Kobe Beef Meat Pie (Closed)

神戶牛肉批$38酥皮多層又薄，所以非常香脆，帶有牛油香，牛肉餡多，混有洋蔥粒，味道剛好不會過咸，而且更有小小肉汁。由於外帶回家食，焗返熱黎食更正😋雖然味道不錯，但試一下也值得，不過這間日本過江龍店在日前已結業，要試就要到日本了🥺

嗰日經過見到好多人排隊先知佢好快就要關店做緊50% off臨別梗係要試多啲食左神戶牛 - 幾好味！ 真係有唔少牛！蘋果批 - 我本人好鍾意 蘋果都多 幾香莓忌廉芝士- 個芝士都好香 不錯！咖哩牛 - 我老公最鍾意！不過有啲似咖哩角啲fd個酥皮都整得幾酥香既！再經過都會想再食

隔離同事送嚟1打散水餅今次係想試好耐又未食到嘅神戶牛肉批🐮🥧牛肉批個皮非常鬆脆每一啖咬落去都好crunchy入面牛肉都非常淋身唔會太咸不過我覺得可以再入味啲啲就更加好食☺️未試過嘅朋友都值得一試啊❤️

今日就介紹下有咩美食可以拎返屋企慢慢歎啦！銅鑼灣Sogo出名有野食，前幾日就試左呢間日本小食過江龍 「神戶牛肉批」，幾年前新開張就好多人幫襯，唔知依家味道又點？買果陣問左日本師傅，最出名就係原味神戶牛肉批，我另外仲買多個咖哩味返屋企比較下😂！返熱後食，兩個批都幾香牛油味，咬落外層酥皮非常酥脆！牛肉係用左免治牛肉碎同少許洋蔥🧅，係有洋蔥香同牛肉味，但成個批餡料偏少，亦好難憑肉碎就食得出神戶牛係咩味道😅，咖喱牛肉批就係多咗一陣較濃既日式咖哩味，同原味都差唔多，所以我覺得味道同一般pie差唔多！$38我覺得唔貴，但餡料唔多，神戶牛🐮味道唔突出，所以我覺得同一般批差唔多，味道中等、唔難食，但又未至於會成日返轉頭幫襯！不過，大家一定記得要熱食，凍食真又稔又硬又凍！

Rapl and Kobe Beef Meat Pie are right next to each other. Both sell apple pies. I decided to try both for comparison and Kobe Beef Meat Pie lost.Their apple pie definitely looks more appealing. However, the pastry to filling ratio was too high. It took several bites to get to the filling and it was mostly apple puree without any apple pieces inside. Moreover, it was cold compared to Rapl. Definitely Rapl is the winner.

平時媽媽最鍾意行銅鑼灣崇光百貨，特別係地庫二樓嘅超級市場Freshmart，嗰度除咗有好多高質嘅日本食品同定期嘅主題推廣外，仲有一系列嘅專櫃美食，雪糕蛋糕飯團串燒日式燒餅麵包店咩都有，好多選擇。今次佢就買咗依個神户牛肉批俾我食～外面係好多層鬆脆嘅牛油酥皮，勁香口；裏面嘅神户牛肉餡加咗洋葱，啖啖都有好香濃嘅牛味仲有少許肉汁，如果啲餡可以多啲就好喇！即場食唔到嘅建議喺屋企焗番嚟食，熱辣辣香噴噴咁食先係最正！

Kobe Beef Meat Pie銅鑼灣軒尼詩道555號崇光百貨B2樓14C號舖成日經開銅鑼灣Sogo，都會想落超市行個圈，因為裏面有唔少人氣過江龍美食。今日我嘅目標就係網傳Sogo超市人氣No.1嘅神戶牛肉批。食完晚飯先落Sogo，加上宜家因應疫情而改收8點，落到去只喺得返完熟番茄牛肉批。😔免治神戶牛肉同完熟番茄，番茄味濃郁，但又唔會蓋過神戶牛嘅味道，整體嘅味道好balance。批皮好香脆。有啲人覺得肉餡份量太少，我個人就認為適中喇。

今日行過去sogo度shopping， 咁見有啲肚餓咁我就試下呢一間出名食牛肉批嘅小店，咁我就叫咗個紅肉蘋果批，咁咬落去個批都幾鬆脆，不過蘋果肉就量少咗啲，同埋我覺得都唔算太過油膩，所以如果作為一啲晏晝high tea嘅小食，或者買返公司食，都ok嘅價錢就唔算太貴嘅，三十零蚊 。

最近疫情陰霾下，好少吃外面嘅嘢食難得今日Happy Friday，稍為放縱一下食啲零食解悶Sogo地庫的紅肉蘋果批（佢其實仲有牛肉批、甘薯批、栗子批等）都幾大個，直徑都有8-9cm同好厚身，睇得出佢啲批皮好厚$33等於正餐價錢喎，所以都幾大個一切開，批皮好似雪花咁四散我買咗唔係即食攤咗2-3個鐘，個皮都仲好脆，未有淋嘅跡象同埋佢好多層，好鬆化脆到啲皮彈晒出嚟勁重牛油香，但沒有油耗味嘅，個皮唔錯內餡就唔算多，好一般佢擺明唔係sell內涵因為蘋果粒冇特別，份量亦唔多亦唔似M記蘋果批咁jam狀，呢個亦冇加玉桂味係純粹有少少蘋果粒粒放入個批度我諗食呢個批，focus喺佢個皮好啲

銅鑼灣崇光百貨SOGO地庫內的超級市場，經過翻新後引入不少日本過龍店，當中包括【Kobe beef meat pie】 。品牌於2009年成立，主打用多層酥皮包著神戶免治牛肉，再混入洋蔥粒的牛肉批。原本以為食店叫得 【Kobe beef meat pie】就只賣牛肉批，但8款批當中也有豬肉批、蘋果批、甘薯。筆者想即時品嚐，可是牛肉批已經製作好放在木箱內，心想牛肉批沒有熱度。店員見筆者遲疑不決，就告知【神户牛肉批 $38】温度比較熱，就試下這款最原味的牛肉批。【神户牛肉批 $38】用紙袋入住，感受到它的微温。 若只看外表與普通的酥皮批差不多。咬一口，酥皮果然非常鬆脆酥香，酥皮好香牛油味， 酥皮又薄又多層非常吸引。最期待的神戶免治牛肉要咬到中間才能夠品嚐到，份量略嫌太少。免治神戶牛肉軟腍多汁，不過牛肉不太香濃，可能被洋蔥蓋過。不過單憑味道真的不能夠分辨這個免治牛肉是否來自神户，當然神户牛分不同等級， 免治牛肉不會用上頂級的。$38的牛肉批有些貴，試一次都可以。

去銅鑼灣sogo，當然要食呢個神戶牛肉批🐮啦～咁啱遇著出爐時間🕰，唔買就走寶喇😂～✨妹豬仔👧🏻💬: 牛肉批夠曬熱辣辣都不特止，佢個酥皮仲好鬆脆香口🤤！至於內裡嘅牛肉餡，juicy又香濃，好好味😋！我食嘅係原味牛肉批🐮($38)，等我遲下搵機會試埋咖哩口味肉批/蘋果批啦😍～

呢日晏晝黎左老銅搵食,見sogo個感謝祭都就黎黎到尾聲人流少左我就落佢b2個超市行下啦個超市新裝修左,多左幾間新既餐廳其中一間就係呢間食神户牛meat pie既日式餐廳. 其實相比之下,另外幾間都幾多人排隊,我又趕時間,所以我就試左佢個神户牛肉批。一黎唔使排隊，二黎間野一個人都無！雖然怪怪地不過我都照買左...認真,個味係ok既,但批皮好重牛油味,對於我呢d鍾意食牛角包酥皮湯既人黎講簡直係恩物但可惜我真係食唔出有適當比例既和牛係餡入面, 都係醬汁居多$38係貴左d,如果佢賣一半價錢我先會返食

終於食左呢個號稱 Sogo 排行榜 no.1 神級小食 #神戶牛肉批 $38，原來果到係有幾款揀嘅，第一次食當然係要食原味 😍 咁當然食完之後亦冇下一次啦，索價 38 個大洋，但係啲批攤屍咁攤哂出黎，都算，又唔整返熱，個批係就係幾大隻呀，個餡嘅果忽牛肉都係幾好食呀，只不過個餡個份量少到唔係 1:1 都算，仲要稀釋過稀釋左嘅稀釋漂白水，1:99 咁樣，食麵粉咩真係 🤤-Kobe Beef Meat Pie銅鑼灣崇光百貨 B2 樓 14C 號舖

-唔知大家會唔會好似我咁，成日捐窿捐罅搵野食，呢間位於cwb sogo底層既supermarket,專賣神户牛肉批既小店，係我每次黎銅鑼灣都會買番幾個番屋企食既小吃。-1️⃣神戶牛肉批 $38 有層次同厚度既酥皮，香脆鬆化， 帶有牛油香味，中間爽住香濃的牛肉餡肉汁，好邪惡。 2️⃣安納芋甘薯批 $28 有香甜的甘薯蓉味 上面撒上黑芝麻唔想食邪惡肉餡，呢個甘薯批可以試得過-其實食一個已經好飽肚，大滿足😋😋😋好似我咁，買番去歎咖啡就仲正-👅味道: 7.5/10🍽賣相: 7/10💎CP值: 7.5/10⚖️人均：$30 ↩️回頭值：80%———————————————————

記得店舖新開張的時候真是排長龍啊，當時我好似上咗癮咁，每日都要買來吃。 而家少出銅鑼灣， 就冇咁多機會買了！今次約了媽咪到銅鑼灣食午餐， 之後專程到sogo買我最喜愛的神戶牛肉批！ 見到有新款蘋果批$33，所以就買來試下， 然後再買了一個神戶牛肉批$38和咖哩神戶牛肉批$39。神戶牛肉批～ 圓形酥皮，皮層香脆鬆化， 香濃的牛肉餡肉汁豐富。咖哩神戶牛肉批～ 咖哩批是方形的， 美味的咖哩味不會蓋過牛肉的肉汁味， 本身咖哩與牛都是很配搭的， 所以我每次都會吃這一款。蘋果批～ 第一次試蘋果批， 香甜的蘋果蓉味道唔錯， 可以一試呀！