手作功夫茶 (麗城薈二期)

Open Now

Now Closed

手作功夫茶，雖然係連鎖台式飲品，但主要開喺啲屋邨商場，感覺好似低一個檔次，所以一直沒有想去試嘅動力。最近本住試吓無壞嘅心態，買咗我第1杯手作功夫茶-鐵觀音珍珠奶茶，珍珠好qq，又有黑糖味，好好味👍🏻😋一向無叫少糖嘅習慣，但都唔會覺得好甜。之後我仲試咗38奶霸，有珍珠+蒟蒻+仙草，大滿足，$29好抵飲😂另外，本身對芝士奶蓋(+$8)無特別興趣，但諗住還便都試，試埋佢啦。點知一試就出事，淡淡芝士味，同奶茶非常夾👏🏻本來孤寒嘅我，搞到之後每次都忍唔住要加芝士奶蓋🤣如果唔想飲奶茶嘅時候，四季春青茶+珍珠都係唔錯嘅選擇，凍熱都好香茶味。呢間飲咗10次以上，每次啲珍珠都好好味，水準都好穩定，所以加珍珠都會係指定動作🤭

一直知樓下開左舖但冇幫襯過，前兩日行過其他分店飲完又唔錯難得今日放假又落左街順便又買返杯飲朋友話38奶霸好飲，又真係幾ok既有3樣料，唔使單一得仙草/珍珠咁寡，珍珠都幾煙un有咬口，其他都正常我以後都會幫襯多d呀難得樓下有一間手搖飲品店遇到既兩位店員又有禮貌又有笑容，仲要會員有9折，咁大杯仲係$2x，味道又ok真係好抵飲*前兩日其他分店飲冰淇淋系列都好正搭朱古力奶蓋都合格既，口感係薄身果種，唔太膩

第一次出食評，竟然俾呢間小店。之前成日行過南昌薈見到同線嘅分店，但間嘢啲裝修同燈光應該想行工業風，但結果係好有深圳二線地鐵站內小店feel，好唔啱vibe有啲擔心衛生，情願行幾步去OK買紙包飲算。今次新店開正屋企樓下，光猛又企理，返去途中行過試下，試左凍鐵觀音純茶同奶綠，新店有人氣但唔算人多，等5分鐘左右就有，正常水準正常價錢但好就腳，唔錯！個matt black大杯幾型又有高級感，都係個句，易襯衫呀嘛。