泰國人海南雞 (Moved) New Location

剛開張個陣,小妹食左一次,食左個海南雞粉...事實證明= _ =果然海南雞係唔太適合配粉既....個時人太多啦,而家人好似小番d,gam lunch就同幾個同事入去食下啦,我食番個海南雞反,同事食青咖哩雞反同埋海南雞反,雞都幾滑幾好食,點埋d醬食曬成碗飯~佢個清湯我係覺得用來撈飯食galor,唔係for 淨飲.濕濕地,gam就食曬啦..(肥死我.)同事唔食得辣,偏偏食青咖哩...佢話幾好食,不過佢塊面真係有d紅...哈哈見佢一路食,一路狂飲可樂~'勁kai有杯野飲送,39蚊真係幾抵,茶餐廳都要啦....完全唔明d人話咩貴lo.40蚊度有成個餐有野飲有湯,下次再去食先~不過....- -無我食lunch必飲既COT lo...依個係重點...= =無檸茶....(怨念)

自己去叫了一客海南雞反，基本上唔明點解会叫招牌菜，不論雞、飯、湯通通唔合格！座位偏窄亦是一間題，至於服務就不過不失，未有部份綱友所講的不愉快經歷！不過講到最致命還是其食物質素........唯一要讚是其門面設計，看了會令人有很想一試的衝動！下次會睇睇d食評先去！

昨晚放工,去了西九龍先施買東西,再等老公下班便一起去晚飯,因為很喜歡吃海南雞,便去了泰國人海南雞試試,我抱著興奮的心情去到店子,卻帶著失望的心情離開,唉!!這店子完全名過於實,三十九元的價錢,質素卻比十多元的還要差 冬瓜湯 - 只有冬瓜味和蔥味 - - 淡而無味海南雞飯 - 雞肉尚算嫩滑 ; 油飯滲著淡淡香茅的味道,但可惜乾了一點泰式豬手飯 - 難吃 , 鹹得過份 ; 淋得過份 , 完全不似豬手, 不知道在吃甚麼香茅薑蜜 - 比較正常的一杯飲料, 但薑味太強, 不太嘗到香茅的味道

平時好鬼鐘意食泰國野, 見到公司附近開左間泰國人海南雞飯咁耐, 咪搵次試下,今次我地無堂食,外賣攞左返公司食。諗都唔諗叫左兩個海南雞飯,因為間野大大隻字sell "海南雞飯"。點之好失望, 整盒飯係凍的(我做野個到離呢間野只有五分鐘路程),唔知係咪因為佢地做好左冇攞出黎, 我地等外賣都等左成二十分鐘, d 雞油又唔夠,雞油冇味d 雞冇乜味, 汁比較好d, 但係整盒飯d味係唔可以配在一齊, 雞油還雞油, 飯還飯, 雞還雞, 汁還汁, 九唔塔八,真係好失望, 因為海南雞飯係肥膩的菜色, 我儘量少食, 見呢間野廣告賣咁勁試下, 點之咁差. 大家千其唔好去

本來見呢間嘢好似幾出名咁, 又算多人幫襯, 都坐到滿丫~可惜... 睇餐牌已經覺得唔對路, 點解冇乜嘢食揀既?!!幾經辛苦, 我哋先揀咗呢個「海南雞飯」($38), 不過嚟到後真係開始火嚟, 咁細碟既??! 啲雞又唔多靚, 冇雞味, 又唔夠滑,啲黃油飯亦麻麻哋... 仲話係招牌菜??! 唔係啩?!!然後叫咗個「豬頸肉金邊粉」($28), 我冇打漏字呀! 係湯上架! 唔係「炒金邊粉」囉!我同朋友初時都以為嚟錯咗, 但原來佢哋係得「湯」架咋, 冇「炒」架!睇噃餐牌, 搞錯呀! 又唔寫清楚個「湯」字!! 仲要成廿八蚊??? 284 仲話個湯底冇味架! 啲豬頸肉又係冇乜味, 真係離晒大譜!!係冇咩好揀既情況下, 我再叫咗個「黃咖哩牛腩飯」($38),唉, 果碗咁既汁, 仲細份過「金城苑越南餐廳」$20 一個咖哩牛腩飯喎!!!由於我哋四個人都唔太肚餓, 同埋覺得呢度好唔扺食, 所以最後決定叫三個飯、粉, 加多個白飯就算, 於是叫亞姐加多啲汁比我哋, 好采佢都肯加, 不過, 啲汁食落真係「冇味」囉!! 唔好話辣唔辣, 連椰香味或日式咖哩味都冇呀!!都唔知食緊乜落口, 老闆究竟係咪做生意架???

見胡生做生招牌，試下無防，又想食金邊粉哩，點不知令我好後悔，以後都唔會去食．Menu唔清唔楚，無寫湯果ｄ既金邊粉，原來係湯上，唔問係唔會知，ｄwaitress仲講全場得兩款係撈喎，我諗我係唔識字頂喇．ｄ座位又坐得唔舒服，唉！海南雞飯：得個六條既雞塊，又老又鞋，成HK$38，搵人笨．雞絲金邊粉HK$28：雪味勁重既雞絲加埋ｄ豉油金邊粉，絕配，從未食過咁既金邊粉，佩服得令人五體投地．炸蝦球HK$38：哩個咁簡單都難食，就真係要問下佢地點整先得喇！

早前也發覺這店在不同地區都開了分區，勢如破竹。事前沒有看過關係這店的食評，也想不到原來各分店也劣評如潮。雖然門外有不少人等位，但都很快就被安排了座位。發現每行座位的間隔也很近，差不多是背貼背，令人感到很逼。點了海南雞飯，就試試如何啦，招牌菜都不行就可以永遠blacklist一間食店了。海南雞飯是一碟上，另有味精湯一碗。先吃淡油飯，都吃到少少香料味，但都未算好吃；然後輪到主角的泰式海南雞，肉質不算滑，也算完整去了骨，點一下醬汁來吃都不錯，醬汁惹味！服務方面，可能是太多食客但太少侍應的關係，見到班侍應都幾手忙腳亂，也不會主動在人客入座時遞上熱茶。但最差都是其焗束的環境，當這時泰式的快餐店也不為過！衛生不好，因為侍應竟只會拎走上一手食客的餐具，但不會抹table...

雞-- “鞋”, 完全無味, 連雪味都無, 真係好難整。醬料-- 扮泰式醬, 唔夠泰國味。飯-- 硬了點。

早排同朋友去買電腦o野,見到好多人排隊,應該ok掛,等20mins,叫了一個海南雞飯,串燒飯(三串豬牛雞各一) 青檸梳打及椰汁冰.海南雞飯的雞去骨的都算滑,雞味嘛嘛,個油飯味道ok,可能味精加強了味道,但生米.串燒飯以雞肉串最好食,其餘兩隻都好鞋同乾.沙爹醬就調配得幾香.兩個飯都跟冬瓜湯, 細細碗但有一種好強好熟識的味道,褔字麵的味精!愈飲愈渴.所以先叫了兩杯特飲.青檸梳打即係7-up+ 一片青檸,有點良心好喎! 椰汁冰有椰汁味,但叫得冰,完全無想過係室溫o羅.環境清潔真係嘛嘛,D同地下都油林林. 細而且好迫,我們兩個人,要搭張四人,但當大家的食物都O黎哂,跟本放唔落,不停趕住食哂,等佢收了部分碗碟先夠位.服務我去時FULL HOUSE,好耐都無人招呼. 因為買了好多O野好重,問佢拿張凳放o野啦,佢話無凳,頂!我覺得自己好天真好傻, 以為多人排隊就好食>.<!

20-1-08 星期日去開深水買, 本來夜晚想去飛鷹餐廳試, 點知爆晒場, 唔想等就搵第二間食, 去福榮街多選擇, 但好多間都幾多人等位, 見呢間少人等, 而且以前試過中港城間海南雞飯都唔錯咪入去食囉, 坐低就叫鹵水雞腳, 海南雞飯同芒果白糯米飯, 落單個阿姐全部要我搵番號碼佢至落到單, 都唔緊要, 佢記唔到號碼我咪搵番比佢囉, 我叫芒果糯米飯時再一次提話要白糯米, 佢就即刻話芒果糯米飯淨係有黑糯米咋, 我地冇白糯米架, 但我望餐牌張相影住一黑一白好清楚, 不過我冇同佢理論, 就叫過個鴨肉湯河, 落完單我就聽到佢問煮個泰姐:　芒果糯米飯冇白糯米架可？泰姐：我係黑白兩樣架！個阿姐跟住唔理佢就行開喇，我心諗我食過間間有黑白都可以改全白，就算唔改我都可以照叫唔洗食晒全黑糯米呀！但佢一開聲就話淨得黑糯米，搞到我要叫過第二樣，而個鴨肉湯河鴨皮就多，鴨肉絲就得幾條，又唔好食，就算個海南雞飯都唔掂，完全冇晒雞味，只係鹵水雞腳比較入味．我隔離啤情侶差唔多食完，個女仔就叫個阿姐斟水，個阿姐就淨斟佢杯水就行開喇, 個男仔叫著佢：咁我呢？個阿姐著個壺返轉頭仲講句:佢叫我斟，你都冇話要．激到佢唔知講咩好，個女

年初四去左深水步分店，上一次黎已經有D不滿呢間野D服務態度，今次再黎一樣咁衰，落單呢樣冇個樣冇，個侍應講野好似自己祈禱咁細聲，超乞人憎。而且好多檯既紙巾盒入便已經空晒，見到有另一檯既客叫佢比紙巾，佢拎左人地個紙巾盒，將個盒放埋一便就走左去，完全冇跟進，其中有一個男侍應，成個MK仔咁款，成日眼超超咀歪歪，咁唔想做不如唔好做啦。食物方面叫左個泰式什錦撈金邊粉、鹵水鴨金邊粉，前者份量少得可憐，一野可以夾晒，重要冇湯跟，後者鴨肉得丁點兩少塊，鴨皮就大把。而味道亦不見得好，只叫可以入口，同好似兩個字差十萬八千里遠。重要賣成30蚊碗，完全唔飽肚，簡直就係不知所謂。呢間野近年開好多分店，請管理層好好反思食物水準同服務態度，唔係一味淨係識開分店，連最基本既野都唔識。

年初二行過此店, 見到"泰國通" "胡先生" 張相做生招牌, 稔住衰極都有限, 點知就中正招! 首先服務唔掂, (d食物幾好食都係假!)上手客離開,侍應執碗, 我坐低, 叫個侍應抹檯, 佢(戴大圈耳環女侍應)用條布求其"胡兩胡"張檯就算數!!上手客留低d水漬仲未抹乾..唉!!..叫了招牌海南雞飯, 只有酸汁(冇豉油及薑蓉?唔通泰式係咁??), 味道一般.. (鳳凰新村另一檔專賣海南雞飯的店好味過佢).另叫了一碗鹵水鴨米線, 冇乜味, 湯又凍的, below average! 另一味係"串燒"牛肉,但唔係燒既, 係炸既!! 油淋淋, 難食! 簡直係用呃錢黎形容!! (四＋幾元!!), 深水埔咁多食店, 睇怕佢如此的食物及服務水準, 仲撑得住真係奇績!!

我好鍾意食雞，雖然一個人食，都要入去試下。當然叫個招牌海南雞飯，來到的是雞胸，心裡以為不妙，會否好”鞋”？不過有驚喜……….滑之餘有雞味，去了骨，d醬酸酸地，幾開胃！飯有雞油味，都算香，以我較胃食的份量，都食不完，不過可能天氣冷，涷得好快。個餐可選熱薑蜜，寒冷的天氣喝下去，不俗！可能因為生意好，執枱較慢，洗手間位較窄，尚有改善的空間。

見它開到成行成市，周圍都有分店，於是順路光顧一下叫了一碟泰式牛腩飯，牛腩肉質唔錯，入口軟熟可是，汁似是士油汁多過牛腩汁原來這就是泰式牛腩飯麼？再加上那樣細碟，就收我$38，更見唔抵食...

有日自己一個人去搵食, 見佢新開張諗住支持下...唉...一個人當然食佢果個招牌菜海南雞啦$30幾個雞... 都尚算滑, 不過不失... 但係講真, 係同區d燒味鋪d雞,唔難搵間滑過佢好食過佢... 但係人地個價錢比佢平一大截! 個油飯同醬汁... 唉... 同紅磡果間差天共地!! 紅磡果間海南雞有90分既話... 尼道只係得42分... 大家都係$30幾, 比40分都算比面佢架啦老實講句... 都唔明點解禁多人話佢d雞好食...