功夫點心

Open Now

Now Closed

下午兩點半 全場顧客不足15人 被迫安排坐廁所附近 我當然唔同意 選擇另一張枱 服務員態度惡劣 人多你就要搬枱 估計佢被迫減人工 又或者親戚嚟咗 咁嘅服務態度 食物屬於一般 點會再幫襯

因為疫症關係 有幾個月沒有去茶樓飲茶了。剛好去到深水埗看見這間連鎖點心店決定試試入到去座位都闊落 座位與座位之間都有段距離坐下來已經有姐姐直接問我們需要什麼茶及給我們點心紙 點心紙選擇不算太多 但普通必叫的蝦餃 燒賣 鳳爪都有落單後，點心都算快來到蝦餃是我最鍾意吃的 一來到還是熱的 而且最特別是可以一粒一粒叫 如果四五人來也不用爭叉燒腸不錯 但皮不算滑身 流沙包 一上菜我嚇親 沒想過會那麼大吃時要小心 不能夠大大啖 因為會燙到吃得出奶黃味 但奶黃不算多這個很特別 所以我叫了 脆脆的雞米雞都算特別香口結論食物質素都算不錯環境衛生地點

兩個人有陣時想食一盅兩件，去酒樓通常嘅份量都有啲多。而且下午茶時間，兩個人想食少少點心，所以就試咗呢間功夫點心，佢嘅好處係可以一粒蝦餃，一個包咁嗌，不過前提係要兩個或以上係叫。落咗單冇幾耐，點心就已經到齊。雖然好快，但每款點心都仲係熱辣辣。 蝦餃皮薄，蝦肉餡好彈牙爽口。鳳爪非常入味，而且好淋好惹味。流沙包咬落去有香濃嘅蛋黃汁，多到不斷溢出，而且好熱，一開始唔好太大啖咬，如果唔係真係會燙到。下午茶時間想飲個茶食個包，真係一個幾好嘅選擇。

想食點心又唔想去酒樓？依家多左好多依類型嘅點心店，可能係你另一個選擇。我地點左:1. 土魷肉餅飯肉餅味道偏淡，要加多啲豉油，分量適中2. 鮮蝦野菌春卷剛剛炸起的，餡料豐富，好脆口，不過炸得比較油膩。3. 金粟脆皮花枝餅又係即叫即炸，食得到用左好多粟米粒，啲粟米好甜，炸得好脆，顏色金黃。4. 酥皮焗叉燒包望落去似迷你菠蘿包，賣相好吸引，上枱仲係熱辣辣，叉燒夠多，好好味。每款都係二十幾蚊，都算抵食，不妨試吓。

近年香港越來越多點心專門店，而其中較多分店的就是功夫點心當日與家人來到深水埗的分店店內環境擠迫嘈吵，亦不算乾淨餐具均印上店名，而餐牌像秘笈設計，跟店面格格不入我們點了幾款點心,，先上的是生煎菜肉包，包底煎的很香脆，而肉汁亦很香，不過略嫌肉的份量較少功夫蝦餃王的尺寸不少，而蝦亦有不少，雖然明顯不是用新鮮蝦，但份量口感十足也取回不少分數蟹籽香菇燒賣皇的蟹籽明顯增加香氣，份量亦同樣不少，可惜亦是不是用鮮蝦做的感覺黑椒金錢肚比較普通，牛肚算爽口，但跟小酒樓的相差不遠釀花膠筒灌湯餃是其主打，的確是皮薄多汁，只是除此以外味道只是一般，沒有很驚艷鳳凰煎糯米雞比較有特色，煎的糯米非常香，可惜肉餡不多，但也足以成為最好的一道點心

去深水埗買玩具，因為而家唔敢周圍去，所以喺玩具街附近搵間似樣啲嘅食店🤣試試佢！1.瑤柱鮮蝦菜苗餃 $24菜苗餃皮薄 ，餡料不夠新鮮😰.2.枝竹䜴蒜蒸排骨 $23枝竹入味，排骨好香，但肉略肥.3.鮮蝦腐皮卷 $22腐皮卷裏面餡料只有蝦同埋韭黃，腐皮卷太油，不大推介.4.香煎蘿蔔糕 $19蘿蔔糕一夾就散，味道好淡，好油.5.翡翠叉燒腸 $24腸粉好淋，不夠味道，連原先叉燒腸要有的芫荽都沒有，完全沒有誠意.6.酥皮焗叉燒包 $20呢個好似菠蘿包咁嘅叉燒包睇相好吸引，來到係好熱，但係個皮完全係淋晒😭呢間餐飯完全食得唔開心，真係中大伏！😥

兩個人的晚餐，有時真係唔知想食咩🙄🙄經過發現自己都好耐冇飲早茶嘆過點心，就選擇飲個夜茶當晚餐。點心款式不多，總之熱門一定有，係咪好卓越？一定比普通酒樓好味，事關即叫即蒸點都會贏幾分嘅。呢類點心店，最好之處就係可以一粒粒落單，但計番單粒價，一定比酒樓貴。整體嚟過，一兩個人唔想酒樓等位搭枱，呢度啱嘅。

其實間唔中都中意去飲茶食下點心，但2個人都酒樓又要搭枱。所以中意去功夫點心飲茶，因為可以兩口子傾下計食下點心。第一樣必點既就係木瓜燉豬肺湯，好足料又夠滋潤👏🏻無味精，好有老火湯既火氣之後再叫個窩蛋牛肉飯，牛肉係肉餅黎，加埋豉油好滋味😋仲有唔少得點心：叉燒腸粉，粉皮厚度岩岩好，唔會太厚。叉燒就正常水準，無乜特別。第二樣必叫：菜苗餃，個皮夠薄之餘，d餡料都好夠🥰好味道重頭戲就係呢個馬拉糕，好有奶黃味又夠鬆軟❤️每次都要食幾件❤️仲叫多左個清菜，味道比較淡，純健康之選🤣

本身我和朋友打算吃點心剛好經過功夫點心深水埗專門店就進去吃我們點了最普通的蝦餃燒賣奶皇包腸粉還有蟹粉小籠包和一盅木瓜豬肺湯所有點心大致上沒有問題味道一般沒有什麼特別出色 但吃到中段時蟹粉小籠包出埸當我第一口咬下去時發現怎麼小籠包的皮太厚 像吃粉團一樣 我當時認為可能未熟的關係所以便向職員提議更換 但時間1分1分地過去我們已經吃完了所有點心還差蟹粉小籠包仍未給我們換上 我們打算向職員說取消小籠包的訂單 誰不知該收銀職員態度非常惡劣說不能更換因為已經下單已經在煮 還補充一句你們不要便不要點 但是我想說 小籠包出問題 是你們的責任 其後基於我們不想浪費食物 所以便等 最後那個小籠包終於遞上 結果皮一樣厚像吃硬粉團一樣 那個時候我才知道原來不是小籠包未熟而是這間店的小籠包太過難吃唯一讚的是木瓜豬肺湯鮮甜美味 我真的意想不到在一間點心專門店最美味的竟然不是點心而是一盅湯

星期五放工去深水埗食晚飯，好耐無食過點心，同埋唔洗等位就入左去試。menu都幾多選擇，平時酒樓有嘅依到都有。鮮蝦腐皮卷($22)，新鮮炸起，加埋喼汁好滋味，不過太油膩，食得多好濟。功夫蝦餃王($9隻，兩隻起)，皮唔會太厚恰到好處，加埋爽口嘅蝦肉，整體好食。蟹籽香菇燒賣王($9隻，兩隻起)，豬肉唔會攪到太碎，食得岀好足料，加上冬菇嘅香味，兩者絕配。黃金流沙包($9個，兩個起)，一籠一個，可想而知係比平時岀面食嘅大，入面keep到超流心，要小心食唔好辣親。不過味道方面，奶味偏重，食唔到鹹蛋黃嘅鹹香味同沙沙嘅口味。懷舊綿香馬拉糕 ($20)，濃郁黑糖味但唔會過甜，口感軟綿有彈性翡翠叉燒腸 ($24)，叉燒好足料，外皮非常煙韌，配埋甜豉油，令人想encore。秘制牛腩腸粉煲 ($34)，味道普通，只係牛腩加上齋腸，腸粉口感過軟，並不推薦。兩個人連埋茶位食左$182，每人$100都唔洗好抵食，大部分點心都值得推薦，下次夜晚想食點心可以再試！

功夫點心算係我幾常食既點心鋪水準穩定 雖然鋪面唔太乾淨今次黎到竟然無左最愛既陳村粉排骨!!平時就算等45分鐘我都會嗌無左陳村粉 取而代之既係呢個秘製牛腩腸粉煲5分鐘唔使就到份量都多 牛腩都大舊汁低都好味既但可惜牛腩好似另外煮開咁 完全周個汁合唔埋而且d牛腩係極un 大舊既係可以咬唔開腸粉係粥鋪10蚊4條果種 可想而知係唔入味除左用煲上 都無咩煲仔既風味了

連鎖式飲茶，點心專門店去深水埗分店已經有好多街坊喺度食，非常熱鬧。今次叫嘅點心蒸得比較，點心皮好多都一夾即爛，但啲點心係好食既下午茶時段，仲有八折每款點心都係10幾蚊，好抵食，所以滿座！脆皮叉燒包超好食必叫，上枱仲係熱辣辣

本身打算食第二間，不過見太多人又好似好耐無飲茶所以都係揀咗呢度。環境都比較狹窄坐得唔舒服，點心質素都係一半半，相對比較多遊客可能都係慕名而來。比較好嘅係菠蘿叉燒包都可以一試。

今日行行下街突然好想食點心，但可惜酒樓夜晚好貴，於是上網搜尋左一間中式點心店 ～～功夫點心。首先環境方面，呢度既環境唔似一般酒樓裝潢，似快餐店裝潢，都係一張四方枱，加四張椅子，座位及座位間，間隔適中。其次食物方面，小編點了幾款喜愛點心，有牛肚，春卷，菜苗餃，牛肚味道香濃入味，醬汁與牛肚好配合，春卷鬆脆可口，入面有蝦仁，好好味，菜苗餃多汁鮮甜，大家可以試下。價錢方面亦比酒樓便宜，而且地點好方面，係鬧市中，方便到達。

唔太餓但想飲下茶, 就嚟到功夫點心食晚餐。瑤柱鮮蝦菜苗餃個皮好煙韌, 唔太食到瑤柱, 但蝦好爽口, 有好多菜苗, 好足料😋😋金錢肚有少少油膩腐皮卷外皮好脆口, 蘸左喼汁唔會覺膩, 內餡有啲爽口嘅蔬菜👍🏻酥皮叉燒包啲叉燒有啲肥, 個包底仲有啲黏住張底紙🙁 炸兩腸粉夠滑, 啲油炸鬼外皮脆但入面嘅面筋有啲韌🙈墨魚滑太薄, 太軟身, 唔夠彈牙🙈🙈