延苑韓國料理 (Closed)

26/1/2007我第一次黎呢度食野。1. 價錢—唔貴可以接受。2. 食物方面—幾好。（最出色係石頭飯）3. 環境—好有住家feel。4. 服務—有禮貌。（笑容好）我地3個人叫左.........一個2人餐\（$188）兩個晚餐\（@$45）2人餐\有（栗子薯蛋白粟米沙律，石頭飯，辛辣泡菜海鮮湯，飲品&甜品）晚餐\我地叫左兩個（韓式牛肉飯&浦項水晶粉都係一樣有飲品&甜品跟）因我地三人都比較大食所收先需要叫4人份量。總括黎講好味喇，餐\前小食10小碟不停為你添加一d都唔吝嗇。豆漿&玄米茶任飲，仲有甜品送。

佢個名應該係"延苑韓國料理"19.1.2007 (星期五)約9:00 p.m.，我& 男朋友2個人去食dinner，當時仲有4-5客，我係睇open rice食評先食，真係冇介紹錯。我叫栗子薯蛋白粟米沙律($48)、小食拼盤($40) & 石頭飯($88)。薯蛋白粟米沙律- 賣相好靚，用心形碟盛著，並倒模了心形，好有心思。小食拼盤(2人份量) - 包括醬燒雞翼、炸魚球& 蛋炸翠肉瓜，伴特製醬汁，好好味！石頭飯- 嘩！好驚喜！竟然有飯焦，第一次食石頭飯有咁脆飯焦。而且服務好好，每上一道菜，店員會介紹樣食先會最好。而本身會送豆漿/ 玄米茶，任飲，前菜任食，而且質素好好，食飽仲有甜品送。MON - FRI，免收加一記住，星期三全日休息

果然冇介紹錯,依間野平靚正服務一流!食左個二人餐,$188, 前菜任吃, 我地食左一個round前菜怕飽就停左手, 個伙計竟然怕我地蝕咁, 係都要我地再要, 話選d鍾意既再食!跟手就係海鮮湯同石頭飯, 湯都幾好, 勝在多料, 石頭飯就唔知係咪正宗了, 因為未去過韓國嗎! 但係同平時果d好唔同, 非常脆既飯焦, 仲幫你混埋蛋, 食到我女友個肚漲晒佢都仲食~~~~~如果平時早食飯既就六點幾七點去穩陣, 好似話七點幾開始多人, 我六點去食, 乜人都冇, 招乎週到~~~~~簡直係無敵!!!

最吸引我的,是食店的佈置:店子雖小,但周圍掛滿hello kitty吊暗燈,情調十足;店子內放左好多"家"的擺設,電視仲播住n年前的獎門人,感覺真係好溫馨,好家庭feel呀~!我地2個人食dinner,點左一個牛肉飯,一個2人小食拼盆(炸南瓜+炸雞亦+炸魚球~隨小食送上一隻由7種生果煉成的醬料>>好特別的咪道) ; 佢會送你餐前7色小食+ 豆漿/菊花茶任飲; 臨走諗住埋單,原來仲有花奶涼粉送添, 嘩~從來都無食過咁"軟綿綿"的涼粉~正~!!埋單2人都係$85~~好滿足~!!要留意店子由1400-1800會中場休息,小心摸門釘~!同埋晚飯最好訂座先,我地6點去到,所以好似包場咁,到7點開始人潮胸湧,7點半己經無晒位啦~~

MY FIRST TIME VISIT THIS RESTAURANT, WHY I WILL CHOOSE THIS KOREA FOOD REST. CAUSE MOST OF PEOPLE SAY HOW GOOD SERVISE HOW GOOG TASTE??I TRY TONIGHT , BUT REALLY SUPRISE ME THE FOOD TASTE IS NOT GOOD AT ALL, EVEN FAST FOOD SHOP BETTER THEN THIS, RESTAURANT VERY SMALL,NOT COMFORTABLE .... TERRIABLE SERVICE, I'M REALLY DON'T UNDERSTAND WHY SO MANY GOOD COMMENT? FOR SURE I WILL NOT TRY AGAIN THIS RESTAURANT.WE TWO OF US ORDER SET HK$188. WHAT ELSE JUST SOUP AND SMALL RICE.....SHARE FOR TWO ADULT IF

我上年大約9-10月見到賢苑執左,但係見到其他人話搬左,唔知係唔係搬返附近(以前係帝廷軒對面)!當時好失望因為覺得呢間店好好,我成日LUNCH去食,雖然D野食整得幾慢,但係因為前菜同豆張任飲,所以都好樂意等下!而且EVA好健談,成日都好多野講,又講下佢細佬又講下韓國妹,而韓國妹仲幾靚.再睇下出面介紹佢地店既簡介同故事,就覺得好溫馨!講番D野食,因為我自己唔多食韓國野,所以唔知點先算正宗,但係以味道黎講確係幾好食,我最中意食係"湯飯"(唔記得咩名,但係總之湯+飯有點SPICY"n"HOT同埋Beef),佢係分2兜上,一兜白飯,另一兜湯,我會將half bowl of rice put into the soup (shouldn"t serving like that but just for myself).另外前菜我最中意kimchi and the preserved bean sprouts.正

以前o向聯和墟讀書o個陣已經成日去幫襯嫁la,因為個老闆娘同d waiter都好好人,再加上一個lunch 20幾蚊飽到嘔咁滯真係抵到爛!!!到依家畢左業仲多左過去食晚餐\,晚餐\除左好似lunch咁,有咁多野食之外,仲有埋糖水~而且o向呢度仲可以平有平食,貴有貴食,幾十蚊至百幾蚊不等,照顧到有唔同須要o既人,真係搞到我要黎呢度推薦下比人~無限前菜無限飲品大大碗飯實在係大件夾抵食,味道服務抵食乾淨我都比滿分,唯一美中不足o既就係地方略嫌太細,有時成班fd十幾二十個去到玩有有點兒不夠盡興lo~如果佢\搬去大間d o既鋪,我一定更多去幫襯^.^據聞佢\5月仲有幾個discount係同生日,母親節有關嫁,不過詳情就唔太清楚la,如果邊位知道麻煩講一講比我聽la thx曬!!!!!

1月13號老公生日,同佢一齊去食~點知搵左一陣至搵到~哈哈~叫左個$188二人餐~1)有前菜啦~食完會添比你~樣樣都幾好味呀~2)之後有個沙拉~好味呀~不過果d滑滑地ge好似薯容ge野好好味呀,裡面仲有d蛋,提子乾...側面仲有d合桃~3)有個湯,有d白蘿蔔,菇,蛋...都有好多材料~4)石頭飯~老闆娘好好人~一路幫我地撈飯一路講解下~哈~有個醬,d味道有d sweet 同辣,不過撈左好味d喎~hehe5)仲有個白果西米雞蛋糖水~雖然好似怪怪地~但係都幾滑喎~之後埋單~"我係自己人"就有discount~所以都係$160~唔錯唔錯~仲有d哥仔同老闆娘好好人~都好好笑容~p.s.果度有個電視~播住阿rain呀~呵~仲有好多hello kitty~

22thDec那天正是冬至的日子,前一天已和家人做過節了所以倆口子到晚上走去吃韓國菜,之前夏天吃過冷麵,但那天卻吃了火,前菜七款任吃熱米茶任飲,那海鮮火份量足二至三人吃,新鮮蝦足足有十隻,大蜆有四隻及很多種菇類、尤魚呀、娃娃菜等,我們點了小辣湯底,越吃越暖倆口子還加了烏冬一起吃,之後老板娘還加了一碗白飯叫我們把湯加在一起吃,還有甜品倆口子吃到走不動。原來還有八五折,星期六、日有九折底食,但記得說"自己友"才有打折呀!忘記了只是到06年1月15日才有discount。

HK$148套餐1)韓式前菜-任吃,味道唔錯2)豆腐/薯仔蓉/合桃/雞蛋沙律-第一次食呢d沙律,很清,味道好3)豆腐+海苔+菇小鍋湯-夠熱,材料新鮮,好味4)韓式豬肉-汁料香濃,小辣中帶甜,excellent5)任吃白飯-伴了黑白芝麻,幾香口6)白果腐竹西米糖水-ok啦值得一去再去!!!!!

今晚開飯$188二人晚餐七款前菜，看似很tiny，但由於任食，未上菜前店員會再添；女友最欣賞豆腐田園沙律，豆腐很香滑，配上的沙律汁酸酸甜甜，很滋味；店員介紹的海鮮湯，小辣，意想不到小小盛器內有很多蝦、尤魚圈，還有豆腐及大豆牙呢！我個人最鍾意石頭飯，很好味，加上店員熱情招待，替我們伴飯後還細心講解石頭飯內的配搭，飯焦很香口，伴好的飯很香很滑；自家磨豆漿及腐竹雞蛋意米糖水，很滑，不會十分甜；不過有一點要改善，便是沒有清水或清茶。

雖然我住係附近，但都係見到食評才知道有這間食店。第一次去的感覺唔錯，味道同價錢都OK！我平時好少食韓國野，而且之前次次都係燒烤，但發覺這間食店係完全無燒烤野食，賣的只係韓式家常小菜！食左個二人餐，個沙津同石頭飯都好味，份量又OK，而且佢地會不斷換小食(泡菜、魚仔、薯仔......好多款)，真係食"小食"都半飽！另外個環境都OK，同個老闆娘傾過，原來佢係個Kitty迷，所以用左好多好多Kitty野，風扇、Menu、燈都係Kitty，係搞野，總括真係好有屋企Feel！最後佢地送左個甜品，原來係"白果、腐竹、西米"港式糖水，雖然都OK，但我覺得有D九唔答八，如果可以有韓式甜品就好啦！(因為未見過又未試過！)最後埋單都係$168，值得一去！

叫了一個二人餐($168),'南瓜沙律'很香甜,很清新,出奇的好味,記得不要錯過伴碟的金燈果,老闆娘說營養豐富,可抗衰老. 招呼很週到,白飯伴了黑白芝麻非常香口. '泡菜海鮮湯'很鮮味, ' 韓國牛肉'汁料香濃, 想不到這麼好吃, 實在令人回味

味道好,價錢唔貴2套晚飯加小食併盤加飲品,很有特色

kimchi 任食, 見你食完不停幫你refill, 好好service; 間餐廳係韓國人開, 啲味好正宗; 不過地方環境有啲'屈質'!