古今二 (Closed)

之前落親戚屋企食飯，醒起古今二係附近food court開左分店，果日趁時間仲早買左盒外賣番去食。金龍卷一直想食好耐，之但係可能太大期望關係，無想像中咁好食。金龍卷配料有炸蝦天婦羅，三文魚以及芝士。某程度上係芝士炸蝦天婦羅既 變奏版，食落個炸蝦當日唔係話太脆身，蝦肉並唔突出。反而芝士陣味太重，搶左隻味，導致唔太食到top果塊三文魚既味，淨係食到佢既口感。總括黎講，我會去總店試下會唔會更加好食。因為聽過朋友feedback，質素同觀塘店係有分別的。

鰻魚飯勁勁好味啊！多汁鰻魚夠滑，係我食過咁多間，哩間係整得最好味，下次黎一定會再叫，強推😋😋😋😋😋其他都值得推介，餐廳環境都唔錯，想小聚可以黎哩間試下！

今日下午同同事經過準備食下大快活，發現樓上裝修得好靓，就上左黎試下，同事想食日料，就揀左古今，餐牌好特別。好好食 好好食 好好食 重要的事情說三遍 幸福來得太快就像龍捲風下次一定會再試埋其他卷物。價錢合理，好飽好滿足。店員服務非常好，會問下我哋意見。