功夫點心

Open Now

Now Closed

營業時間話係夜晚10點半,未夠1O點就企係度係甘催埋單，2分鐘催幾次,10點3個字個阿姐已經企係隔離望實你等你走,成件事又好合理又好奇怪，香港文化就係甘，不如更改番時間提早收舖咪仲好？

夜晚同老公一齊食呢間點心，第一次食，雖然見comments一般，但見咁多間分店應該無死既！再者，自己親身試過就知負評係有少少誤導，而家幫呢間野平反！！夜晚有套餐優惠，一個飯，一個點心，一碗湯，都係64蚊，抵又食得飽！我同老公都叫了2份夜市套餐，點心算多選擇，最後點了菜和牛仔骨，大碟到一個點，牛仔骨入味又多肉食！一定會再黎！另外，服務都可以，不用加一，茶位價算抵！夜晚唸5到食咩又想健康d, 呢間中式點心真係值得推介！

今日6點半左右去開SSP 是旦行過見有位入去食。 落左單，野食未到。 d職員就唔知發咩神經 無啦啦攪衛生 搬開d枱掃地。一搬張枱個枱坐下面d甲曱走晒出黎 。 個職員即係係好似扑傻瓜咁周圍踩甲曱。即該無晒胃口。 我都唔知佢地平時幾耐無掃個地。又唔知做咩有客係度先掃。係攪就好心開鋪前攪。跟住仲要將個佢掃完甲曱屍同塵個垃圾桶放係我張枱側面。野食真係麻麻。個所謂燉湯仲衰過例水。 個蒸飯仲衰過叫食白飯。 點心墊底塊蘿蔔仲要係唔熟.

週末Lunch想食清淡啲，路過見到呢間都多人排隊，於是試下，等咗大概5分鐘入座。第一碟一上黎就覺得中伏！酥皮完全唔掂，叉燒餡都非常一般鳳凰煎糯米雞都係好難食，完全冇煎到脆皮，好少餡料，真係食到擰曬頭菜苗餃肉眼可見個皮好唔掂，未夾已經爛咗其他產品就勉強合格，腸粉皮勁厚，但起碼食得落。總之呢一餐食得好煎熬，認真難食😔未試過喺香港食到咁難食嘅嘢，雖然價格唔貴，但真係好難食，情願去買唐記包點勸大家唔好輕易嘗試，都唔明點解咁多人食，竟然仲要排隊，深水埗真係好多嘢好食，冇必要食佢l

外賣呀姐亂落單 仲理直氣壯 當你老 麵吾好發矛 話哂麵係服務性行業 食物水準差 燒賣像麵粉燒賣 流沙包不是流沙退自稱皇牌 這間店要做都影響點心之名 早日執笠吾好為禍人間 外賣分量縮水偷工減料

打完波已夜晚8點幾 依家嘅香港算夜㗎喇 行到深水埗 見點心店 就隨便入去揀位坐 之後叫咗幾個點心加燉湯… 見得閒冇嘢做就上OpenRice睇吓啲comments…唔睇還好 睇就嚇咗一下 個個都負評 唉 冇計 叫咗都要食埋先 快食完就走算西洋菜陳腎雞腳燉湯先上 無味精 一碟鮮蝦腸粉 一碟叉燒腸粉 個蝦都算爽身 叉燒腸普普通通胡椒湯生菜鯪魚滑 胡椒湯算OK 鯪魚滑就偏淋食完晒覺得普普通通啦服務又冇乜嘢喎 冇樓上啲comments寫得咁嚴峻嘅…

行過見到佢門口介紹$45隻乳鴿咪入去試吓囉！叫左二個$62套餐（蒸飯+湯+點心），蒸飯D質素就真係一般（我覺得唐記xx 同xx達人個D外賣蒸飯都好食過佢）個肉餅乾爭爭又薄，點心叫咗豬肚都ok嘅…味道正常、個排骨就麻麻…冇味嘅，雞腳湯同唐排湯都算幾好飲、之後叫左個酥皮焗叉燒包…. 哇！呢個一見到個賣相已經覺得佢唔得….咬落去真心難食…. 得個熱字、好似係放入微波爐叮完嘅口感、但係個乳鴿都算唔錯、講真…深水埗咁多嘢食…. 呢間應該有排都唔會再試。

環境污糟 枱櫈地下都好污糟餐具污糟 啲碗碟杯全部都有上一手食淨嘅殘渣黐住點心難食 基本上難食到 全部都係咬一兩啖就食唔落夥記服務態度差 十問九唔睬腸粉皮厚過棉胎 質地又粗鞋牛仔骨韌到咬唔入 牛肚鹹到腎虧 一碟得四舊粟米煎魚餅硬到可以用嚟紮鐵餅唯一係個薑汁糕叫做正常有薑汁味整體嚟講九成食物係入唔到口難食到咁嘅程度真係 不單止冇下次仲建議各位唔好浪費金錢同時間

今晚同老婆喺深水埗買完嘢，諗住打算食點心 就喺街度隨便入咗一間食點心的舖頭 一入到門口第一眼就見到用餐環境惡劣 地板同枱面睇落唔乾淨服務態度一般最緊要係食蒸排骨係生豬肉 冇咩事真係千祈唔好過嚟………………………………………………………………………………..………….………………………….….………….……….…….……………….…..

飲早茶 坐得唔係好舒服張枱太細根本放唔晒啲點心 嘢食方面質素其實都唔錯 超鍾意佢個菠蘿包皮嘅叉燒包 11點就有乳鴿賣 必定叫返隻 乳鴿燒得好香好入味 呢度食嘢都幾平會keep住嚟食👍

下午經過見有八折加無加一試下。開茶香片，茶幾好飲。先點蝦腸，叉燒包和生煎包，蝦腸飽滿滑，生煎包和叉燒包不過不失。再叫虎蝦荷葉蒸飯，等了15min才到，蝦不算大隻但好味，但飯較少和硬。整體ok，水準比茶樓好，但人手不多，自己加茶水。

野食仲ok 不過成日嗌唔到人 還可以接受 畢竟生意好 我地10左右入座嗌嘢食 但係張台有寫9點至11.30埋單有8折 埋單果陣時收銀阿姐直接收帳單上面嘅數 跟住我哋問阿姐張枱唔係寫住11:30前買單有八折咩？結果收銀阿姐直接大聲話我地 唔記得佢講咗咩意思再去我哋要俾全數 擺明就係睇我哋後生呃我哋錢 真係討厭

🍴功夫點心📍深水埗福榮街68及70號地舖✨濃湯鮮肉小籠包 $38小籠包的皮薄肉嫩湯汁濃郁鮮美充滿了豬肉的甜味和湯汁的鮮味😋✨原汁蜜味叉燒包 $30叉燒包口感非常鬆軟肉汁十足入口即化🤩✨黄金流沙包（2個）$24流沙內餡香濃細滑非常香甜可口🥳✨酥皮焗叉燒包 $31叉燒包的皮非常鬆脆内包有鮮甜的叉燒加了蜜糖更是口感軟綿🫶✨功夫蝦餃皇 （2隻）$24這款蝦餃的餡鮮美皮薄肉嫩非常清爽可口蝦子很新鮮😍✨蟹籽香菇燒賣皇 （2隻）$24燒賣皇除了經典的豬肉以外還加入了香菇和蟹籽等多種食材口感豐富😚✨瑤柱鮮蝦菜苗餃 $36餃子的餡料豐富美味蝦仁和瑤柱新鮮可口皮薄餡多🥰

呢間功夫點心已經嚟咗好多次，佢嘅點心我最誠意推薦鳳爪、奶皇包、叉燒腸、菜苗餃 以上呢幾款都係我每次來必點的，由於店舖坐位比較空間狹窄，但係都冇阻區內的老友記前來飲茶，我個人認為呢間點心店價錢不太貴，因為佢冇好似酒樓咁有額外+1服務費，加上職員都比較友善，係我成日都黎嘅一間點心店。由於佢經常爆滿，所以要經常早點來攞位，但係通常都要等半個鐘頭以上，但我個人認為都係值得嘅，因為你想食一間高質點點心舖頭係需要付出一啲時間去等待

晚上去用餐，用了正常點餐紙叫了大約7-8個點心，才發現原來另外有一張特價套餐紙(3樣點心加埋是$60， 剛好我之前叫的點心當中3款係可以用到這個優惠)，埋單的時候叫收銀職員幫我們計返優惠價時， 收銀女職員話已經入左單不能更改，，後來我地向另外一個黑衫男人(應該係較senior 的員工)，問他可否更改返， 佢都堅持不肯， 最後我們只好埋單走人。其實只不過係相差$28， 但我們覺得職員處理不好而且態度相當惡劣， 個特價點心優惠出得咁鬼鼠， 如果客人見唔到就冇，落單時又冇提醒客人，建議大家唔好幫襯。