼頭既廚房佬餐廳，地方幾大。預計都係食物水平一般，但求有個地方坐下。今次叫左個日式雞扒大碗飯，雞扒幾大份，食落都ok既。飯都好大碗，但係個汁太螢光色，唔想食太多。

叫左吉列魚柳配薯條&沙律 上餐速度超快 快到好似一早整好放左係到等你叫咁 薯條又凍又硬又有油味 吉列魚柳唔係凍既叫做有小小溫度 唔係即叫即都算 但連整返熱佢扮下野都懶得做 沙律都係水到爆 叫左杯檸茶 一入口勁苦 問姐姐會唔會係啲檸檬唔新鮮 佢話因為我地叫左唔飲放左係到所以愈來愈苦 OMG 我食個茶餐到底用左幾耐 耐到杯檸茶變到苦茶咁 唔換過杯都算但叫我加d水飲係咩料姐係溝水冇咁苦就飲得？完全無心解決問題就走左去 無再返過黎我張枱 整體來講差到爆 食食下重有烏蠅陪住你 以後都唔會再黎

廚房佬臭名遠播仲有人去食？D待應態度差(阿姐好容易上火，郁小小火爆大聲話你)，D野食又唔熱，價錢又貴，凍飲仲要加3元，以為屯門碼頭嗰間好D，點知又係一樣臭罌出臭草。D樓面阿姐經常俾人投訴都唔改，呢個牌子等摺埋啦。我們在附近工作，經常來食飯D侍應經常漏單，搞到我哋遲到返工，問阿姐是否漏單，嗰攣毛紥辮又肥又老嗰躉又肥又大嘅老阿姐，唔去睇下係咪漏單不特只，仲一句得埋嚟，D野食要整㗎，仲係應該更年期到咗。吓，我好声又氣問佢係咪漏單，佢咁惡托七咩。佢個樣已經又老又醜，又唔化妝，塊面又黑又多油，嗰樣好惡死，正一又醜又惡，仲要咁大聲夾惡，睇倒已經反胃，都唔想食落去。啟豐大把食市，傍邊其他店舖D後生女温柔又有禮貌，以後都唔去廚房佬，樣樣都唔掂。

平時有時路過，但入去食，就第一次去食～😁😁晚餐時段去～ 同行友人說之前食過鐵板餐不錯，所以就去試埋小菜😀.XO 醬西蘭花炒斑片🥦🥦好味道：⭐️⭐️⭐️⭐️.黑椒茄子牛柳煲🍆🐮🍲好味道：⭐️⭐️⭐️⭐️因為這個餸菜真的很惹味，由其茄子，吸左個黑椒汁，好正～另外。。。呢個煲牛柳好多，好大片😲😲突然牛柳🐮仲多過茄子🍆～～反而想多d 茄子🍆🍆🤣😁.凍飲 +$3..友人說鐵板餐好抵食～再睇睇餐牌。。又係wo...相比起其他餐廳價錢，見"廚房佬"的較便宜～有機會去試下先😋😋

我有時都會叫佢外賣，好少堂食，不過地方都唔算細同逼。自己比較鍾意食佢嘅葡國雞飯，啲汁同雞，份量好足，唔會飯/汁仲多過餸好多，味道OK，唔會好咸。以茶餐廳嚟講唔算差。

服務態度非常惡劣，唔懮做，生意很好挂。D亞姐好惡死。食品勉强可以。去到餐廳叫你搭位唔想坐個個位，扔下一句唔想就算黑面轉身走人。真係難頂。但有一亞姐就温和D，细聲溝通，不過食飽貓麵了。走人，周圍大把選擇。

今天路過屯門碼頭，看見這家在公園邊上的餐廳，除了室內坐位，也有室外的。坐在室外是可以看到少量海境，更多的是公園境，正好今天陰雨天氣，吹自然風慢活的感覺也正好，果斷找了位子坐下，然後發現更多的是二手煙的氣息，因為前面正好是公園吸煙區，加上兩邊的食客也是煙民，都在吞雲吐霧，魚與熊掌永遠都是不可兼得的。這裡供應的食物就是一般茶餐廳的那些，餐牌上也沒什麼特別吸引我的食物，因為好久沒吃白汁焗的食物，正好這裡有忌廉汁焗雞飯，所以就點了。等了大約有20多分鐘，食物上來了，賣相是正常的，但份量就少得有點可憐。。。，飯底不知道有沒有一碗飯的量，而白汁里的雞肉應該有2塊，1塊半個麻將🀄️大，另1塊更小，另邊上的飯好些被焗乾，吃起來口感不好，份量本來就少，還要挑出被焗乾的飯，剩下幾匙梗就搞掂，味道我就覺得一般，不會有那種好吃的感覺，反而杯凍檸茶我覺得可以。總結44元一份餐，加杯凍檸茶加3，共47元，這種出品，雖說是下午茶，但也太讓我搖頭。

夜晚太夜收工, 附近嘅餐廳已經收得七七八八, 唯獨呢間叫做廚房佬嘅餐廳仲未收, 11點幾仲營業緊 於是就試下佢哋嘅宵夜, 個餐牌話明係即炒嘅, 咁就要過有鑊氣嘅揚州炒飯啦但結果都等咗15分鐘先嚟, 一攞出嚟就發覺熱辣辣嘅, 仲出緊煙嘅, 真係即炒㗎 本身都冇乜期望, 因為都太夜, 自己都想食完快啲返屋企, 何況係仲返緊工嘅廚師呢. 但食落去就真係幾足料, 最基本嘅叉燒粒, 蝦粒都冇落少, 仲有啲蛋絲嘅炒飯, 最主要嘅係咩呢, 係即炒好有鑊氣呀 同埋雖然話係宵夜, 聽落去好似份量會少啲, 但實際係超大碟架, 塞滿曬成個碟, 呢個宵夜實在太飽喇

我自己都成日食廚房佬 我覺得係扺食又好味因為好足料 就好似依個鹹魚雞粒炒飯咁 好多飯、鹹魚粒、雞粒 而且仲可以配糖水 某個程度都好似燉奶佬既 但廚房佬就平少少？平時經常食 都食開佢地既B定吾知C餐 每日個精選 其中一個一定係咩汁咩扒飯 點解成日食係因為佢哋個黑椒汁真係好正而且扒類係煎得好好 次次都食吾厭咁同埋佢既焗飯類都好食既 但份量適中 吾會話好多 同埋如果叫外賣焗飯就吾扺 叫其他就份量好足 而且仲有薯條（汁果個餐）好抵食既外賣

食過咁多次日式嘅飯我真係未食過咁嘅樣嘅滑蛋豬柳飯😂滑蛋：你而家玩捉字蚤？滑，求其俾啲透明嘅粟米汗黎！蛋，俾隻熟蛋黎！你仲同我講你地啲滑蛋飯係咁？吉列豬柳：嗰塊豬柳真係！又係佳作黎！簿過隻匙羹！究竟我食緊炸皮定吉豬？平時食啲午餐已經好似啲狗飯咁款！都算！而個真係世界級！點解可以煮到咁？其實你唔識整你就唔好學人叫個名滑蛋啦師兄！仲要叫埋日式？我未食過日式滑蛋飯係咁嘅樣真係😂今次真係無得頂！👍🏻可一，不可再。

晚餐唔知食乜好， 突然諗起好耐冇食鐵板餐西餐，於是就嚟到樓下的廚房佬搵食。呢度正在選擇多， 喇沙粉麵， 日本拉麵， 咖哩飯， 中式小菜， 焗飯， 就連我鍾意食嘅鐵板餐都有，價錢平， 一個迷你鐵板餐成為47蚊， 飲品可以以半價加購， 簡直抵！

叫咗個xo家鄉炒米，叫走葱同洋蔥，可以成個炒米得返雞絲，xo醬，火腿絲，蝦仁都冇埋，仲要收我$56，你不如去搶，乜都冇既炒米，仲可以叫家鄉炒米咩，叫雞絲炒米仲好丫，仲要個米粉一啲味都冇，正一垃圾。以後都唔會再去幫襯丫，又難食又貴，你不如去搶丫，根本唔值甘貴，如果唔係我突然想食家鄉炒米，我都唔會幫襯，正一垃圾，簡直垃圾中嘅垃圾。之前啲質素仲好過依家，依家真係不知所謂。叫佢走嘅嘢唔走，唔走嘅嘢同一個全部走曬。

入到去唔知食乜好，見到晚餐有個黑椒牛椒牛扒火腿飯，甘試下啦，個黑椒汁辣辣地幾開胃，同埋個牛扒都幾大塊同好淋，同埋好抵食丫，一個飯再加個野飲或者糖水都係四十幾蚊，呢個價錢黎講真係唔錯

餐廳有冇外,有內, 環境都好ok 位置近碼頭 ,座出面涼浸浸 ，估唔到佢d通粉咁特別 ,從來冇食過 ,不過啲菜就爭啲, 火腿蛋都ok，魚柳好味。 杯奶茶好飲，有d餐廳好 澀，呢個好ok.

工作中早餐，大家來咗呢間海邊嘅商場餐廳，除室內座位，仲有室外座位方便想睇景或吸煙人士，我哋入室內坐， 裝修比較姣，半圓粉紫梳化，一啲都唔茶餐廳麻甩佬feel早餐都係港式茶餐廳早餐！唯一特色係米通粉叫了：香茅雞扒通粉（$31）雞扒醃得鹹香入味，煎炸得香脆，米通粉我第一次見，比普通通粉爽口彈牙，好好味，湯底鹹香，又加啲娃娃菜，多啲纖維健康啲！好味火腿熟蛋：火腿正常，熟蛋雖然無咁滑，不過熟啲安心啲熱檸茶：鋼杯存熱，不過好多時食晒食物都未攤凍飲，茶底濃唔澀，茶餐廳水準同事食：叉燒通粉：凍奶茶：凍檸茶：餐肉火腿方包：嫩滑牛扒通粉（$33）香茅雞中翼米粉加煙肉蛋：食物比想像中好！店員勤快豪爽，好快手！在港式中的驚喜