宮保 (Closed)

好懷念星加坡的喇沙味道，當日經過門口，就同男朋友決定一試。餐廳內的環境十分舒適，更有vip房間！當晚叫咗一份加東蝦喇沙，細砂煲雞件和砂鍋粥，蜜棧桂花蘇東油條和一份串燒。略嫌喇沙中的大蝦未夠新鮮，小小鞋口。細砂煲雞件份量比預期中少，但十分入味。最值得一讚的是砂鍋粥！熱辣辣仲有少少薑絲，食完暖冧冧。另外很值得推介的是蜜棧桂花蘇東油條，雖然係炸物，但鬆脆可口，加上蜜糖和桂花芝麻的點綴，稱得上100分的前菜！建議大家嘗試一下！至於串燒不過不失，醬汁的花生味很濃！

《星洲惹味砂煲😆》———————————————-#宮保 🇸🇬-呢間新加坡菜相當特別，我哋已經唔係第一次食，成日都會見到佢喺eatigo都有減價👍🏻-新加坡菜糅合東南亞同中菜嘅特色，重口味得來，又有鑊氣！同適合一家人嚟食，店鋪內嘅座位寬敞，一行入去就見到佢signature 嘅大沙煲掛咗係度😂-嚟到一定要食佢嘅招牌—沙煲粥，今次我哋配咗個豬肋骨，宮保汁拎嚟撈粥真係好認真惹味😚另外，尤其推薦桂花蜜餞嘅清甜味道配蘇東魷魚嘅油脂，超級好吃😋-⭐ 參考價錢︰豬肋骨（配大粥）：$208+48牛、豬沙嗲各半打：$98*2檳城炒粿條：$88蜜餞桂花蘇東油條：$58🍌 抵deal 指數：8/10💰 人均消費：$165

下班來吃個新加坡餐睹物思人一下天上突然下著不穩定的陣陣大雨路上的行人都急著腳離開在這原來興旺的街道中店舖都變得冷冷清清般當在下踏進店裡這裡空無一人 現在時間是21:42距離他們的下班時間還有一個多小時但感覺這夜欄人靜的雨夜裡大家都希望能早點回到家中服務員見在下緩慢地看著菜單就忍不住要來介紹了最後在下點了個豬肋骨一人沙鍋 配上了油麵 其實還滿想吃粥的但自知道自己的進食速度點麵能節省多點時間好香的豬肋骨煲耶肉都有7-8件 說份量不大但必令你吃飽肉件份量也不少肉質厚實 煮得入味 部位適當地帶有點筋位讓口感更鮮明也不失味道朴葉魔鬼魚燒一燒 再加上此店的秘制辣醬魔鬼魚的鮮滑還有他們的油份香氣溢滿在口腔之中骨頭大大支而且是軟軟的骨和肉也容易分離絕對是怕魚骨的人的恩物炒通菜很久沒吃到那麼嫩的通菜囉每一條都是嫩的這種質素也令在下感到太意外太好吃了就算是自己在街巿精挑細選也逹不到這水真的太過太過好吃好飽 😂

呢間係一間新加坡菜，但個人認為佢嘅田雞煲同埋粥真係必食。圖入面嘅田雞煲同埋粥都只係一至兩個人嘅份量，但我哋兩個人食都覺得好夠食。田雞有三隻，肉相當之滑同埋彈牙。再加少少田雞煲嘅汁落去白粥入面，撈埋一齊食，非常之好味。而白粥煮得好綿好滑。另外，我哋仲叫咗宮保炒飯。呢個炒飯炒得相當乾身，完全唔會有多餘嘅油。入面有好多蛋、叉燒粒，同埋臘腸等等。隔離仲有兩條菜心。炒飯味道甜甜地，相當適合香港人口味。所以呢個炒飯我都覺得非常之值得食。

❀ 宮保 #銅鑼灣 ❀❗️魔鬼魚田雞都有 好味特色新加坡菜❗️——————————————————行過幾次呢間新加坡店都冇入去，發覺原來自己錯失左呢間咁有特色嘅餐廳！佢哋有罕見嘅魔鬼魚同田雞粥食，當然唔少得宮保雞😍聽聞係請咗新加坡嘅大廚過檔烹調，確保食到最正宗嘅新加坡味道✨另外餐廳仲有另一招牌——黑胡椒蟹同埋其他粵式小菜，係由曾經喺Ritz Carlton做過嘅大廚主理👍🏻。.晚市嚟到，佢哋有提供二人或者四人套餐。當日我哋兩個人，就揀咗個魔鬼魚套餐。另外佢哋仲有海南雞、田雞、蟹嘅套餐，視乎你想品嚐佢哋邊一道特色小菜！.✷𝑀𝑒𝓃𝓊✷☞ 二人餐——魔鬼宮保餐$438味道: 4.6/5 性價比: 4.3/5♥ 自家製櫻花蝦米肉碎豆腐💕豆腐有層薄炸皮，內裏依然滑溜。最正係佢個醬汁，甜甜地再加埋肉燥、青蔥，非常惹味！.♥參巴魔鬼魚🐟魔鬼魚嘅肉質呈一條條，非常之容易離骨，滑到不得了🤩完全唔會好似啲蒸魚咁有啲鞋鞋地嘅肉質。醬汁方面有啲似印尼沙嗲醬，甜甜鹹鹹再帶點蝦米香嘅感覺，新奇又好食！.♥宮保雞件🐔雞件夠滑就不在話下，最正係佢個醬汁😚係新加坡師傅嘅秘製醬汁！同雞煲嘅醬汁有啲相似，幾稠，呈深啡色，味道甜

中午時間，不太多人，坐得舒服😌叫了田雞煲，一個煲仔粥同蝦湯麵。田雞煲最正，汁濃，田雞大隻，好滑好juicy，好鮮味，好食。煲仔粥好綿，好食。蝦湯麵幾多料，湯底濃，味道不錯。服務態度好，飲完杯水唔洗叫，侍應都會好快就加返水😌值得再支持。

週末到銅鑼灣入貨，一次過買一星期的餸，抗疫真心有點疲勞，也希望可以到街外走走，小心翼翼地吃一餐好飯。逛到登龍街搵食，拉麵吃厭了，不如就試試新意思，食新加坡砂煲田雞一嚐名店師傅秘製宮保醬汁。睇吓餐牌原來係獅城出名地道美食之一，仲有我喜歡的喇沙同埋魔鬼魚食添！夠特別！砂煲宮保-新鮮田雞(細煲) $148主打砂鍋宮保菜式，即叫即做熱辣辣香噴噴，睇得出店家很認真，經理說砂煲都係於新加坡特別訂造再運來香港，終於原著所以製作出來的宮保菜式特別有新加坡風味。生猛的田雞田雞，新鮮大隻，肉味鮮甜而且又厚肉，肉質結實之中吃得出嫩滑。我平時都唔食田雞嘅，但係嚟到宮保，我都推介一定要試下田雞，配料同醬汁味道都唔錯。尤其是要介紹吓個醬汁，係過江龍師傅，新加坡店已經研究咗成廿年嘅秘方，每日用勁多款材料煮成，商業秘密嘅醬汁好深色好入味，甜甜的但又有埋指天椒的微辣，食落好有層次又惹味。新加坡去過旅行知道佢哋食得勁辣，香港口味已經微調左，可以揀微辣或小辣。因為賣晒白粥，創新食法係一鍋宮保田雞、一碗油麵，一碗米線；先食一啖原味，然後將田雞連醬汁撈入彈牙的油麵米線，入口濃郁味道有辣勁的惹味！，活龍蝦巨大叻沙 $468開咗胃

之前同朋友去了這裡食飯，見有電視介紹過，於是去了試試，而見到呢個活龍蝦巨大叻沙，就真係好吸引，本身朋友同本人都好喜歡叻沙嘅味道，因每天有限量，所以朋友一早訂了，除此之外這裡最出名就係用砂煲煮嘅招牌新鮮田雞同豬肋骨，我就點了較喜歡豬肋骨還要小辣，呢個用上砂煲煮嘅豬肋骨，未入口上枱時個陣香味直撲入鼻，而砂煲內嘅汁絕對係要配多個米線 一齊入口，米線彈牙爽口加埋個濃郁豬肋骨汁，真係十分好味道！而豬肋骨肉質軟淋，一咬骨肉分離，肉質十分入味，帶點香辣，真係十分美味！而今晚主角上枱活龍蝦巨大叻沙上枱，嘩正係好大碗，上面大大隻波士頓龍蝦，放在大湯碗上，旁邊圍住了不同配料，有鮮味青口、開邊蛋、彈牙爽口嘅大蝦、帶點辣嘅肉碎、吸滿了叻沙汁嘅豆卜、大大塊魚柳、煙韌魷魚、彈牙魚片，湯底鮮甜配埋爽彈嘅叻沙粉，材料夠晒十足！兩個人吃真係十分滿夠！而店員亦推介了麥片蝦，一碟兩隻，外面用上麥片包住大蝦再炸，麥片香脆可口，內裡肉質彈牙爽口，確實味道唔錯，有雙重口味外脆內軟！最後加埋個甜品柚子雪葩，柚子味道濃郁，份量剛好！這裡還有很多不同選擇，遲些再同朋到來品嘗一番！

如果你喜歡巨宮保一定滿足到你，限定的活龍蝦巨大叻沙保證夠巨夠吸引。主打新加坡菜，另一個賣點係砂鍋，最地道的風味。活龍蝦巨大叻沙(限定優惠，2人份量，每日限量10碗) $468雖然話二人份量，但最少都係四人份量。碗可以用巨大嚟形容，濃香湯頭。亦唔係淨係得湯粉，龍蝦一樣勁大隻又啖啖肉，仲有蝦，魷魚，青口及其他配料，影相呃like一流。砂煲宮保-新鮮田雞6隻 $268秘製砂煲粥 $48呢度既招牌一定係砂煲粥，因為專程係新加坡請師傅炮製，粥既軟綿程度真係一流，香港唔係好多地方可以食到咁高質既粥。配上砂煲宮保田雞，將宮保田雞放到粥裡面，辣辣地，惹味非常，新鮮田雞肉質夠晒彈牙，這個組合非試不可。蝦米肉碎自家製豆腐 $58自家製豆腐賣相並不起眼，但入口滿有驚喜，佢入口即溶的感覺實在令人難忘，朋友們一致讚好。蜜餞桂花蘇東油條 $58感覺有d似食蝦多士，一樣脆口，但有蜜餞桂花香甜得多。班蘭雪芳蛋糕(3件) 班蘭味道有層次。話梅檸檬梳打 $30酸酸地又有氣，開胃又解辣。

被廣告上的超大碗巨型叻沙吸引了，今天約了一大班朋友來挑戰一下。店內主要是新加坡菜，正合我口味！有多款具有特色的菜式，例如胡椒蟹、叻沙、田雞砂鍋粥等等，一定要多人才能試到更多款式呢~晚上來到座無虛席，想必定有位的話建議先訂枱，店內還設有室外座位，適合吸煙人士使用。蝦米肉碎自家製豆腐 $58先點一款小吃，自家製豆腐入口軟腍，充滿豆香，面頭的蝦米肉碎很入味，令豆腐好有口感，令人吃個不停。蜜餞桂花蘇東油條 $58油條被炸得香脆可口，上枱還是熱辣辣的，配上甜甜的蜜餞桂花，油條內充滿蝦膠墨魚彈牙爽口，芝麻的香味令到油條更加香口。活龍蝦巨大叻沙 $468限定優惠，每日限量10碗的巨大叻沙，份量超巨大，說是二人份量也就真的太多了，份量需要四個人才能處理掉，一來到大家都爭相拿着巨大叻沙拍照打卡。內有一隻已開邊嘅波士頓龍蝦，圍住龍蝦有青口、2隻開邊烚蛋、蝦、肉碎、豆卜、魚柳、魷魚、魚片、生菜，底下就係叻沙粉，材料非常豐富。先嚐一下湯底，橙黃色的叻沙味道好濃郁，充滿椰香而且帶點微辣，餐廳還附有辣辣的參巴醬，沾上醬汁令到湯底更加昇華。叻沙面底掛湯能力不錯，海鮮好新鮮，特別是龍蝦超彈牙呢。砂煲宮保-新鮮田雞6隻

很久沒有和好友們聚會，為方便大家下班後到來，相約往銅鑼灣吃新加坡菜。食肆位於熙來攘往、食肆林立的登龍街，惟多次路過也不覺其存在，實屬奇趣。甫入店內，最吸睛是懸掛了特大砂煲，並隔著玻璃看到廚房內有很多砂煲，像提醒食客他們的看家本領是甚麼！大家寒喧了一會，話題轉到餐牌上了，曾到訪過的好友介紹了蝦米肉碎自家製豆腐，豆腐非比尋常，很滑和有豆香，而放面的肉碎和蝦米煮得很惹味，我喜歡這個醬汁，略帶甜醬油的味道，配滑豆腐可送兩碗飯。蜜餞桂花蘇東油條，蘇東大概是馬來語 sotong 的譯音，意思是魷魚，將其打成膠與蝦膠混合釀入油條中炸，再回鑊以桂花蜜糖餞之，桂花香撲鼻，蜜味誘人，彈牙的魷魚膠外層為炸脆的油條，口感和味道俱佳。麥皮蝦，連殼的大虎蝦外層沾滿麥皮炸，賣相極吸引，先嚐表面的麥皮，味蕾很享受甚討人喜歡的微甜味和香脆，繼而進攻鮮甜的蝦肉，甘香爽彈，確是星馬菜之表表者。此店的砂煲聞名，點了宮保田雞砂煲，辣度選了微辣，又選了新鮮田雞三隻，(或可選六隻)，田雞非常新鮮，肉質肥美彈牙爽滑兼清甜，醬汁惹味多層次，配星洲之油麵及米線皆宜。蒜蓉薑汁炒羽衣甘藍，羽衣甘藍本是西餐桌上常見之高纖食物，還要是多用來做沙

多時沒見的友人在網上相邀，說這間在銅鑼灣食街之一登龍街開業已有兩年多的新加坡菜館菜式水準極高，又夠地道，兩位廚師都來自星洲，引得我欣然赴約，既可聚舊，又可品嚐美食，一舉兩得。菜館地方不大，但環境都算不錯，開放式廚房內可見到星洲大廚在裡面施展功架，廚房外面高高掛起的大砂煲裝飾十分吸睛，大砂煲裝飾對面的一幅藍色海洋主題壁畫中的海豚也甚迷人。這兒的招牌菜式是配以不同的食材的秘製砂煲粥，可惜這晚我們來得遲，粥已賣光，退而求其次，我們就點了油麵和米線代替粥，一嚐另一種砂煲宮保的風味。「砂煲宮保----新鮮田雞三隻」（$148/細煲）加「砂煲宮保----豬肋骨」（$116/細煲）是我們的選擇，田雞與豬肋骨，油麵和米線，澆上了這兒顏色深濃的濃郁醬汁後，彷如下了魔法一樣，變得惹味可口，使人胃口大開。這夜的重頭戲其實是菜館近期才推出的「活龍蝦巨大叻沙」（$468/二人份）。這以限定優惠價推出的菜式價錢看來並不便宜，何以還會說是優惠價，原來這叻沙雖說是二人份量，其實卻豐富得足以給六人一起享用。材料除了有原隻開邊波士頓龍蝦外，還有四隻蝦、四隻青口、魷魚、魚柳、魚片、肉碎、豆卜和兩隻開邊蛋，加上叻沙粉，即使以

行完銅鑼灣時代廣場又想食嘢，就會諗到去隔離呢條登龍街開飯，原因好簡單就係集合多國美食，連同人氣過江龍食店都進駐相當方便容易搵到，話晒有咁多美食都要想一想食乜，俾我地睇到呢間新加坡風味餐廳，平時又比較少食到，門口已見人龍排隊就知人氣程度係餐牌上有多款新加坡地道菜式，事不宜遲點了幾款招牌美食一同品嚐，先來有蝦米肉碎自家製豆腐，雖然只係一份小食但食到香滑軟綿豆腐配上蝦米肉碎鮮甜，味道同口感都相當滋味另一款係招牌菜必食嘅砂煲宮保新鮮田雞3隻（細煲），用咗砂煲煮夠晒鑊氣啖啖鮮味田雞肉質又嫩，加埋惹味醬汁味道出眾，再叫碗油麵撈埋一齊食仲再來有麥皮蝦，入口食到外邊香甜又脆麥皮之餘，入面仲食到爽彈鮮嫩蝦肉飲番杯特飲荔枝梳打水又繼續食到叧一款特色時菜鹹魚炒肥仔芽菜，食落好有地道特色最後點埋甜品班蘭雪芳蛋糕咁先滿足，咁又品嚐完一餐人氣美食。

活龍蝦巨大叻沙 $468(限定優惠，2人份量，每日限量10碗)呢碗大到冇人有嘅叻沙正所謂「不能只有我知道」因為佢真係大得太誇張啦海報寫住係二人份以我咁大食嘅食量都可以好肯定同你講冇可能兩個人食得哂呀淨係個碗都有我4塊面咁大龍蝦好大隻得黎 多肉仲要好彈牙其他海鮮都好唔手軟咁落俾你重點叻沙個味好濃郁 砂煲宮保-新鮮田雞6隻(大煲) $268 秘製砂煲粥(大煲 - 3至4人份量) $48第二樣要推介嘅係田雞粥去宮保一定要食佢個粥佢個砂煲粥真係滑到冇人有齋食個白粥我都得再加埋超級惹味嘅田雞 個醬汁好香濃 田雞肉好嫩麥片蝦(2隻) $128呢個睇樣可能唔覺得好吸引但係試左會不斷想食蝦好大隻 好多肉而且佢啲麥片好好食 重點係食蝦肉唔會覺得同麥片係兩件事油浸筍殻 $228呢個睇樣都知外面幾香脆但入面啲肉好嫩好滑介紹左好多主菜前菜小食方面可以揀以下呢啲蜜餞桂花蘇東油條 $58脆脆嘅油條 入面係蝦膠同墨魚膠外脆內爽口彈牙蝦米肉碎自家製豆腐 $58 睇樣係咪覺得係普通豆腐但係你唔試過唔知 個豆腐滑到你唔信蒜蓉薑汁炒羽衣甘藍 $82有啲人唔鍾意生食羽衣甘藍個味道咁不妨一試炒嘅羽衣甘藍冇左嗰個苦澀味架最後甜品

.其實我未去過新加坡唔知正宗的新加坡菜應該係點不過呢間我真係highly recommended👍🏻👍🏻因為真係好好食！！打卡必選一定係每日限量10碗的活龍蝦超巨大叻沙，話是二人份量但其實四個人食都好夠飽，包括原隻開邊波士頓龍蝦，兩旁還有青口、烚蛋、蝦、肉碎、豆卜、魚柳、魷魚、魚片、生菜、同叻沙粉，非常足料！而且吸滿晒叻沙湯底的味道，真心正！橙黃色的叻沙味湯底好濃郁，充滿椰香而且帶點微辣，叻沙粉吸湯力強又放得耐都唔會糊掉，記得沾上餐廳附贈的參巴醬，會令湯底更加昇華。另一款必食的係招牌 #砂煲粥！老闆專程係新加坡請師傅炮製，我鍾意食軟綿的粥，唔係講笑呢個粥底的軟綿程度真係我人生食過最軟綿的一次，非常非常高質！配上肉質嫩滑的砂煲宮保田雞，辣辣地的田雞放到粥裡面好惹味，整個組合好搭！ #蝦米肉碎自家製豆腐 都好好食，老實講賣相毫不起眼正常真係唔會order，但真心呢個好值得食。自家製豆腐外脆內軟，真係會入口即溶好有驚喜！配埋蝦米肉碎醬汁又更加分。 #麥片蝦 都係食唔停，蝦肉彈牙爽口，外層既麥片甜甜地同個蝦好夾！最後食埋個椰香清甜又鬆軟的 #班蘭雪芳蛋糕 就夠晒滿足！