韓國屋 (Closed)

3-12-2012 (一)是日放工後，獨個兒往奧海城逛遊。獨個兒吃飯，吃些甚麼呢？一個人，其實我會較隨意，因已放下無需照顧同行朋友口味的顧慮，簡簡單單看見甚麼便吃甚麼，填飽肚子便算。逛完 M&S 後，便在奧海城 food court 坐下休息，坐下就是看見這間「韓國屋」，好！今晚就吃韓國菜吧！我點了... 韓式辣雞肉湯麵 + 可樂 ($45)我覺得雞肉吃起來軟嫩入味，香辣過癮，尾韻帶點淡淡的甜度。 吃罷整碗公仔麵後，猜估這店應該選用韓國本土出品的公仔麵。韓國的公仔麵出名質素好，大型超市雖然有農心、辛辣麵等韓國麵出售，但多半是在內地製造，麵質較差劣，未能充分和韓國本土出品的相比。

今日同妹妹來到奧海城的大食代午餐,以往一般去到大食代的food court我多數都是選擇pepper lunch的,但今次周圍看看後, 發現korea house的套餐價錢都算便宜,於是便試試看, 我叫了石頭蘑菇牛肉飯套餐($35), 配一款小食, +$5多杯汽水石頭蘑菇牛肉飯裡有椰菜, 牛肉, 蘑菇, 椰菜和牛肉都吃得出有用醬汁煮過的, 味道不錯, 牛肉都算淋, 蘑菇爽口,碗子有微微的熱力令飯粒輕微粘著碗子, 但又不像外邊傳統石鍋可以令飯粒熱成飯焦脆卜卜那樣,如果可以做到這樣就更好了小食方面我選擇了韓式炒粉絲, 內裡有紅蘿蔔絲, 洋葱, 少量黑椒碎, 味道都可以, 略嫌粉絲淋了些+$5 的汽水, 因天氣太熱解渴之用

因為今日要係奧海城呢邊食野 所以我尋日已經睇開飯睇下邊到好我見到呢間食過既人都話唔好食 之後都有少少介心但係今日晏就見到美食廣場又冇咩其他岩心水既食物最後就簡左食呢個la 因為佢個價錢都算平 份量都算多份量都多 食到我好飽佢打左一隻未熟既蛋落去面果到 由於個鐵豌唔夠熱 所以隻蛋冇熟曬雞肉都好多 面既份量都多 好多椰菜仲有 冇我想像中甘辣甜甜地...我個人覺得唔係幾好味 但係佢可以幫我解到辣既佢比我果陣成碗係斜左架 搞到我差d倒瀉其實我都唔知邊d係正宗既 但係睇韓國綜藝節目時看到食物比呢d靚好多 同埋好似好食到多仲有 我覺得未至於係難食既..但又唔係好好食如果要平又要份量多 呢個set 係一個好好既選擇!!!

都怪自己貪便宜，竟在這 Food Court 吃了一頓極不滿意的韓國快餐。這天晚上，本想到奧海城三期新開張不久的「美心香港地」吃頓簡單的中餐，也不知是否因為奧海三期新開幕的關係，「美心香港地」總是人頭湧湧，客似雲來，令人提不起勁去排隊，結果回到奧海二期，在不願再想吃什麼的情況下，決定在 Food Court 中覓食，打算求求其其地吃一頓簡餐。本打算吃 Pepper Lunch 的，但好吃的店子永遠都最好生意，不想等候之下，結果便來到這間「韓國屋」，叫來一個「辣海鮮鍋」套餐作晚餐。可惜這「辣海鮮鍋」卻是水準奇低。這稀稀的辣湯的辣味全由辣粉而來，假如沒有下辣粉的話，這湯一定會清淡如水。海鮮嘛，要非薄薄的魷魚碎片，便是比蝦米大不了多少的雪蝦仔，再來的便只有一些超迷你的蜆仔，又或是平平無奇的急凍蟹柳，再加上三數條已浸得帶點微黃的蔬菜、算是份量最多的豆腐、粉絲與及一隻即打進去的生雞蛋，便成了這「辣海鮮鍋」的全部。這樣質素的食物，又怎能令人滿意呢？自選配菜中的「韓式炒粉絲」，同樣是水準之下的產物。一來熱度不足，二來麻油味不夠，三來材料也欠豐富，只此三點，已難令人滿意了。早知如此，便去附近的「韓食家

這種韓式公仔麵, 頹頹o地, 偶然食o下都幾好。可惜只能叫少辣而不能免辣(溝淡？) 大大碗都幾襟飽。湯底唔多味精, 麵條是即煮所以唔會腍晒。少辣所以就真的不是太辣。雞扒可以, 不是加工到滑一滑的貨色, 但就涼了點了。有點宿舍的feel 吧

在奧海城影完相後，決定在此吃完晚飯才回家。一人食飯在food court就最易解決，不過此處大食代的食店選擇不多，所以在行了數圈後也無法決定食什麼。其實內裡有最穩陣的Pepper Lunch，可是早幾日才在尖沙咀食過；見韓國屋有湯鍋類的食品，在寒冷的天氣下一鍋熱湯是挺吸引的，所以選擇了韓食做今晚的晚餐。看了一會餐牌後，決定要優惠套餐的香辣雞肉湯粉絲配白飯，此外可以選擇兩款配菜，今次我選了泡菜和鹹魚仔。開頭我以為此湯鍋會是類似泡菜鍋的東西，可是實物又不太像那回事。鍋內大都是韓國粉絲，蔬菜類的比較少。韓國粉絲帶點甜味，不知是否因為這樣，大量抵消了辣味；吃到中途已完全覺得不辣，什至覺得有點甜。雞件的肉質有點鞋，另我不太喜歡有些雞件帶有雞皮。全個湯鍋覺得最好吃的是那隻生雞蛋，弄到半生熟後把蛋汁混在白飯同食，那味道還不錯。配菜方面，鹹魚仔我會用堅硬來形容，味道都幾甜，而泡菜就一般。可能韓國粉絲不太適合這種做法，也可能是我的口味問題，總言而之我就是覺得唔好食。相比起東涌和尖沙咀的大食代，此處的價錢是比較上便宜，但質素也好像比較差。

到奧海城dinner，貪food court多選擇，個人偏愛韓式石頭飯，點了一客牛肉石頭飯。記得以前都幫襯過其他地方food court的韓國屋，質素不錯的。這次，我失望透了。吃過很多地方的石頭飯，這次可說是最差的！首先，這個"石頭飯"是指用"石碗裝著飯"！碗底沒飯焦，也沒有飯香，連熱度也不足！材料只有牛肉和椰菜，牛份量還可，但略肥，汁不夠多。附有一碗湯，是味精湯，內有很多胡椒黑椒。收銀阿姐好像在遊魂，態度麻麻。BF問可否加個可樂，她說不能加，但我之後看餐牌是有可樂的。我們認為他是幫老細倒米。很後悔堅持食石頭飯，在food court還有更多看似更好吃的東西呀！

當日我同個妹去左買書加埋行街, 行行下諗起奧海城有個food court (上次去奧海城既food court都已經係幾年前lu~) 加上又有d 餓餓地, 所以就一齊去food court 食野比起舊時, food court 的環境的確好好多, 令我食野既心情都好d。行個round睇下有咩食時, 極喜歡食韓國餐既我見到Korea House 就叮一聲要一試lei間的韓食。我要左一個下午茶餐: 迷你石鍋牛肉飯迷你石鍋牛肉飯比起其他店既石鍋牛肉飯真係好迷你, 但作為下午茶呢個份量幾好。個飯賣相唔吸引。有椰菜, 但好似烚得太耐, 過腍。牛肉略甜, 還可以的。飯比較爛, 感覺麻麻地, 好多飯"痴" 係個石鍋到, 好難刮出黎食飯焦, 我覺得係因為佢provide 既食具係塑膠的, 如果係stainless steel 的話, 我估會好好多。得意既係唔知點解會加左紫菜絲同埋韓式燒烤醬, 之前食過既石鍋飯都未試過, 第一次食....感覺..... 怪怪地, 我唔多鍾意, 用韓式辣醬會好好多。我知道$23唔可以要求得太多, 但我覺得可以做好d, at least, d飯唔好爛先。

今日去奧海城睇戲,睇完就去廣場買飯食。我選左個粉絲雞保飯同紫菜湯，另付上BBQ醬。個粉絲雞保飯太陽蛋味道唔錯，但樣就差左少少，飯上圃有粉絲，雞肉同菜。D飯煮得岩岩好，唔太軟又唔太硬。雞肉有好多，佔左成個飯既一半，而且仲好香。粉絲又香又好味，而且有我最中意既蝦米係上面。加左BBQ醬入個飯度，個飯變得更好味。食完個飯之後，覺得熱氣時又可以飲個紫菜湯，即時清哂d熱毒。呢度環境唔錯，下次我又來食野先～～

五一勞動節想去飲茶 天真地12noon走遍奧海城所有酒樓 期望有位點知每間都要等45mins以上想轉戰food court食點心 (樂也樓 http://www.openrice.com/restaurant/sr2.htm?shopid=31724) 但點知執左... 行到又累又餓 就是但去隔離呢間korean餐廳度食我叫左韓式辣牛肉麵 $38食得出用係辛辣麵 另加肥牛 仲打左隻生蛋老實講 我完全唔覺得佢辣 打隻生蛋仲有少少怪 個麵仲煮得唔夠耐 好硬男友叫左韓式便當 $42分開幾小格 分別有白飯, 肥牛 (同我果d肥牛係一樣), kimchi幾塊, 雞件, 炒粉絲... 再另加一碗味精湯飯太多水 粉絲無乜味 係個雞件好少少如果想食宜韓餐 又唔想走太遠 我會去返韓食家 (http://www.openrice.com/restaurant/sr2.htm?shopid=15486).

牛肉麵$38韓國牛肉麵個湯惹味，麵彈牙，牛肉唔韌冇雪味

辣味雞扒拉麵 -- 唔食得辣但又想刺激下就岩晒~~~~38蚊冇跟野飲，但勝在有香辣既刺激，而未有麻辣既震撼。唔係叫好好好好食，但成個奧海城得呢間好味又平又唔係平時可以食既野雖然係快餐店 food court 既型式運作，但服務都好一流，例如出出入入會提你小心倒左d 湯出來，拎個盤高d 冇咁易跌之類既說話仲有個女服務員問你好唔好食，比d 意見抵讚~~~~