港潮樓

Open Now

Now Closed

剛好經過一試，有意外驚喜。價錢跟一般酒樓差不多，但食物質素幾好。其中蝦角很出色，外皮很脆，而內裏很多蝦兼唔會乾，好食。另外，因為很多朋友一起去，一行十人，疫情關係，不可坐同一枱，酒樓職員很貼心，給了我們一間房，分三枱。

Lunch time近近地同同事飲個茶，點心價錢合理，當日１點零都有９成滿座，上菜速度正常。特別推薦椒鹽九肚魚，炸粉薄薄地，好香脆。雞絲炸春卷入面既雞絲就唔算絲，好似一舊舊雞肉咁。點心紙上面有豬腰燒賣，不過同事唔食內臟就冇叫啦。和味粉絲煲真係得粉絲，煮得幾入味，英文版寫有菜既，我地想食菜所以叫左，但原來真係得幾條蔥咁。甜栗花枝餅炸得好乾，冇咩栗米，下次可以ｐａｓｓ～以舊派酒樓黎講服務都正常，下次再去會想試燒腩仔！！

部門聚餐，味道好固然必須，但一定要“大件夾抵食”及招呼周到 (金主才有面子)，這裏符合所有要求。這小酒家主打的是廣東菜，當日先上幾碟燒味，有叉燒、燒腩仔、醉豬手、鹵水掌翼等，燒鵝全隻上，水準不錯。上湯焗龍蝦，最出色的是它用了煎米粉底，米粉煎過會比較乾身 ，而米粉本身就很吸水，所以比一般伊麵底吸收了更多龍蝦味，就因為這米粉底，當晚就像吃了兩碗飯一樣！大班兩味的生炆斑頭腩，配料如火腩、支竹等份量充足，加上大量芫茜、蔥、薑、蒜，分外惹味！照片中未能一一盡錄的還有：- 涼瓜蟹煲：幾可想像，涼瓜才是主角！- 啫啫通菜、啫啫生菜：用石鍋上的，對視覺、味覺有很大衝擊！- 美點雙輝：椰汁糕、桂花糕 ... 桂花糕內藏著菠蘿粒，要吃進口中才發現，味道夾得出奇，是當晚最大驚喜！

昨日約了多年冇見舊同事在尖東晚飯，選了港潮樓， 地點真是超級方便，紅磡鐵站出嚟後，约行7分鐘即到，坐低後點了幾個小菜魚湯蘿蔔絲帝王蜆，蘿蔔絲配帝王蜆，清淡之中帶出蜆的鮮味，蜆肉大隻新鲜湯清甜，😀士多啤梨沙拉骨，酸甜適中，沙拉醬份量剛好，不多不少，肉質軟腍蒜香粉絲蝦球煲，整個菜煮得好好，很乾身惹味，蝦很大隻清炒溫室豆苗，豆苗幼嫩，整個菜不油最開心還是碰到無線演員創世紀的錦鴻哥，帥氣依然，當然集郵一下， 輕輕鬆鬆就渡過一個愉快的晚上，570蚊埋單，抵

一行幾人出發去紅館睇show, 決定係尖東食晚餐, 最后選了這間港潮樓.這店位處2/F, 一上樓梯便是店內.一進內見很多空間, 人不算太多.跟經理聊了幾句, 他推介了八寶冬瓜盅及秘製黑芝麻醬骨, 友人見到片皮鴨特價, 也叫了份, 外加了椒絲腐乳通菜及中式牛柳.第一道上枱是冬瓜盅, 份量及用料也很足, 侍應熱心幫我們分好幾碗方便我們進食. 跟著是中式牛柳及椒絲腐乳通菜, 牛柳味道一般, 腐乳通菜濃淡得宜. 然后是片皮鴨, 原隻上枱后經理再在我們面前片皮, 一整碟滿滿的. 再加上2大碟餅皮, 很吸引啊.最后上枱是秘製黑芝麻醬骨, 醬汁很美味, 骨比較大舊, 但很熱, 很入味. 整體很不錯, 就是牛柳略為遜色. 值得下次再來. 

老友聚頭我們約埋去到尖東的(港潮樓 )這間酒樓是我們每星期必到，除了老友相聚之外，酒樓的食物也不錯價錢都很實際， 最好就係客人可以買海鮮來蒸，但要收加工費，就係咁這酒樓便成了我們老友的飯堂。片皮鴨肉厚而又不肥膩。老友去咗旺角街市相熟的魚檔，買咗條新鮮魚喺酒樓給廚師代蒸。廚師的廚藝十分好，仲落咗好多蔥花及將條新鮮魚蒸到啱啱熟好嫩滑。酒樓仲有其他不同種類的特色小菜。

親戚朋友想搵間酒家食過年飯，朋友介紹了尖東有間港潮樓潮州酒家，因有兩圍枱咁多，所以包咗間房可以打牌及唱K, 大家玩到好開心。一隻香噴噴肉質厚的燒鵝，令人難以抗拒。果皮蒸班頭腩肉質鮮嫩 ,加上雲耳及果皮帶出魚的味道。將芋頭同魚肉整成，落油鑊炸成條狀, 可見廚師的用心的廚藝。我最欣賞這個豆腐魚肚蟹王羹，鮮蟹拆肉再加上魚肚，特別鮮甜。乾燒伊麵煮得太淋,口感較差。白菜仔燴草菇，非常健康，味道都不錯。想不到這間潮州酒家 ,大部分餸菜不錯。

前陣子到過「紅館」睇個唱，林憶蓮、劉美君，本來想睇埋草蜢、C All Stars，令我想起廣東歌樂壇百花齊放的美好年代。睇 Show 前，先醫肚。我通常會去附近的「港潮樓」，位置方便，一落附手電梯就見到。 舖頭老闆是陳錦鴻，小菜一向做得不錯，標榜無味精，適合我一樣不吃味精的朋友仔。 開胃小食「燒腩仔」$68，未去到冰燒三層那種，皮層也已夠脆，識食記得點埋佢個芥辣。 「鹹魚茸煎肉餅」$88，好得： 煎得脆而不油，能吃到肥豬肉粒做出軟糯感，帶彈性，夾雜梅香鹹魚的回甘，我主要歸功於肉餅底打得夠好。 「魚湯蘿蔔絲滾皇帝蜆」$138，可以同時吃到湯和餸，一雞兩味： 因於無味精，可以放心盡情將湯喝得光光。「蘿蔔絲煲鯽魚湯」一向鮮甜；今次換上皇帝蜆，亦煲出清澈湯汁，湯再加入了胡椒、芹菜，帶多一重香。 菠菜還靚，點了個「上湯蒜子浸菠菜」$78 有首歌叫「沒结果之後」，大家有冇聽過？在入埸聽「沒結果」之前，食事同樣一樣精彩。

古有三顧草蘆,今有再三回味再回味.今次的椰中翅包含了椰清香,雞湯鮮,翅彈牙入味三大特點,其他一食便令人難以忘懷的石榴素包,蒜茸開邊蒸虎蝦,片皮鴨....極上之美宴,齒甲留香,美酒佐膳,分不清是菜餚還是紅酒所引發的持久aftertaste,回家刷牙後仍感到舌尖有絲絲味道在口腔內滾動😋

乳豬減價至388, 咁抵，吾食對吾住自己。约了朋友共四人一起吃，初時擔心吃吾晒會浪費，因特價不准打包的。侍應仲話隻豬size 同擺酒的豬一樣咁大，但最後只吃剩朱頭，朱頭就可以打包煲湯煲粥。侍應首先將全隻豬放在枱頭供相機先食。相機食完後， 侍應便把全碟豬搬到隔離枱切件。侍應話今日隻豬不太肥多肉好靚， 我都非常贊同。 侍應說早兩日啲豬好肥，今日好好。皮脆肉嫩，加少少乳豬酱，令肉味十足。我連肋骨都吃得津津有味。甚滿足。

尖東一向食野唔多人，星期日晚市去到都唔係好多人，地方比一般酒樓清靜好多，地方都唔算迫，坐得舒服百花釀茄子-配上燒汁，市面好少見，一碟有六件，不過d蝦膠可以再厚少少就更有口感雜菌黃金豆腐-個豆腐可以做到外脆內滑，個雜菌好惹味大廚炒飯-有少少咸香既炒飯，夠份量，配上一條條炸脆左既魚仔，好得意豚肉卷-一塊薄薄既豬肉片包露荀，豬肉片用油泡過，份量的骰左少少名醬一字骨-肉夠淋，醬汁酸酸甜甜蜜餞燒雞翼-一碟其實只得4隻，連雞翼尖既雞翼，面有一層蜜糖，燒到脆皮，好食薑蔥廣島蠔-蠔泡過油，唔腥，好Juicy服務都好好，執檯，加水都好快臨走仲送紫米露

18/Dec.2015初試港潮樓飲茶, 這店是某男藝人開的酒樓駐守這商廈已經有好一段時間, 價位唔算最貴但亦唔係至平嗰隻, 小點$19/中點$23/ 大點$27/ 特點$33, 茶$13/位, 酸菜$10(1-5位)是日點心:鮮竹牛肉球(中) 牛肉球3球放在鮮竹上, 樣子對辦,味道沒有太過味精, 質地亦屬於有些少咬口, 豬潤腸粉(大) 腸粉皮有水準半透明之餘帶點彈性,粉皮表面光滑無暇, 豬潤餡是現代做法 – 碎上! 點解要咁呀, 明明個皮好地地, 豬潤切碎後無論口感,味道同甘香都差好遠, 明白成本有差異, 但又差幾遠呢?$27都唔得唔碎上咩? 心理好生疑問!蜜汁义燒飽(小)飽皮同餡料都正常潮汕蒸粉菓(小)塋凝剔透的粉菓皮, 包住嘅都是傳統一點的餡料-花生/唐芹/菜甫鳳城臘腸卷(中)這臘腸卷的飽皮比义飽的來得綿密,明顯做出分別來, 臘腸不太肥膩亦甚有肉香!椒鹽軟殼蟹$38兩隻, 炸蟹的色一般深, 蟹的香氣透過熱力傳遞到口腔內, 蟹味亦十足荳苗鮮蝦餃, 荳苗充足, 蝦肉ok多嘅, 餃皮亦算標準22/Mar. 2016這天叫了的點心跟上次的差不多, 只是多了香煎窩貼餃子(3隻) 比較似廣式的

老豆生日其實都係籍口, 搵機會成家人坐埋一齊食餐飯港潮樓我唔係成日去, 但我老豆就經常去飲茶因為響商夏入面, 間格有D怪, 去廁所仲要拎門匙Fine, 入正題, 我地訂左一席, 免費包房, 六點半到食到八點鐘大蝦沙律: 中蝦一開二, 士多啤梨, 奇異果, 火龍果, 蘋果, 薯仔, 紅蘿白用一塊紫色既菜葉盛住, 加上白色沙津汁, 賣相美觀, 我老婆話好靚, 作為前菜當算不俗乾鮑扣鵝掌生菜: 乾鮑細細隻, 扣得好淋, 無牙既老人家都食到, 鮑魚味濃郁鵝掌好滑嫩, 但唔係幾夠入味, 反而生菜加鮑汁好似仲正d帶子象拔蚌炒菜心: 本來係西蘭花, 但我屋企人鐘意菜心就改左帶子係鮮, 象拔蚌則爽, 最重要係點蝦醬, 真係好惹味潮式紅燒翅: 我老豆係個唔環保既人, 佢專登加夠廿四兩牙揀翅, 真係幾厲害, 成個碟都係魚翅潮式係加牙菜同糟, 不過我個人唔係咁欣賞, 都係原汁原味好其實, 佢地平時鐘意落威士紀清蒸海斑: 上枱果陣都嚇一跳, 呢條斑接近三斤重, 師傳蒸到岩岩好離骨, 鮮味嫩滑, 又唔太鹹炸子雞: 掛住食, 唔記得幫隻雞映全相冰鮮雞就梗架啦, 但炸出黎肉唔老, 皮薄且脆, 最難得係唔油, 雞肉咬

今晚跟朋友到港潮樓吃晚餐,結果吃到一肚子氣。我們點了椒塩鮮魷和燒腩仔作前菜，再點了半隻燒鵝皇，一份一字骨，一份茄子（上面有肉的）。結果點完菜好一段時間，才有侍應告訴我們燒鵝巳經賣完了，我們只好改了片皮鴨二吃，鴨肉用來炒枝竹。過了一段時間，上菜了，但不是前菜喔。我們本來無所謂，就先吃這些主菜。過了好一段時間，終於上鴨了，但不是鴨片，而是鴨肉炒枝竹。無關係，食住等，但經理卻一句話都沒說，突然走過來收走了這份鴨肉，當我們還在議論紛紛的時候，又有侍應來告訴我們沒有片皮鴨了，因為還沒解凍完畢，就算現在立刻烤也要等十五分鐘，勸我們取消。好吧，那就取消吧。反正覺得眼前的食物巳足夠。但沒幾分鐘又來告訴我們正在烤鴨了。唉！我只好叫經理取消那兩道前菜。除了樓面和廚房嚴重缺乏溝通以外，因為樓底很低，才幾張枱，已經嘈吵得很；而且還有蒼蠅飛來飛去，這樣的環境，鐵定不會再光顧。

好多間茶樓都係環境嘈雜, 坐得迫, 又要等位等到頸都長的地方, 不過呢度就完全無以上三種問題聽聞間酒家係明星開的, 呢位明星做事都幾認真, 所以開嘅酒家都好有水準, 首先地方坐得舒服, 枱同枱之間有好多空間, 令人嘆起茶都比較舒服, 其次有四部電視比大家一邊嘆茶一邊睇新聞, 又因為空間較多, 所以唔覺嘈食物水準唔錯炸點可試椒鹽軟殼蟹, 濃濃的椒鹽味, 份量仲好多, 有兩隻幾, 只售$38個人認為係蝕本的脆皮bb鴿都好好味架另外四寶齋炆依麵都好食, 太座自己清哂成碟最大誘因去, 係搵位唔難, 可能唔多人知佢存在啦