大壹燒鵝 (登輝大廈)

Open Now

Now Closed

話說果日上左成日堂 落堂已經好肚餓就求其亂入左間出面望落感覺良好的燒味鋪打算以燒味飯作為晚餐亂入的我都抱住會中伏的心態去食晚餐點知野食黎到又ok wor叫左個大壹燒鵝滋味全餐 油菜 ＋ 老火湯 + 自選雙併燒味跟白飯 + 野飲電話scan qr code落單 十分方便落單無耐油菜同老火湯就先上了十分快手 果日老火湯好似係青紅蘿白雪耳煲豬踭湯送上黎係熱辣辣的 真係上枱前先不出黎比客人很是欣賞的 仲要幾足料下 湯又唔咸我自己就好少係出面飲湯 覺得好多都係味精湯黎油菜就是西生菜黎 份量都多下蠔油伴係碟邊 而唔係淋哂上面 我都很欣賞燒味鋪重頭戲一定是燒味了我呢就叫左雙併燒味: 叉燒同燒鵝食燒味飯點可以缺少左咸蛋呢位朋友呢所以我都額外加了半隻咸蛋 (笑)燒味望落去都幾juicy下先講叉燒 唔係全瘦叉黎 係半肥瘦叉黎 仲要有燶邊 重要事情說3次 係有燶邊啊 黑色燶邊!!!!!咬落去d 個蜜糖味都幾出下 因為係半肥瘦 所以口感幾好唔會乾爭爭 講真食叉燒都想食埋d油脂味嘛至於燒鵝 皮是很grispy的 不過可以係近patpat位 所以相對較多肥膏但肉都幾嫩的食到勁飽 一個套餐都係94蚊覺得性價比都幾高

係銅鑼灣想搵好野食，非登龍街莫屬。大壹燒鵝就係登龍街唯一以傳統廣東菜式——燒味做主打既店舖，只做一味既食店，可見佢地對自己既出品有信心。同友人各自叫左一個一人餐，包一盅中湯、燒味雙拼、白飯以及油菜一碟，只係$78，非常抵食！中湯以原盅上，而且每盅都有湯渣，可見用料十足。味道方面亦非常入味，係花左唔小時間烹製。燒鵝併熏蹄（加半隻咸蛋）燒鵝皮脆肉嫩，鵝油都好豐富，齒頰留香；熏蹄肉質煙韌，肥瘦適中，配上白醋更帶到鮮香。燒鵝併貴妃雞（加半隻咸蛋）貴妃雞肉質鮮嫩，烹調適中，味道可口。燒味雙併：叉燒併燒腩仔叉燒實在要大讚！蜜汁鎖住係肉入邊，咬一啖就出晒來。外圍燒得岩岩好，帶小小燒燶既黑邊，非常香口；燒腩外皮香脆，肉質鮮嫩，配合黃芥辣係完美配搭。

想起食燒味就會諗起曾經去過銅鑼灣一間燒鵝店嘅燒臘，真係令我回味無窮！😋所以昨天晚上特意再去品嚐一下。呢間食肆嘅燒臘係自家製即燒，非常注重溫度和質素，是不可多得的一家。店舖地方簡單整潔，入內別有洞天，有一間私隱度高嘅卡座房間，裝修也別於一般燒味店。全日供應嘅燒鵝套餐非常抵食，只需約快餐店價錢就可以有一碟單/雙併燒味，一盅老火湯，一碟油菜和一碗白飯，加幾元仲有一杯飲品，認真超值！ 眾多燒味中尤愛招牌燒鵝、極品叉燒和燒腩仔！雙拼我們選了燒鵝/叉燒和燒鵝/貴妃雞，而且另外點了例牌叉燒和燒南仔，一於食個大滿足。兩碟雙併嘅燒鵝均為脾位附近，啖啖結實鵝肉好滋味，沒有多餘肥膏，鵝皮也非常甘香，油脂又豐富。叉燒更是無懈可擊，是我食過咁多叉燒中最好味嘅一家。叉燒燒得好靚，邊位燶燶哋，但其他位置則恰到好處，而且色澤鮮明。叉燒採用的是半肥瘦部位，油脂和瘦肉相間而且層次分明，入口即溶，蜜味濃郁，難怪是招牌菜之一。另一值得比讃的是燒腩仔，喜歡它的肉味濃郁而且外皮非常香脆， 令人齒頰留香。呢度嘅燒臘果然水準依然，保持高質，食過此家😋已感其他的也比下去呢！

𝟚𝟝.𝟘𝟠.𝟚𝟘𝟚𝟚 📌大壹燒鵝 (登輝大廈) (銅鑼灣)銅鑼灣登龍街36-48號登輝大廈地舖💸人均消費: $60-120🌿評分: 4.1/5🈚️加一服務費燒味呢啲嘢真係隔一排就會有條癮想食🤣大壹燒鵝係難得嘅良心食店💛燒味主廚仲要係澳門一星食府岀身🇲🇴相信佢嘅燒味應該都幾高質於是就同男朋友嚟試吓💗𐂂 燒味雙拼飯 ($58) 燒味方面可以揀叉燒/油雞/貴妃雞/燒腩仔/燻蹄🐔如果想食佢哋嘅馳名燒鵝就唔好嗌錯呢個燒味飯啦🐸我哋最後揀咗叉燒同燒腩仔🐷食得燒腩仔一定係食佢塊皮🤪燒腩仔塊皮夠脆不突止🥹一咬落去肉汁就爆哂出嚟!! 十分香口惹味而且啲肉質唔老👍🏻叉燒嚟講係認真高質，同一般嘅蜜汁叉燒唔同👻人哋嗰啲係薄薄一層搽上去但佢就係厚到連塊皮原本嘅顏色都唔同埋🤩整完出嚟係呈金黃色㗎🌻叉燒厚肉再加上脆脆哋嘅蜜汁外皮🔥簡直令人胃口大開💐未試過嘅大家嚟到一定要試下佢哋嘅燒味🪴佢哋除咗燒味吸引心外小菜都好得㗎!🦑不過銅鑼灣分店係冇小菜嘅🤣想試吓佢哋嘅小菜否妨去藍田/馬鞍山分店試下💓

燒味飯係香港出名嘅飲食文化，但偏向油膩，所以唔係經常食，正因如此，每次食都要揀間有質素保證食開銅鑼灣登龍街大壹燒鵝，每次都唔會失望。今次叫咗例牌燒鵝同燒味三拼：燒腩仔，半肥叉燒及玫瑰豉油雞；另外加個飯、米粉及油菜燒鵝例牌要咗上庄，因為鍾意食鵝胸，上枱見到鵝皮色水均勻有光澤，唔會燒到過燶，而且頻頻出爐，每隻都唔會放好耐保持新鮮。咬落去鵝肉細緻，調味恰到好處，唔會過鹹，最重要係鵝皮脆口油脂豐富，絕對係高水準之作三拼都同樣出色：燒腩仔脆皮唔過鹹，一口一粒啱啱好半肥叉有燶邊位，係食叉燒嘅最高境界🤤😆豉油雞仲俾咗雞髀添，雞肉超滑，浸到剛剛熟，豉油味淡淡的，加薑蔥食啱啱好

之前去過大壹燒鵝係藍田既分店，原來銅鑼灣都有一間。呢度既燒味好出名，於是同朋友黎左呢到開餐。餐牌方面，價錢合理，燒味選擇多。有單雙拼、下午茶等等，晚餐都有一人抵食餐，所以叫左一人一個餐。呢個餐可揀單/雙拼燒味，包括貴妃雞、油雞叉燒、燒腩仔、燻蹄；仲配油菜、白飯、老火湯、飲品可另加$5/$8配熱凍飲，仲可加$5轉粉，$78有咁多野食真係超抵叉燒油雞、叉燒燒腩仔燒味早黎早著數，坐低叫完已經話賣晒叉燒!蜜汁叉燒好滋味，外脆皮內有口感，肥瘦各有，入口即溶。油雞好入味，燒腩仔外皮好脆，肉質鮮嫩。呢度燒味十分好食，份量又多。

今次介紹呢間燒味店 位於銅鑼灣登龍街話時話 登龍街而家真係多嘢食到喊 🤣 次次去到都好開心 尋寶咁大壹燒鵝飯 Kitchen One Roast Goose Rice $58 - 好好彩有燒鵝髀食呀 唔知係咪因為我靚女呢 🥰$58呢個價錢好抵 燒鵝味道好濃 塊皮充滿油香 減緊肥嘅 都忍唔住要食晒所有皮 順帶一提 佢俾咗勁多飯我哋已經嗌少飯 都係完全食唔晒 😵燒味雙拼飯 (油雞 叉燒) Kitchen One Roast Double Combo (soy chicken and BBQ pork) $58 - 油雞同叉燒 質素都唔錯 叉燒蜜糖好香甜 不過當然 如果第一次嚟 我都係會建議食燒鵝 或者兩個人食 就可以嗌幾款一齊share 🥰🍽 餐廳: 大壹燒鵝 (登輝大廈)🏠 地址: 銅鑼灣登龍街36-48號登輝大廈地舖#foodiehk #hkfoodie #foodie #香港美食 #foodporn #foodphotography #foodblogger #hkfoodpic #hkfoodinstagram #foodlover #foodstagram #美食分享 #食好西

一人雙拼套餐燒腩仔燒鵝 送明火例湯生菜呢度最出名就係一人雙拼套餐，當然唔執輸叫返個先。未講質素之前，銅鑼灣已經搵唔到一個咁平價錢有燒鵝雙拼，仲有生菜例湯。淨係價錢已經贏一條街。有驚喜係燒腩仔，塊皮脆到不得了，有時好驚燒肉好鹹，呢度唔會，剛剛好一啖肉一啖飯既調杲。下次必定encore燒鵝瘦左少少，有好有唔好，皮下脂肪無咁厚，唔會成口油。皮都脆，如果肥返少少就perfect驚喜2號，呢度啲白飯好靚🤣單拼叉燒瀨粉古法叉燒！淨係賣相已經好靚，咬落去仲有少少玫瑰露香味，火槍燒過既面，令到更脆。雖然睇落去肥咗少少，但係食落又冇問題半隻金蘭豉油雞不得了，先88蚊，成隻雞都滑到不得了！皮好夠味，色水好有心機。就算我攞咗返屋企雪咗兩日先煮面，都仲係超好食，必叫之選例牌燻蹄味道香，口感彈牙，好食過極大部份嘅酒樓！鍾意食燻蹄嘅朋友必定要叫

之前食過幾次大壹叉燒覺得真係好好食，叉燒皮脆肉亂，肥瘦適中，但今日再去幫襯已經唔同之前，而家啲叉燒又肥又多筋，皮又唔脆，同普通燒味舖無分別，唔值咁貴，我真係唔會再幫襯

行街行開銅鑼灣，朋友口痕想食燒味，即刻帶佢黎呢到坐低。以往都食過大壹其他分店既出品，間間水準都平均的高質，唔會間間質素不一。 當日叫左三樣野：上庄燒鵝($128)、一個套餐（要左單拼叉燒）($78)及一個燒腩仔瀨($58) 落單後食物小快就送到，先講燒鵝，當日叫左上庄，鵝算大隻，外皮燒得飽滿，食落皮脆不韌，皮下脂肪經燒烤後有但不會過多，唔會食兩舊就滯，而鵝肉入味又不會過老。酸梅醬調味偏甜，食落亦有開胃之用。唯一可改善既係燒鵝汁可以比多小小／分開兜上。 叉燒要左半肥瘦，餐廳用上梅頭肉燒製，每舊都有肥有瘦，不會全舊肥膏。叉燒入口充滿玫瑰露香，調味較甜，送飯一流 燒腩仔肥瘦分明，皮外脆而鬆化，肉不會死咸，配上餐廳既芥末食一流。 餐廳包一碗飯、老火湯、油菜及飲品，食完包飽。 餐廳總括黎講燒味水準高，價錢係銅鑼灣唔算貴，平時嗌外賣斬料／想食燒味都推介。

今晚約左朋友係銅鑼灣晚餐，因為朋友不能太夜返屋企，所以我地決定食個快捷輕便既晚餐朋友愛食燒味，所以我揀左登龍街呢間「大壹燒鵝」之前都有食過，水準穩定高質，保証朋友不會失望餐牌貴精不貴多，主打燒味！呢個餐抵食，有湯有飯有菜有飲品，雙拼同價QR code落單非常方便，叉燒還可以自選肥瘦湯好飲，好夠熱又大盅，味道清甜，最重要係，不是味精湯，飲完沒有口乾乾燒腩仔拼叉燒，另加咸蛋半隻叉燒燶邊蜜味；燒腩仔皮脆肉香，咸蛋黃出油叉燒拼盤燻蹄燒鵝例牌上庄燒鵝真係無得輸，完全唔洗點醬都一樣超正，最原汁原味咁食份量十足，啖啖肉；皮脆，入口充滿油脂香，好正，平時唔食皮既我也難以抗拒肉質一d都唔鞋，口感結實有鵝香，話佢世一都唔誇張淨係點返個碟d汁已經非常好味！大滿足

要做出好吃的燒味並不容易，要做到令人留下深刻印象的更是罕有。最近開心新發現的就是位於銅鑼灣鬧市登龍街的大壹燒鵝。相約同樣想吃燒味的好友，各人各自點了一份店家推介的燒鵝套餐($78)，另外加了半隻鹹蛋($5)，套餐包含的相當豐富，還配備了郊外油菜，白飯及老火湯一客，性價比甚高。主角燒鵝的味道絕對稱得上「外脆內嫩，油而不膩」，啖啖肉，愛吃肉的朋友絕對一試愛上！此外我們還點了三拼拼盤($108)，拼了燻蹄、油雞和叉燒，本想點燒肉，可惜一早已售罄了，建議想吃的朋友早點去到。三拼拼盤貌相討好，媲美高級餐廳出品，叉燒肥瘦均勻，絕對是人見人愛的半肥瘦。油雞和燻蹄也不錯。店員友善，食物出品高質。燒鵝專家實在實至名歸！

銅鑼灣有好多燒味餐廳，但係要搵一間好食嘅，就唔係太容易。難得見到呢一間，開喺登龍街，裝修都幾靚，見到佢掛咗啲燒鵝喺出邊，同埋亦都有報道講廚師點樣去整燒味，覺得好有心。一於試吓，我哋叫咗兩個二人套餐，唔使$100 ，有燒味雙拼，油菜，飲品同埋老火湯，好抵食！除咗燒鵝出色，我覺得佢嗰啲豉油雞同叉燒都好好食，叉燒份量好多，半肥瘦，配埋飯一流。除咗飯之外，仲可以揀懶粉，好好食呀！我哋仲叫多左一個口水雞，雞髀好多肉，亦都夠麻辣，Nommnommnomm

銅鑼灣大壹燒鵝幾出名燒味，尤其就係燒鵝！餐廳還有個幾抵食燒鵝套餐，燒鵝拼燒味，有湯有菜，有飯都係$78,都幾抵食！燒鵝油香回甘，肥而不膩！鵝皮幾香脆，肉都夠嫩！ 燻蹄富有彈性，qq彈彈幾好食，再配上 醋更增香氣！十分磁味油雞肥叉燒腩仔飯，我最鍾意食肥义la, 肥叉帶有燶邊，焦香感夠惹味，肉質夠香夠肥美，肉質鬆軟好淋好好食， 燒腩仔皮香夠脆身，卜卜脆好正肉質又唔柴口，飯旁有 榨菜幾好送飯！呢間 d燒味燒鵝堅係幾正，果然不錯。

成日經過都總會見到好多人買外賣，搞到我都心思思想試下探個究竟，今日約埋朋友一齊去試試先😍😍叫咗唔少燒味，價錢相宜但質素高，絕對會係有返食機會🤤先嚟個油雞米 - 油雞帶有香味、色澤均勻而有微微甜豉油但唔會過咸。燶邊蜜汁叉燒 - 不得了，用上半肥瘦梅頭肉而帶一層肥一層肉，食落帶層次但無肥膩感。蜜糖香有少少桂花，所以有花香味。重點係燶邊！！！！如果再燶多少少就perfect la🤭口水雞 - 雞件多而嫩滑，啖啖肉。辣汁先係重點，食完一件又一件，仲可以撈飯食🤤題外話，啲姐姐好Nice，主動比碟我哋放骨🤌🏿